Baş Prokurorluq məişət zorakılığından zərərçəkmiş şəxslərə qısamüddətli mühafizə orderinin verilməsi qaydası barədə məlumat açıqlayıb. Məişət zorakılığı (fiziki, psixi, cinsi, iqtisadi xarakterli) törətmiş şəxsin zərər çəkmiş şəxsə qarşı edə biləcəyi hərəkətlərə məhdudiyyətlər tətbiq oluna bilər. Bu məhdudiyyətlərin əks olunduğu sənəd (akt) mühafizə orderi adlanır. Məişət zorakılığından zərər çəkmiş şəxsə qısamüddətli və ya uzunmüddətli mühafizə orderi verilə bilər. Qısamüddətli mühafizə orderində məişət zorakılığını törətmiş şəxsə aşağıdakılar qadağan edilə bilər: 1. məişət zorakılığının təkrar törədilməsi; 2. zərər çəkmiş şəxsin olduğu yer ona məlum olmadıqda, həmin şəxsin axtarılması; 3. zərər çəkmiş şəxsə narahatlıq gətirən digər hərəkətlərin edilməsi. Qısamüddətli mühafizə orderinin verilməsi Məişət zorakılığı törətmiş şəxsin hərəkətləri cinayət məsuliyyəti yaratmadıqda, lakin bu hərəkətlər nəticəsində zərər çəkmiş şəxsin hüquqları və qanuni mənafeləri pozulduqda, yerli icra hakimiyyəti orqanı tərəfindən məişət zorakılığı ilə bağlı hərəkətləri törətmiş şəxsə həmin və ya ona oxşar hərəkətlərin təkrarlanmaması barədə yazılı xəbərdarlıq edilə və zərər çəkmiş şəxsə qısamüddətli mühafizə orderi verilə bilər. Yerli icra hakimiyyəti orqanı müraciət edilən vaxtdan 24 saat keçənədək zorakılığı törədən şəxsə xəbərdarlıq edir və dərhal zərər çəkmiş şəxsə 60 gün müddətinədək qısamüddətli mühafizə orderi verir. Xəbərdarlıq edilməsindən məhkəməyə şikayət verilə bilər. Məişət zorakılığı ilə bağlı hərəkətlər törətmiş şəxsin qısamüddətli mühafizə orderinin tələblərinə əməl etməməsi uzunmüddətli mühafizə orderinin verilməsi üçün əsas ola bilər. Məişət zorakılığı ilə bağlı hərəkətləri törətmiş şəxs verilmiş xəbərdarlığa əməl etmədikdə, zərər çəkmiş şəxs və ya yerli icra hakimiyyəti orqanı uzunmüddətli mühafizə orderinin verilməsi üçün məhkəməyə müraciət etmək hüququna malikdir.

Sosial şəbəkə seqmentində cəmiyyətdə tanınmış şəxslər barədə, xüsusən də onların şəxsi həyatına dair dəqiqləşdirilməmiş məlumatların yayılması ictimaiyyət tərəfindən narazılıqla qarşılanır və eyni zamanda, birmənalı qəbul olunmur. Sozcu.az xəbər verir ki, bu barədə Azərbaycan Respublikasının Medianın İnkişafı Agentliyi (MEDİA) məlumat yayıb. Bildirilib ki, sosial şəbəkə fəalları insanların şəxsi həyatına müdaxilə kimi qiymətləndirilə biləcək və ictimaiyyəti çaşdıracaq paylaşımlar etməməli, həmçinin davranışlarını təmsil olunduqları sosial şəbəkənin etik qaydalarına uyğun tənzimləməli, yalan, dezinformasiya xarakterli məlumatların yayılmasından çəkinməlidirlər. "Qeyd etməliyik ki, ümumiyyətlə son dövrlər peşəkar media subyektləri və jurnalistlər sosial mediada yayılan bu qəbildən olan məlumatlara jurnalistika prinsipləri baxımından yanaşaraq peşəkar davranış nümayiş etdirməkdədirlər. Qeyri-dəqiq, mənbəyi bilinməyən və ictimai fikri çaşdırmağa yönəlmiş dezinformasiyaların yayılmasının hüquqi məsuliyyət yaratdığını xatırladaraq sosial şəbəkə istifadəçilərini məsuliyyətli olmağa səsləyirik", - deyə məlumatda vurğulanıb.

Nərimanov rayon Məhkəməsinin bugünkü qərarına əsasən, Azərbaycan Demokratiya və Rifah Partiyasının sədri Qubad İbadoğlu barəsində secilmiş həbs qətimkan tədbiri ev dustaqlığı ilə əvəz olunib. Sozcu.az xəbər verir ki, bu barədə Q.İbadoğlunun vəkili Bəhruz Bayramov bildirib. Qeyd edək ki, Qubad İbadoğlu 9 ay əvvəl həbs edilib. Ona Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) və 167-3.1-ci (dini ekstremist materialları hazırlama, saxlama və ya yayma) maddələri ilə yekun ittiham elan edilib. Qubad İbadoğlunun məhkəmə prosesinin yaxın günlərdə başlanacağı gözlənilir. 

Ermənistanın baş naziri Nikol Paşinyan Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaarı qəbul edib. Sozcu.az xəbər verir ki, bu barədə Ermənistan Baş Naziri Aparatının İnformasiya və İctimaiyyətlə Əlaqələr Departamentinin "Armenpress"ə verdiyi məlumatda deyilir. Bildirilib ki, görüşdə Aİ-nin Ermənistan Respublikasındakı nümayəndə heyətinin rəhbəri, səfir Vasilis Maraqos da iştirak edib. Regional vəziyyət, Ermənistan və Azərbaycan arasında sülh müqaviləsi üzrə danışıqlar və sərhədlərin delimitasiyası prosesinə toxunulub. Ermənistan-Avropa İttifaqı əməkdaşlığı və onun gələcək inkişafı məsələləri müzakirə edilib. Toivo Klaar bir daha qeyd edib ki, Aİ hərtərəfli və uzunmüddətli nizamlanma məqsədi ilə Ermənistan-Azərbaycan danışıqlar prosesini, eləcə də 1991-ci il Alma-Ata Bəyannaməsi əsasında sərhədin delimitasiyası prosesinə başlamaq barədə razılaşmanı tam dəstəkləyir.

Aprelin 23-də müəllimlərin iş yerinin dəyişdirilməsi müsabiqəsinin növbəti vakansiya seçimi mərhələsinə başlanılacaq. Məktəbəqədər və Ümumi Təhsil üzrə Dövlət Agentliyindən Sozcu.az-a bildirilib ki, qeyd olunan tarixdə keçiriləcək vakansiya seçimində müsabiqə üzrə qeydiyyatdan keçmiş və elektron ərizəsi qəbul olunmuş müəllimlər iştirak edə bilərlər. Vakansiya seçimi üçün elektron sistem aprelin 29-u saat 11:00-dək aktiv olacaq. Xatırladaq ki, aprelin 17-dən 19-dak keçirilmiş vakansiya seçimi mərhələsində 14 nəfər şəhid ailəsinin üzvü olan müəllim iş yerini dəyişdirmək imkanı qazanıb.

İranın Təbriz, Kərəc, Kirman və Çabahar şəhərlərinin həbsxanalarında 10 məhkum edam edilib. Sozcu.az xəbər verir ki, bu barədə insan haqları təşkilatları məlumat yayıb. Bildirilib ki, edam edilənlərin doqquzu narkotik maddələrin alverində günahlandırılıb. Təbriz həbsxanasında edam edilən 33 yaşlı Əfqanıstan vətəndaşı Vəliullah Bəxtavərin isə adam öldürməkdə ittiham olunduğu qeyd olunub.

Aprelin 23-də Azərbaycanda gözlənilən hava proqnozu açıqlanıb. Bu barədə Sozcu.az -a Milli Hidrometeorologiya Xidmətindən məlumat verilib. Bildirilib ki, sabah Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Lakin axşam yarımadanın bəzi yerlərində qısamüddətli az yağış yağacağı ehtimalı var. Mülayim şimal-qərb küləyi əsəcək. Havanın temperaturu gecə 14-18° isti, gündüz 23-28° isti olacaq. Atmosfer təzyiqi 762 mm civə sütunundan 765 mm civə sütununa yüksələcək. Nisbi rütubət 40-60 % olacaq. Azərbaycanın rayonlarında gün ərzində bəzi yerlərdə fasilələrlə yağış yağacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Qərb küləyi bəzi yerlərdə arabir güclənəcək. Havanın temperaturu gecə 13-18° isti, gündüz 25-30° isti, dağlarda gecə 8-13° isti, gündüz 13-18° isti olacaq.

"Bavariya" mövsümün sonunda komandadan ayrılacaq Tomas Tuhelin yerinə Yurgen Kloppu gətirmək istəyir. Sozcu.az xəbər verir ki, bu barədə "Focus" məlumat yayıv. Daha əvvəl Münhen təmsilçisinin baş məşqçisi vəzifəsinə əsas namizəd kimi Almaniya millisinin çalışdırıcısı Yulian Naqelsmann göstərilirdi. Lakin Almaniya Futbol Federasiyası mütəxəssislə müqaviləni yenilədiyi üçün Bavariya" yeni baş məşqçi axtarışına başladı. "Bavariya" bu vəzifədə hazırda "Liverpul"a baş məşqçilik edən Yurgen Kloppu görmək istəyir. Almaniyalı mütəxəssis daha əvvəl cari mövsümün sonunda İngiltərə təmsilçisindən ayrılacağını açıqlamışdı. Lakin o, məşqçiliyə 1 illik ara vermək istəyir. "Bavariya" isə Kloppu gözləməyə hazırdır. Klub Kloppa görə Hans Diter Fliki müvəqqəti - 2025-ci ilin yayınadək baş məşqçi təyin etməyi nəzərdən keçirir.  Qeyd edək ki, "Bavariya" hazırda Bundesliqanın turnir cədvəlində 66 xalla 2-cidir. "Bayer" artıq yarışda çempionluğu rəsmiləşdirib.

Müdafiə Nazirliyinin (MN) mənimsəməyə görə tutulan Maliyyə və Büdcə İdarəsinin sabiq rəisi, general-mayor Nizami Məmmədov, Hərbi Hava Qüvvələrinin (HHQ) Maliyyə Xidmətinin sabiq rəisi, polkovnik Cəlal Kazımov, Quru Qoşunları maliyyə idarəsinin rəisi Bayram Bayramov və Hərbi Dəniz Qüvvələrinin (HDQ) maliyyə xidmətinin sabiq rəisi Vüsal Əlizadənin cinayət işi üzrə məhkəmə prosesi keçirilib. Bakı Hərbi Məhkəməsində hakim Fikrət Əliyevin sədrliyi ilə keçirilən prosesdə şahidlər ifadə verib. Şahid Ülvi Ziyadzadə bildirib ki, təftiş dövründə Müdafiə Nazirliyinin hərbi hissələrindən birində maliyyə xidmət rəisi işləyib. İşlədiyi hərbi hissədə yoxlama zamanı 100 min 814 manat mənimsəmə olub. Onun sözlərinə görə, pulları icazəsiz 5-6 nəfərin adına olan bank kartlarına köçürsə də, həmin şəxslərin o pullardan xəbərləri olmayıb: “İşlədiyim müddətdə 3 dəfə təftiş olmuşdu. Yoxlamaya Azər Məmmədov, Rüfət Quliyev və Nurlan gəlmişdi. Təftiş zamanı aşkarlanan çatışmayan məbləğin 60-70 faizini onlara verirdik. Mənə cəmi 18 min 314 manat pul qalıb. Onu da büdcəyə qaytaracam”. Təftiş vaxtı MN-in Hərbi Kənd Təsərrüfatı Müəssisəsinin rəisi işləmiş Əliyar Səfərəliyev deyib ki, bu vəzifəyə onu 2013-cü ildə MN-in Maddi Texniki Təminat (MTT) Baş İdarəsindən təyin ediblər: “Əkdiyim məhsullar əldə qalıb yanırdı, ona görə də pul verirdim. Nazirlik ilə Maştağada Kənd Təsərrüfatı Müəssisəsinin rəisi işləyən Zahid danışır, pul məsələlərini o həll edirdi. Müdafiə Nazirliyinə satdığımız məhsuldan aldığımız pulun 3 faizini idarəyə, Akif Umudova qaytarırdıq. Məhsulu təhvil verəndən 15-20 gün sonra pulunu alırdıq. Bəzən gecikdirirdilər, biz də pulun vaxtında ödənilməsi üçün məbləğin 3 faizini Akif Umudova verirdik”. Şahid Ə.Səfərəliyev istintaqda ifadəsində isə bildirib ki, hər dəfə məhsulun satışından aldığı pulun 3 faizinin Nizami Məmmədova çatdırılması üçün Akif Umudova verib. Ümumilikdə MTT-yə 108 min manat pul qaytarıb. Müttəhim Nizami Məmmədov etiraz edərək bildirib ki, satınalma ilə bağlı istintaqda üzləşmə olmayıb, bu məsələni ittiham aktını oxuyanda bilib. “Satınalma ilə bağlı Mahir Şirvanov, Məlikməmməd Qurbanov və Akif Umudovla görüşmüşəm. Kənd Təsərrüfatı Müəssisələri MTT-nin tabeliyində olub. Müdafiə Nazirliyinin Maliyyə İdarəsi heç bir təşkilatla müqavilə bağlamayıb. Bunların satınalma ilə bağlı ifadələri şablondur. Bunların dediyi 3 faizin bizə aidiyyəti yoxdur”, - N.Məmmədov bildirib. Şahid Rəşad Əhmədovun sözlərinə görə, direktor müavini olduğu mətbəx avadanlıqlarının təmiri ilə məşğul olan şirkət Müdafiə Nazirliyinin Maddi Texniki Təminat Baş İdarəsi ilə müqavilə bağlayıb və hərbi hissələrin mətbəxində təmir işləri həyata keçirib. “Mətbəx avadanlıqlarının təmiri çətin iş olduğu üçün onu hər şirkət üzərinə götürmürdü. Müqavilə əsasında hərbi hissələrin mətbəxlərində xarab olmuş avadanlıqları təmir edirdik. Pulun gecikdirilməməsi üçün hər dəfə Akif Umudova 3 faiz “otkat” verirdik”, - R.Əhmədov deyib. İclasda şahid qismində ifadə verən “Bakıxanov Trikotaj” ASC-nin direktoru İxtiyar Rəsulov deyib ki, işlədiyi müəssisə Müdafiə Nazirliyinin sifarişi ilə geyim istehsal edib. Bu məsələ ilə bağlı nazirliyin MTT idarəsi ilə müəssisənin əvvəlki mühasibi əlaqədə olub. Həmin şəxs vəfat edib. “Pulumuzu gecikdirimişdilər, ala bilmirdik. Mən məcbur olub nazirliyin əməkdaşı Akif Umudovla əlaqə saxladım. İşçilərin maaşını verə bilmədiyimizi deyərək təhvil verilən sifarişlərin pulunun ödənilməsini istədim. Nazirlik ilə 2015-2022-ci illərdə 6 milyon 822 min manatlıq müqaviləmiz olub”, - şahid deyib. İ.Rəsulov istintaqa verdiyi ifadəsində yerinə yetirdikləri sifarişlərin pulunun vaxtında çatdırılması üçün Akif Umudova 26 min manat “otkat” verdiyini bildirib. Qeyd edək ki, Müdafiə Nazirliyinin Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin (HHQ) Maliyyə Xidmətinin sabiq rəisi, polkovnik Cəlal Kazımov, Quru Qoşunların maliyyə idarəsinin rəisi Bayram Bayramov, maliyyə idarəsinin zabiti Vüsal Əlizadə, Müdafiə Nazirliyinin Satınalmalar və Təchizat İdarəsinin sabiq rəisi, polkovnik Mahir Şirvanov, həmçinin nazirliyin Satınalmalar və Təchizat İdarəsinin sabiq rəisi Məlikməmməd Qurbanov, nazirliyin mənzil istismar idarəsinin sabiq rəisi, polkovnik Fikrət Mirzəyev Dövlət Təhlükəsizliyi Xidmətinin keçirdiyi xüsusi əməliyyat nəticəsində həbs ediliblər. Təqsirləndirilən şəxslər dövlət büdcəsindən ayrılan pulları mənimsəməkdə ittiham edilirlər. Xatırladaq ki, cinayət işi üzrə dövlətə dəymiş ziyan ümumilikdə 143 milyon manatdır. Cinayət işləri ayrı-ayrı icraatlarda baxılması üçün məhkəməyə göndərilib. İstintaq dövründə dövlətə vurulmuş ümumi ziyanın 40 milyon manatı artıq ödənilib. Cinayət işi üzrə Maliyyə Nazirliyi zərərçəkmiş qismində tanınıb. Təqsirləndirilən şəxslərin hər birinə Cinayət Məcəlləsinin 179.4-cü (xüsusi ilə külli miqdarda ziyan vurmaqla dələduzluq törətmək) maddəsi ilə ittiham irəli sürülüb./Report

"Səhərin gözü açılmamış evimiz adamla dolub, biri gedib, biri gəlir. Hamısını da özüm qarşılayıram. Deyirlər ki, Yusif müəllim ölüm xəbərinizi eşidib gəlmişik. Cavab verirəm ki, ölü də qonaq qarşılayar?" "Səhərin gözü açılmamış evimiz adamla dolub, biri gedib, biri gəlir. Hamısını da özüm qarşılayıram. Deyirlər ki, Yusif müəllim ölüm xəbərinizi eşidib gəlmişik. Cavab verirəm ki, ölü də qonaq qarşılayar?" Bunu Qaynarinfo-ya açıqlamasında Əməkdar artist Yusif Mustafayev ölüm xəbərindən danışarkən deyib. Müğənni yayılan bu məlumatdan narahatıq keçirdiyini vurğulayıb: "Telefonlar susmur, hamı zəng edir. Ailəm, qohumlarım narahat olub. Eşitmisən, bir dəqiqləşdir də. Çox pis olmuşam. Anlaya bilmirəm ki, niyə bu insanlar bəd xəbəri xoşalır".  Yusif Mustafayev ölüm xəbərini yayanlara mesaj verib: "Əzrayıl mələkdir, onun bunlardan xəbəri yoxdur. Bu xəbəri yayanların acığına yaşayacağam". Qeyd edək ki, bu gün səhər saatlarında sosial şəbəkələrdə Əməkdar artist Yusif Mustafayevin ölüm xəbəri yayılıb. 

“Roskomnadzor” “Moskva Post”, “Polit.ru”, “Russkiy Kriminal” və “Kompromat-Qrup” saytlarını bloklayıb. Sozcu.az xəbər verir ki, bu barədə “RİA Novosti” məlumat yayıb. Məlumata görə, saytlar dəfələrlə saxta məlumatlar dərc etməkdə ittiham olunur. Qeyd edək ki, dünən “Roskomnadzor” “Sərhədsiz reportyorlar” beynəlxalq təşkilatının saytına Rusiya ərazisində qadağa qoymuşdu.

Yasamal Rayon Polis İdarəsinin 26-cı Polis Bölməsinin əməkdaşlarının həyata keçirdiyi növbəti tədbir nəticəsində narkotiklərin qanunsuz dövriyyəsi ilə məşğul olan 1996-cı il təvəllüdlü Hüseyn Rzayev saxlanılıb. Sozcu.az DİN-ə istinadən xəbər verir ki, həmin şəxsdən 4 kiloqrama yaxın satış məqsədilə tədarük etdiyi heroin, marixuana və tiryək ələ keçirilib. H.Rzayevin daxil olduğu narkoşəbəkənin digər üzvlərinin saxlanılması istiqamətində 26-cı PB-nın əməkdaşları tərəfindən tədbirlər davam etdirilir. Narkotiklərin qanunsuz dövriyyəsinə qarşı mübarizə qətiyyətlə davam etdirilir.

Ermənistanda Azərbaycanla sərhəd təhlükəsizliyi və dövlət sərhədinin demarkasiyası üzrə komissiyanın nəzdində işçi qrupu yaradılıb. Sozcu.az News.am-a istinadla xəbər verir ki, bu barədə Baş nazir Nikol Paşinyan qərar imzalayıb. “Sərhədin müvafiq hissələrinin Bağanis - Bağanis Ayrum, Voskepar - Aşağı Əskipara, Kirants - Xeyrumlı və Berkaber - Qızıl Hacılı qəsəbələri, ölçmələr nəticəsində koordinatların dəqiqləşdirilməsi və müvafiq Protokol-təsvir layihəsinin tərtib edilməsi məqsədilə Azərbaycan Respublikası arasında sərhəd təhlükəsizliyi və dövlət sərhədinin demarkasiyası üzrə komissiyanın nəzdində işçi qrupu yaradılsın”, - qərarda deyilir. Qeyd olunur ki, 9 nəfərdən ibarət işçi qrupuna Marz qubernatoru Hayk Qalumyan rəhbərlik edəcək.

Türkiyə Prezidenti Rəcəb Tayyib Ərdoğan mayın 9-da ABŞ-a rəsmi səfər edəcək. Sozcu.az xəbər verir ki, bu barədə “Akşam” məlumat yayıb. Bildirilib ki, səfər ABŞ Prezidenti Co Baydenin dəvəti ilə baş tutacaq. Hər iki lider ABŞ-ın Türkiyəyə F-16 qırıcılarının tədarükünü və terrorla mübarizə məsələlərini müzakirə edəcəklər.

NATO Azərbaycan və Ermənistan arasında normallaşma səylərini dəstəkləyir. Sozcu.az xəbər verir ki bu barədə NATO Baş katibinin Cənubi Qafqaz və Mərkəzi Asiya üzrə xüsusi nümayəndəsi Xavyer Kolomina X hesabında yazıb. "Sərhədin delimitasiyası üçün baza sənədi kimi 1991-ci ildə Almatı bəyannaməsi ilə bağlı Azərbaycan və Ermənistan arasında razılaşmanı alqışlayırıq. Hər iki ölkənin ərazi bütövlüyünün tanınması əsas prinsipdir. Baş katib Yens Stoltenberqin regiona səfərində qeyd etdiyi kimi NATO normallaşma səylərini güclü şəkildə dəstəkləyir", - Kolomina vurğulayıb.

Polşa hakimiyyəti dəfələrlə ABŞ-la NATO-nun nüvə bölgüsü proqramı çərçivəsində öz nüvə silahlarının ölkədə yerləşdirilməsi imkanlarını müzakirə edib və lazım gələrsə, buna hazır olduqlarını bildirib. Sozcu.az xəbər verir ki, bunu Polşa Prezidenti Anjey Duda deyib. “Bu, artıq bir müddətdir ki, Polşa-ABŞ danışıqlarının mövzusudur. Mən artıq bir neçə dəfə (Amerikalı tərəfdaşları ilə-red.) bu mövzu haqqında danışmışam. Onlar mənə Polşada nüvə başlıqlarının yerləşdirilməsi haqqında sual verəndə buna hazır olduğumuzu bildirdim”, - Duda bildirib.

Almaniyanın Olpe şəhəri yaxınlığında məktəbliləri daşıyan avtobus aşıb. Sozcu.az xəbər verir ki, bu barədə “Bild” nəşri məlumat yayıb. Məlumata görə, avtobusun aşması nəticəsində 27 yeniyetmə xəsarət alıb. Xəsarət alanlar xəstəxanaya yerləşdirilib. Onlardan 4-nün vəziyyəti ağırdır. Avrobusun sürücüsü yüngül xəsarətlər alıb.

İŞİD-lə əlaqəsi olan 36 şübhəli saxlanılıb. Sozcu.az xəbər verir ki, bu barədə Türkiyə daxili işlər naziri Əli Yerlikaya X hesabında yazıb. “Ölkənin 4 vilayətində keçirilən əməliyyatlar çərçivəsində İŞİD terror təşkilatı ilə əlaqədə şübhəli bilinən 36 nəfər saxlanılıb”, - paylaşımda deyilib. DİN-in məlumatına görə, son bir il ərzində Türkiyədə terror təşkilatının 3 mindən çox tərəfdarı saxlanılıb.

NATO hava hücumundan müdafiəni təkmilləşdirmək üçün təlimlər keçirəcək. Sozcu.az xəbər verir ki, bu barədə "UK Defence Journal" nəşri məlumat yayıb. “Ramstein Flag 24” adlı təlimlər sentyabrın 30-dan oktyabrın 11-dək Yunanıstanın Peloponnes yarımadasının qərbində baş tutacaq. Təlimlər 13 müttəfiq ölkə arasında hava, dəniz və qurudan müdafiə taktikasını təkmilləşdirmək məqsədi daşıyır. Onlara qırıcılar, quru qoşunları, dəniz qüvvələri və xüsusi təyinatlılar daxil olmaqla 140-dan çox təyyarə cəlb olunacaq. Təlim yüksək texnoloji taktiki hava hücumundan müdafiəni sınaqdan keçirmək və raketdən müdafiə strategiyasını təkmilləşdirmək üçün keçirilir. NATO Hərbi Hava Qüvvələrinin komandanı, general Ceyms Hekker deyib ki, təlimlər gələcək təhdidlərə qarşı mübarizəyə hesablanıb.

Bu gün Şirvan şəhərinin kardioloq-həkimi, 1959-cu il təvəllüdlü Fikrət Sadıqzadə ürək çatışmazlığından vəfat edib. Sozcu.az Oxu.az-a istinadla xəbər verir ki, TƏBİB-in İctimaiyyətlə Əlaqələr və Kommunikasiya departamentinin rəhbəri Zamirə Ədilova məlumatı təsdiqləyib. “Həkim infarkt keçirib. O, təcili tibbi yardım vasitəsi ilə Şirvan Rayon Mərkəzi Xəstəxanasına çatdırılıb. Lakin həyata keçirilən bütün tədbirlərə baxmayaraq onun həyatını xilas etmək mümkün olmayıb. O, kifayət qədər savadlı və işinin peşəkarı olan həkim idi. Allah rəhmət eləsin”, - Ədilova bildirib.

Ukrayna SQ-nin Hərbi Dəniz Qüvvələrinin Sevastopolda fəaliyyəti nəticəsində Rusiyanın “Kommuna” gəmisi yanıb. Sozcu.az xəbər verir ki, bu barədə Ukrayna Hərbi Dəniz Qüvvələrinin nümayəndəsi Dmitri Pletençuk məlumat yayıb. “Bu hadisə Ukrayna Hərbi Dəniz Qüvvələrinin birbaşa iştirakı ilə baş verib. Gəmiyə dəyən zərər dəqiqləşdirilir, lakin ilkin məlumata görə, gəmi artıq tapşırıqları yerinə yetirməyə qadir deyil”, - deyə o bildirib. Pletençukun sözlərinə görə, gəmi hərbi təyinatlı deyil və Rusiya donanmasının ən qədim gəmisi sayılır. Qeyd edək ki, sözügedən gəmi dünyada xidmətdə olan və döyüş tapşırıqlarını icra edən ən qədim gəmidir.

Zaqatalada 76 yaşlı qadın intihar edib. Sozcu.az-ın məlumatına görə, hadisə rayonun Muğanlı kəndində qeydə alınıb. Kənd sakini 1948-ci il təvəllüdlü Hürü Əhməd qızı Yusubovanın meyiti yaşadığı evin həyətyanı sahəsindəki qoz ağacından asılı vəziyyətdə ailə üzvləri tərəfindən aşkar edilib. İlkin araşdırma zamanı 76 yaşlı qadının intihar etdiyi məlum olub. Faktla bağlı Zaqatala rayon prokurorluğunda araşdırma aparılır.apa

Saat 10:00-a olan məlumata əsasən ölkə ərazisində hava şəraiti sabit, əsasən yağmursuz keçib. Sozcu.az xəbər verir ki, bu barədə ETSN-in Milli Hidrometeorologiya Xidməti məlumat yayıb. Havanın maksimal temperaturu Bakıda və Abşeron yarımadasında 27, Naxçıvan MR-da və Aran rayonlarında 31, dağlıq rayonlarda 22 dərəcəyədək isti olub.

Aprelin 13-nə keçən gecə İran 150-dən çox kamikadze PUA, 100-dən çox ballistik raket və onlarla qanadlı raketlə İsrailə misli görünməmiş cavab hücumu həyata keçirəndə Təl-Əvivin müdafiəsi təkcə ABŞ-da deyildi. İsraili qorumaq üçün kiçik bir koalisiyanı bir araya gətirən Co Bayden administrasiyası İordaniya və Səudiyyə Ərəbistanı ilə yanaşı, Böyük Britaniyanın da dəstəyini almağa nail olub. Cümə günü Amerika yəhudi icmasına danışan Ağ Evin Yaxın Şərq koordinatoru Brett Makqurk iddia edib ki, tarixçilər son iki həftəyə nəzər saldıqda, bu böhranın idarə olunmasından yeni Yaxın Şərq təhlükəsizlik arxitekturasının yarandığını görəcəklər. Yenisabah.az Musavat.com-a istinadən xəbər verir ki, bəzilərinin Suriyanın şimalında YPG/PKK terror təşkilatına və qurulması arzulanan terror dövlətinə verilən dəstəyin əsas aktorlarından biri kimi gördüyü Makqurk İsrail üçün bir araya gətirilən müdafiənin qeyri-adi olduğunu düşünür. ABŞ prezidenti Co Baydenin Yaxın Şərqdə yeni bir dövrə işarə edərək və İsrailin bu böhrandan daha güclü çıxdığını müdafiə edərək deyib: “Biz bunu regionda oyunun qaydalarını dəyişdirəcək bir inkişaf kimi görürük”. ABŞ aprelin 13-nə keçən gecə İsraili İranın hücumlarından qoruyan çoxmillətli ittifaqa əsaslanaraq, Yaxın Şərqdə İsrailin xeyrinə yeni təhlükəsizlik arxitekturasının meydana çıxacağını proqnozlaşdırır.  Ötən ildən Vaşinqton İsrail və Səudiyyə Ərəbistanı arasında “meqa razılaşma” üzərində işləyir. Makqurk deyir ki, ABŞ prezidenti Baydenin oktyabrın 7-dən (HƏMAS - İsrail müharibəsi başlayandan - red.) sonra bir neçə dəfə xatırlatdığı bu tarixi normallaşma sazişi “bir neçə ay ərzində nəticə verə bilər”. Bildirilir ki, Səudiyyə Ərəbistanına İsrailin diplomatik tanınması müqabilində yeni silah müqavilələri, mülki nüvə proqramları və müstəqil Fələstin dövləti üçün həll prosesi təklif edilib. Oktyabrın 7-dən bir neçə gün sonra verdiyi açıqlamada prezident Bayden HƏMAS-ın İsrailə hücumunun bu normallaşmanı pozmaq olduğunu düşündüyünü deyib: “HƏMAS-ın İsrailə qarşı hərəkətə keçməsinin səbəblərindən biri də səudiyyəlilərlə masa arxasında oturacağımı bilmələri idi”. Bayden administrasiyası ümid edir ki, bu meqa sövdələşmə təkcə regional sabitliyi dəstəkləməyəcək, həm də İsrailin bölgədə daha rahatlaşdığı bir vaxtda İranın artan təsirinə qarşı mühüm rol oynayacaq. Aprelin 13-də İordaniya və Səudiyyə Ərəbistanının dəstəyi ilə İsrailin İrana qarşı müdafiəsi Yaxın Şərqdə gələcək tarazlıq üçün bir treyler olaraq görülür. Amerika mətbuatına danışan ABŞ rəsmiləri bildiriblər ki, Bayden administrasiyası İsraillə tank sursatları, hərbi maşınlar və minaatanlar da daxil olmaqla 1 milyard dollardan çox dəyərində yeni silah sövdələşməsini nəzərdən keçirir. Bu saziş hazırda Konqresdə təsdiqini gözləyən İsrailə ayrılan 26,3 milyard dollarlıq böyük yardımdan ayrı qiymətləndirilir.