Dünya

Ukrayna müharibənin 1222-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 1 018 940 hərbçi, 10 976 ədəd tank, 22 915 ədəd zirehli döyüş maşını, 29 689 ədəd artilleriya sistemi, 1 425 ədəd RYAS (reaktiv yaylım atəş sistemi), 1 189 hava hücumundan müdafiə sistemi, 420 ədəd hərbi təyyarə, 337 ədəd helikopter, 53 508 ədəd avtomobil texnikası, 42 624 ədəd PUA, 3 394 qanadlı raket, 28 gəmi/kater, 1 sualtı qayıq, 3 921 xüsusi avadanlıq itirib.

Ukraynaya "Patriot" havadan müdafiə sistemlərinin tədarükü və Rusiyaya qarşı sanksiyaların gücləndirilməsi barədə uğurlu söhbətimiz baş tutdu. Sozcu.az xəbər verir ki, bunu Ukrayna Prezidenti Vladimir Zelenski ABŞ Prezidenti Donald Trampla son görüşü barədə danışarkən deyib. O qeyd edib ki, tərəflər müdafiə, xarici işlər nazirlikləri və digər səviyyələrdə əlaqələr barədə razılıq əldə ediblər.

Ukrayna “Xəyalət” xüsusi təyinatlı dronları Krımda Rusiyaya məxsus S-400 sistemini məhv edib. Sozcu.az xəbər verir ki, bu barədə Ukrayna Baş Kəşfiyyat İdarəsi məlumat yayıb. Bildirilib ki, dron idarəetmə və aşkarlama radarlarına, eləcə də buraxılış qurğusuna zərbə endirib.

Gələn həftə İranla danışıqlar aparacağıq, saziş imzalaya bilərik. Sozcu.az xəbər verir ki, bunu ABŞ Prezidenti Donald Tramp deyib. O qeyd edib ki, İranla nüvədən başqa razılaşma onu maraqlandırmır.

Böyük Britaniya Ukraynanın hava hücumundan müdafiəsini gücləndirmək üçün Rusiyanın aktivlərindən istifadə edir. Sozcu.az xəbər verir ki, bu barədə “Politiko” nəşri məlumat yayıb. “350 ədəd ASRAAM hava-hava raketindən ibarət yeni paketin pulu dondurulmuş Rusiya aktivlərindən ödəniləcək”, - məlumatda qeyd olunub. Qeyd edək ki, yeni hərbi yardım paketini NATO-nun Haaqa sammitində Böyük Britaniyanın Baş naziri Keyr Starmer bəyan edib.

Rusiya Prezidenti Vladimir Putin İran-İsrail münaqişəsinin həlli üçün yardım təklif etmişdi. Sozcu.az xəbər verir ki, bu barədə ABŞ Prezidenti Donald Tramp “Foks Nyus”a açıqlamasında deyib. Trampın sözlərinə görə, Putin özü ona zəng edib və kömək təklif edib. "Bildiyiniz kimi, Vladimir mənə zəng etdi. O soruşdu: "İranla bağlı sizə kömək edə bilərəmmi?" Dedim: "Xeyr, İranla bağlı köməyə ehtiyacım yoxdur. Sizinlə bağlı köməyə ehtiyacım var". Və ümid edirəm ki, Rusiya ilə razılaşacağıq. Çox təəssüf ki, ötən həftə 6 min əsgər həlak olub", - Tramp bildirib.

İyunun 13-dən İsrail Hərbi Hava Qüvvələrinin İrana endirdiyi zərbələr nəticəsində ümumilikdə 950 nəfər həlak olub, 3450 nəfər isə yaralanıb. Sozcu.az xəbər verir ki, bu haqda Vaşinqtonda yerləşən insan haqları təşkilatı məlumat yayıb. Məlumata görə, öldürülənlərin 317-i hərbçi, 253 nəfəri isə təhlükəsizlik qüvvələrinin əməkdaşı olub. İran rəsmiləri isə hücumlar nəticəsində 400 nəfərin öldüyünü, 3056 nəfərin isə yaralandıını bildiriblər.

ABŞ Prezidenti Donald Tramp Hərbi Hava Qüvvələrinin İrandakı üç nüvə obyektinə zərbə endirdiyini təsdiqləyib. Sozcu.az xəbər verir ki, bu barədə dövlət başçısı “Truth Social”da yazıb. “Biz Fordo, Natanz və İsfahandakı üç nüvə obyektinə çox uğurlu hücumumuzu tamamladıq. Bütün təyyarələr artıq İran hava məkanından kənardadır. Əsas obyekt olan Fordo üzərinə tam bomba yükü atıldı. Bütün təyyarələr təhlükəsiz şəkildə evə qayıdırlar. Əzəmətli amerikalı döyüşçülərimizi təbrik edirəm. Dünyada bunu edə biləcək başqa bir ordu yoxdur. İndi sülh zamanıdır! Bu məsələyə diqqət yetirdiyiniz üçün təşəkkür edirik”, – o qeyd edib. “Röyters” amerikalı rəsmiyə istinadla məlumat verib ki, ABŞ İranın nüvə obyektlərinə zərbələr zamanı B-2 bombardmançılarından istifadə edib.

İranın zərbələri yalnız İsrail "cəzalandırıldıqda" və respublikaya təzminat ödədikdə dayandırılacaq. "Report" IRNA agentliyinə istinadən xəbər verir ki, bu barədə İranın Ali Milli Təhlükəsizlik Şurasının bəyanatında bildirilib. "Düşmən cəzalandırılana və təzminat ödənilənə qədər cavab tədbirləri davam edəcək", - bəyanatda qeyd olunub.

İranın hücumları nəticəsində İsrailin 130 min nəfərin yaşadığı Bat-Yam şəhəri darmadağın edilib. Sozcu.az xəbər verir ki, sosial şəbəkələrdə şəhərin dağılmış görüntüləri paylaşılıb.

Ötən gün onunla (Vladimir Putin – red.) danışdım. İranla dialoqda vasitəçilik təklif etdi. Sozcu.az xəbər verir ki, bu açıqlama ilə ABŞ Prezidenti Donald Tramp çıxış edib. “Mən də ona dedim: “Mənə bir yaxşılıq et, sən öz işində vasitəçilik et. Vladimir, gəl əvvəlcə Rusiya ilə Ukrayna arasında vasitəçilik edək, bundan sonra İran ətrafındakı vəziyyətlə bağlı narahat ola bilərsiniz”, - Tramp vurğulayıb. Qeyd edək ki, Trampla Putin arasında telefon danışığı 14 iyunda baş tutub. Ötən gün ABŞ və Rusiya liderləri arasında telefon danışığı haqda rəsmi açıqlama yoxdur.

Hamı Tehranı dərhal tərk etməlidir. Sozcu.az xəbər verir ki, bunu ABŞ Prezidenti Donald Tramp “Truth Social” şəbəkəsində yazıb. “İran onlara dediyim “sövdələşməni” imzalamalı idi. Necə də biabırçılıq və insan həyatının boş yerə itməsidir. Sadə dillə desək, İran nüvə silahına sahib ola bilməz. Mən bunu dəfələrlə demişəm!” - o bildirib.