İdman

İspaniya La Liqasında 28-ci tura yekun vurulub. Sozcu.az xəbər verir ki, bu gün 5 oyun keçirilib. “Rayo Valyekano” – “Real Sosyedad” matçında qalib müəyyənləşməyib. “Leqanes” evdə “Betis”, “Sevilya” “Atletik”ə, “Osasuna” isə “Xetafe”yə uduzub. Turun mərkəzi oyununda “Atletiko” “Barselona”nı qəbul edib. Meydan sahibləri 2:0 öndə olsalar da, “Barselona” sonradan 4 qol vuraraq əzmkar qələbəyə sevinib. 16 mart "Leqanes" – "Betis" - 2:3 Qollar: Raba, 29; 44 – İsko, 64-pen. Bakambu, 78. K.Ernandes, 82. "Sevilya" – "Atletik" - 0:1 Qol: Y.Alvares, 84. "Osasuna – "Xetafe" - 1:2 Qollar: Budimir, 45-pen – Terrats, 55; 71. "Rayo Valyekano" – "Real Sosyeda" - 2:2 Qollar: Trexo, 58. P.Dias, 72 – Subimendi, 20. Marieskurrena, 80. "Atletiko" – "Barselona " - 2:4 Qollar: X.Alvares, 45. Sörlot, 70 – Levandovski, 72. F.Torres, 78; 90+8. L.Yamal, 90+2. Bu nəticələrdən sonra "Barselona" 60 xalla liderdir. "Real" eyni xalla 2-ci, "Atletiko" 56 xalla 3-cüdür. "Barselona" rəqiblərindən bir oyun az keçirib.

La Liqanın 27-ci turu çərçivəsində bu gecə keçirilməli olan "Barselona" - "Osasuna" oyunu təxirə salınıb. Sozcu.az xəbər verir ki, bu barədə Kataloniya təmsilçisinin mətbuat xidməti məlumat yayıb.  Görüşün təxirə salınmasına səbəb "Barselona"nın həkimi Karles Minyaro Qarsiyanın vəfat etməsidir.  Oyunun nə vaxt keçiriləcəyi barədə məlumat isə qeyd olunmayıb. Əlavə edək ki, "Barselona" hazırda turnir cədvəlində 57 xalla (26 matç) 1-ci, "Osasuna" isə 33 xalla 11-cidir (26 oyuna).

İspaniya La Liqasında XXVI turun oyunları keçirilir. Sozcu.az xəbər verir ki, bu gün 4 matç baş tutub. "Real" səfərdə "Betis"in qonağı olub. "Kral klubu" hesabı açsa da, nəticədə məğlub olub. İlk hissədə Brahim Diaz komandasını hesabda önə çıxarıb. Lakin Conni Kardozo və İskonun qolları meydan sahiblərinə qələbə qazandırıb - 2:1. Qeyd edək ki, "Real" turnir cədvəlində 54 xalla liderliyi "Barselona" ilə bölüşür.

Bu gün Türkiyə Superliqasında İstanbul derbisi keçiriləcək. Sozcu.az xəbər verir ki, 25-ci turda “Qalatasaray” “Fənərbaxça”nı qəbul edəcək. “Rams Park”da oynanılacaq matç Bakı vaxtı ilə saat 21:00-da başlayacaq.  Türkiyə futbolunda hakimlərlə bağlı yaşanan davamlı problemlərə gərə qarşılaşmanı əcnəbi fit sahibi - sloveniyalı referi Slavko Vinçiç idarə edəcək. Bu komandalar arasında ötən il keçirilən son görüşdə "Qalatasaray" 3:1 hesablı qələbə qazanıb.  Hazırda turnir cədvəlində “Qalatasaray” 63 xalla liderdir. “Fənərbaxça” isə 57 xalla 2-cidir. Türkiyə Superliqası, 25-ci tur 24 fevral 21:00. "Qalatasaray" – "Fənərbaxça" Baş hakim: Slavko Vinçiç (Sloveniya) “Rams Park”

Ötən gün paytaxtın Nizami rayonunda yerləşən stadionda keçirilən “Neftçi”-“Qarabağ” oyunundan əvvəl hər iki komandanın azarkeşləri arasında ictimai asayişin pozulması halı qeydə alınıb. DİN-in Mətbuat Xidmətindən bildirilib ki, insidentlə bağlı polis lazımi qabaqlayıcı tədbirlər görüb, 4 nəfər saxlanılaraq ərazi üzrə Polis Şöbəsinə gətirilib. (apa.az)

"Barselona"nın idman direktoru Deku klubun yay transfer pəncərəsi üçün planlardan danışıb.  Sozcu.az xəbər verir ki, bu barədə insayder Fabrizio Romano məlumat yayıb. O deyib:  "Hazırkı vəziyyətdə 4-5 futbolçu transfer etməyə ehtiyacımız yoxdur. Hazırda biz razıyıq. Çünki əvvəlki zamanlara nisbətən transferlərlə bağlı narahatlığımız daha azdır. Gənc futbolçularımız öz rollarına yetişirlər".   Qeyd edək ki, "Barselona" La Liqanın turnir cədvəlində 48 xalla 3-cü yerdədir. İkinci yerdə 49 xalı olan "Atletiko" qərarlaşıb. 50 xala malik olan "Real" isə cədvələ liderlik edir. 

"Qalatasaray"ın futbolçusu Viktor Osimhen jurnalistə hücum etməsi ilə bağlı ittihamlardan danışıb.  Sozcu.az xəbər verir ki, bu barədə goal.com saytı məlumat yayıb.  Hücumçu deyib: "Heç vaxt onu vurmamışam. Sadəcə ona yaxınlaşıb dedim ki, şəklimi poz. Bu, mənim şəklimdir və tam haqqım var ki, pozulmasını tələb edim. Mən bu cür şeylər üçün yeni deyiləm. Bilirdim ki, onlar yalan, yalan və ancaq yalan danışacaqlar. Əlbəttə ki, bu məsələni həll etmək asan olmayacaq. Mən çox qışqırmalı deyiləm, amma lazımi addımları atacam. O, yalan danışıbsa, qanunun əsəbini görəcək".  Xatırladaq ki, 21 yanvardan 22-nə keçən gecə “Posta” nəşrinin müxbiri Tolqu Bozduman Osimheni əyləncə məkanından çıxarkən görüb və fotolarını çəkib. O, daha sonra bu səbəbdən futbolçunun onu vurduğunu söyləyib.  

“Qarabağ”ın baş məşqçisi Qurban Qurbanov şok qərar verib. Sozcu.az sportinfo.az-a istinadən xəbər verir ki, sayt bu barədə AFFA-dakı mənbələrindən məlumat əldə edib. Verilən informasiyaya görə, o, İcraiyyə Komitəsindən ayrılmaq niyyətindədir. Təcrübəli mütəxəssis özünə yaxın şəxslər vasitəsilə federasiya rəhbərliyini bu barədə məlumatlandırıb. Uzun illərdir Ağdam klubunu çalışdıran Qurbanov bundan sonra bütün diqqətini öz işinə yönəltmək istədiyini bildirib. Qeyd edək ki, “Köhlən atlar”ın başında dayanan mütəxəssis ilk dəfə 2016-cı ildə federasiyanın ali qərarverici orqanına üzv seçilib. 2028-ci ildə, millinin sükanı arxasından ayrılandan bir müddət sonra öz təşəbbüsü ilə komitədən ayrılıb. Deyəsən, tarix yenə təkrarlanacaq…

“Mançester Siti” heyətini yeni futbolçu ilə gücləndirib. Sozcu.az xəbər verir ki, “şəhərlilər” “Ayntraxt”dan Omar Marmuşun transferini həll edib. Bu barədə insayder Fabrizio Romano məlumat yayıb. İngiltərə klubu misirli yarımmüdafiəçi ilə 5 illik müqavilə imzalayacaq. Qeyd edək ki, Omar Marmuş bu mövsüm bütün turnirlərdə 26 oyuna 20 qol vurub, 14 məhsuldar ötürmə edib. Transfermarkt portalı misirlinin dəyərini 60 milyon avro qiymətləndirir.

"Zirə"nin baş məşqçisi Rəşad Sadıqov "Şamaxı" ilə bu gün keçirilən yoxlama matçından sonra fikirlərini bölüşüb.  Sozcu.az xəbər verir ki, o, əvvəlcə komandasının qış təlim-məşq toplanışını dəyərləndirib: “Budəfəki qış fasiləsi əvvəlkilərdən bir az fərqlidir. 28-29 gün vaxt oldu, amma nəzərə almaq lazımdı ki, bu müddət aralığında 31 dekabr var idi. Plan qurmaq bir az çətin idi. Aydın məsələdir ki, futbolçuların çoxu həmin gün evdə olmaq istəyirdi. Ona görə də ilk rəsmi oyunumuza hazırlaşmaq üçün 15-16 gün vaxtımız var idi. Hazırlıq üçün istənilən qədər vaxt yox idi". R.Sadıqov 3:1 hesablı qələbə ilə bağlı da danışıb. O, hər iki komanda üçün yaxşı matç keçdiyini qeyd edib: "Bu gün ilk oyun idi. Buna baxmayaraq, futbolçular məsuliyyətli və istəkli idilər. Düşünürəm ki, hər iki komanda üçün yaxşı hazırlıq oyunu oldu”.

Ərzurum Palandökən Xizək Mərkəzində qar uçqunu baş verib. Sozcu.az xəbər verir ki, məlumatı Türkiyə mediası yayıb. Hadisə nəticəsində 4 nəfər yaralanıb, 1 nəfər isə ölüb. Ölən şəxsin cüdo üzrə Türkiyə millisinin 16 yaşlı üzvü Əmrə Yazqan olduğu vurğulanıb. Məlumata görə, Ə.Yazqanın əkiz qardaşı Yunis Yazqan da hadisə zamanı xəsarət alıb.

"Qalatasaray"ın baş məşqçisi Okan Buruk "Roma"nın hücumçusu Paulo Dibalanın klubun transfer hədəfi olması ilə bağlı yayılan xəbərlərə münasibət bildirib. Sozcu.az "NTV Spor"a istinadən xəbər verir ki, Yeni il tədbirinə qatılan mütəxəssis jurnalsitlərə müsahibə verib. O, 31 yaşlı futbolçunun mümkün transferi ilə bağlı sualı belə cavablandırıb:  "Transfer dövrü yaxınlaşdıqca belə xəbərlərin ortaya çıxması olduqca normaldır. Gələcək planlar qururuq, heyətimizi gücləndirmək istəyirik, amma hazırda bütün diqqətim "Kayserispor"la matça yönəlib. Bundan sonra transfer işlərinə başlayacağıq". "Roma"nın baş məşqçisi Klaudio Ranyeri də iki gün əvvəl bu məsələ ilə bağlı danışıb. "Dibalanın başqa prioritetləri varsa, qalmaq istəmirsə, gedə bilər. Amma bu, hər iki tərəfin razılaşmalı olduğu bir şeydir. Mən yalnız burada qalmaqdan məmnun olan oyunçuları istəyirəm.  Dibalada bir narahatlıq hiss etməmişəm". Qeyd edək ki, Argentina millisinin üzvü bu mövsüm "Roma"da bütün turnirlərdə 18 oyuna 2 qol vurub, 1 qol ötürməsi edib.