Azərbaycan Respublikasınının Səhiyyə Nazirliyi yenidən plastik cərrahlara çağırış edib. Sozcu.az xəbər verir ki, bu barədə nazirlik məlumat yayıb. Məlumatda deyilir ki, ölkə ərazisində praktik tibb fəaliyyəti ilə məşğul olan plastik cərrahların peşə fəaliyyətinin qanuni əsasları ilə bağlı mediada ziddiyyətli məlumatlar yer alıb. Səsləndirilən iddialarla bağlı Azərbaycan Respublikasının Səhiyyə Nazirliyi və Baş Prokurorluq tərəfindən ilkin araşdırmalar aparılıb və şübhəli məqamlar müəyyən edilib. Əldə olunan məlumatlara əsasən bəzi hallarda sözügedən ixtisas daşıyıcısı qismində çıxış edən şəxslərin tibbi təhsil sənədləri və praktik tibb fəaliyyəti ilə məşğul olmağa hüquq verən şəhadətnamələri saxtalaşdırılıb: "Plastik cərrahiyyə ixtisası üzrə fəaliyyət göstərən tibb mütəxəssislərinin sözügedən istiqamətlə məşğul olmağa icazə verən sənədlərinin hüquqi əsaslarının kompleks şəkildə yoxlanılmasına ehtiyac yaranmışdır. Bununla bağlı, Azərbaycan Respublikası səhiyyə nazirinin müvafiq əmri ilə Azərbaycan Respublikası Səhiyyə Nazirliyinin, Azərbaycan Respublikası Baş Prokurorluğunun, Azərbaycan Respublikası Daxili İşlər Nazirliyinin və Azərbaycan Respublikası Elm və Təhsil Nazirliyinin səlahiyyətli nümayəndələrindən ibarət Xüsusi Təftiş Komissiyası yaradılmışdır. Azərbaycan Respublikasının ərazisində praktik tibb fəaliyyəti ilə məşğul olan plastik cərrahlar peşə fəaliyyətinin qanunauyğunluğunu təsdiq edən sənədlərinin notariat qaydasında təsdiq edilmiş surətlərini (baza ali tibb təhsili, diplomdansonrakı təhsilə aid bütün sənədlər, əmək kitabçası, tibbi fəaliyyət ilə məşğul olmağa buraxılma barədə şəhadətnamə, sertifikasiya şəhadətnaməsi və s.) 2025-ci il 31 yanvar tarixinədək Azərbaycan Respublikasının Səhiyyə Nazirliyinə şəxsən təqdim etməlidirlər". Qeyd edilib ki, mütəxəssis tərəfindən sənədlər tələb olunan qaydada və tarixədək təqdim edilmədiyi təqdirdə, bu hal onun praktik tibb fəaliyyəti ilə məşğul olmağa buraxılma barədə şəhadətnamə və ya sertifikasiya şəhadətnaməsinin ləğvi üçün əsas olacaq.

"Ukrayna hətta xarici büdcə olmadan da minlərlə "Trembita" istifadəyə verə bilər..." "Ukraynalılar partnyorlarının onları işğalçı ilə baş-başa qoyacağı situasiyadan ehtiyat edirlər..." ABŞ-nin yeni administrasiyasının Ukraynaya hərbi yardımı kəsəcəyi qorxusu fonunda ukraynalılar özlərini müharibə alətləri ilə təmin etməyə tələsirlər. Ən perspektivlilərdən biri "Trembita" raketidir. Sozcu.az "UNİAN"-a istinadla xəbər verir ki, Böyük Britaniyanın "The Telegraph" nəşri belə yazır. “Ukraynanın yeni “Trembita” qanadlı raketi onun avtonom atəş gücü istəyinin ən böyük simvolu ola bilər. Amerika sursatlarının bitəcəyi günü gözləyən Ukrayna "Trembita" və digər uzaqmənzilli, dərin öldürücü sursatlar yaratmağa hazırlaşır. Onlardan çox var”, - deyə nəşr bildirir. Təxminən iki metr uzunluğunda və 90 kiloqram ağırlığında olan "Trembita" rampadan(raket qurğusu-S.L.) buraxılır. O, sadə impulslu reaktiv mühərrikə, boruvari gövdəyə və kvadrat qanada malikdir. Nəşr qeyd edir ki, bu sadəlik "Trembita"ya ən yaxşı xüsusiyyətini verir - aşağı qiymət... Bir vahidinin qiyməti təxminən 10.000 dollar olan "Trembita" 18 kiloqram partlayıcı maddəni 144 km-ə qədər məsafədə daşımağa qadirdir. Amma bu raketin yaradıcısı indi  650 kilometr məsafə qət edə bilən və Moskvaya çatmağa zəmanət verən daha güclü versiya üzərində işləyir. Təxminən bir ildən sonra hazır olacaq bu versiya, şübhəsiz ki, 10.000 dollardan baha başa gələcək, lakin hələ də potensial olaraq dünyada ən ucuz dərin zərbə sursatı olacaq. Müqayisə üçün qeyd edək ki, maksimum 300 km uçan "ATACMS" raketinin qiyməti 1 milyon dollardan çoxdur. Nəşrin müəllifi qeyd edir ki, Ukrayna hətta xarici büdcə olmadan da minlərlə "Trembita" istifadəyə verə bilər. Rusiyanın Ukrayna şəhərlərini, bazalarını, elektrik stansiyalarını və fabriklərini kütləvi şəkildə bombalamasına uyğunlaşmaq üçün Ukrayna Rusiya şəhərlərini, bazalarını, neft emalı zavodlarını və fabriklərini bombalamasını kütləvi şəkildə artırmalıdır. Ukraynanın ABŞ, Böyük Britaniya və Fransadan aldığı az sayda "ATACMS" və "Storm Shadow/SCALP-EG" qanadlı raketləri intensiv dərin zərbə kampaniyası üçün kifayət deyil”, - nəşr diqqətə çatdırır. "Trembita" Rusiyanın hərbi sənaye kompleksinə qarşı yaxşı işləyə bilər, lakin təbii ki, ukraynalıların Britaniyanın “Storm Shadow” raketləri ilə vurduğu yeraltı komandanlıq bunkerlərinə qarşı çox təsirli olmayacaq. "Daha çox öz silahlarına güvənməklə ukraynalılar fərqli hədəflər toplusuna müraciət etməli ola bilər. Amma heç olmasa, vurmağa davam edə biləcəklər. (...) Ukraynalılar bilirlər ki, gün gələcək, onlar tam tək olmasalar da, daha tək qalacaqlar, Onlar hazırlaşırlar”, - deyə ingilis nəşri yekunlaşdırır. Ukrayna Silahlı Qüvvələrinin yeni silahları "UNIAN"-ın yazdığı kimi, Müdafiə Nazirliyi fiber optikdən istifadə edən Ukrayna "FPV" pilotsuz təyyarələrini nümayiş etdirib. Bu yeni silahlar kodlaşdırmanın son mərhələsindədir və tezliklə Müdafiə Qüvvələrinə göndərilməyə başlayacaq. Baş Kəşfiyyat İdarəsinin  ən son yüksək sürətli gözəgörünməz pilotsuz təyyarə aldığı da bildirilib. Tapşırıqdan asılı olaraq, bu dronlar düşmənin yerüstü hədəflərini məhv etmək üçün müxtəlif gücə malik döyüş başlıqları ilə təchiz oluna bilər.

Cənubi Koreya Prezidenti Yun Sek-Yula qarşı həbs orderinin icrası mümkün olmayıb. Sozcu.az xəbər verir ki, bu barədə Cənubi Koreyanın Korrupsiyaya Qarşı Mübarizə Agentliyi məlumat yayıb. Müstəntiqlər əvvəllər dövlət başçısının iqamətgahına daxil olsalar da, hərbi qulluqçuların müqaviməti ilə üzləşiblər. “Biz müəyyən etdik ki, davam edən qarşıdurma səbəbindən həbs qərarı icra etmək mümkün deyil. İşçilərin təhlükəsizliyi ilə bağlı narahatlıqlara görə onun icrası dayandırılıb", - açıqlamada bildirilir.

Yanvarın 3-ü saat 09:00-a olan faktiki hava açıqlanıb. Sozcu.az Milli Hidrometeorologiya Xidmətinə istinadən xəbər verir ki, yanvarın 3-ü saat 9:00-a olan məlumatına əsasən ölkə ərazisində hava şəraiti əsasən yağmursuz keçib. Qərb küləyi arabir Qobustanda 16 m/s-yə çatıb. Havanın minimal temperaturu Bakıda və Abşeron yarımadasında 5-8 dərəcə isti, Aran rayonlarında 1 dərəcə şaxtadan 5 dərəcəyədək isti, Naxçıvan MR-da və dağlıq rayonlarda 10 dərəcəyədək şaxta qeydə alınıb.

Ölüm xəbəri yayılan tanınmış aktyor Azər Baxşəliyevin vəziyyəti ağır olaraq qalmaqda davam edir. Sozcu.az xəbər verir ki, bu barədə Oxu.az-a Azərbaycan Tibb Universitetindən bildirilib. Bildirilib ki, hazırda A.Baxşəliyev süni tənəffüs aparatına qoşulub, vəziyyəti ağırdır, müalicəsi davam etdirilir. Qeyd edək ki, yanvarın 2-si böyrək çatışmazlığından əziyyət çəkən Azər Baxşəliyev koma vəziyyətində xəstəxanaya çatdırılıb. Axşam saatlarında öldüyü deyilən aktyorun ürək fəaliyyəti həkimlər tərəfindən bərpa edilib.

Ukrayna Silahlı Qüvvələri Kursk vilayətində komanda məntəqəsinə zərbə endirib. Sozcu.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.  Bildirilib ki, Ukrayna hərbçiləri Kursk vilayətinin Maryino kəndində rus qoşunlarının komanda məntəqəsinə yüksək dəqiqliklə zərbə endiriblər. Bundan əvvəl regional hakimiyyət Maryinonun yanında yerləşən Rılski rayonunun İvanovskoye kəndinin atəşə tutulduğunu açıqlayıb. Kursk vilayətinin qubernatoru vəzifəsini icra edən Aleksandr Xinşteynin sözlərinə görə, itki yoxdur.

İmişli rayonunda minik avtomobillərinin toqquşması ilə nəticələnən yol qəzası baş verib. Sozcu.az xəbər verir ki, hadisə saat 19 radələrində Hacıqabul-Bəhrəmtəpə-Mincivan avtomobil yolu və Bəhrəmtəpə-Biləsuvar avtomobil yolunun birləşdiyi dairəvi yol qovşağında qeydə alınıb. Hadisə zamanı "Range Rover" və "Mercedes" markalı avtomobillər toqquşub. Qəza nəticəsində xəsarət alan Vidadi Musalı İmişli Rayon Mərkəzi Xəstəxanasına çatdırılıb, yaralıya təcili təxirə salınmaz tibbi yardım göstərildikdən sonra Bakı şəhərindəki xəstəxanalardan birinə təxliyyə olunub. Faktla bağlı araşdırma aparılır.

ABŞ-ın Yeni Orlean şəhərində (Luiziana ştatı) terror aktının təşkilatçısı və icraçısı (Şamsud Din Cabbar) 2024-cü ilin yayında İŞİD terror təşkilatına qoşulub və hücum zamanı təkbaşına hərəkət edib. Sozcu.az xəbər verir ki, bu barədə ABŞ-ın Federal Təhqiqat Bürosu direktorunun müavininin köməkçisi Kristofer Raya bildirib. "Yenu Orleandakı hücumda başqasının iştirak etdiyini düşünmürük. O, ötən yayın əvvəlində İŞİD-ə qoşulub", - Kristofer Raya deyib. Qeyd edək ki, Yeni Orlean şəhərində sürücünün yük maşınını izdihamın üzərinə sürməsi nəticəsində azı 15 nəfər həlak olub, daha bir neçə nəfər xəsarət alıb. Sürücünün maşınından İŞİD bayrağı tapılmışdı.

Ölkə ərazisində praktik tibb fəaliyyəti ilə məşğul olan plastik cərrahların peşə fəaliyyətinin qanuni əsasları ilə bağlı mediada ziddiyyətli məlumatlar yer alıb. Sozcu.az xəbər verir ki, bu Səhiyyə Nazirliyinin yaydığı məlumatda deyilir. Bildirilib ki, səsləndirilən iddialarla bağlı Azərbaycan Respublikasının Səhiyyə Nazirliyi və Baş Prokurorluq tərəfindən ilkin araşdırmalar aparılıb və şübhəli məqamlar müəyyən edilib. "Əldə olunan məlumatlara əsasən bəzi hallarda sözügedən ixtisas daşıyıcısı qismində çıxış edən şəxslərin tibbi təhsil sənədləri və praktik tibb fəaliyyəti ilə məşğul olmağa hüquq verən şəhadətnamələri saxtalaşdırılıb. Plastik cərrahiyyə ixtisası üzrə fəaliyyət göstərən tibb mütəxəssislərinin sözügedən istiqamətlə məşğul olmağa icazə verən sənədlərinin hüquqi əsaslarının kompleks şəkildə yoxlanılmasına ehtiyac yaranıb. Bununla bağlı, Azərbaycan Respublikası səhiyyə nazirinin müvafiq əmri ilə Azərbaycan Respublikası Səhiyyə Nazirliyinin, Azərbaycan Respublikası Baş Prokurorluğunun, Azərbaycan Respublikası Daxili İşlər Nazirliyinin və Azərbaycan Respublikası Elm və Təhsil Nazirliyinin səlahiyyətli nümayəndələrindən ibarət Xüsusi Təftiş Komissiyası yaradılıb. Azərbaycan Respublikasının ərazisində praktik tibb fəaliyyəti ilə məşğul olan plastik cərrahlar peşə fəaliyyətinin qanunauyğunluğunu təsdiq edən sənədlərinin notariat qaydasında təsdiq edilmiş surətlərini (baza ali tibb təhsili, diplomdansonrakı təhsilə aid bütün sənədlər, əmək kitabçası, tibbi fəaliyyət ilə məşğul olmağa buraxılma barədə şəhadətnamə, sertifikasiya şəhadətnaməsi və s.) 2025-ci il 31 yanvar tarixinədək Azərbaycan Respublikasının Səhiyyə Nazirliyinə şəxsən təqdim etməlidirlər. Mütəxəssis tərəfindən sənədlər tələb olunan qaydada və tarixədək təqdim edilmədiyi təqdirdə, bu hal onun praktik tibb fəaliyyəti ilə məşğul olmağa buraxılma barədə şəhadətnamə və ya sertifikasiya şəhadətnaməsinin ləğvi üçün əsas olacaq", - nazirlikdən qeyd edilib.

Xəbər verdiyimiz kimi, bu gün aktyor Azər Baxşəliyev vəfat edib. Kult.az xəbər verir ki, aktyorun bir müddət əvvəl verdiyi açıqlama gündəm olub. O açıqlamasında bildirib ki, ölümdən qorxmur: “Ölüm elə ola bilər ki, sənə qorxu imkanı yaratmasın. Ölüm sən gözləmədiyin bir vaxt da gələ bilər. Bu hamının başına gələcək. Bunu olduğu kimi qəbul eləmək lazımdır”.

Hacıqabulda yol qəzası baş verib, beş nəfər xəsarət alıb. Sozcu.az xəbər verir ki, hadisə Bakı-Qazax magistralında Qədirxum istirahət mərkəzinin yaxınlığında qeydə alınıb. Belə ki, VAZ-2107 markalı avtomobil “Mersedes” markalı avtomobilə və daha sonra digər maşına çırpılıb. Qəza nəticəsində Sabirabad rayon sakinləri, 2016-cı il təvəllüdlü Yusif Zamin oğlu Qəhrəmanov, 2014-cü il təvəllüdlü Elgün Eldəniz oğlu Sarıyev, 1991-ci il təvəllüdlü Günel Əliağa qızı Sarıyev, 2008-ci il təvəllüdlü Günel Vilayət qızı Qəhrəmanova və daha bir nəfər müxtəlif dərəcəli xəsarətlər alıblar. Xəsarət alanlar Şirvan Şəhər Mərkəzi Xəstəxanasına yerləşdiriliblər. Faktla bağlı araşdırma aparılır.

15:51 Aktyor Azər Baxşəliyev vəfat edib. Sozcu.az xəbər verir ki, aktyor uzun müddətdir böyrək çatışmazlığından əziyyət çəkirdi. 1985-ci il təvəllüdlü aktyor uzun müddətdir böyrəkköçürmə əməliyyatı üçün donor axtarırdı. *** Ölüm xəbəri yayılan tanınmış aktyor Azər Baxşəliyevin vəziyyəti ağırdır. Bu barədə Oxu.az-ın sorğusuna cavab olaraq Azərbaycan Tibb Universitetindən məlumat verilib. Bildirilib ki, o xəstəxanaya gələrkən koma vəziyyətində olub: "Azər Baxşəliyev vəfat etməyib. Hazırda reanimasiyadadır. Vəziyyəti ağırdır, süni tənəffüs aparatına qoşulub. Xəstəxanaya gətirilərkən koma vəziyyətində olub". *** Koma vəziyyətində Azərbaycan Tibb Universitetinin (ATU) Tədris Cərrahiyyə Klinikasının Reanimasiya şöbəsinə yerləşdirilən tanınmış aktyor Azər Baxşəliyev vəfat edib. Bu barədə ATU-dan məlumat verilib.

Ukrayna Suriyanın sabitləşməsi üçün atılacaq bütün addımları dəstəkləyəcək. Sozcu.az xəbər verir ki, bu barədə Ukrayna Prezidenti Vladimir Zelenski deyib. O bildirib ki, Yaxın Şərqdə daha çox sabitlik bütün tərəfdaşlar üçün daha çox sülh və ticarət deməkdir: "Ukrayna Suriyanın sabitləşməsi üçün atılacaq bütün addımları dəstəkləyəcək. Suriya üçün “Ukraynadan taxıl” proqramını yaradacağıq. Ukrayna dekabrın 31-də suriyalı ailələrə pulsuz paylanmaq üçün içərisində 500 ton un olan 20-dən çox yük maşını göndərib. Biz bu dəstəyi daha da gücləndirmək üçün avropalı tərəfdaşlarımız və ABŞ ilə əlaqə saxlayacağıq".

Rusiyada Moskvadan Norilskə (Krasnoyarsk diyarı) gələn "Sibir Hava Yolları"na məxsus "Airbus 321A" təyyarəsi hava limanına endikdən sonra dönərkən uçuş-enmə zolağından kənara çıxıb. Sozcu.az xəbər verir ki, təyyarənin göyərtəsində 79 sərnişin olub.

Tovuzda evdə yanğın olub, 71 yaşlı kişi yanaraq ölüb. Sozcu.az xəbər verir ki, hadisə rayonun Aşağı Quşçu kəndində qeydə alınıb. Həmin ərazidə yerləşən evdə baş verən yanğın söndürüldükdən sonra ev sahibi Rafiq Hüseynovun qardaşı 1954-cü il təvəllüdlü Fazil Hüseynovun yanmış meyiti tapılıb. Faktla bağlı araşdırma aparılır.

Hacıqabulda ağır yol-nəqliyyat hadisəsi baş verib. Sozcu.az Oxu.az-a istinadən xəbər verir ki, hadisə dekabrın 31-də Hacıqabul-Bakı istiqamətində qeydə alınıb. "Hunday Sonata" markalı, 90 OF 344 dövlət qeydiyyat nişanlı nəqliyyat vasitəsi aşıb. Qəza nəticəsində bir nəfərin ağır xəsarət aldığı deyilir. Məlumata görə, avtomobilin sürücüsü yuxuladığı üçün onu idarə etməyi oğluna həvalə edib. Oğlu da yuxulayıb və qəza baş verib.

Azərbaycanda müşahidə olunan faktiki hava açıqlanıb. Milli Hidrometeorologiya Xidmətindən Sozcu.az-a bildirilib ki, ölkə ərazisində hava şəraiti əsasən yağmursuz keçib, lakin gecə 2-də Şahdağda zəif qar yağıb. Pirallahı, Neft Daşları, Sabirabad, Cəfərxanda duman müşahidə olunub. Havanın minimal temperaturu Bakıda və Abşeron yarımadasında 4, Aran rayonlarında 2 dərəcə şaxtadan 4 dərəcəyədək isti, Naxçıvan MR-da 7, dağlıq rayonlarda 5, yüksək dağlıq rayonlarda 10 dərəcəyədək şaxta qeydə alınıb.

Ötən il dekabr ayının 24-də səhər saatlarında Zərdabda Kür çayında batan 2011-ci il təvəllüdlü Saray Sərvan qızı Kərimlinin meyiti tapılıb. Sozcu.az Report-a istinadən xəbər verir ki, meyit batdığı yerdən təqribən 15-16 km aralıda Kür çayının Kürdəmir rayon Söyüdlü kəndi ərazisindən keçən hissəsində aşkarlanıb. Fövqəladə Hallar Nazirliyinin Aran Regional Dalğıc axtarış qrupunun əməkdaşları meyiti sudan çıxararaq aidiyyəti üzrə təhvil verib. Faktla bağlı araşdırma aparılır.

Bu gün Azərbaycanın Milli Qəhrəmanı, şəhid general-mayor Polad Həşimovun doğum günüdür. Sozcu.az-ın məmulatına görə, Polad Həşimov 2 yanvar 1975-ci ildə Qəbələ rayonunun Vəndam kəndində dünyaya gəlib. O, Sumqayıtda orta məktəbi bitirib. Heydər Əliyev adına ali məktəbdə təhsil alıb. Daha sonra təhsilini Türkiyədə davam etdirib. Polad Həşimov 2016-cı ildə aprel döyüşlərində iştirak edib və xəsarət alıb. Bundan sonra ona vaxtından əvvəl general rütbəsi verilib. General-mayor Polad Həşimov iyulun 13-dən 14-ə keçən gecə Tovuz rayonu istiqamətində döyüş zamanı qəhrəmancasına şəhid olub. İyulun 14-də general-mayor Polad Həşimovun nəşi əvvəlcə doğulduğu Qəbələ rayonunun Vəndam qəsəbəsinə, sonra yaşadığı Sumqayıt şəhərinə gətirilib. Şəhid general iyulun 15-də II Fəxri Xiyabanda dəfn olunub. 9 dekabr 2020-ci il tarixində Prezident İlham Əliyevin sərəncamı ilə ona Milli Qəhrəman adı verilib.

Yeni il gecəsi Luiziana ştatının Nyu-Orlean şəhərinin mərkəzində terror aktı törədən şəxs hadisədən 2 gün əvvəl Meksika sərhədindən keçərək ABŞ-a daxil olub. Sozcu.az “Fox News”a itinadla xəbər verir ki, şübhəlinin adı Şəmsuddin Cabbardır. Bu məlumatı iki federal məmur telekanala təsdiqləyib. Hüquq-mühafizə orqanları şübhəlinin xarici terror təşkilatları ilə əlaqəsi olub-olmadığını araşdırır. Nyu-Orlean şəhərində Yeni il gecəsi şəhərin mərkəzində avtomobilin piyadaların üzərinə sürülməsi nəticəsində 10 nəfər həlak olub, yaralananların sayı 35-ə yüksəlib.

Mingəçevir şəhərində bədbəxt hadisə nəticəsində xəsarət alan şəxs müalicə aldığı xəstəxanada keçinib. Sozcu.az “Report”a istinadən xəbər verir ki, 1973-cü il təvəllüdlü İ.Baxışov ağır xəsarətdən müalicə aldığı xəstəxanada vəfat edib. Yaxınlarının bildirdiyinə görə, mərhum usta kimi çalışdığı məkanda hündürlükdən yıxılaraq ağır xəsarət alıb. Faktla bağlı araşdırma aparılır.

İrandakı terror rejiminin NATO müttəfiqimiz Türkiyə və Azərbaycana qarşı böhtan xarakterli bəyanatlarını pisləyirəm. Sozcu.az xəbər verir ki, bu sözləri ABŞ Nümayəndələr Palatasının Yaxın Şərq, Şimali Afrika və Orta Asiya Komitəsinin sədri Co Vilson sosial media hesabında yazıb. Qeyd edək ki, İranın Ərdəbil şəhərində dövlət rəsmilərinin iştirak etdiyi rəsmi mərasim İan dövlət televiziyası tərəfindən canlı yayımlanıb. Mərasimdə Türkiyə və Azərbaycan, o cümlədən Prezident İlham Əliyev və Prezident Rəcəb Tayyib Ərdoğan haqqında təhqiramiz ifadələr işlədilib. Bununla bağlı İranın Bakıdakı səfirliyinin müvəqqəti işlər vəkilini XİN-ə çağırılıb.

Yanvarın 1-də saat 20 radələrində Şamaxı şəhərində 43 yaşlı Zaur Osmanovla qardaşlar – 42 yaşlı Məqatil Alıyev və 53 yaşlı Vüqar Alıyev arasında şəxsi münasibətlər zəminində mübahisə yaranıb. Sozcu.az Report-a istinadən xəbər verir ki, mübahisə zəminində tərəflər bir-birilərinə kəsici alətlə xəsarət yetiriblər. Nəticədə V.Alıyev aldığı xəsarətlərdən ölüb, digər iki nəfər isə xəstəxanaya yerləşdirilib. Araşdırma aparılır. Məlumatı DİN-in Mətbuat Xidmətinin regional qrupundan təsdiq ediblər.

Ukrayna Silahlı Qüvvələrinin baş komandanı Aleksandr Sırski Kursk istiqamətinə səfər edib. Sozcu.az xəbər verir ki, bu barədə Sırski Teleqram hesabında paylaşım edib. O qeyd edib ki, Rusiyanın Kursk vilayətindəki itkiləri 38 mindən çox şəxsi heyət və min ədəddən çox texnika təşkil edib.