Lənkəran Ağır Cinayətlər Məhkəməsində qəsdən sağlamlığa ağır zərərvurmada təqsirləndirilən Elgün Malıyevin (soyadı şərti) cinayət işi üzrə məhkəmə istintaqı başa çatıb. Hakim Esmira Məmmədovanın sədrliyi ilə keçirilən prosesdə hökm oxunub. Məhkəmənin hökmü ilə o, üç il müddətə azadlığın məhdudlaşdırılması (elektron qolbaq) cəzasına məhkum edilib. İttihama görə, hadisə 12 avqust 2023-cü il tarixdə, saat 22 radələrində İmişli rayonu, Yalavac kəndində qeydə alınıb. Belə ki, Elgün Malıyev yaşadığı evin küçə qapısı qarşısında həmyerlisinin idarə etdiyi “Nissan Sunny” markalı avtomobili saxlayıb, qohumu, zərərçəkmiş Elman Səfərovla (soyadı şərti) söhbət etdiklərini görüb. Bu zaman o, həmin şəxslərə yaxınlaşaraq, avtomobilə minib sürüb çıxıb getmələrini tələb edib. Sonra onun zərərçəkmiş şəxslə arasında mübahisə yaranıb. Nəticədə Elgün əsəbiləşərək həyətinə keçib, küçə darvazasının arxasında yerə sancılmış armatur parçasını əlinə götürüb. O, yenidən  küçəyə çıxaraq Elmanın qarın nahiyəsinə armatur parçası ilə bir dəfə qəsdən vuraraq, ona xəsarət yetirib. Hadisədən sonra Elgün Malıyev cinayət məsuliyyətinə cəlb edilib. Qeyd edək ki, zərərçəkmiş Elman Səfərov təqsirləndirilən Elgün Malıyevin qayınatasının əmisi nəvəsidir.(Pravda.az)

Ukrayna ordusu Rusiya Hərbi Hava Qüvvələrinə məxsus Su-34 qırıcısını məhv edib. Sozcu.az xəbər verir ki, bu barədə Ukrayna Hava Qüvvələrinin komandanı Nikolay Oleşuk məlumat verib. Qeyd edək ki, Rusiya 1 həftə ərzində Ukraynada 7 təyyarə itirib.

Xəbər verdiyimiz kimi, tanınmış fitnes məşqçisi Kamil Zeynallı dünən gecə saatlarında Moskvadan Bakıya gələrkən hava limanında saxlanılıb. Onun iddiasına görə, saxlanılmasına səbəb kimi Ermənistan tərəfindən axtarışa verilməsi göstərilib. Sozcu.az Publika.az-a istinadən xəbər verir ki, Ermənistan mətbuatı Kamil Zeynallının saxlanılmasından yazıb. Ermənistan mətbuatı iddia edir ki, Kamil Zeynallı 44 günlük müharibə zamanı döyüşlərdə iştirak edib və Qarabağda erməni qocanın boğazını kəsib. “Üstəlik, o, videoda sevincək şəkildə gülürdü. Daha sonra həmin görüntülər Teleqram kanallarında yayıldı”, - xəbərdə iddia olunur. Erməni nəşri Kamil Zeynallını ittiham etdikləri həmin görüntüləri də yayıb. Qeyd olunur ki, Rusiya onu cinayət məsuliyyətinə cəlb etmək üçün Ermənistana ekstradisiyasını müzakirə edir.

Ermənistan Baş Prokurorluğunda Kamil Zeynallının həbsi ilə bağlı məlumat yoxdur. Sozcu.az xəbər verir ki, bu barədə Ermənistan Baş Prokurorluğudan “Sputnik Ermənistan”a açıqlamada bildirilib. Qeyd edək ki, tanınmış idmançı Kamil Zeynallı Rusiyada saxlanılıb. İdmançının iddiasına görə, Rusiyada saxlanılmasının səbəbi Ermənistan tərəfindən axtarışa verilməsidir.

Qızına şiddət göstərən Elnur Məmmədov həbs edilib. Sozcu.az xəbər verir ki, bu barədə DİN mətbuat xidmətindən məlumat verilib. Bildirilib k, Xəzər rayon Məhkəməsinin qərarı ilə Elnur Məmmədov barəsində 3 ay müddətə həbs qətimkan tədbiri seçilib. Qeyd edək ki, sosial şəbəkələrdə atanın qızına qarşı zorakılıq göstərməsi ilə bağlı yayılan görüntülərlə əlaqədar araşdırma başlayıb.

Aparıcı Sevinc Telmanqızı TV Müsavat-ın canlı efirində Bakıda yeniyetməyə qarşı həmyaşıdları tərəfindən olunan zorakılıqdan danışıb. Sozcu.az xəbər verir ki, 156 saylı məktəbin XI sinif şagirdi yanvarın 17-si məktəbdən kənarda, 2023-cü ildə IX sinifdən məzun olmuş qıza qarşı uyğunsuz hərəkətlər edərək videoya çəkib.  Sevinc Telmanqızı bildirib ki, bu qudurğanlıq, zorakılıq, tərbiyəsizlikdir.  Ətraflı videoda:

Həmcinsiniə qarşı təhqiramiz hərəkətlər edən 156 saylı məktəbin şagirdi əməlindən peşman olmadığını bildirib. Sozcu.az xəbər verir ki, o, bu barədə sosial şəbəkədə yazıb. "Elədiyim şeyi bilirəm. Polis zad görsə, cinayət işi sayılır. Uje eləmişəm. Nəsə də olsa, vecimə deyil. Bir-iki şey var, öyrənim qızdan, atama deyəcəm, zatən qonşumuzdur. Qızın ailəsi ilə də danışılacaq" - deyə o qeyd edib.

Azərbaycan hər gün daha da yaşanmaz, dəhşətli bir hal alır. İnsanlar bir-birinə münasibətdə amansızlaşıb, vəhşiləşməkdədir.  Məktəblinin digər məktəblilər tərəfindən təhqir olunması, aşağılanaraq video çəkilməsi göstərdi ki, Azərbaycanda insani duyğuları, dəyərləri vəhşilik əvəz edib və etməkdədir. Başqasını aşağılamaqdan, təhqir etməkdən, söyməkdən, tikə-tikə doğramaqdan və yaxud da kəsici alətlərlə deşik-deşik etməkdən zövq alanların sayı durmadan artır.  Öz anasını, atasını, bacısını, qardaşını amansızca qətlə yetirən, öz qızını, hamilə həyat yoldaşını kəsici alətlə deşik-deşik edən, ulu nənəsi yaşında qadını məsğərəyə qoyan, öz həmyaşıdını aşağılayaraq təhqir edənlər bu məmləkətdə birdən-birə necə peyda oldu?  Bəli, hər biri öz fərdi olaraq cəzalarını alacaqlar və hüquq çərçivəsində nə lazımdırsa onlarla bağlı həyata keçiriləcəkdir.  Bəs yaxşı, bu yetərli olacaqmı ?  Fərdi cəza verməklə məsuliyyətdən xilas olmaq olarmı?  Dəhşətli hadisələrin psixoloji, sosioloji, ictimai-siyasi səbəblərini kimsə araşdıracaqmı?  Azərbaycan kimi məsuliyyətsizliyin hökm sürdüyü ölkələrdə belə bir dəhşətli hadisələrin törəyici səbəbləri heç kəsə maraqlı olmadığı bəllidir. Amma gəlin düşünək, bu hallar daha da dərinləşsə heç kəs özünü sığortalaya bilməz ki, bu hadisələr bizim ailəmizdə, qohum-əqrabamızda, qonşumuzda baş verə bilməz. Təhsilin ayaqlar altında olduğu ictimai düzəndə, öz işindən başqa bir şey düşünməyən "müəllimlərin" seçki saxtakarlığında baş rolda ifaçılıq etdiyi mühitdə, insanları sağaltmaq əvəzinə xəstəliklərə düçar edən səhiyyənin, həkimlərin canımıza daraşdığı dövrdə, Hüquq-Ədliyyə-Məhkəmə sisteminin cinayətlə iç-içə olduğu məmləkətdə insanı dəhşətə gətirən hadisələrin baş verməsinə heyrətlənməyə dəyməz. Bir-biri ilə bağlı olan və məsuliyyətdən uzaq bu mühit korrupsiyanın nəticəsində ortaya çıxıb.  Vətəndaş məsuliyyətinin olmadığı, hüququn şüar olduğu, təhsili məktəb binalarında toplaşmaqdan və dağılışmaqdan ibarət olan ölkələrdə bundan başqa bir nəticəni gözləmək sadəlövhlükdür. Ceyhun Nəbi, Cümhuriyyət Siyasi Düşüncə Mərkəzinin sədri

Azərbaycan hər gün dahada yaşanmaz, dəhşətli bir hal alır. İnsanlar bir-birinə münasibətdə amansızlaşıb, vəhşiləşməkdədir. Məktəblinin digər məktəblilər tərəfindən təhqir olunması, aşağılanaraq video çəkilməsi göstərdi ki, Azərbaycanda insani duyğuları, dəyərləri vəhşilik əvəz edib və etməkdədir. Başqasını aşağılamaqdan, təhqir etməkdən, söyməkdən, tikə-tikə doğramaqdan və yaxud da kəsici alətlərlə deşik-deşik etməkdən zövq alanların sayı durmadan artır.  Öz anasını, atasını, bacısını, qardaşını amansızca qətlə yetirən, öz qızını, hamilə həyat yoldaşını kəsici alətlə deşik-deşik edən, ulu nənəsi yaşında qadını məsğərəyə qoyan, öz həmyaşıdını aşağılayaraq təhqir edənlər bu məmləkətdə birdən-birə necə peyda oldu ?  Bəli hər biri öz fərdi olaraq cəzalarını alacaqlar və hüquq çərçivəsində nə lazımdırsa onlarla bağlı həyata keçiriləcəkdir.  Bəs yaxşı bu yetərli olacaqmı ?  Fərdi cəza verməklə məsuliyyətdən xilas olmaq olarmı?  Dəhşətli hadisələrin psixoloji, sosioloji, ictimai-siyasi səbəblərini kimsə araşdıracaqmı ?  Azərbaycan kimi məsuliyyətsizliyin hökm sürdüyü ölkələrdə belə bir dəhşətli hadisələrin törəyici səbəbləri heç kəsə maraqlı olmadığı bəllidir. Amma gəlin düşünək bu hallar dahada dərinləşsə heç kəs özünü sığortalaya bilməz ki, bu hadisələr bizim ailəmizdə, qohum-əqrabamızda, qonşumuzda baş verə bilməz. Təhsilin ayaqlar altında olduğu ictimai düzəndə, öz işindən başqa bir şey düşünməyən "müəllimlərin" seçki saxtakarlığında baş rolda ifaçılıq etdiyi mühitdə, insanları sağaltmaq əvəzinə xəstəliklərə düçar edən səhiyyənin, həkimlərin canımıza daraşdığı dövrdə, Hüquq-Ədliyyə-Məhkəmə sisteminin cinayətlə iç-içə olduğu məmləkətdə insanı dəhşətə gətirən hadisələrin baş verməsinə heyrətlənməyə dəyməz. Bir-biri ilə bağlı olan və məsuliyyətdən uzaq bu mühit korrupsiyanın nəticəsində ortaya çıxıb.  Vətəndaş məsuliyyətinin olmadığı, hüququn şüar olduğu, təhsili məktəb binalarında toplaşmaqdan və dağılışmaqdan ibarət olan ölkələrdə bundan başqa bir nəticəni gözləmək sadəlövhlükdür. Ceyhun Nəbi

Ramazan ayının ilk günü martın 11-nə təsadüf edəcək. Sozcu.az xəbər verir ki, bu barədə Qafqaz Müsəlmanları İdarəsinin təqvimində qeyd edilib. Bildirilib ki, Qədr gecələri 28, 30 mart, 1 və 5 aprelə təsadüf edəcək. Ramazan bayramı isə aprelin 10-11-də olacaq.

"Belə raketlər Ukraynaya Rusiyanın nəzarət etdiyi Krım yarımadasından daha uzaqlara zərbələr endirməyə imkan verəcək..." "İndiyədək Birləşmiş Ştatlar münaqişənin eskalasiyasına yol verməmək üçün Kiyevə orta mənzilli köhnə ATACMS sistemləri tədarük edib..." Co Bayden administrasiyası Ukraynaya uzaq mənzilli yeni güclü ballistik raketlərin verilməsi üzərində işləyir. Moderator.az xəbər verir ki, bu barədə "NBC News" nəşru iki amerikalı məmura istinadən məlumat yayıb. "Ötən ilin sonunda ABŞ Ukraynaya ATACMS adlanan ordu taktiki raket sistemlərinin tədarükünə başlayıb. Lakin indiyədək onlar yalnız orta mənzilli ATACMS köhnə sistemlərini tədarük edib. Bunların köməyilə buraxılış yerindən 160 km-dən uzaq olmayan hədəfləri vurmaq olar. Məmurların sözlərinə görə, hazırda ABŞ uzaq mənzilli raketlərin yeni versiyasını göndərməyə meyllənir, bu da Ukraynaya Rusiyanın nəzarət etdiyi Krım yarımadasından daha uzaqlara zərbələr endirməyə imkan verəcək", - məlumatda deyilir. Bununla birlikdə, Müdafiə Nazirliyi nümayəndələri nəşrə məlumat verib ki, ABŞ-da ATACMS raketlərinin ehtiyatı məhduddur və onlar ABŞ ehtiyatlarının doldurulması üçün pullar olmadan çətin ki, onları Ukraynaya göndərsin. Amerikalı məmurların sözlərinə görə, əgər Konqres Ukraynaya maliyyələşməni təsdiq etməzsə, ABŞ uzaq mənzilli ATACMS sistemlərini ilk hərbi yardım paketinə daxil edə bilər. Məmurlar əlavə edib ki, ABŞ-ın Ukraynaya göndərmək üçün həmçinin hazır artilleriya döyüş sursatları var. Bundan başqa, məmurlar hərbi yardımın bundan sonra da əngəlləşəcəyi tədqirdə ABŞ müttəfiqlərinin Ukraynaya raketlər verməsini və ATACMS ehtiyatlarının doldurulmasını xahiş edə biləcəyini istisna etmir. Nəşr xatırladır ki, Bayden adninistrasiyası son iki il ərzində Ukraynaya uzaq mənzilli raket göndərməkdən imtina edib. Çünki rəsmi şəxslər USQ-nin onlardan Krıma və ya Rusiyaya zərbələr endirmək üçün istifadə edəcəyi, bununla da münaqişənin eskalasiyasına sövq edə biləcəyindən ehtiyat edib. Lakin indi onların fikri dəyişib. Ukrayna XİN rəhbəri Dmitri Kuleba Münhen Təhlükəsizlik Konfransında deyib ki, amerikalı həmkarı Entoni Blinkendən uzaq mənzilli ATACMS raketlərinin verilməsini xahiş edib.  Onun fikrincə, belə döyüş sursatları Rusiyanın hərbi potensialını məhv etməyə kömək edəcək və ukraynalılar üçün "mühüm rəmz" olacaq. Ukrayna üçün ATACMS raketləri - son xəbərlər Xatırladaq ki, ABŞ yararlılıq müddəti bitən yüzlərlə  ATACMS qurğuları və onlar üçün "Lockheed Martin" şirkətinin istehsalı olan raketləri utilizasiya etmək istəyir. Qeyd edilir ki, buna vergi ödəyicilərinin xeyli pulları xərclənəcək. Lakin Pentaqon bu məlumatı təkzib edib. "Mən bu məlumatlara mətbuatda rast gəlmişəm. Bu, həqiqətə uyğun deyil. Belə məlumatlar yanlışdır", - bunu Pentaqon nümayəndəsi general Patrik Rayder bəyan edib.

"Bizim dəyərləndirməmiz İstanbulda Ekrem bəyin daha şanslı olduğu, qazana biləcəyi yönündədir". Sozcu.az Türkiyə mətbuatına istinadən xəbər verir ki, bunu mərhum siyasətçi Necmettin Erbakanın oğlu, Yenidən Rifah Partiyasının sədri Fatih Erbakan deyib. "Xüsusilə Fatih, Üsküdar, Eyüp kimi rayonlarda sürpriz edə bilərlər. Ankarada isə Mansur Yavaşın rahat seçilə biləcəyini təxmin edirəm". Qeyd edək ki, F.Erbakanın partiyası prezident seçkilərində Rəcəb Tayyib Ərdoğanın namizədliyini dəstəkləyib. Yerli seçkilərdə isə hakim partiya ilə aparılan müzakirələr uğursuzluqla nəticələnib. Yenidən Rifah Partiyası öz namizədlərini çıxarıb.

Avropa İttifaqı Şurasının Prezidenti Şarl Mişel Ermənistanın Baş naziri Nikol Paşinyanla telefon danışığı aparıb. Sozcu.az xəbər verir ki, bu barədə Mişel özünün "X" hesabında yazıb. Telefon danışığı zamanı Aİ-Ermənistan münasibətlərini və Ermənistanla Azərbaycan arasında münasibətlərin normallaşması müzakirə olunub. “Cənubi Qafqaz üçün sülh, sabitlik və rifah gündəliyi Aİ-nin gündəmində əsas yer tutur”, - Mişel bildirib.

Son vaxtlar insanlar arasında elektron siqaretlərdən istifadə xeyli populiyarlaşıb. Bir çoxları elektron siqaretlərin adi siqareti əvəz etdiyini və zərərsiz olduğunu düşünür. Elektron siqaretlərin artımını statistik göstəricilər də əsaslandırır.  Təkcə 2023-cü ildə ölkəyə 1.16 mln. ədəd bir dəfə istifadə edilən elektron siqaret və 1.55 mln. ədəd elektron siqaret mayeləri idxal edilib. Bu isə öncə ildən 61 faiz daha çoxdur. Bəs görəsən elektron siqaretlər insanların düşündüyü kimi həqiqətən zərərsizdirmi?  Mövzu ilə bağlı Yenisabah.az-a danışan həkim-pulmonoloq Əsəd Beydullayev elektron siqaretlərin insan orqanizmində olduqca ciddi fəsadlar törətdiyini qeyd edib:  “Siqaret özü günümüzdə yetərincə ciddi bir bəla olaraq qalır. Digər tərəfdən elektron siqaretlər də insan səhhətində ciddi fəsadlar törədir. Bildiyimiz adi siqaretlərin tərkibində tüstü var və bu tüstünün tərkibində qətran və nikotin mövcuddur. Nikotin asılılıq yaradır, tüstü isə özlüyündə insan bədəninə ziyan vurur. Elektron siqaretlərin də tərkibində nikotin və tüstü olur. Yəni məntiq olaraq eyni şeydir. Ağciyərlər sadəcə təmiz hava qəbul etmək üçün yaradılıb. Tüstü və digər maddələr ağciyərlərin funksiyasına zərərlidir. Elektron siqaretlər yeni-yeni yarandığından zərərlərin tam forması hələki naməlumdur. Bunu tam müəyyən etmək üçün bir müddət müşahidə aparmaq lazəmdır. Ancaq son araşdırmalarda elektron siqaretlərin meydana gətirdiyi xüsusi xəstəlik qrupu aşkarlanıb. Bu onu göstərir ki, elektron siqaretlər adi siqaretlərdən heç də təhlükəsiz deyil. Hətta bəlkə də daha təhlükəlidir. Məsələn, asma və buna bənzər xəstəlikdən əziyyət çəkən insanların elektron siqaretlərdən istifadəsi qətiyyən yolverilməzdir. Elektron siqaretlərin ağciyər və tənəffüs sistemində müxtəlif xəstəlikləri olanlara ciddi dərəcədə yan təsirləri var. Elektron siqaretin zərərsiz olduğunu bildirənlər sadəcə marketinq məsqədləri güdür və bütün deyilənlər yalandır".  Həkim elektron siqaretin ağciyərlərdə su yığılmasına səbəb olması ilə bağlı iddialara da aydınlıq gətirib:  “Siqaret və elektron siqaretlər ağ ciyərlərdə birbaşa su əmələ gətirmir. Ümumiyyətlə, götürdükdə ağ ciyərlərdə su yığılmasının səbəbləri olduqca çoxdur. Bunların başında ağciyər xərçəngi durur. Digər tərəfdən, ürəyin normal işləməməsi də ağ ciyərlərə su yığılmasına gətirib çıxarır. Ürəyin normal işləməməsinin əsas səbəblərindən biri də məhz siqaretlə bağlıdır. Bu səbəbdən siqaret, o cümlədən elektron siqaretlər bu xəstəliyin yaranmasında da yan təsir göstərir”. 

“Nəvəm ona nəsə pis söz deyib. Sonra 3 qız yığışıb onu söhbətə çağırıblar. Hadisə zamanı yanlarında bir oğlan da olub. O da qızları ayırmayıb. Nəvəmin başına bu oyunu açıblar. Başına yumurta vurublar, saçlarını kəsiblər”. Sozcu.az xəbər verir ki, bu sözləri təhqir olunan qızın nənəsi Cəmilə Hacıyeva Baku TV-yə bildirib.  O əlavə edib ki, nəvəsi hadisədən sonra evə qayıdanda heç kimə heç nə deməyib: “Biz sonradan bu hadisədən xəbər tutmuşuq. Nəvəmin başına oyun açanlar həm qohum, həm də qonşudurlar. Onun atası həmişə bizə gəlib-gedib. İki övladı var, ərköyün və firondurlar. Başlarına nə gəlir edirlər. Həmin qızın bibisi Qala məktəbində direktor işləyib. Həmin qız çox fironluq edir, onunla bacarmırlar”. Qeyd edək ki, qeyri-etik hərəkətləri əks etdirən görüntülər sosial şəbəkələrdə yayılıb. Görüntülərdə yeniyetmə qızın başına yumurta çırpılır, saçı kəsilir və digər bullinq hərəkətləri edilir. Bunu edənlər Şüvəlanda yerləşən 156 saylı məktəbin şagirdləridir.

156 nömrəli məktəbin XI sinif şagirdinin 2023-cü il, yanvarın 17-si məktəbdən kənarda IX sinifdən məzun olmuş qıza qarşı uyğunsuz və qeyri-etik davranışına dair yayılan görüntülərlə bağlı əməldə xuliqanlıq cinayətinin tərkib əlamətləri olduğuna görə cinayət işi qaldırılıb. Sozcu.az xəbər verir ki, bu barədə Daxili İşlər Nazirliyinin (DİN) Mətbuat xidmətinin rəisi Elşad Hacıyev bildirib. O bildirib ki, hazırda istintaq hərəkətləri davam etdirilir.

Bir neçə gün əvvəl ailə üzvlərini qətlə yetirən Əhməd Əhmədov 1 Saylı Bakı İstintaq Təcridxanasına köçürülüb. Gununsesi.info-nun xəbərinə görə, təcridxanada 1 nəfərlik kamerada saxlanılan Əhməd Əhmədov günün bir neçə saatını qışqırmaqla, söyüş söyməklə keçirir. Bu isə Əhmədovun saxlanıldığı II korpusdakı digər məhbusların rejiminə mənfi təsir  edir. Bildirilir ki, Əhmədov bəzən gecə saatlarında kamerasında uca səslə söyüşlər söyür, qapını təpikləyir. Onu sakitləşdirmək cəhdləri isə uğursuz olur.

Vətən müharibəsi şəhidi Elçin Süleymanovun atası dünyasını dəyişib. Sozcu.az xəbər verir ki, şəhidin atası Tehran Süleymanov uzunsürən xəstəlikdən vəfat edib. Mərhum Füzuli rayonunda dəfn edilib. Qeyd edək ki, 1991-ci il təvəllüdlü Elçin Süleymanov 30 sentyabr 2020-ci il tarixdə Füzuli uğrunda gedən döyüşlərdə şəhid olub. Ölümündən sonra “Vətən uğrunda” və “Cəbrayılın azad olunmasına görə” medalları ilə təltif edilib. O, ailəli olub, bir qız övladı yadigar qalıb.

ABŞ rusiyalı müxalif lider Aleksey Navalnının ölümündən sonra Rusiyaya qarşı əlavə sanksiyaların tətbiqi imkanını nəzərdən keçirir. Sozcu.az xəbər verir ki, bunu ABŞ Prezidenti Co Bayden bildirib. “Artıq sanksiyalarımız var, lakin biz əlavə sanksiyaların mümkünlüyünü nəzərdən keçiririk”, - o qeyd edib. Eyni zamanda, Bayden bu hadisənin Konqresin respublikaçı nümayəndlərinin Ukraynaya yardımın ayrılması ilə bağlı qərarına təsir edəcəyinə ümid etdiyini vurğulayıb. Almaniya da Aleksey Navalnının ölümü ilə əlaqədar Rusiyaya qarşı yeni sanksiyaların tətbiqi təklifi ilə çıxış edəcək. Almaniya xarici işlər naziri Annalena Berbok Navalnının həyat yoldaşı Yuliya Navalnayanın da iştirak etdiyi Avropa Birliyi ölkələrinin XİN başçılarının görüşündən əvvəl belə bir bəyanatla çıxış edib. “Rusiya prezidenti Ukraynaya qarşı etdiyi vəhşiliyi öz ölkəsinin azadlığına qarşı da edir. Aleksey Navalnının ölümü bizi təkcə narahat etmir, biz həm də yeni sanksiyalara başlayacağıq”, - Berbok bildirib.

Rusiya qüvvələri son sutkada Ukrayna ərazisində daha 1230 hərbçisini itirib. Sozcu.az "Unian"a istinadən xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb. Bildirilib ki, bununla da Rusiya tərəfinin müharibə başlayandan bəri ümumi itkilərinin sayı 404 950 nəfərə çatıb. Həmçinin son sutka ərzində Rusiyaya məxsus 5 tank, 36 zirehli döyüş maşını, 40 artilleriya sistemi Ukrayna ordusu tərəfindən sıradan çıxarılıb. Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. Krım isə 2014-cü ildə ilhaq olunub.

“Müəllimi qapazaltı etdiniz, arvadları evdən qaçan kişiləri el-oba arasında gülünc edib hörmətdən saldınız, qaynanalar ana kimi yox, dana kimi müamilə gördü, əl çaldınız. Bir sözlə, ayaqlar oldu baş, başlar oldu ayaq”. Sozcu.az xəbər verir ki, bunu sabiq deputat Gülər Əhmədova Bakıdakı 156 nömrəli tam orta məktəbin XI sinif şagirdlərinin IX sinifdən məzun olmuş qıza qarşı etiyi təhqiramiz hərəkətlərdən danışarkən bildirib. Məktəbli qızların aşağılayıcı videosuna sərt reaksiya verən Gülər Əhmədova fikirlərini belə davam etdirib: “Boşanmayan gəlin qalmadı, hamısına bir ödənməyən emosional ehtiyac tapıb, ərindən ayırdınız. İndi şok keçirirsiniz? Əhməd belə vurdu, qızlar başlarda yumurta sındırır.  Bəyənmədiniz? Bu, hələ jurnaldır. Kino qabaqdadır. Bir donor kişidən onlarla qadını "ana" edib, cəmiyyətə insest yaymağın bədəli olacaqdır.  Fahişələri təbliğ edən cəmiyyətin görəcəyi budur. Onun, bunun ərindən özünə "ər, ailə" düzəldib efirdən ailə, sevgi haqqında xalqa dərs keçən narkoman, pozğun, qadın və kişilərə fanatlıq edəndə belə olmalı idi. Üzrlü sayın, biz gedərik, siz gələcəkdə çox şey görəcəksiniz. Qocalar evlərinin, yetimxanaların, qadın narkotik reabilitasiya mərkəzlərinin sayını indidən çoxaldın. Bu gün 30-40 yaşlarında olan nəslə lazım olacaqdır”.

Sosial şəbəkədə Bakının Şüvəlan qəsəbəsində yerləşən 156 nömrəli məktəbin şagirdlərinin öz məktəb yoldaşını bullinqə məruz qoyduğunu nümayiş etdirən video yayılıb.  Məktəbin şagirdi olduğu bildirilən Rzaguliyeva Dilarə Rza qızı məktəb yoldaşına qarşı etdiyi qısnayıcı hərəkətlərini videoya çəkdirərək sosial şəbəkədə paylaşıb. Həmin videolardan görünür ki, D.Rzaquliyeva məktəb yoldaşının alnına ədəbsiz sözlər yazır, onun başında yumurta qırır və saçlarını qayçı ilə kəsir.  Sozcu.az xəbər verir ki, tanınmış fitness məşqçisi Kamil Zeynallı da məsələyə səssiz qalmayıb. Belə ki, sözügedən görüntülərdən bir hissəni sosial şəbəkə hesabında paylaşan idmançı əsəblərini cilovlaya bilməyib. O, araşdırmanın nəticəsini səbrsizliklə gözlədiyini qeyd edib:  “Araşdırmanın nəticəsi mənə çox maraqlıdır ki, bu tərbiyəsiz, əxlaqsız, səviyyəsiz, ailəsiz, valideyn tərbiyəsi görməmiş, eybəcər qızcığazların cəzası nə olacaq? Bu məsələnin sonu necə olacaq?” 

Sosial şəbəkələrdə Bakıdakı 156 nömrəli məktəbin XI sinif şagirdinin məktəbdən kənarda 2023-cü ildə IX sinifdən məzun olmuş qıza qarşı uyğunsuz və qeyri-etik davranışına dair yayılan görüntülər ciddi müzakirələrə səbəb olub.  Məktəbdən bildirilib ki, məktəb rəhbərliyi və psixoloq tərəfindən şagird və valideyni ilə söhbət aparılıb, müvafiq tədbirlər görülüb. Hazırda cəmiyyəti ən çox bu sual düşündürür:  IX sinifdən məzun olmuş qıza qarşı uyğunsuz və qeyri-etik hərəkət edən məktəbli qızları hansı cəza gözləyir?  Azərbaycan Vəkillər Kollegiyasının üzvü Əsabəli Mustafayev bu barədə "Yeni Sabah"a açıqlama verib:  “Təhqirə məruz qalan uşaq 18 yaşından aşağı olduğu üçün, onun valideynləri təhqirolunma barədə xüsusi ittiham qaydasında məhkəməyə müraciət etməlidir. Üstəlik, bu məsələdə hadisənin görüntüyə alınıb sosial şəbəkələrdə paylaşılması faktoru da var. Təhqirin kütləvi informasiya vasitələrində yayılması ilə bağlı əməl Cinayət Məcəlləsində nəzərdə tutulub. Espertiza nəticələri əsasında hadisənin həqiqətən təhqir olması təsdiq olunsa cinayət işi açılır. Belə olduqda insan ləyaqətini, şərəfini alçaltma ilə bağlı məhkəmə bu əməli törətmiş şəxsləri azadlıqdan hətta məhrum da edə bilər. Əgər təhqirə məruz qalmış şəxs 18 yaşından yuxarıdırsa özü birbaşa məhkəməyə müraciət edə bilər”.  Sonda hüquqşünas bildirib ki, Azərbaycan Respublikası Cinayət Məcəlləsinin 148-ci maddəsinə görə, təhqir, yəni kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirildiyi halda internet informasiya ehtiyatında şəxsiyyətin şərəf və ləyaqətini nalayiq formada qəsdən alçaltma - 1000 manatdan 1500 manatadək miqdarda cərimə və ya 240 saatdan 480 saatadək müddətə ictimai işlər və ya 1 ilədək müddətə islah işləri və ya 6 ayadək müddətə azadlıqdan məhrum etmə ilə cəzalandırılır.  Cinayət Məcəlləsinin 148.1-ci maddəsinə görə, internet informasiya ehtiyatında saxta istifadəçi adlar, profil və ya hesablardan istifadə edərək kütləvi nümayiş etdirməklə böhtan atma və ya təhqir etmə - 1000 manatdan 2000 manatadək miqdarda cərimə və ya 360 saatdan 480 saatadək müddətə ictimai işlər və ya 2 ilədək müddətə islah işləri və ya 1 ilədək müddətə azadlıqdan məhrum etmə ilə cəzalandırılır.

Bakıda hansısa ərazi plana düşən zamanı sakinlər və söküntünü həyata keçirən şirkətlər arasında müəyyən anlaşılmazlıqlar meydana çıxır. Adətən evlərin ölçülərinin təyin olunması və təyin olunan ölçünün qiymətləndirilməsi zamanı vətəndaşlar nəticədən narazı qalır. Məsələn, sökülən obyektin yaşayış və qeyri-yaşayış sahəsi olmasından asılı olaraq, qiymətləndirmənin düzgün aparılması ilə bağlı mübahisələr yaranır.  Mövzu ilə bağlı Yenisabah.az-a danışan əmlak məsələləri üzrə ekspert Elnur Fərzəliyev söküntülərin 2 formada aparıldığını qeyd edib:  “Hazırda söküntülər 2 formada aparılır. Birincisi, özəl şirkətlər tərəfindən köhnə evlər sökülüb yerində yeni binalar tikilir. Adətən, belə olduqda söküntünü həyata keçirən şirkət vətəndaşa yeni binadan mənzil verir. Bu qanunun tələbidir. Vətəndaş mənzil təklifi ilə razılaşmayanda bazar dəyərinə uyğun pul verilir. Digər söküntü işləri isə dövlət tərəfindən aparılır. Qanunda da qeyd olunduğu kimi, hər hansısa bir ərazi dövlət ehtiyacı üçün tələb olunursa, həmin ərazinin ölçüləri götürülür və bazar dəyərindən 20 faiz artıq kompensasiya verilir. Əgər verilən məbləğ və ölçülərlə bağlı vətəndaşın hansısa narazılığı varsa, hansısa memarlıq şirkətinə müraciət edərək bu məsələni məhkəmədə mübahisələndirə bilər”.  Ekspert qeyri-yaşayış obyektlərinin daha yüksək dəyərdə hesablanmalı olduğunu vurğulayıb:  “Əslində, plana düşən zaman obyektin qiyməti mənzildən daha yüksək dəyərdə hesablanır. Əgər bir ərazinin sənədi qeyri-yaşayış təyinatlıdırsa, təbii ki, mənzildən daha bahadır və əraziyə görə dəyişir. Məsələn, ev söküntüsü zamanı yeni tikilən binadan vətəndaşa 1 mənzil təklif edilirsə, qeyri-yaşayış obyekti söküləndə 2 hətta 3 mənzil də təklif oluna bilir. Digər tərəfdən, yeni tikilən binadan sənə məxsus olan qeyri-yaşayış təyinatlı obyektini yenidən tələb etmək də mümkündür. Əgər bu dövlət əhəmiyyətli söküntüdürsə bu zaman qiyməti dövlət özü təyin edir. Yenə də vətəndaşa verilən məbləğ onu qane etmirsə, qiymətləndirmə şirkətlərinə müraciət edib, nəticə əsasında məhkəmədən real bazar dəyərini tələb edə bilər”.