Bu gün səhər saatlarında Moskvaya PUA hücumu olub. Sozcu.az xəbər verir ki, bu barədə Rusiya Müdafiə Nazirliyi məlumat yayıb. Məlumata görə, PUA hava hücumundan müdafiə sistemləri tərəfindən vurulub. PUA hücumuyla əlaqədar olaraq hava limanlarına məhdudiyyət qoyulub, uçuşlar digər şəhərlərə yönəldilib. Dağıntı və tələfat yoxdur.

Xəbər verdiyimiz kimi, Ukrayna ordusu avqustun 19-da Novqorod vilayətindəki “Soltsı” hərbi areodromuna zərbələr endirib. Sozcu.az xəbər verir ki, Rusiya Teleqram kanalları PUA-larla edilən hücum zamanı aerodromda olan iki ədəd Tu-22M3 strateji nüvə bombardmançısının məhv edildiyini yazıb. Məlumata görə, təyyarələrdən biri tamamilə məhv edilib, digərinin isə bir hissəsi sıradan çıxıb. Teleqram kanalları məhv edilən Tu-22M3-ün fotosunu da yayıb.

Özbəkistan Prezidenti Şövkət Mirziyayev Azərbaycan Prezidenti İlham Əliyevin dəvəti ilə avqustun 22-23-də ölkəyə dövlət səfəri edəcək. Sozcu.az xəbər verir ki, bu barədə Özbəkistan Prezidentinin saytında məlumat verilib.

Ukrayna müharibənin 544-cü günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 257 930 hərbçi, 4358 ədəd tank, 8449 ədəd zirehli döyüş maşını, 5264 ədəd artilleriya sistemi, 719 ədəd RYAS (reaktiv yaylım atəş sistemi), 489 hava hücumundan müdafiə sistemi, 315 ədəd hərbi təyyarə, 316 ədəd helikopter, 7692 ədəd avtomobil texnikası, 4309 ədəd PUA, 1406 qanadlı raket, 18 gəmi/qayıq, 794 xüsusi avadanlıq itirib.

Gəncə şəhərində ölümlə nəticələnən yol-nəqliyyat hadisəsi olub. Sozcu.az xəbər verir ki, Göygöl rayon sakini, 1998-ci il təvəllüdlü R.Cəfərov idarə etdiyi VAZ-2107 markalı avtomobillə Gəncə şəhərində hərəkətdə olan zaman idarəetməni itirərək avtomobili aşırıb. Nəticədə avtomobildə olan sərnişin, 2002-ci il təvəllüdlü Gəncə şəhər sakini Teymur Bayramov aldığı xəsarətlərdən ölüb. Faktla bağlı araşdırma aparılır.

Qərb Rusiyadakı siyasi rejimin dəyişdirilməsi üçün səy göstərmir. Sozcu.az xəbər verir, verir ki, bunu Almaniya kansleri Olaf Şolts deyib. “Kimin harada oturduğunu biz həll etmirik. Biz həmçinin Rusiyada rejim dəyişikliyi də planlaşdırmırıq. Amma Rusiya prezidenti qorxur ki, bu bizim plandır. Putin Avropa Birliyinin onun qonşusu olması faktı ilə yaşamalı olacaq. Açıq cəmiyyətlər, liberal demokratiyalar birliyi kimi azadlığın da virus olmadığına ümid edəcək”, - kansler bildirib.

Avqustun 21-i saat 06:20-dən 08:20-dək Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri Azərbaycan Ordusunun Tərtər, Ağdam, Füzuli və Şuşa rayonları istiqamətlərində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər. Bu barədə Sozcu.az-a Azərbaycan Müdafiə Nazirliyindən məlumat verilib. "Ordumuzun bölmələri tərəfindən görülən təxirəsalınmaz tədbirlər nəticəsində aparılan işlər dərhal dayandırılıb", - məlumatda deyilir.

Ağcabədidə kişi bıçaqlanıb, qonşusu şübhəli bilinir. Sozcu.az Report-a istinadən xəbər verir ki, hadisə avqustun 20-də Ağcabədi şəhəri, H.Aslanov küçəsində qeydə alınıb. Belə ki, rayon sakini Namiq Kazımovla qonşusu Ramil Hüseynov arasında şəxsi münasibətlər zəminində mübahisə yaranıb. Nəticədə N.Kazımov qonşusunun qarın nahiyəsinə bıçaqla bir zərbə endirib. Faktla bağlı araşdırma aparılır.

Avqustun 20-si saat 23:55-dən avqustun 21-i saat 06:10-dək Ermənistan silahlı qüvvələrinin bölmələri Basarkeçər rayonunun Göysu, Çəmbərək rayonunun Cil, Gorus rayonunun Brun yaşayış məntəqələri istiqamətlərində yerləşən mövqelərindən Azərbaycan Ordusunun Gədəbəy rayonunun Qalakənd və Novoivanovka, Laçın rayonunun Əhmədli yaşayış məntəqələri istiqamətlərində yerləşən mövqelərini atıcı silahlardan fasilələrlə atəşə tutub. Bu barədə Sozcu.az-a Müdafiə Nazirliyindən məlumat verilib. "Bölmələrimiz tərəfindən qeyd olunan bütün istiqamətlərdə cavab tədbirləri görülüb. Bundan başqa, avqustun 21-i saat 06:20-dən 08:20-dək Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri Azərbaycan Ordusunun Tərtər, Ağdam, Füzuli və Şuşa rayonları istiqamətlərində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər. Ordumuzun bölmələri tərəfindən görülən təxirəsalınmaz tədbirlər nəticəsində aparılan işlər dərhal dayandırılıb", - məlumatda qeyd olunub.

Türkiyədə 12 nəfərin ölümü ilə nəticələnən ağır yol qəzası baş verib. Sozcu.az xəbər verir ki, Sivasdan İstanbula doğru hərəkət edən sərnişin avtobusu qarşı yol çıxaraq dərəyə aşıb. Qəza nəticəsində 12 nəfər ölüb, 19 sərnişin yaralanıb. Yaralılar Yozqat və Sorgundakı xəstəxanalara yerləşdiriliblər.

Görkəmli Azərbaycan drijoru Niyazi Tağızadə 1912-ci il avqustun 20-də Tiflis şəhərində anadan olub.  Atası Zülfüqar Hacıbəyov Azərbaycanda musiqili teatrın banilərindən və dahi Azərbaycan bəstəkarı Üzeyir Hacıbəyovun qardaşı idi. Niyazi ilk musiqi təhsilini Y.A.Şefferlinq adına məktəbdə skripka sinifində oxumaqla alıb. Sonradan atası Zülfüqar Hacıbəyov və əmisi Üzeyir Hacıbəyovun tövsiyəsi ilə təhsilini 1925–1926-cı illərdə Moskvada Mixail Fabianoviç Qnessinin bəstəkarlıq sinifində davam etdirir. 1929–1930-cu illərdə isə Leninqrad (indiki Sankt-Peterburq) Mərkəzi Musiqi Texnikumunda bəstəkarlıq sinifində təhsil alır. Ancaq həmin şəhərin havası ona düşmədiyindən və darıxdığından bu təhsil ocağını bitirə bilməyib. Niyazi Z.Hacıbəylinin "Aşıq Qərib", Ü.Hacıbəylinin "Arşın mal alan" və s. əsərlərinin yeni redaksiyalarını hazırlamış, Azərbaycan xalq mahnılarını ("Xumar oldum", "Qaragilə", "Ay bəri bax", "Küçələrə su səpmişəm" və s.) simfonik orkestr üçün işləmiş, 1935-ci ildə "Rast" və "Şur" muğamlarını nota salmışdır. Niyazi 1934-cü ildə "Zaqatala süitası"nı yazmış, 1944-cü ildə ikihissəli "Qəhrəmanlıq" simfoniyası üzərində işini bitirmişdir. Azərbaycan musiqisində ilk simfonik əsərlərin müəlliflərindən olan Niyazi milli simfonizmin təşəkkülü və inkişafında əhəmiyyətli rol oynamışdır. Niyazinin 1942-ci ildə yazdığı "Xosrov və Şirin" operası musiqi dramaturgiyasının çoxplanlı olması, psixoloji gərginliyi, xor səhnələri və opera epizodlarının ifadəliliyi ilə fərqlənir. Onun 1949-cu ildə yazdığı "Rast" simfonik muğamı dramaturji bitkinliyi, güclü emosional təsiri, zəngin melodikası, xüsusilə harmonik dilinin əlvanlığı və ifadəliliyi ilə fərqlənir. "Rast" müəllifin idarəsi ilə bir çox xarici ölkələrdə səslənmiş, Çexiyada "Suprafon", ABŞ-də "Rikordi" musiqi şirkətləri tərəfindən qrammofon valına yazılmışdır. 1951–1952-ci illərdə Azərbaycan Dövlət Akademik Opera və Balet Teatrının dirijoru işləmiş Niyazi 1951 və 1952-ci illərdə SSRİ Dövlət mükafatına layiq görülmüşdür. Azərbaycan milli dirijorluq məktəbinin formalaşması Niyazinin adı ilə bağlıdır. Onun yozumunda milli bəstəkarların bir çox əsərləri, o cümlədən Ü.Hacıbəylinin "Koroğlu" operası dünya musiqisinin qızıl fonduna daxil olmuşdur. Niyazi M.Maqomayevin "Nərgiz", Q.Qarayev və C.Hacıyevin "Vətən", F.Əmirovun "Sevil", P.Çaykovskinin "Qaratoxmaq qadın", A.Borodinin "Knyaz İqor", J.Bizenin "Karmen", C.Puççininin "Bohema", B.Smetananın "Satılmış gəlin" operalarını, S.Hacıbəyovun "Gülşən", Q.Qarayevin "7 gözəl", "İldırımlı yollarla" baletlərini tamaşaya hazırlamışdır. 1959-cu ildə SSRİ xalq artisti adına layiq görülən Niyazi 1961-ci ildə S.M.Kirov adına Leninqrad Opera və Balet Teatrının baş dirijoru təyin olunmuşdur. SSRİ-nin ən məşhur teatrlarından birinə rəhbərlik etmək o dövrdə onun bir musiqiçi kimi böyük nüfuzundan xəbər verirdi. O burada A.Məlikovun "Məhəbbət əfsanəsi" baletinin ilk tamaşasını hazırlamışdır. Həmçinin P.Çaykovskinin "Yatmış gözəl" və S.Prokofyevin "Daş çiçək" baletlərinin yeni quruluşuna dirijorluq etmiş, həmin baletlərlə Parisin "Qrand-Opera", Londonun "Kovent-Qarden" teatrlarında qastrol tamaşaları vermiş və böyük uğur qazanmışdır. Müqavilə əsasında xarici ölkələrdə işləmək təklifi alan dirijor ona bir azərbaycanlı kimi doğma olan Türkiyəni seçmişdir. Niyazi P.Çaykovskinin "Yevgeni Onegin" və "Qaratoxmaq qadın", C.Verdinin "Aida" operalarına Ankara Opera və Balet Teatrında, türk bəstəkarı Ə.Sayqunun "Koroğlu" operasına İstanbulOpera Teatrında ilk quruluş vermiş, onun ilk tamaşasına və "Yunus İmrə" oratoriyasına dirijorluq etmişdir. İfaçılıq sənəti tanınmış sənətkarlar D.Şostakoviç. Ş.Q.Şarayev, K.Sekki, B.Tarcan, V.Dobiaş və b. tərəfindən yüksək qiymətləndirilən Niyazi Azərbaycana qayıdaraq Dövlət Akademik Opera və Balet Teatrının bədii rəhbəri və baş dirijoru təyin edilmişdir. Niyazinin "Konsert valsı" və s. simfonik əsərləri, fortepiano ilə orkestr üçün konserti klassik musiqi əsərləri hesab olunur. O, "Təbrizim", "Dağlar qızı", "Vətən haqqında mahnı", "Arzu" mahnılarının müəllifidir. Niyazi Ə. Haqverdiyevin "Dağılan tifaq", C.Cabbarlının "Almaz", S.Vurğunun "Vaqif, A. Korneyçukun "Polad qartal" dram tamaşalarına, həmçinin "Almaz", "Kəndlilər", "Fətəli xan" və s. kinofilmlərə yazılmış musiqilərin müəllifidir. Azərbaycan dirijorluq məktəbinin formalaşması və inkişafı onun adı ilə bağlıdır. Niyazi Azərbaycan dirijorluq məktəbinin banisidir. Q.Ropov, P.Ryazanov, L.Rudolfun bəstəkarlıq məşğələlərində iştirak edən Niyazi dirijorluq fəaliyyətinə 1934–35-ci illərdə başlayır. 1935-ci ildə ilk dəfə olaraq Azərbaycan xalq musiqisinin klassik nümunələrini — "Rast" və "Şur"u nota köçürür. 1937-ci ildə Mirzə Fətəli Axundzadə adına Opera və Balet teatrında dirijorluq vəzifəsinə dəvət olunur. 1938-ci ildə Moskva şəhərində keçirilən Azərbaycan incəsənəti ongünlüyündə Müslüm Maqomayev (bəstəkar)in "Nərgiz" operasına dirijorluq edir. Üzeyir Hacıbəyovun "Koroğlu", Qara Qarayevin və Cövdət Hacıyevin "Vətən", Fikrət Əmirovun "Sevil" operalarının, Arif Məlikovun "Məhəbbət əfsanəsi" baletinin dirijorluğunu da Niyazi etmişdir. 1946-cı ildə gənc dirijorların baxış müsabiqəsinin laureatı adını qazanır. 1949-cu ildə ən məşhur əsərini — "Rast" simfonik muğamını yazır. Böyük sənətkar müxtəlif vaxtlarda Azərbaycan SSR-in xalq artisti, SSRİ xalq artisti adlarına, Ü.Hacıbəyov adına Azərbaycan dövlət mükafatına, SSRİ dövlət mükafatına, "Çitra" baletinə görə Cəvahirləl Nehru adına beynəlxalq mükafata layiq görülmüşdür. Azərbaycan Dövlət Simfonik Orkestrinin bədii rəhbəri və dirijoru və Azərbaycan Dövlət Filarmoniyasının direktoru olmuşdur.  2 avqust 1984-cü ildə Bakı şəhərində vəfat etmişdir.  Məzarı Bakıda Fəxri Xiyabandadır.  Sözcü.az

Oğuz rayonunun Bayan kəndində 18 yaşlı qız vəfat edib. Sozcu.az Report-a istinadla xəbər verir ki, 2005-ci il təvəllüdlü Aydan Vidadi qızı Umarova yaşadığı evdə özünü pis hiss edib. O, Təcili Tibbi Yardım avtomobili ilə Şəki Rayon Mərkəzi Xəstəxanasına aparılarkən yolda keçinib. Qeyd edək ki, Aydan Umarova Bakı Mühəndislik Universitetinin birinci kurs tələbəsi olub.

Rusiya Ukraynaya qarşı müharibədə uğur qazana bilməyəcək və dünyada Çin kimi çəkiyə malik deyil. Sozcu.az xəbər verir ki, bunu Avropa Birliyinin (AB) xarici işlər və təhlükəsizlik siyasəti üzrə ali nümayəndəsi Jozep Borrell deyib. AB diplomatı qeyd edib ki, Rusiya Prezidenti Vladimir Putin Ukraynaya genişmiqyaslı işğala başlamaq qərarına gələrək, demək olar ki, hər şeydə, xüsusən də enerji asılılığına görə AB ölkələrinə nəzarət etmək imkanında yanılıb. "Putin özünü xilas etmək üçün xalqını və ordusunu qurban verməyə hazırlaşır, buna görə də sülh danışıqları aparmaq çətindir", - Borrell vurğulayıb. Eyni zamanda, Borrell Ukraynanın "sülh formuluna" dair Səudiyyə Ərəbistanında keçirilən son danışıqlarını müsbət qiymətləndirərək, Çinin bu danışıqlarda iştirakına diqqət çəkib: "Baxmayaraq ki, Çin heç vaxt Rusiyaya dəstəyini azaltdığını və ya onun aşkar məğlubiyyətinə töhfə verdiyini birbaşa deməyəcək. Pekin hazırkı vəziyyətdən qətiyyən razı deyil. Ən azı nüvə silahlarından istifadə məsələsində...". AB-nin Çinə qarşı siyasəti və onun yaratdığı çağırışları şərh edən Borrell bildirib ki, Pekin və Moskvanı müqayisə etmək mümkün deyil. "Birincisi, Çin Rusiya deyil. Çin əsl geosiyasi aktordur, Rusiya isə atom bombası olan yanacaqdoldurma məntəqəsi kimi iqtisadi cırtdandır”, - deyə Borrell mərhum ABŞ senatoru Con Makkeyinin sözlərindən sitat gətirib.

Ukrayna müharibənin 543-cü günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 257 470 hərbçi, 4346 ədəd tank, 8435 ədəd zirehli döyüş maşını, 5233 ədəd artilleriya sistemi, 717 ədəd RYAS (reaktiv yaylım atəş sistemi), 489 hava hücumundan müdafiə sistemi, 315 ədəd hərbi təyyarə, 316 ədəd helikopter, 7680 ədəd avtomobil texnikası, 4304 ədəd PUA, 1406 qanadlı raket, 18 gəmi/qayıq, 790 xüsusi avadanlıq itirib.

Bu gecə Moskvaya PUA hücumu olub. Sozcu.az xəbər verir ki, bu barədə Moskva meri Sergey Sobyanin məlumat verib. “Gecə cənub istiqamətində Moskvaya pilotsuz uçan aparatla uçmağa cəhd edilib. O, hava hücumundan müdafiə qüvvələri tərəfindən dayandırılıb”, - Sobyanin bildirib. Rusiya mətbuatını məlumatına görə, PUA hücumu səbəbindən Moskvanın “Domodedovo” və “Vnukovo” hava limanlarını fəaliyyəti dayandırılıb. “Flightradar” xidmətinin məlumatına görə, təyyarələr “Şeremetyevo”ya yönləndirilib, bəzi təyyarələr Ryazan vilayətində gözləmə zonasındadır.

Ukraynaya məxsus pilotsuz təyyarənin Kurskda dəmiryol vağzalı binasının damına çırpılması nəticəsində yanğın baş verib və 5 nəfər xəsarət alıb. Sozcu.az xəbər verir ki, bu barədə vilayətin qubernatoru Roman Starovoyt teleqram kanalında məlumat yayıb. Məlumata görə, PUA dəmiryol vağzalı binasının damına çırpılıb və damda yanğın baş verib. Hadisə nəticəsində beş nəfər xəsarət alıb.

"Yeni tədris ilinin gəlişi ilə məktəb bazarında qiymət artımı müşahidə olunur”.  Bunu Qaynarinfo-ya açıqlamasında təhsil eksperti Elmin Nuru deyib. Ekspert bildirib ki, ilk növbədə məktəbli ləvazimatları, dəftər, gündəlik, iş dəftəri və digər vəsaitlərin qiymətinin artması gözlənilir:  "Hətta iş dəftəri ilə gündəliyin tapılmasında çətinliklər yaranacaq. Son bir neçə ildə belə olub. Bu, yolverilməz haldır. Bu gün bazarda müxtəlif nəşriyyatlar tərəfindən məktəbli ləvzimatları ilə yanaşı gündəliklər buraxılır". Elmin Nuri bildirib ki, bəzi məktəblərdə gündəlikləri nəşriyyatlardan alıb sonra onu məktəbdə şagirdlərə baha qiymətə satırlar. Ekspert vurğulayıb ki, iqtisadiyyatın özəl qanunları var, bir məhsula ehtiyac yarandığı halda avtomtik olaraq onun qiyməti qalxır:  "Bu, həmişə belə olub. Bu ildə də məktəb ləvazimatlarının qiymətində müəyyən qədər artım olacaq”.  Elmin Nuri qeyd edib ki, əsas məktəbli formalarının da qiymətinin qalxması müşahidə oluna bilər:  "Nazirlər Kabinetinin qərarına əsasən, onlara müəyyən qiymət təyin edilir. Qısaqol köynək 15 manat, uzun qol köynək isə 25 manata satılacaq. Bəlli satış müəssisələrində də bu paltarlar satılacaq. Bunların həmin qiymətə satılacağına şübhə edirəm. Çünkü təlabat meyarı artacaq və mümkündür ki, bu istiqamətdə də qiymətlər artsın. Bütün bunların da yükü valideynin üzərinə düşür”. 

Avqustun 19-u saat 16:45-də Ermənistan silahlı qüvvələrinin bölmələri Basarkeçər rayonunun Əzizli yaşayış məntəqəsi istiqamətində yerləşən mövqelərindən Azərbaycan Ordusunun Kəlbəcər rayonunun Yellicə yaşayış məntəqəsi istiqamətində yerləşən mövqelərini atıcı silahlardan atəşə tutub. Bu barədə  Azərbaycan Müdafiə Nazirliyindən bildirilib. Bölmələrimiz tərəfindən qeyd olunan istiqamətdə cavab tədbirləri görülüb.

“Biz belə halı Moldovada -  Dnestryanı bölgədə müşahidə etmişik. Moldova hökuməti Rusiya “sülhməramlı”larının çıxarılması haqda tələb səsləndirsə də, bu, yerinə yetirilməyib. Və 30 ildən çoxdur ki, Moskvanın həmin hərbi kontingenti hələ də Moldovanın suveren ərazisindədir...” “Çox maraqlı bir sualdır. Çünki Güney Qafqazda və Ukraynada baş verənlərin müzakirəsinin aparılması və burada paralelliklərin müəyyən edilməsi çox əhəmiyyətlidir. İlk növbədə qeyd edim ki, Ukrayna tam qələbə qazanacağı təqdirdə də Rusiya “sülhməramlı”ları Qarabağda qalmağa çalışacaq, məğlub olacağı təqdirdə də. Yəni burada könüllü çıxmaqdan söhbət gedə bilməz. Həmçinin yalnız Rusiyanın deyil, digər ölkə və ya beynəlxalq təşkilatın da sülhməramlı kontingentinin yerləşdiyi ərazidən könüllü çıxacağına inansaq, illüziyaya qapılmış olarıq”.  Araşdırmaçı jurnalist, Ordu.az saytının baş redaktoru Şahin Qocayev bu fikirləri Moderator.az əməkdaşının “Necə hesab edirsiz, 2025-ci ildə Rusiyanın Ukraynaya qarşı apardığı ədalətsiz və işğalçı müharibədə Ukraynanın xeyrinə ciddi dönüş olmayacağı təqdirdə Rusiya öz “sülhməramlı”larını Qarabağdan  məlumrazılaşmaya uyğun olaraq könüllü(!) olaraq çıxaracaqmı” sualını cavablandırarkən dilə gətirib. “Onu da deyim ki, Rusiya “sülhməramlı”larının Qarabağdan çıxarılması məhz 2025-ci ildə yox, daha tez reallaşa bilər. Çünki bununla bağlı nəinki Azərbaycanda, Ermənistanda, hətta Qarabağdakı separatçılar daxilində də fikirlər səsləndirilir. Bu mənada mümkündür ki, ermənilər bizdən daha tez davransınlar və Rusiya kontingentinin çıxarılması ilə bağlı tələblər səsləndirsinlər. Lakin bu o demək deyil ki, ruslar ermənilərin tələblərinə dərhal boyun əyəcək.  Biz belə halı Moldovada -  Dnestryanı bölgədə müşahidə etmişik. Moldova hökuməti Rusiya “sülhməramlı”larının çıxarılması haqda tələb səsləndirsə də, bu, yerinə yetirilməyib. Və 30 ildən çoxdur ki, Moskvanın həmin hərbi kontingenti hələ də Moldovanın suveren ərazisindədir... Bu kimi məsələləri nəzərə aldıqda görərik ki, Rusiya ilə birbaşa, xüsusi və sərt tələblə danışmaq yüksək fayda gətirməyəcək. Çalışmaq lazımdır ki, “sülhməramlı”ların bölgədən çıxarılmasına xüsusi diplomatik fəaliyyətlərlə, qarşı tərəfi xoflandırmayacaq şəkildə ağıllı addımlarla nail olaq. Və qeyd etdiyim kimi, Azərbaycan hökuməti artıq müəyyən məsələlərdə bu addımları atıb, bu fikir formalaşdırılıb. Hətta o səviyyədə formalaşdırılıb ki, bunu Ermənistanın siyasi dairələri və Qarabağdakı separatçılar belə, dilə gətirir. Təbii ki, bunun üçün xüsusi fəaliyyətlər həyata keçirmək lazım olur. Bu da özündə çox ciddi diplomatik manevrləri ehtiva edir, xüsusilə bizdən peşəkar gedişlər etməyi tələb edir. Və hökumətimiz bu məsələdə çox diqqətlidir” -deyə açıqlmasının davamında şərhçi əlavə edib.  “Habelə onu da nəzərə almaq lazımdır ki, Rusiya “sülhməramlı”larının mandatı təsdiqlənməyib. Yəni bir çoxlarının fikrinin əksinə olaraq Azərbaycan tərəfi Rusiya “sülhməramlı”larının burada müəyyən olunmuş müddətdən də artıq qalmasını istəsəydi, onların mandatı təsdiqlənər və bu kontingentin missiyasının müddətinin uzadılması üçün lazımi əsaslar formalaşdırılardı. Lakin bu olmadığı təqdirdə “ən uzağı 2025-ci ildə sülhməramlıların bölgədən uzaqlaşdırılması həyata keçiriləcək” deyə bilərik”,- deyə Şahin Qocayev yekunlaşdırıb.

Gəncə şəhəri Ordubadi küçəsində qırılıb yerə düşmüş elektrik naqili təhlükəli vəziyyət yaradır. Küçə sakinləri İdarəyə, onun rəhbərliyinə zəng etsədə telefona cavab verən olmayıb. Sakinlər məcburiyyətdən problemin həllini ictimailəşdirməkdə görüblər: Ceyhun Nəbi

O deyib ki, Putinin Ukraynaya genişmiqyaslı işğalla bağlı əsaslandırması “gülməli”dir. ABŞ prezidenti Co Bayden Rusiyanın Ukraynaya genişmiqyaslı işğala başlamazdan əvvəl qarşıya qoyduğu məqsədlərə çatmaq şansının olmadığını və müharibəni uduzduğunu deyib. Sozcu.az xəbər verir ki,  “CNN”-in yaydığı məlumata görə, Bayden bunu Yaponiyanın baş naziri Fumio Kisida və Cənubi Koreya prezidenti Yun Suk Yol ilə üçtərəfli sammitdən sonrakı çıxışı zamanı deyib. ABŞ prezidenti deyib ki, Rusiya diktatoru Putinin Ukraynaya genişmiqyaslı işğalı ilə bağlı arqumenti “gülməli”dir. "Rusiya artıq uduzub. O, bəyan etdiyi ilkin məqsədinə çata bilmir. Bu, mümkün deyil..."- deyə ABŞ lideri bildirib. Bundan əlavə, o, qeyd edib ki, Rusiyanın Ukraynaya təcavüzünün nəticələri Avropadan çox-çox kənara çıxır. "Təsəvvür edin, əgər biz heç nə etməsəydik... Və bu dərhal aydın oldu ki, ... bunun hər yerdə baş verə biləcəyi bir vəziyyətdəyik. Biz dayansaq, bu, Tayvanla bağlı Çinə hansı siqnal olacaqdı? Bütün dünya üçün hansı siqnal olacaqdı?" "-  deyə ABŞ prezidenti sual edib. Bayden bildirib ki, Rusiya İkinci Dünya Müharibəsindən sonra belə görünməmiş  bir miqyasda müharibə aparıb, ona görə də bu, təkcə Avropanın problemi deyil. O, həmçinin Tokionun Rusiya təcavüzü ilə bağlı mövqeyini qeyd edib və bəyan edib ki, Yaponiya “həmçinin “G7”-də güclü liderlik nümayiş etdirib və Ukraynaya maliyyə və humanitar yardıma, eləcə də qeyri-öldürücü hərbi texnika ilə (təmin etmək) yardıma mühüm töhfə verib”. Xatırladaq ki, bundan əvvəl ABŞ prezidenti Co Baydenin administrasiyasının Ukraynaya yardımın artırılması xahişi ilə Konqresə müraciət etdiyi bildirilirdi. Bundan əlavə, ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbinin NATO-nun Ukraynanın ərazilərdən imtina edərək Alyansa qoşulması imkanlarını müzakirə etmədiyini daha əvvəl xəbər vermişdik.

“Ermənistandan Xankəndinə göndərilən maşın karvanı yardım karvanı yox, quldur karvanıdır”. Bunu Moderator.az-a açıqlamasında millət vəkili Elman Məmmədov bildirib. Millət vəkili qeyd edib ki, Ermənistanın humanitar yardım adı alında Qarabağa silah-sursat, terrorçu, qaçaqmal daşımağa cəhd edir: “Ermənistanın humanitar yardım karvanı adı altında təqdim etdiyi avtomobil karvanının humanitar yardımla heç bir əlaqəsi yoxdur və bunu sərhədçilərimizin ortaya çıxardığı çoxsaylı faktlar sübut edir. Ermənistan yardım karvanı adı altında Qarabağa terrorçu, qanunsuz silahlılar, mina, qaçaqmal və s. daşımağa çalışır. Azərbaycan isə məhz bu qanunsuz fəaliyyətin qarşısını alır. Hansı ki, Azərbaycanın bu fəaliyyəti sadəcə ölkəmizin ərazisində deyil, ümumilikdə bütün regionda sabitlik və təhlükəsizliyin təmini baxımından çox vacibdir. Bu baxımdan, bütün dünyanın baş verənləri görməsi, erməni yalanlarını ifşa edən Azərbaycanın təqdim etdiyi faktlara diqqətlə yanaşması, ədalətli və obyektiv mövqe ortaya qoyması çox vacibdir. Azərbaycan BMT-nin Təhlükəsizlik Şurasının icasında bir daha sübut etdi ki, Qarabağ ermənilərinin humanitar yardıma möhtac olması, bölgədə humanitar fəlakətin yaşanması ilə bağlı deyilənlər cəfəngiyyatdır və bu dezinformasiyalar dünya ictimaiyyətinin aldadılmasına xidmət edir”.

“Proses dalana aparır, yoxsa müharibəyə?..”  “Reallıqda bu, boğulanın saman çöpündən yapışması olsa da, biz ehtiyatı əldən verə bilmərik…” “Azərbaycan sülh danışıqlarını davam etdirməklə bərabər Xankəndi probleminin üzərinə getmək siyasətini bütün sərtliyi ilə ortaya qoymalı, dövlət nəzarətini bərpa etməyin əvvəl siyasi, sonra da hərbi yol xəritəsini qarşı tərəflərə elan etməlidir…” BMT Təhlükəsizlik Şurasının müzakirəsi ermənilərə istədiklərini vermədikdən sonra proseslərin hansı istiqamətdə gedəcəyi maraq yaradır. Bəri başdan vurğulamaq lazımdır ki, ermənilərin variantları tükənməyib və istər beynəlxalq arenada, istərsə də Qarabağ özündə növbəti siyasi təxribatlarını davam etdirəcəklər. Amma bir prosesi heç vaxt unutmaq olmaz ki, ermənilər siyasi şoularla bərabər silahlanmanı da davam etdirirlər. BMT Təhlükəsizlik Şurasında aparılan müzakirənin səhərisi günü - avqustun 17-də Araik Arutunyan “xalq könüllü silahlı dəstəsi”nin bir qrup döyüşçüləri ilə toplantı keçirib. Verilən xəbərdən məlum olur ki, toplantıda “mövcud çətinliklərin öhdəsindən gəlmək üçün döyüşçülərin üzərinə düşən vəzifələr və təhlükəsizliyin təmin edilməsi, bütün səylərin birləşdirilməsinin zəruriliyi” vurğulanıb. Məsələ yalnız könüllü döyüşçülərlə bitməyib, avqustun 18-də Araik Arutunyan “respublika müdafiə ordusu” adlanan silahlı qüvvələrin komanda heyəti ilə də görüş keçirib. İyirmi nəfərlik komanda heyəti ilə baş tutan görüşdə “ respublikanın müdafiə qabiliyyəti” müzakirə edilib. Qeyd edək ki, iki gün əvvəl daşnak yeni “spiker” də general-mayor Kamo Vardanyanla görüş keçirmişdi. Əgər 44 günlük müharibə dayandırılandan sonra ermənilər hərb mövzusunda kəlmə belə, kəsməkdən çəkinirdilərsə, indi Ermənistanda hər iki nəfərdən biri ordunu gücləndirib müharibəyə hazırlaşmaq barəsində açıq danışır. Ermənistan rəhbərliyinin sülh müqaviləsini imzalamaq üçün süni şəkildə zamanı uzatmağın əsil səbəbi də silahlanmaq və Fransa kimi havadarının siyasi-hərbi dəstəyilə Azərbaycan üzərində hərbi üstünlük qazanmaq planıdır. Əlbəttə, reallıqda bu, boğulanın saman çöpündən yapışması olsa da, biz ehtiyatı əldən verə bilmərik. Yaxın perspektiv nə vəd edir? Ermənilər Ağdam-Xankəndi yolundan sonadək imtina edəcəklərmi? Və ya son anda məcbur olub istifadəyə razılıq verəcəklər, amma çox güman ki, bizim maraqlarımıza uyğun olmayan şərt irəli sürməklə… Ona görə də biz indidən elan etməliyik ki, Ağdam-Xankəndi yolunun açılması yalnız Azərbaycan Respublikasının qanunları əsasında olmalıdır. Perspektivdə Laçın yolundan istifadə bərpa olunarsa, Azərbaycan beynəlxalq norma və qaydalara uyğun olaraq keçirilən istənilən yükün həm sərhəd , həm də gömrük nəzarətindən keçiriləcəyini şərt olaraq elan etməlidir…  Laçın yolu “böhranı” davam edərsə, sülh danışıqlarının perspektivi necə görünür? Avqust ayı bitəndən sonra Şarl Mişelin vəd etdiyi Brüssel görüşü sentyabrda olacaqmı və baş tutarsa, görüş xatirinə görüş təsiri bağışlamayacaq ki? Avropa İttifaqı nümayəndəsinin BMT TŞ müzakirəsində heç də neytral mövqe tutmadığını, əksinə, Azərbaycanı qınayan tezislərlə çıxışını nəzərə alsaq, görüşdən müsbət nəticə əldə olunacağı sual altındadır. Adətən Brüssel görüşü ərəfəsi və ya sonrası Moskva görüşünün olması tamamilə mümkündür, çünki oktyabrın 5-də Qranadada planlaşdırılan beşli görüşü də nəzərə alsaq, vasitəçiliyin bu qədər müddətə Qərb masasına keçməsinə Kremlin seyrçi qalması inandırıcı görünmür. Onu da qeyd edək ki, Putinin Türkiyə Prezidenti Ərdoğanla avqustun sonuna nəzərdə tutulan görüşündə Qarabağ mövzusunun da yer alacağı və Moskvanın Qərbi üstələyən təkliflərlə çıxış etməsi tamamilə mümkün variantdır. Eyni zamanda, BMT TŞ-də RF nümayəndəsi Polyanskinin digər daimi üzvlərdən fərqli olaraq, Azərbaycanın maraqlarını nisbətən gözləyən çıxışı da bu nikbinliyə əsas verən amillərdəndir… Bütövlükdə isə, danışıqların, görüşlərin real nəticə verəcəyi az inandırıcıdır və onlar Qarabağ məsələsini bu yolla dalana aparan prosesə xidmət edir. Nəticədə Xankəndi problemi qalacaq və qaldıqca Fransa, İran kimi dövlətlər ermənilərin əli ilə və ya birbaşa Azərbaycana qarşı təzyiqlərini, təxribatlarını davam etdirəcəklər, Rusiya isə sülhün imzalanmasının tez olması bəhanəsilə bölgədə təsirini saxlamaq siyasətini aparacaq, Aİ-nin, ABŞ-ın ayrı-ayrı nümayəndələri Azərbaycanı hədəf alan çağırışlar səsləndirəcəklər. Bir də baxacağıq ki, 2025-ci il qapını kəsib, amma Xankəndi rejimi hələ də yerindədir. Rejim isə, yazının əvvəlində qeyd etdiyimiz kimi, faktiki müharibəyə hazırlaşmaq görüntüsü yaradır və əgər bir separatçı rejimin silahlı qüvvələrini 20 nəfər komanda heyəti təmsil edirsə, məsələyə ciddi yanaşmaq lazımdır. Məsələ onda deyil ki, bu qüvvələr döyüşdə bizə problem yaradacaq, söhbət bu silahlı qüvvələrin Azərbaycan ərazisindən çıxarılmasının ilin sonunadək həll edilməsindən gedir!.. Azərbaycan sülh danışıqlarını davam etdirməklə bərabər Xankəndi probleminin üzərinə getmək siyasətini bütün sərtliyi ilə ortaya qoymalı, dövlət nəzarətini bərpa etməyin əvvəl siyasi, sonra da hərbi yol xəritəsini qarşı tərəflərə elan etməlidir. Bizim dalana dirənməyə zamanımız yoxdur… moderator) İlham İsmayıl

Beynəlxalq Cinayət Məhkəməsi tərəfindən həbs qərarı verildikdən sonra Putinin səfərləri əhəmiyyətli dərəcədə məhdudlaşdırılıb... Putin Rusiya Federasiyasından olan nümayəndə heyətinin tərkibində BMT Baş Assambleyasına getməyə qorxdu Sozcu.az “TSN”-ə istinadla xəbər verir ki, bu, Kremlin mətbuat xidmətinin yaydığı müvafiq sənəddən bəlli olub. Rusiya diktatoru Putin BMT Baş Assambleyasının 78-ci sessiyasında iştirak etmək üçün Rusiya Federasiyasından nümayəndə heyətinin tərkibi haqqında fərman imzalayıb, lakin onun özünün adı siyahıda yoxdur. Məlum olur ki, işğalçı ölkədən olan nümayəndə heyətinə xarici işlər naziri Sergey Lavrova başçılıq edəcək. Nümayəndə heyətinə Lavrovdan başqa, onun müavini Sergey Verşinin və beş departamentin rəhbərləri daxildir. Baş Assambleyada həmçinin Dövlət Dumasının Xarici Siyasət Komitəsinin rəhbəri Leonid Slutski və BMT-dəki səfiri Vasili Nebenzya da iştirak edəcək. Putinin özünün nümayəndə heyətində olmaması onunla izah olunur ki, Beynəlxalq Cinayət Məhkəməsi tərəfindən barəsində həbs qərarı çıxarıldıqdan sonra onun xarici səfərləri məhdudlaşdırılıb.