Təbrizdə məsçidin türkcə adı dəyişdirilib

Təbriz bələdiyyəsi son günlər şəhərdə küçə və tarixi məkanların türkcə adlarının dəyişdirilməsinə başlayıb.

Təbrizin köhnə “Adı Gözəl” məçidinin adı dəyişdirilərək ərəbcə “Əsmaul Hüsni” qoyulub.

Bundan bir neçə gün öncə isə Təbriz bələdiyyəsi şəhərin “Küçə bağ” məhəlləsində yerləşən küçələrdən birinin adını farslaşdırıb.

Türkçə “Gölbaşı” küçəsinin adı farscaya tərcümə edilərək “Sər İstəxr” qoyulub.

2018-ci ilin may ayında Təbrizin 8-ci bölgəsinin bələdiyyəsinin başçısı Rza Paknəhad bu cür halların baş verməsini qınayıb.

Adların tərcümə olunmadığını əsas gətirən Rza Paknəhad Təbriz şəhərinin farslaşdırılmış məhəllə, küçə adlarının bərpa edilməsini, əski türkcə adlarının qaytarılmasını təklif edib.

Ancaq son həftələr Təbriz bələdiyyəsində baş verən kadr dəyişikliyi, əhali arasında hörməti olan bir sıra azərbaycanlı məsulların işdən uzaqlaşdırılması ilə eyni vaxtda türkcə köhnə yer adlarının təhrif edilməsi prosesinidə sürətləndirib.

Facebook Comments