Tovuzda müəmmalı oğrular peyda olub

Tovuzda qəribə oğurluq hadisəsi baş verib.

Rayonun Qovlar qəsəbəsində bir neçə evə girib, otaqları qarışdıran oğrular heç nə aparmayıblar.

Tovuz rayonunun Qovlar qəsəbəsi, Nizami Gəncəvi küçəsinin sakinləri təlaş içərisindədilər. Həftə ərzində bu küçədə bir neçə evdən oğurluğa cəhd edilib.

Naməlum şəxslər evlərdə axtarış aparıb, ətrafı dağıdıb, töküblər.

Sakinlərin sözlərinə görə, bu cür hallar son bir həftədə dəfələrlə təkrarlanıb. Hətta, bir küçədə üzbəüz olan iki evə oğrular eyni saatda giriblər.

Faktlarla bağlı hüquq-mühafizə orqanına müraciət edilib. Tovuz Rayon Polis Şöbəsinin əməkdaşları sakinlərə bu cür həyəcan yaşadanların axtarışına başlayıblar.

Facebook Comments