Hadisə

Suriyanın paytaxtı Dəməşqdə minalanmış avtomobil partladılıb. Sozcu.az xəbər verir ki, bu barədə paytaxt polisi məlumat yayıb. Hadisə şəhərin Mezzeh rayonunda baş verib. “Mezze rayonunda park edilmiş avtomobildə olan partlayıcı qurğu işə düşüb. Xəsarət alanlarla bağlı məlumat yoxdur”, - deyə bildirilib. Hadisə yerinə yanğınsöndürənlər gəlib.

Ağdam ictimaiyyətinə ağır itki üz vermişdir. Uzun illər Ağdamda müxtəlif rəhbər vəzifələrdə çalışmış Nadir Əsədulla oğlu İsmayılov  bu gün, 2 aprel 2023-cü ildə, 87 yaşında vəfat etmişdir. Nadir İsmayılov 15 aprel 1936-cı ildə Ağdam rayonunun Seyidli kəndində anadan olmuşdur. 1957-ci ildə Ağdam şəhər 1 nömrəli orta məktəbi bitirmişdir. Bakı sovet ticarət texnikumunda oxumuşdur. Azərbaycan Xalq Təsərrüfatı İnstitutunun Əmtəşünaslıq fakültəsində ali təhsil almışdır. Nadir İsmayılov Ağdam rayonu ictimai iaşə birliyinin müdiri, Ağdam çörək pekarnisinin müdiri, Ağdam ət kombinatının direktoru, Ağdam rayon icra hakimiyyətinin başçısı vəzifələrində işləmişdir.  Dəyərli ziyalı, uzun illər Ağdamda müxtəlif rəhbər vəzifələrdə çalışmış Nadir Əsədulla oğlu İsmayılovun  əziz xatirəsi onu tanıyanların qəlbində daim yaşayacaqdır. ALLAH rəhmət etsin!

Tərtərin Talış kəndi istiqamətində Azərbaycan ordusunun hərbçisi minaya düşüb. Sozcu.az "Report"a istinadən xəbər verir ki, minaya düşən hərbçimiz Tərtər mərkəzi rayon xəstəxanasına yerləşdirilib. Hazırda vəziyyətinin ağır olduğu bildirilir.

Salyan Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlər zamanı narkotik vasitənin təsiri altında nəqliyyat vasitəsini idarə edən sürücü saxlanılıb. Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, Salyan rayonu ərazisində hərəkətdə olan "Toyota" markalı avtomobilin sürücüsünə qayda pozuntusuna yol verdiyi üçün saxla işarəsi verilib. Həmin nəqliyyat vasitəsini idarə edən Qurban Məlikovun narkotik vasitə qəbul etməsinə dair şübhələr olduğundan tibbi müayinədən keçirilib. Müayinənin nəticəsinə əsasən, Q.Məlikovun narkotik vasitə olan marixuana istifadə etdiyi məlum olub. Həmin şəxs barəsində toplanmış materiallar hüquqi qiymət verilməsi üçün Salyan Rayon Məhkəməsinə göndərilib.

Sumqayıtda odlu silahdan havaya atəş açılıb, saxlanılan var. Bu barədə Sozcu.az-a Daxili İşlər Nazirliyinin (DİN) Mətbuat Xidmətindən məlumat verilib. Belə ki, şəhər ərazisində odlu silahdan havaya atəş açılması barədə polisə məlumat daxil olub. Araşdırmalarla Sumqayıt şəhər sakini, əvvəllər narkotiklərlə əlaqəli cinayətə görə məhkum olunmuş Süleyman Süleymanovun ov tüfəngindən havaya atəş açması müəyyən edilib. Sumqayıt Şəhər Polis İdarəsinin 2-ci Polis Bölməsi əməkdaşlarının keçirdikləri əməliyyat tədbiri nəticəsində S.Süleymanovun evinə baxış zamanı oradan qanunsuz saxladığı 2 ədəd nömrəsi silinmiş, lüləsi və qundağı kəsilmiş ov tüfəngi və 2 ədəd patron aşkar olunaraq götürülüb. Araşdırma aparılır.

Sabirabadda meyiti tapılan 8 yaşlı uşağın əmisi danışıb. Səyyub Cəfərov qeyd edib ki, 2015-ci il təvəllüdlü Cəfərov Siyasət meyiti tapılan gün saat 13:00-a qədər məktəbdə olub. “Daha sonra əmim gilə oynamaq üçün gəlib. Əmim heyvanları otlamağa aparanda, uşağın yolun qırağında uzandığını görüb. İlk öncə uzandığını düşünüb, daha sonra öldüyünü anlayıb. Heç bir xəstəliyi olmayıb. Bugünədək dərman belə içməyib. Bizim heç kimlə düşmənçiliyimiz yoxdur. Sadəcə öyrənmək istəyirəm, bəlkə kimsə düşmənçilik etmək istəyir”, - deyə S.Cəfərov qeyd edib. Daha ətraflı Baku TV-nin süjetində:

Zamin Salayevin ev dustaqlığına buraxılması ilə bağlı vəsatətə baxılacaq . Martın 30-da saat 14:00-da Qaradağ rayon məhkəməsində 51 gündür aclıq edən AXCP Salyan rayon şöbəsinin həbsdə olan sədri Zamin Salayevin barəsində seçilmiş həbs qətimkan tədbirinin ev dustaqlığı ilə əvəz olunması ilə bağlı vəsatətə baxılacaq. Bu barədə “Basta”ya vəkil Nemət Kərimli məlumat verib. Fevralın 8-də Bakının Qaradağ rayon Məhkəməsi Zamin Salayev barədə üç ay müddətinə həbs qətimkan tədbiri seçib. Ona qarşı Cinayət Məcəlləsinin 221.3-cü maddəsi (xuliqanlıq - silahdan və ya silah qismində istifadə olunan əşyalardan istifadə edilməklə zərər çəkmiş şəxsə zor tətbiq olunması) ilə cinayət işi açılıb. İttiham sübut olunsa, fəalı 5 ilədək həbs gözləyir. Salayev bir nəfərə bıçaqla xəsarət yetirməkdə şübhəli bilinir. Zamin Salayev məhkəmədə deyib ki, ona qarşı irəli sürülən ittiham yalandır, onu şərləyiblər. Sozcu.az

Sabiq deputat Ərəstun Cavadov uzun sürən xəstəlikdən sonra vəfat edib. Sozcu.az xəbər verir ki, o, 1948-ci il oktyabrın 20-də Ağsu rayonunun Ərəbmehdibəy kəndində anadan olub. Moskva Kooperativ İnstitutunun əmtəəşünaslıq fakültəsini bitirib. Ə.Cavadov 1967-ci ildən Azərbaycan İctimai Asayişin Mühafizəsi Nazirliyində elektrik, "Azərgeyimticarət" Bazasında əmtəəşünas işləyib. 1972-ci ildən Mərkəzi univermaqda böyük anbardar, bölmə müdirinin müavini, bölmə müdiri, şöbə rəisi, 1992-ci ildən baş direktor vəzifələrində çalışıbr. 1998–2005-ci illərdə "Mərkəzi Univermaq" Açıq Səhmdar Cəmiyyəti İdarə Heyətinin sədri vəzifəsində çalışıb. Mərhum, Yeni Azərbaycan Partiyasının və III çağırış Milli Məclisin Aqrar siyasət daimi komissiyasının üzvü olub. Azərbaycan-Belarus, Azərbaycan-Belçika, Azərbaycan-Braziliya, Azərbaycan-İran, Azərbaycan-Lüksemburq, Azərbaycan-Moldova, Azərbaycan-Serbiya parlamentlərarası əlaqələr üzrə işçi qruplarının, MDB-nin Parlamentlərarası Assambleyasında Azərbaycan nümayəndə heyətinin də üzvü olub. Bundan başqa, IV çağırış Milli Məclisin Aqrar siyasət komitəsinin, Azərbaycan–İordaniya parlamentlərarası əlaqələr üzrə işçi qrupunun rəhbəri, Çin, Latviya, Litva, Moldova, Türkiyə parlamentləri ilə əlaqələr üzrə işçi qruplarının, MDB-nin Parlamentlərarası Assambleyasında Azərbaycan nümayəndə heyətinin üzvü olub. Bir övladı var. Allah rəhmət eləsin!

Lerik rayonunun Siyov kəndində sərnişin yük maşınından yıxılaraq ölüb. Sozcu.az Report-a istinadən xəbər verir ki, 1989-cu il təvəllüdlü Pərviz Tofiq oğlu Höccətov hərəkətdə olan yük maşınının arxasından yerə yıxılıb. O, hadisə nəticəsində ağır-kəllə beyin travması alıb. P.Höccətov yaralı vəziyyətdə Lənkəran Rayon Mərkəzi Xəstəxanasına çatdırılsa da həkimlər onun həyatını xilas edə bilməyib. Faktla bağlı Lerik Rayon Prokurorluğunda araşdırma aparılır.

Çeçenistanda naməlum şəxslər polis idarəsinə hücum ediblər. Sozcu.az xəbər verir ki, bu barədə Teleqram kanalları məlumat yayıb. Hadisənin təfərrüatları barədə məlumat verilmir.

Axşam saatlarında Gürcüstanın bir sıra qərb bölgələrində qasırğa fəsadlara səbəb olub. Sozcu.az xəbər verir ki, Acarıstan Muxtar Respublikasının Batumi, Ozurgeti, Kabuleti və digər bölgələrində güclü külək nəticəsində evlərin və binaların dam örtüyünə ziyan dəyib, parklarda və mərkəzi küçələrdə ağaclar aşaraq hərəkətə maneə yaradıb. Kobuleti rayonunda minik maşınının üzərinə ağacın aşması nəticəsində bir nəfər hadisə yerində dünyasını dəyişib. Batumidə isə şüşənin piyadaların üzərinə tökülməsi nəticəsində aralarında azyaşlı da olmaqla üç nəfər xəsarət alıb. Məlumata görə, güclü küləyin Batuminin bir sıra mərkəzi yollarında ağacları aşırması nəticəsində avtomobillərin hərəkətində maneələr yaranıb, elektrik enerjisinin tədarükündə kəsintilər baş verib. Bundan başqa şəhərin əsas stadionunun yaxınlığında yerləşən avtomobil dayanacağında metal konstruksiya avtomobillərin üzərinə aşıb. Külək səbəbilə Batumidə onlarla təcili yardım çağırışının edildiyi, yanğınsöndürən və xilasedicilərin səfərbər edildiyi bildirilib.apa

Milli Məclisin deputatı Fazil Mustafa Bakıda yaşadığı evinin qarşısında güllələnib. Musavat.com xəbər verir ki, Zabrat qəsəbəsində yerləşən evinin qarşısında silahlı hücuma məruz qalan millət vəkilinə avtomat silahdan çoxsaylı atəş açılıb. F.Mustafa iki güllə yarası alıb. Çiyin nayihəsindən və ayağından yaralanan millət vəkilinə hazırda öz evində həkim müdaxiləsi edilir. Polis hadisə yerindədir. Fazil Mustafanın yaxınlarından biri Musavat.com-a bildirib ki, deputat evə gələn zaman öz maşınıni evinin qarşısında saxlayıb düşərkən avtomat silahdan önun üzərinə atəş yağdırılıb. Millət vəkilini öldürmək istəsələr də, xoş təsadüfdən güllələrdən ikisi həyatı təhlükə təşkil etməyən orqanlarına dəyib.