Maraqlı

Mütəxəssislərin fikrincə, paxıllıq insana xas olan cəhətlərdən biridir. İnsan paxıl doğulmur, bu hiss sonradan yaranır. Astroloqlar bürclərin nəyi qısqandığını və necə paxıllıq hisslərini biruzə verdikləri ilə bağlı araşdırma aparıblar. Sozcu.az həmin proqnozu təqdim edir: Qoç bürcü - Həmişə ikili münasibətlərdə qısqanc və hər zaman hücum mövqeyindədir. Sizi rəqib görsə, hirsli və əsəbi olur. Qoçlar dürüst olduğu üçün hər şeyi sevdikləri ilə paylaşmaqdan zövq alırlar. Buğa bürcü - Onların qısqanclıq hissi o an hiss olunur. Əldə etmək istədikləri hər şeyə qarşı aqressiv və paxıllıq duyurlar. Bəzən bu o həddə çatır ki, onların yaxınlarını da narahat edir. Əkizlər bürcü - Şəxsi həyatlarında əkizlərin başqa bir insana o qədər də ehtiyac olmur. İlk baxışda qısqanclıq nəzərə çarpmır. Əkizlər çox pozitiv bürc olduğu üçün qısqanclıq və xoşagəlməz duyğuları açıq şəkildə göstərmək yerinə, gizlədir. Hər zaman şən və pozitivlikdən yana olduğu qısqanclıq duyğuları hiss olunmur. Qəlbi qırılmadığı müddətdə qısqanclıq duyğularını qətiyyən göstərmir, əksinə vecinə olmadığını nümayiş etdirir. Əkizləri sevindirmək çox çətin məsələdir. Əkizlərlə sevgi yaşamaq istəyənlər hər şeydən əvvəl səmimi, mehriban və dürüst olmalıdır. Xərçəng bürcü - Bürclər arasında ən qısqanc olan Xərçənglər bu hissin əsiridirlər. O qədər paxıllıq duyurlar ki, hətta sevdikləri insanları da incitdiklərinin fərqində olmurlar. Yaxşı yalan fantaziyaları olur. Paxıllıq onların ikinci adı kimidir. Şir bürcü - Ərköyün olduğu üçün diqqət gözləyir. Lider ruhlu olduqları üçün hər zaman irəli getməyə öyrəşirlər və sevgi ilə təmin olmaqlarını gözləyirlər. Başqasının yüksək pilləyə qalxmasını həzm edə bilmədiyi üçün qısqanclıq duyğuları açıq şəkildə hiss olunur. Bundan isə stressə düşürlər. Qısqanc olduqları zaman ətrafında olan hər kəsi günahlandıra və pis rəftar edə bilərlər. Onların inamını qazandığınız zaman sarsıtmaq asan deyil. Yəni, səhvlərinizi bağışlaya bilirlər. Qız bürcü - Qısqanclığa qapıldığı zaman depressiyaya düşür və küsəyən olur. Ətrafındakı insanları sərt şəkildə tənqid edirlər. Tərəzi bürcü - Onlar son dərəcə şən həyat sürməyi sevdikləri üçün qısqanclıq duyğusu bəlli edilməyən duyğularıdır desək yanılmarıq. Kişi Tərəzilər daha sadə və təmkinli olur, paxıllıq hissindən uzaqdırlar. Amma qadınlar üçün paxıllıq hissi dəhşətli intiqam alətinə çevrilə bilər. Əqrəb bürcü - Qısqanclıq əqrəb bürcünün yaşam tərzidir. İnsanlarla münasibətlərdə siyası davranışlar sərgiləsələr də, sevgidə qətiyyən belə deyillər. Qısqanc olsalar da, güzəştə getməyi bacarırlar. Qısqanc davranışlar göstərsələr də, xeyirxah və ürəyitəmiz olurlar. Oxatan bürcü - Adətən bu bürclər qısqanc deyil. Dəyişkən xarakterə malik olduğu üçün qısqanclıq hissləri baş qaldırdığı zaman nə cür hərəkət edəcəklərini bilmirlər. Qısqanclıq hislərini ciddi cəhdlə gizlətməyə çalışsalar da, bacarmırlar. Qısqanc oxatan bürcünü sakitləşdirməyin ən yaxşı yolu onu anlamaqdır. Oğlaq bürcü - Onlar lider olmağı sevdikləri üçün geridə qaldıqları zaman qısqanc olurlar. Sevgidə etibar hissləri çox zəifdir, Oğlan qadınla münasibət çətindir. Dolça bürcü - Digər bürclərlə müqayisədə dolçalar demək olar ki, qısqanclıq hiss etmirlər. Onlar qısqanclıq səhnələrinə sərf edilən vaxtı başqa məşğuliyyətlərlə əvəz etməyin tərəfdarıdır. Özləri qısqanc olmadığı üçün başqalarının qısqanclıq hisslərini başa düşmür və mənasız hesab edirlər. Onlara qarşı qısqanc olmadığınız müddətdə münasibətləriniz normal və qaydasında gedəcək. Balıq bürcü - Qısqanclıq balıq bürcləri üçün ən zərərli duyğulardan biridir. Balıqlar elə paxıllıq hissi duyurlar ki, sanki yer üzündə son xoşbəxtlik qırıntısını kimsə onlardan alıb və bir daha verməyəcəkmiş kimi davranırlar. Sevdiyi insanlara hər zaman sahib çıxdıqları üçün qısqanclıq onları rahat buraxmır. Azadlıqlarına düşkün insanlar olurlar. Özlərini güvəndə hiss etdikləri zaman qısqanclıq və paxıllıq hissindən uzaqdırlar. (metbuat.az)

Bu gün maqnit qasırğası gözlənilir. Bu barədə Bakı Dövlət Universitetinin (BDU) Fizika fakültəsinin Astrofizika kafedrasından məlumat verilib. Bildirilib ki, 4-6 may tarixlərində Günəşin səthində bir sıra oblastlarda davamlı olaraq M-sinif alışmalar baş verib. Bu səbəbdən geomaqnit sahə mayın 8-də G2 (orta) maqnit qasırğa səviyyəsində (gündüz saat 10.00-dək), mayın 9-da G1 (mülayim) və daha zəif, mayın 10-da isə aktiv səviyyədə olacaq. 04-05 may tarixlərində yaranmış tac dəliklərindən yüksək sürətli plazma zərrəcikləri selinin Yerdən keçməsi geomaqnit şəraitin həyəcanlaşmasını bir qədər də gücləndirib. LASCO (Large Angle and Spectrometric Coronagraph - Geniş bucaqlı və spektrometrik koronoqraf) C2 koronoqrafı vasitəsi ilə Yerə yönəlmiş hər hansı tac kütlə atılması (CME -Coronal Mass Ejection) müşahidə olunmayıb. Mayın 8-də Yerdə maqnit qasırğasının loqarıfmik indeksini xarakterizə edən Kp əmsalının orta qiyməti 3-5, mayın 9-10-da 2-4 intervalında dəyişəcək. Bu günlərdə risk qrupuna daxil olan xəstələrin, yaşlı insanların və uşaqların səhhətində müəyyən narahatlıq-diskomfort halı güclənə bilər. Belə hallarda təşvişə düşmədən həkim nəzarəti altında profilaktik tədbirlərin görülməsi, fiziki və psixoloji yüklənməni azaldaraq fəal istirahətə üstünlük verilməsi tövsiyə olunur.

"WhatsApp" artıq məxfilik parametrlərinə aid yeni funksiyaya malikdir. Sozcu.az oxu.az-a istinadən xəbər verir ki, burada naməlum nömrələrdən gələn zəngləri susdurmağa imkan verilir. Parametr messencerin "Android" üçün 2.23.10.7 nömrəli beta versiyasının sınaq mütəxəssisləri tərəfindən sınaqdan keçirilib. Bu yenilik sayəsində istifadəçi zənglərin qəbuluna nəzarət edə bilir. İstənməyən kontaktdan zənglər faktiki olaraq daxil olmayacaq, lakin belə zənglər hələ də bildiriş mərkəzində göstəriləcək. Bu filtri quraşdırmaq üçün məxfilik parametrlərinə keçməlisiniz. Yaxın günlərdə funksiya "iOS" smartfonlarının sahibləri də daxil olmaqla, geniş istifadəçilər üçün əlçatan olacaq.

Alimlər yaşlılarda yaddaşı bərpa etməyin yolunu tapıblar. Sozcu.az lent.az-a istinadən xəbər verir ki, bir sıra tədqiqatlar göstərir ki, elektrik stimullaşdırılması köhnə beyinləri canlandırır və yaddaşı yaxşılaşdırır. Belə ki, beyinə qısa, ağrısız elektrik impulslarının köməyi ilə qocalıq yaddaş itkisini (ən azı müvəqqəti) bərpa etmək mümkün olacaq. Son araşdırmada müəyyən edilib ki, beynin müntəzəm elektrik stimullaşdırılması yaşlı insanların yaddaşını sağlam gənclərin səviyyəsinə qaytara bilər. İllinoys ştatının Şimal-Qərb Universitetinin alimlər qrupu 15 yaşlı iştirakçılarla kiçik bir pilot tədqiqat aparıb. Beş gün ərzində onlar hər gün 30 dəqiqəlik transkranial maqnit stimulyasiyası (TMS) seansları alıblar. Bu, beynin sinir hüceyrələrinin elektromaqnit stimullaşdırılması aldığı təmassız bir prosedurdur. Hipokampusla əlaqəli beyin bölgələri stimullaşdırıldı - xatirələrin saxlanmasına cavabdeh olan odur. Prosedur zamanı xəstənin başının yanına ortasında metal qıvrım olan stolüstü tennis raketkasına bənzəyən alət qoyulur. Cihaz xəstənin yüngül bir tıqqıltı kimi hiss etdiyi bir maqnit sahəsi yayır. İştirakçılar tədqiqat başlamazdan əvvəl, tədqiqatın bitməsindən bir gün sonra və bir həftə sonra yaddaş testləri keçiriblər. Məlum olub ki, prosedurların bitməsindən bir gün sonra iştirakçıların qeyd etmək qabiliyyəti tədqiqat başlamazdan əvvəlki ilə müqayisədə 31% daha yaxşı olub. Tomoqrafiya da beynin yaddaşların formalaşmasına cavabdeh olan bölgələrində böyük fəaliyyət göstərib. Müalicələrin bitməsindən bir gün sonra, orta yaşı 75 olan yaşlı iştirakçılar, 25 yaşlı şəxslərlə müqayisədə yaddaş testlərində normal performans göstəriblər. Kursorun bildirdiyi kimi, musiqi dinləmək və musiqi ifa etməyi öyrənmək yaşlı insanlarda idrak qabiliyyətinin azalmasının qarşısını ala bilər.

Türkiyənin məşhur aktyoru Oktay Kaynarca bahalı avtomobil alıb. Sozcu.az "qafqazinfo"ya istinadən xəbər verir ki, avtomobilin ön hissəsi svarovski daşlarla bəzədilib. Elektrikli "BMW i7" markalı maşının qiyməti 8 milyon lirə dəyərindədir. Qeyd edək ki, aktyor hazırda "Mən bu cihana sığmazam" serialında rol alır.

Rəssam Mauritsio Kattelanın instalyasiyasının bir hissəsi olan banan Cənubi Koreyalı tələbələrdən biri tərəfindən yeyilib. Sozcu.az xəbər verir ki, Noh Huyn-soo adlı tələbə buna səbəb kimi səhər yeməyi yeyə bilmədiyini və ac olduğunu göstərib. O, dostunun kamerasına poza verib. Daha sonra bananın qabığını yenidən divara yapışdırıb. Yerli mətbuatın məlumatına görə, muzey daha sonra həmin yerə yeni banan qoyub. Ac tələbənin bu addımı təəccüblə qarşılanıb.

Qoç - təmaslar, əlaqələr, telefon zənglərinin sayı artır. Danışıqlar, əməkdaşlığın yeni formaları, ideyaların reallaşdırma yollarının müzakirəsi üçün əlverişli vaxtdır. Cəsarətli qərar qəbul edə bilərsiniz. Amma bununla bağlı açıqlama verməzdən əvvəl cari olaylara bir daha nəzər salın. Şərtlərin əlverişli axarı göz qarşısındadır. Yeniliklər və təşəbbüs izharı üçün yaxşı vaxtdır. Bədxahlardan və sizə mümkün qədər ağır zərbə vurmaq istəyən insanlardan qorunun. Boş vədlərə aldanmayın. Buğa - ciddi dəyişikliklər zamanıdır. Yaşanacaq olaylar arasında istiqaməti itirməyin, eyni vaxtda bir neçə istiqamətdə çalışın. Aramla davranmaq mümkün olmayacaq, çünki informasiya həddən ziyadədir. Proseslərin əksəriyyətini nəzarətdə saxlamağa çalışmayın. Resurs, əlaqələr, yığılmış və alınmış məlumatları yenidən dəyərləndirin. Hadisələrin dinamikası artır. Mühüm və ikinci dərəcəli məsələləri ayrıd edin, işlərin effektiv alınması üçün bir qədər nəfəs dərin. Məqsədə çatmağınız üçün əsas hərəkət istiqamətini seçin və fəal işləyin. Yerdə qalan işləri yaxın ətrafınızdakı insanlara həvalə etmək olar. Səhhətinizə diqqət yetirin. Əkizlər - niyyətlərlə real imkanlar arasında tarazlığı aşkarlayın. Gərəkli detalları görməyə çalışın. Münasibətlərdə isə bilməli olduğunuz nüansları aşkarlayın. Təmkinli, soyuqqanlı davranın. Yardım istəyən insanlara dəstək verin. Yalnız sizin maraqlarınıza aid olmayan toplantılara da qatılın. İctimai iş, tədbir, səfər, tədris, təhsil, alış-veriş, səfər - seçim sizindir. Kənardan əlavə maliyyə vəsaitinin cəlb olunması üçün effektiv addımlar atın. Xərçəng - sakit, rəvan gündür. Yaranmış şanslardan, müşahidə olunan şəraitdən intensiv iş üçün maksimum istifadə edin. Yaşam şərtilərini nəzərə alaraq planlara dəyişikliklər etmək olar. Hər əmələ və ya hadisəyə birbaşa müdaxilə yolverilməzdir. Təmkin və səbr gərəksiz problemlərdən qurtulmağa yardım edər. Ailədə və kollektivdə mikromühitin yaxşılaşdırılmasına çalışın. Yaşam arealınıza yeniliklər edin, rahat və münasib situasiyanın bərqərar olmasına can atın. Dostlarla planlarınızı bölüşməyə çalışın. Alış-verişdə simiclik etməyin. Mövcud durumdan yararlanın. Ailədə gələcəklə bağlı planları müzakirə edin. Şir - ünsiyyət, yeni əlaqələr və təmasların yaradılması üçün uğurlu vaxtdır. Şəxsi münasibətlər müstəvisində açıqlama, birgə planların müzakirəsində xeyir var. İstənilən işə yaradıcı yanaşın. Eksperimentlərə əl atın, fərqli yollar arayın, başqasının təcrübəsi və yeni biliklərdən yararlanın. Səfər və gəzintiyə çıxmaq pis olmaz. Daxili müvazinəti qorumaq üçün təmkinli olun, aramla davranın. Hisslərinizin və fəaliyyətinizin korreksiyasını aparın. Maraqlandığınız, diqqətinizi cəlb edən əşyanı ala bilərsiniz. Qız - hadisələri tələsdirməyin, süni təkanlardan yararlanmağa cəhd göstərməyin. Hadisələrin öz axarında, spontan inkişafına mane olmayın. Cavab tədbirləri, adekvat reaksiyanı unutmyın. Bundan sonrakı fəaliyyətin istiqamətlərini korrektə edin. Yeni məlumat, sua4llara cavab peyda ola bilər. Nüfuzlu şəxslərdən dəstək alın. Ətalətli, süst olmayın. Faydalı əlaqələri bərpa etmək və yeni təmaslar qurmaq üçün vaxtınızı diqqətlə bölüşdürün. Axşam saatlarında sakit məşğuliyyət seçin, dincəlin. Yeməkdə özünüzü məhdudlaşdırmayın. Tərəzi - hadisələrin mərkəzində olun ki, yeni ideyalar, təkliflər və tanışlıqlar sizdən yan keçməsin. Uzaqdakı tərəfdaşlara stavka etmək zamanıdır. Peşəkar müstəvi il yanaşı, şəxsi münasibətlər arealında perspektivlər arta bilər. Sərfəli və gəlirli təklif az sonra səslənə bilər. Fəqət informasiya mübadiləsi, qiyabi tanışlıqlar faydalıdır. Onlar təsəvvür etmədiyiniz nəticələr verə bilərlər. Evdə yeniliklərlə məşğul olun. Təmirə başlamaq və ya artıq başladığınız təmiri sürətləndirmək olar. Axşam saatlarından problemlərdən bəhs etməyin. İstirahət edin, dostlarla əlaqə saxlayın. Əqrəb - nikbin olun, uğur əldə edəcəksiniz. Genişmiqyaslı nailiyyətə çatmağı planlaşdırsanız, pərişan ola bilərsiniz. Kiçik işlər görün, böyük işlər özləri həllini tapacaq. Sonucu sizdən asılı işlərdə nəticəni möhkəmləndirin, durumu səbatlı edin. Bəzi nəsnə və ya məqamlardan imtina etməli olacaqsınız. Yenilənmə və yeni, daha maraqlı imkanlar, şanslar yaranacaq. Hansısa məqam və ya insan sizi bezdiribsə, günün ikinci yarısı problem mənbəyindən qurtulmaq üçün əlverişli zamandır. Qarşınızda yeni perspektivlər yarada biləcək işlərlə məşğul olub. İnformasiya mənbələrinin sayını artırın. Yaxın ətrafınızdakı insanlar plan və gözləntilərinizi pozsalar, aqressiv olmayın, sərt açıqlamalar verməyin. Təmkinli, soyuqqanlı davranın. Oxatan - çalışdığınız və ya əlaqədə olduğunuz insanlarla təmaslar vasitəsilə özünüzün yeni məcazlarınızı aşkarlaya bilərsiniz. Yeni maraqlı görüş və ya tanışlıq istisna deyil. Genişmiqyaslı, ciddi planlar qurmayın. Yeni tanışlar həyatınıza daxil olduğu təki, elə həmin sürətlə yoxa çıxa bilərlər. Sizə təsir etməyə çalışan, səbirsiz davranan insanlara anlayışla yanaşın. Qarşılıqlı əlaqəyə və əməkdaşlığa hazır olun. Stereotip düşüncələrdən azad olun. Dəyişkən şərtlərə uyğun olaraq planları da yeniləməyin zəruri olduğunu anlayın. Günün ikinci yarısında bir sıra mətləblər əyan olacaq. Problemlərin orijinal həllini tapın. Özünüzü və yaxınlarınızı sevindirməyə çalışın. Oğlaq - yaşamınızda mühüm hadisə yaşanır. Önəmli prosesdə uduzmamaq üçün aktivləşin, yeni işlərə başlayın. Qətiyyətli olun. Yaxın ətrafınızdakı insanların sizə mane olmalarına imkan verməyin. İş yerində sizi yaxşı xəbər və xoş təəssürat gözləyir. Çalışdığınız arealın durum və dizaynına yenilik etmək olar. Həmkarlarla qarşılıqlı münasibətlərə yeni anlam verməyin, cari məsələlərin həllinə yaradıcı yanaşmağın vaxtıdır. Belə olarsa, yeni perspektivləri görəcəksiniz. Çevik, mütəhərrik, sayıq olmağa çalışın. İşlər çoxdursa, onların bir hissəsini tanış və ya iş yoldaşlarına həvalə edin. Dolça - danışıqlar, sövdələşmə, müzakirə, informasiya və sənədlə iş, təhsil və səfər üçün yaxşı gündür. Bütün dağınıq ideyalar və xaotik planları sistemləşdirin. Bacarıq və istedadınızı hansı sahədə daha parlaq nümayiş etdirməyin yolunu sizə intuisiyanız göstərəcək. Münasibətlərdə yeni nüanslar yaranır. Aldığınız əşya, etdiyiniz əməl, gördüyünüz işin estetik olmasına çalışın. Gözəl, keyfiyyətli, rahat nəsnəyə tələbatınız artır. Münasibətlərdə ayinlər, rituallar, hədiyyələr və səxavətin önəmi artır. İfrata varmayın. Balıqlar - əsas fəaliyyət sahənizdə zahiri aktivliklə bağlı bütün işləri görün. Danışıqlar, sövdələşmələr, anlaşmalar üçün əlverişli gündür. İşdə dəqiq, səliqəli, çevik və sayıq olun. Belə davranış sizdən əlahiddə zəhmət tələb etməyəcək. Yeni işə başlamaq üçün uğurlu gündür. Vaxtınızı iş və istirahət arasında dəqiq bölüşdürün ki, yaşananların nəticələri maksimal dərəcədə uğurlu olsun. Zahiri görkəminizi yaxşılaşdırmaq üçün zəruri işləri görmək olar. Alış-veriş üçün yaxşı vaxtdır. Görüş və müzakirləri planlaşdırın. Şəxsi münasibətlər müstəvisində indiyədək ehtiyat və təmkinlə qarşısı alınan hisslər tüğyan edəcək.

ABŞ-ın Vaşinqton Universitetinin Molekulyar Biologiya Məktəbinin mütəxəssisləri bir sıra fundamental tədqiqatlar apardıqdan sonra günəş şüalarında insan orqanizmi üçün elmə məlum olanlardan başqa hansı təhlükələrin gizlənə biləcəyini müəyyən ediblər. Sozcu.az lent.az-a istinadən xəbər verir ki, alimlərin işində qeyd olunduğu kimi, ultrabənövşəyi şüaların təsiri insan DNT-sində əvvəllər məlum olmayan növ zədələrə səbəb olur. Bütün bunlar aqressiv dəri xərçənginə gətirib çıxarır. Tədqiqatçılar 150 koloniyanın maya hüceyrələrini bir ay ərzində 15 dəfə səkkiz saniyə UV lampalarına məruz qoyublar. Bundan sonra, DNT hüceyrələrdən təcrid olunub, bütün genom ardıcıllığına məruz qalıb, yəni qoşa zəncirdə tam nukleotid ardıcıllığı qurulub. Beləliklə, alimlər ultrabənövşəyi şüalanmanın yaratdığı 50 minə yaxın mutasiyanı müəyyən ediblər. Bunların təxminən yarısı melanoma inkişafı ilə əlaqəli idi. Bioloqların fikrincə, son vaxtlara qədər günəş şüalarının zədələnməsinin iki DNT əsası ilə məhdudlaşdığına inanılırdı: sitozin (C) və ya timin (T). Lakin indi müəyyən edilib ki, mutasiyalar bəzən adeninə də təsir edir (A). Üstəlik, hətta ultrabənövşəyi radiasiyaya bir dəfə və qısa müddətli məruz qalma da atipik mutasiyalara səbəb olur. Melanoma və ya dəri xərçəngi ən ölümcül bədxassəli şişlərdən biridir, çünki tez metastazların meydana gəlməsinə səbəb olur. Bu xəstəliyin əsas səbəbi birbaşa günəş işığına uzun müddət məruz qalma hesab olunur.

Balıqların kürütökmə dövrü ilə əlaqədar 1 may 2023-cü il tarixindən ölkə ərazisindəki bütün su hövzələrində balıq ovuna moratorium qüvvəyə minir və sentyabrın 1-dək davam edəcək. Bioloji Müxtəlifliyin Qorunması Xidmətinin rəsmisi Arzu Babayeva Sozcu.az-a bildirib ki, qanunsuz balıq ovunun qarşısının alınması məqsədilə Daxili İşlər Nazirliyinin Su Nəqliyyatında Polis İdarəsi, Ekologiya və Təbii Sərvətlər Nazirliyinin Dövlət Ekoloji Təhlükəsizlik və Bioloji Müxtəlifliyin Qorunması Xidmətlərinin əməkdaşları tərəfindən ölkənin daxili su hövzələrində mütəmadi nəzarət tədbirləri həyata keçirilir və qanunsuz balıq ovu ilə məşğul olanlar barəsində qanunamüvafiq tədbirlər görülür. Xidmət rəsmisi balıq ovu ilə məşğul olan bütün fiziki və hüquqi şəxsləri qaydalara əməl etməyə, qadağan olunmuş vaxtlarda, qadağan olunmuş alətlərlə balıq ovlamaqdan çəkinməyə çağırıb.

Kosmosda seks qadağan edilir. Sozcu.az xəbər verir ki, bu barədə Milli Aeronavtika və Kosmik Tədqiqatlar İdarəsi (NASA) məlumat yayıb. Bildirilir ki, kosmosda cinsi əlaqə qadağan edilir. NASA qeyd edir ki, əvvəllər heç bir insident olmayıb. Lakin sürətlə inkişaf edən kosmik turizm səbəbindən ciddi qaydalar tətbiq edilməlidir. Bu vəziyyətdə əsas təhlükə kosmosda cütləşmədir. Güclü radiasiya səbəbindən dölün hansı dəyişikliklərə məruz qala biləcəyi məlum deyil. Alimlər bütün turistləri kosmosda cinsi əlaqədən imtina barədə imza atmağa məcbur etməyi təklif edirlər.

Qəhvə uzun müddətdir ki, bir çox insanın sevimli içkisi olub, lakin onun orqanizmdə dəmir səviyyəsinə mənfi təsiri varmı? Bu gün qəhvənin müxtəlif növləri, eləcə də onu hazırlamaq üçün bir çox üsullar mövcuddur və qəhvə tez-tez desertlər və yeməklərlə müşayiət olunur. Ancaq bəzi insanlar yeməklə qəhvə içməkdən çəkinirlər. Sozcu.az lent.az-a istinadən bildirir ki, müxtəlif araşdırmalara görə, böyüklərin 70-80 faizi qəhvə və ya yüksək konsentrasiyada kofein olan digər içkilər içir və fenolik turşularla zəngin içkilər bağırsaqlarda dəmirin sorulmasını məhdudlaşdıraraq, dəmir çatışmazlığına səbəb olur. Ən çox kofein konsentrasiyası olan içkilər: nanə (73 faiz azalır), qara çay (79 faizdən 94 faizə qədər), cökə (52 faiz), verbena - 59 faiz (minaçiçəyikimilər fəsiləsinə aid bitki cinsi-red.), çobanyastığı (47 faiz) və qəhvə (40 faiz). Beləliklə, bu içkiləri yemək zamanı içmək faydalı maddələrin qana və bədənin digər hissələrinə sorulmasına mane ola bilər. Maraqlıdır ki, bu effekt kofeinsiz qəhvə istifadəsi ilə davam edir. Ən yaxşı nəticə əldə etmək və orqanizminizi formada saxlamaq istəyirsinizsə, əsas yeməkdən 30-60 dəqiqə sonra qəhvə içmək məsləhətdir. Qeyd etmək lazımdır ki, şəkər və ya süd əlavə edilmiş qəhvə toxluq hissi yarada bilər, bu o deməkdir ki, içki içmək vaxtını daha gec bir ana keçirmək lazımdır. 

Bəzi insanlar sevdikləri ilə 3 gündən artıq küsülü qala bilmir. Onlar digərlərinə nisbətən daha asan bağışlayırlar. Astrologiyada da bu cür xarakterə malik olan bürclər var. Sozcu.az Bakupost.az-a istinadla küsülü qala bilməyən 3 bürcü təqdim edir. BALIQ - Sevdikləri ilə böyük problemlər yaşasalar da, barışmağın yolunu tapırlar. Kin saxlamırlar. Bəzən barışmaq üçün qarşı tərəfdən addım atılmasını gözləyirlər. Amma çox vaxt bunu özləri edir. OĞLAQ - Heç vaxt kindarlıq etmirlər. Olduqca bağışlayıcıdırlar. İnsanlarala ünsiyyətdə olmağı çox sevirlər. Heç vaxt mübahisə tərəfdarı olmurlar. Belə hal baş verərsə, həll yolu axtarmağa başlayırlar. ƏKİZLƏR - Ətraflarındakı insanlarla söhbət etməyi çox sevirlər. Ona görə də küsmək ağıllarından keçmir. Böyük mübahisələr yaşasalar da, bir neçə saat sonra dərhal barışırlar. Səbrsiz insanlar olduqları üçün kimləsə danışmadan qala bilmirlər.