İşsizlik və kasıblıq meydan sulayır... Əhalinin çox hissəsi kasıb və işsizdir... Zəngin neft ölkəsinin vətəndaşıyıq, kasıbıq, mənzilimiz yoxdur, kirayədə yaşayırıq... Bu, ədalətlidirmi? Haqq-ədalət belə olurmu? Şair-jurnalist kimi düşünürəm ki, elə birbaşa mətləbə keçsək daha önəmli olar yəqin ki...  Ölkə əhalisinin bir qədər ağır, çətin, dərdli, qəm-qüssəli olan sosial-iqtisadi durumuyla bağlı fikirlərimi bildirmək istəyirəm.  Sözün həqiqi mənasında işsizlik, kasıblıq, hətta yoxsulluq sürətlə hökm sürür... Məncə, ölkədəki ürəkləri ağrıdan sosial vəziyyətlə yanaşı, həllini tapa bilməyən digər məsələlərə də toxunsaq, yəqin ki, çox-çox yerinə düşər.  Azərbaycanda çoxlu sayda, hətta demək olar minlərlə ailələr var ki, kirayə "ev"lərdə (əgər o evlərə ev demək mümkünsə) zülüm içərisində, çox çətinliklə, əzab-əziyyətlə, kasıblıq, yoxsulluq girdabında çabalayaraq əzablı günlərlə ac-yalavac yaşayırlar. Yoxsul, kasıb, çoxuşaqlı, aztəminatlı ailələr səfalət içərisində sürünərək zülümnən, əzab dolu günlərlə, bir çox qayğılarla baş-başa yaşamaq məcburiyyətində qalıblar.  Elə mən də, ailə üzvlərim də min-bir əzablı ömür-gün yaşayan, evsiz - mənzilsiz olan ailələrdən biriyik desəm, çox doğru olar. Çox təəssüf olsun belə xoşagəlməz hallara.  Nazirlər Kabinetinin rəhbəri - Baş nazir, həmçinin hökumət üzvləri, yüksək vəzifəli şəxslər, məmurlar, məgər Azərbaycan vətəndaşlarının bu ağrılı-acılı, bu əziyyətli sosial durumunu görmürlər ki? Əgər görürlərsə, bəs onda bu məmurlar nə işlə məşğul olur ki, əhalinin çox hissəsi belə ağır, çətin, dözülməz gün-güzəranda neçə illərdir qanadı qırılmış quşlar kimi can üstündə çırpına-çırpına qalıb? Bir qarnı ac, bir qarnı tox, ac-yalavac qalan, işləmək üçün öz ölkəsində iş tapa bilməyən, yavan çörəyə möhtac olan ailələrin üzvləri də neft-qaz ölkəsi zəngin Azərbaycanın VƏTƏNDAŞlarıdır axı... Yəni Azərbaycanın saysız-hesabsız, hətta saymaqla bitməyən sərvətləri olduğu halda, ölkə əhalisinin çox hissəsi kirayə damlarda, zirzəmilərdə, soyuq daxmalarda, kommunal şəraiti olmayan, döşəməsi asfalt-daş olan, nəmli, kiflənmiş divarlarından qara su axan  yarımtikililərdə, uçuq-sökük komalarda nə üçün əzablı günlərlə kirayədə yaşamalıdır? Digər ciddi bir nüansı da qeyd edim. Azərbaycanda çox bahalıqdır, ərzağın və dərmanların qiyməti elə bahadır ki... Kasıb təbəqə ailəsinin ehtiyacı olan ərzaqları aylarla ala bilmir. Sosial-iqtisadi baxımdan vətəndaşlar çox böyük əziyyət çəkir. Uşaqlar evdə ac-yalavac qalır. Cənab məmurlar, jurnalist olaraq həqiqəti qələmə alıram. Çünki yazdıqlarımın şahidiyəm.  Məmurların nəzərinə çatdırıram ki, həmçinin ölkədə kommunal qiymətlər həddindən artıq yüksəkdir. İlahi, qəlbim yana-yana söyləyirəm ki, əksər ailələrin sosial baxımdan dolanışıq səviyyəsi çox-çox ağırdır, hətta, demək olar ki, yüzlərlə ailələr dözülməz haldadır. Yeri gəlmişkən, məmurlara dahi şair Mirzə Ələkbər Sabirin bu gün də aktual olan bir neçə düşündürücü misrasını xatırladıram.   "Millət necə tarac olur olsun, nə işim var?! Düşmənlərə möhtac olur olsun, nə işim var?! Qoy mən tox olum özgələr ilə nədir karım, Dünyavü cahan ac olur olsun, nə işim var?! Səs salma, yatanlar ayılar, qoy hələ yatsın, Yatmışları razı deyiləm kimsə oyatsın"... Bir daha xatırladıram ki, şairin bu misraları bugünümüzlə üst-üstə düşür, səsləşir.  Minlərlə ailələr var ki, soyuducusunun içində ərzaq yoxdur, demək olar ki, soyuducusu bomboşdur. İnsanlar işsiz və kasıb olduğu üçün normal şəkildə qidalana bilmir. Çünki kasıb, aztəminatlı ailələrdə böyüyən uşaqların çoxusunun valideynləri işsizdir, onlar işləmək istəsə də amma iş tapa bilmir.  Ürək ağrısıyla deyirəm, Azərbaycanda neçə illərdir ki, işsizlik həlli tilsimə düşən çox böyük problemə çevrilib. Düşünürəm ki, əgər belə olmasaydı, hər il ölkəmizin yüzlərlə vətəndaşı öz doğma yurdu olan Azərbaycanı tərk edib Rusiyaya, hətta Qərb ölkələrinə, Avropaya köçüb getməzdilər.  Çox təəssüflər olsun ki, paytaxt Bakıda, regionlarda yeni iş yerləri açılmır. Yəni  zavodlar, fabriklər, iri sənaye müəssisələri tikilmir. Ölkədə iş yerlərinin açılmaması isə işsizliyə səbəb olur. Əgər bəzən hansısa kiçik iş yerləri açılırsa, bu, çox- çox az hallarda olur.  Bütün bunlarla yanaşı bir məsələni də vurğulayım ki, Qarabağ iqtisadi rayonunda, eləcə də işğaldan azad edilən şəhər və rayonlarda xeyli müddətdir tikinti-quruculuq işləri davam edir. Belə ki, bu rayonlada bəzi iş yerləri açılır. Amma məlum olduğu kimi bu, çox azdır, yəni yetərli deyil. Həmin rayonlarda açılan iş yerlərində isə təbii ki, illər əvvəl o rayonlardan köçkün düşmüş və Qarabağ işğaldan azad olunduqdan sonra öz el-obasına qayıdan vətəndaşlar işləyir.   Yenidən evi-mənzili olmayan vətəndaşların kirayələrdə yaşamaq məsələsinə qayıdıram. Kirayə "ev"lərdə ömrümüz-günümüz qaralır, cavan canımız çürüyür, dərd dolu ürəyimiz üst-üstə qubar bağlayır.  Amma məmurlar, eləcə də yüksək vəzifəli şəxslər bər-bəzəkli villalarda, şah sarayına bənzər təmtəraqlı saraylarda zənginlik içində komfortlu həyat yaşayırlar.  Sual olunur ki, nə üçün belə olmalıdır? Axı bu necə olur ki, ölkənin kasıb təbəqəsi, eləcə də yoxsullar, çoxuşaqlı və aztəminatlı ailələr kirayələrdə dözülməz, məşəqqətli sosial vəziyyətdə sürünə-sürünə yaşayır, vəzifəli şəxsər, məmurlar, nazirlər, nazir müavinləri, komitə sədrləri, icra başçıları və digər vəzifəli şəxslər isə hündürmərtəbəli yaşayış evlərində Avropa təmirli 5 - 6 otaqlı mənzillərdə, göz oxşayan villalarda, hətta milyonlarla ölçülən bahalı bağ evlərində xoşbəxtlik içində ömür yaşayırlar.  Cənab məmurlar, necə bilirsiniz, sizcə, Azərbaycandakı haqq-ədalət budurmu? Məmurların, vəzifəli şəxslərin ailələri villalarda xoşbəxtlik içində yaşamalıdır, kasıblar, yoxsullar, mən və ailə üzvlərim, həmçinin ev-eşiksiz olan ailələr kirayə daxmalarda çərləyib çürüməliyik? Onu deyə biərəm ki, bunun bircə adı var. Qanunsuzluq, ədalətsizlik, haqsızlıq... Məlumdur ki, aylıq əmək haqqı ilə villalar, saraylar, möhtəşəm bağ evləri tikmək qəti mümkün deyil. Deməli, belə məlum olur ki, məmurlar, yüksək vəzifəli şəxslər hansısa yollarnan dövlətin büdcəsini talayır, korrupsiya ilə məşğul olur, xalqın və ölkənin sərvətindən ölkə büdcəsinə daxil olan milyonları, milyardları neçə illərdir ki, oğurlayıb yağmalayırlar. Haqq-ədalət belə olmur axı cənablar. Cənab məmurlar, ölkənin ziyalı xanımı kimi, şair-jurnalist kimi sizlərdən xahiş edirəm ki, zəngin neft ölkəsi olan Azərbaycanın kasıb, vətəndaşlarının həyatını hərdənbir olsa da, zəhmət olmasa vaxt edin düşünün... Çünki kirayə daxmalarda səfalət içində, əzablı günlərlə yaşadığımz məşəqqətli həyat ömrümüzü-günümüzü qapqara günlərə bürüyüb. Əzablar içərisində ömür sürmək kaş biləydiniz ki, kasıb vətəndaşları necə incidir, qəm-qüssəli ürəyimizi neçə yerə parçalayır.  Məmurlar, insafınız olsun, vətəndaşları tuş etdiyiniz bu səfalətdən, bu kasıblıqdan, qara günlərdən ağ günlərə çıxarın. Məncə, yetər daha kasıb ailələrin ağrılı-acılı günlərdə zülümlə yaşayaraq əzab çəkməsi.  Yaxşı-yaxşı düşünün. Nəhayət, vətəndaşları üz-üzə qaldıqları bu əzabdan, bu səfalətdən çıxarın. Yaxşı bilirsiniz ki, dilənçi günündə yaşayan kasıb ailələrin övladları da  Azərbaycanlı və Azərbaycan VƏTƏNDAŞıdı. Ataların hər zaman aktual olan məsəli var:  "Alma məzlumun ahını,  Çıxar ahəstə-ahəstə"... Yazıya sözardı: Jurnalist XALQın haqq səsidir! Mən, jurnalistəm. Xalqın bugünkü çətin, ağır və çox dözülməz sosial-iqtisadi vəziyyətini yazıb mətbuatda işıqlandırmaq jurnalist kimi peşə borcumdur... Bütün jurnalistlər sussa, həqiqəti yazmasa XALQın problemləri necə işıqlanar və məmurlar bu problemlərdən necə xəbərdar olar?... Elə bu baxımdan da bu yazıda bəzi problemlərdən söz açdım... P. S. Süleymana qalmayan dünya, sizlərə də qalmayacaq cənablar... Bir az düşünün... P. S. S. Bu dünyadan heç kəs pul, var-dövlət, villa aparmır. Hər şey bu dünyada qalır... P. S.S.S. Axirətin məhşər günün unutmayın. XATİRƏ ƏZİZ Rəhimli Şair-jurnalist

Ukrayna və ABŞ prezidentləri arasında telefon danışığı zamanı Donald Tramp Kiyevə hərbi yardımın həqiqətən dayandırılıb-dayanmadığını öyrənməyə söz verib. Sozcu.az xəbər verir ki, bu barədə məlumatlı mənbələrə istinadən “Axios” məlumat yayıb. Adı açıqlanmayan ukraynalı rəsmi və söhbətdən xəbəri olan digər mənbə jurnalistlərə bildirib ki, Tramp Rusiyanın Ukraynaya son hücumlarından xəbərdardır və ona kömək etmək istəyini bildirib. “Tramp hava hücumundan müdafiə ilə bağlı yardım etmək istədiyini və əgər bir şey varsa, nəyin dayandırıldığını araşdıracağını söylədi”, - mənbə bildirib. Qeyd edək ki, Pentaqon bəzi zenit raketlərinin və digər yüksək dəqiqlikli sursatların Ukraynaya tədarükünü dayandırıb.

Rusiyanın Nalçik şəhərində atışma baş verib. Sozcu.az xəbər verir ki, bu barədə regionun hüquq-mühafizə orqanlarından TASS-a məlumat verilib. "İlkin məlumata görə, naməlum şəxslərin yol-patrul xidməti bölməsinə hücumu olub. Bir polis əməkdaşı yaralanıb", - agentliyin mənbəsi bildirib. Hücum edənlərdən biri öldürülüb və onun şəxsiyyəti müəyyənləşdirilir.

Rusiya səfiri Sergey Kopırkin Ermənistan Xarici İşlər Nazirliyinə çağırılıb. Sozcu.az xəbər verir ki, bu barədə Ermənistan Xarici İşlər Nazirliyi məlumat yayıb. Səfirə bildirilib ki, Rusiyanın Dövlət Dumasının bəzi deputatlarının dövlət çevrilişi cəhdinin qarşısını almaq üçün Ermənistan hüquq-mühafizə orqanlarının qanuni hərəkətləri ilə bağlı şərhləri və açıqlamaları təkcə təəccüb deyil, həm də hiddət doğurur. Səfirə XİN-in notası təqdim edilib.

18:45 Fövqəladə Hallar Nazirliyinin "112" qaynar telefon xəttinə Şəmkir rayonunun Qədimqala kəndində 3 nəfərin (uşaq) göldə batması barədə məlumat daxil olub. FHN-dən Sozcu.az-a verilən məlumata görə, Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar. *** Şəmkir rayonunun Qədimqala kəndində suni göldə batan 7 yaşlı Rəvan Nadirli və onun qardaşı 9 yaşlı Fərdi Nadirlinin meyitləri sudan çıxarılıb. Teleqraf-ın məlumatına görə, hazırda Fövqaladə Hallar Nazirliyin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən 4 yaşlı İsmayıl Nadirlinin meyitinin axtarışları davam edir. Məlumat üçün bildirək ki, hər üç uşaq sözügedən kənddə yaradılan süni göldə çimərkən boğulublar. *** Qədimqala kəndində suni göldə batan İsmayıl Nadirlinin də meyiti sudan çıxarılıb. İ.Nadirli digər iki uşağın əmisi oğludur.

Artıq bir neçə gündür ki, Qərbi Avropa isti hava dalğalarının təsiri altındadır. Əksər ərazilərdə temperatur 40 dərəcənı aşıb və rekord göstəricilər yenilənib. Xüsusilə İspaniya, Portuqaliya, İtaliya və Yunanıstanda kəskin istilər hökm sürür. İspaniyanın cənubunda hətta 46 dərəcə temperatur qeydə alınıb. Sozcu.az xəbər verir ki, bunu Milli Hidrometeorologiya Xidmətinin Proqnozlar Bürosunun direktoru Gülşad Məmmədova bildirib. G.Məmmədova qeyd edib ki, ölkəmizdə isə şimal axınlarının təsiri nəticəsində son günlər mülayim və nisbətən sərin hava şəraiti müşahidə olunur. Gələn həftənin ikinci yarısından başlayaraq isə ölkə ərazisində cənub axınlarının üstünlük təşkil edəcəyi, temperaturun tədricən yüksələcəyi və normadan yuxarı olacağı gözlənilir: “Belə ki, havanın maksimal temperaturunun Bakıda və Abşeron yarımadasında 35, Aran rayonlarında 39, dağətəyi rayonlarda 35, dağlıq rayonlarda isə 28 dərəcəyədək isti olacağı proqnozlaşdırılır”.

Putinin Ukraynadakı müharibəni bitirmək niyyətində olduğunu düşünmürəm və bu, çox pisdir. Sozcu.az xəbər verir ki, bunu ABŞ Prezidenti Donald Tramp deyib. Tramp həmçinin bu gün Ukrayna Prezidenti Vladimir Zelenski ilə danışmağı planlaşdırdığını təsdiqləyib. Qeyd edək ki, Trampla Putinin telefon danışığı ötən gün baş tutub.

Ermənistan torpaqlarımızda bir milyondan çox mina basdırıb. Vətən müharibəsindən bu günə qədər 400-ə yaxın soydaşımız mina partlaması nəticəsində həlak olub və ya ağır yaralanıb. Sozcu.az xəbər verir ki, bu barədə Prezident İlham Əliyev İqtisadi Əməkdaşlıq Təşkilatının (ECO) 17-ci Zirvə görüşündə çıxışı zamanı bildirib. İndi Azərbaycanın Ermənistanın xarabazara çevirdiyi torpaqlarda yeni şəhərlər və kəndlər inşa etdiyini deyən dövlətimizin başçısı diqqətə çatdırıb: “Böyük Qayıdış Proqramı icra edilir. Bu günə qədər 16 şəhər və kəndə keçmiş məcburi köçkünlərin qayıdışını təmin etmişik. Azad edilmiş ərazilərdə hazırda 50 mindən çox insan yaşayır, çalışır və təhsil alır”.

Azərbaycanda şəxsiyyət vəsiqəsinin forması və üzərində olan məlumatların dairəsi dəyişir. Bu, Milli Məclisin bu gün keçirilən iclasında müzakirəyə çıxarılan “Azərbaycan Respublikası vətəndaşının şəxsiyyət vəsiqəsi haqqında” qanuna təklif olunan dəyişiklikdə əksini tapıb. Dəyişiklik Azərbaycan Respublikası vətəndaşının şəxsiyyət vəsiqəsinin Beynəlxalq Mülki Aviasiya Təşkilatının (İCAO) 9303 nömrəli standartının tələblərinə uyğunlaşdırılması, həmçinin şəxsiyyət vəsiqəsinin istifadəsi üzrə yaranmış bəzi çətinliklərin aradan qaldırılması məqsədilə təklif olunur. Azərbaycan Respublikası vətəndaşının şəxsiyyət vəsiqəsi səyahət sənədi kimi də (Türkiyəyə münasibətdə) istifadə olunur. Şəxsiyyət vəsiqəsinin üzərində şəxsin ünvanı barədə məlumatın əks olunmaması vəsiqənin istifadəsi üzrə bəzi çətinliklərə səbəb olur. Bu baxımdan, şəxsiyyət vəsiqəsinin formasında və üzərində olan məlumatların dairəsində dəyişiklik edilməsi zərurəti yaranıb. Buna görə də şəxsiyyət vəsiqəsində əks olunan məlumatların tərkibinin yenilənməsi təklif olunur. Belə ki, şəxsiyyət vəsiqəsində göstərilən məlumatlara yaşayış yeri və vətəndaşlıq məlumatları əlavə edilir. Eyni zamanda elektron daşıyıcıda (çipdə) əvvəlki variantla müqayisədə yalnız daha zəruri məlumatların saxlanılması təklif olunur. Təklif olunan digər dəyişiklik ondan ibarətdir ki, vətəndaşın ailə vəziyyəti, valideynləri, uşaqları, hərbi vəzifəsi və digər məlumatlar artıq birbaşa elektron daşıyıcıda deyil, IAMAS (idarələrarası avtomatlaşdırılmış məlumat-axtarış sistemi) vasitəsilə saxlanılacaq və kriptoqrafik mühafizə olunacaq. Şəxsiyyət vəsiqəsi ilə bağlı məlumatların kriptoqrafik mühafizəsi onların məxfiliyinin, bütövlüyünün və icazəsiz müdaxilədən qorunmasının təmin olunması məqsədini daşıyır. Qanun layihəsində vəsiqənin verilməsi qaydalarına da dəyişikliklər təklif olunur. Vəsiqə dəyişdirilməli olan hallara yaşayış yerinin dəyişməsi əlavə olunur. Bundan başqa, əgər vəsiqə və ya elektron daşıyıcısında texniki və ya məzmunla bağlı səhv aşkar edilərsə, düzəlişin dövlət rüsumu tutulmadan həyata keçirilməsi nəzərdə tutulur. Beləliklə, təklif olunan bu dəyişikliklər şəxsiyyət vəsiqəsi ilə bağlı məlumatların daha müasir sistemlərdə, təhlükəsiz və çevik şəkildə idarə olunmasını, həmçinin, sənədləşmə prosedurlarının və xidmətlərin vətəndaş üçün sadələşdirilməsini təmin edəcək. Müzakirələrdən sonra qanun layihəsi səsverməyə çıxarılaraq birinci oxunuşda qəbul edilib.

Türkiyə mətbuatı Kremlin təbliğatçısı, faşist çıxışları ilə diqqət çəkən Vladimir Solovyovu Azərbaycanı hədələməkdə ittiham edib. Sozcu.az xəbər verir ki, “Türkiyə Today” nəşri Solovyovun iyunun 30-da “Vladimir Solovyovla axşam” verilişində səsləndirilən Moskva-Bakı münasibətlərin pisləşməsi ilə bağlı sözlərini "kəskin xəbərdarlıq" adlandırıb. “Solovyov Rusiya ilə Azərbaycan arasında 300 kilometrlik sərhədi xatırladıb və xəbərdarlıq edib ki, Bakının son hərəkətləri Moskva ilə böyük münaqişə ilə nəticələnə bilər”, - məlumatda deyilib. pizza hut Nəşr həmçinin bildirib ki, Solovyov Rusiya ilə Azərbaycan arasında münasibətlərin pisləşməsi ilə bağlı mümkün hərbi nəticələrə eyham vurub.

Naxçıvan MR Ali Məclisinin deputatı Əli Abbasov Şərur rayonun Şəhriyar kəndində sakin B.B- ni yumruqla döyüb. Qısqanclıq zəminində baş verən hadisəyə deputatın kənddə etik olmayan hərəkətlər etməsinin səbəb olduğu bildirilir.  Sozcu.az xəbər verir ki, bu haqda xəbəri “Gündəlik Naxçıvan” yayıb. Sakinlərin bildirdiklərinə görə, deputat tez-tez kəndə gələrək, xoşa gəlməyən hərəkətlər edirmiş: “Onun son gəlişində isə, məlum mübahisə baş verib. Mübahisə zamanı deputat sakini yumruqla vurub.  pizza B.B. həm deputatın etdiklərinin, həm də döyülməsinin qisasını almaq üçün bıçaq götürüb, onun yaşadığı Siyaqut kəndinə gəlib. Burada Əli Abbasovu bıçaqlamaq istəyərkən, sonuncunun əmisi oğlu qabağa keçib və bıçaq ona dəyib. Yaralanan şəxs xəstəxanaya götürülüb, B.B. isə həbs olunub”.  Hadisənin şahidi deyib:  “Davadan sonra Əli müəllim kəndə gəlib, qohumlarını bir yerə yığıb, kömək istəyib. Deyib ki, “məni öldürməyə gələcəklər, kömək edin”. Sonrakı hadisələr bizim gözümüzün önündə oldu. Qonşu kənddən gələn şəxs onu bıçaqla vurmaq istədi. Bu vaxt deputatın əmioğlusu ara girmək istəyəndə bıçaq ona dəydi. Polis gəlib, bıçaqlayanı tutdu. Yaralanan şəxsi isə, xəstəxanaya apardılar, indi vəziyyəti yaxşıdır” Şərur rayon Polis İdarəsindən döyülmə və bıçaqlanma hadisəsini təsdiqləsələr də, əlavə məlumat vermək istəmədilər.

Milli Hidrometeorologiya Xidməti iyulun 5-də gözlənilən hava proqnozunu açıqlayıb. Sozcu.az xəbər verir ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər və axşam yarımadanın bəzi yerlərində qısamüddətli az yağış yağacağı ehtimalı var. Arabir güclənən şimal-qərb küləyi əsəcək. pizza sifarişi Havanın temperaturu gecə 18-21° isti, gündüz 25-28° isti olacaq. Atmosfer təzyiqi normadan aşağı 757 mm civə sütunu olacaq. Nisbi rütubət gecə 60-65 %, gündüz 50-55 % olacaq. Azərbaycanın rayonlarında hava şəraitinin dağlıq ərazilərdən başlayaraq arabir yağış yağacağı, şimşək çaxacağı gözlənilir. Ayrı-ayrı yerlərdə qısamüddətli leysan xarakterli intensiv olacağı, dolu düşəcəyi ehtimalı var. Gecə və səhər bəzi yerlərdə duman. Qərb küləyi bəzi yerlərdə arabir güclənəcək. Havanın temperaturu gecə 18-21° isti, gündüz 28-32° isti, dağlarda gecə 5-10° isti,gündüz 12-17° isti olacaq.

Binəqədi qəsəbəsinin II Mədən küçəsində yerləşən 90-cı korpusun qarşısında çirkab suları küçəyə axır. Sozcu.az milli.az xəbər verir ki, bu vəziyyət uzun müddətdir davam edir və əsas səbəb kanalizasiya sisteminin köhnəlməsidir. Köhnə və istismar müddətini tamamlamış borular artıq ərazidəki yükü daşıya bilmir. Nəticədə kanalizasiya suları tez-tez küçəyə axır, həm antisanitariya yaradır, həm də ətrafda pis qoxu yayılır. Sakinlər bildirib ki, kanalizasiya demək olar hər gün daşır, hər gün də müvafiq qurumun əməkdaşları gəlib tutulmuş borunu açmağa çalışırlar. Pepperoni pizza İri Şəhərlərin Birləşmiş Su Təchizatı Xidmətindən bildirildi ki, həmin məsələ ilə bağlı məlumat müvafiq rayon sukanal idarəsinə verilib. Gün ərzində problem aradan qaldırılacaq. Xatırladaq ki, hazırda Binəqədi şosesində kanalizasiya xətti qurulur, lakin bu yeni tikilən yaşayış binası üçün nəzərdə tutulub.

Həyat çox şirindir, yaşamağa dəyər! Dünya nə qədər gözəldirsə, gözəl yaşamaq  bir o qədər gözəldir! Həyat gözəlliklə keçsin! Həyatın gözəlliyi ömrün bəxtəvər olmasıdır! Demək olar ki, son illər yaşadığımız bu şirin dünyanın siyasi mənzərəsinə bir az diqqətlə nəzər yetirəndə görürük ki, dünyada bir çox məsələlərlə bağlı bəzi qarışıqlıq, eləcə də xoşagəlməz hallar yaranıb. Hətta bir az dərindən düşündükdə isə belə məlum olur ki, elə bir zamana, elə bir dövrə gəlib çatmışıq ki... Nə deyək vallah... Belə ki, bəzi ölkələrdə savaşlar baş verir, uşaqlar, qocalar, dinc insanlar bu lazımsız savaşlarda həyatını itirir. Bəziləri isə öz doğma-yurd-yuvasından didərgin düşür, min bir əzab-əziyyət içində qaçqınlıq, köçkünlük həyatı yaşayır. Yəni insanların xoş keçən ömrü-günü qaralır, həyatı cəhənnəmə dönür.  O da məlumdur ki, artıq elm çox-çox yüksək səviyyədə inkişaf edib. Kompüter əsrində yaşayırıq. Dünyada baş verən bütün hadisələr, olaylar sanki gözlərimizin önündədir.  Bu baxımdan da hər yanda baş verən bütün hadisələrdən, olaylardan elə tez bir vaxtda, yəni həmin saatda xəbərdar oluruq. Ey uca Tanrım! Bizlərə bəxş etdiyin bu dünyada sülh, əminamanlıq olsun! Harda müharibə varsa tez vaxtda sona yetsin! Sülh müqavilələri bağlansın, barış əldə olunsun. Bütün insanlar sülh içində, əminamanlıqla xoşbəxt yaşasın!  Kaş ki, dünyanın hər tərəfində hər bir insan xoş ömür sürsün. Körpələr müharibələrdə həyatını itirməsin. Heç bir insan öz elindən, obasından, ana Vətənindən ayrı düşməsin, qaçqınlıq, köçkünlük ömrü yaşamasın. Yerlərin-Göylərin Sahibi olan mərhəmətli, sevgi dolu Allah! Kainatımızı, dünyamızı, ana VƏTƏNimizi, MİLLƏTimizi bəlalardan, savaşlardan qoru! Dünya cənnətə dönsün!  İnsanlar sülhə gəlsin, dünyada məhəbbət, sevgi, barış, gözəllik olsun hər zaman... Ürəyimiz sevgiylə, məhəbbətlə döyünsün!  Həyatımızı başdan-başa gözəl, xoş günlər, bəxtəvər aylar, toy-büsatlı illər bürüsün!  Qəlbimizdə həmişə sevgi, məhəbbət olsun! Çünki sevgi, məhəbbət olan hər bir yer xoşbəxtliyə və bəxtəvərliyə  bürünür. Onda  həyat da gözəl olur, ömrümüz-günümüz də daha çox gözəlləşir.  Yaşadığımız bu şirin dünyamıza gözəllik, sakitlik, savaşsız günlər, xoş aylar, sülhə bürünən şadlıq dolu illər arzu edirəm! Həyatımız ömrümüz boyunca firavan olsun! Allahın bizlərə bəxş etdiyi ömrü-günü sevgiylə, məhəbbətlə sevinərək və sevib-sevilərək doya-doya yaşaya bilək!  Uca, Böyük Yaradan dünyamızı qorusun! XATİRƏ ƏZİZ Rəhimli Şair-jurnalist

Beyləqan rayonunda 16 yaşlı oğlan kanalda batıb. Sozcu.az Report-a istinadən xəbər verir ki, hadisə Xanqızı kanalının rayonun ərazisindən keçən hissəsində baş verib. Eyvazallar kənd sakini Əkbər Nizami oğlu Qasımov kanalda çimərkən batıb. Faktla bağlı araşdırma aparılır.

13:07 Türkiyənin Antalya vilayətinin Muradpaşa rayonunda yaşayış binaları yaxınlığında meşə yanğınları başlayıb. Sozcu.az xəbər verir ki, bu gün yerli vaxtla saat 10:30 başlayan yanğına havadan və qurudan müdaxilə edilir. Məlumata görə, yanğının yaşayış binalarına keçmə təhlükəsi olduğu üçün kütləvi ixtişaşlara müdaxilə maşınından da istifadə edilir. Yanğının hansı səbəbdən baş verdiyi hələlik məlum deyil. *** Türkiyədə meşə yanğınları davam edir. 2 təyyarə və 6 helikopter Çeşmə bölgəsində yanğını söndürməyə davam edir. Kənd təsərrüfatı sahəsində başlayan yanğın meşəyə keçib və bəzi ərazilər ehtiyat tədbiri olaraq boşaldılıb. Yanğına görə Çeşmə-İzmir avtomobil yolunda hərəkət dayandırılıb. İzmir Böyükşəhər Bələdiyyə Başçısı Cəmil Tuqay “Çeşmədə güclü külək səbəbiylə böyüyən və yaşayış məntəqələrini təhdid edən böyük bir yanğınla qarşı-qarşıyayıq” deyib. Eyni zamanda, İzmirdə Ödemiş bölgəsindəki yanğın da nəzarət altına alınmayıb. *** İzmirin Ödemiş bölgəsində bəzi evlərə keçən yanğın yanğınsöndürənlərin müdaxiləsi ilə söndürülüb. Yanğınsöndürmə əməkdaşları yanan evlərdə araşdırma apararkən köməksiz vəziyyətdə qalıb, dünyasını dəyişən 80 yaşlı yataq xəstəsi olan İbrahim Ərkanın cəsədini tapıb.

Şəmkirdə su anbarında batan 20 yaşlı qızın meyti tapılıb. Sozcu.az Unikal.az-a istinadən xəbər verir ki, Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən həyata keçirilən axtarış tədbirləri nəticəsində su anbarında batan 2005-ci il təvəllüdlü Aliyə Həsənovanın meyiti tapılaraq sudan çıxarılıb və aidiyyəti üzrə təhvil verilib. Xatırladaq ki, hadisə ötən ayın 13-də Şəmkir rayonunun Mehrili kəndi ərazisində yerləşən Şəmkirçay su anbarında baş verib. Rayonun Seyfəli kənd sakinləri - 2004-cü il təvəllüdlü Ümid İbrahimov, 2005-ci il təvəllüdlü Aliyə Həsənova və Fazil Həsənov həmin əraziyə istirahət məqsədilə yollanıblar. Məlumata görə, istirahət zamanı onlar spirtli içki qəbul ediblər. Daha sonra Aliyə Həsənova sərxoş vəziyyətdə suya girib. Gənc qızın çətin vəziyyətdə olduğunu görən Ümid İbrahimov onu xilas etmək məqsədilə suya atılıb. Hər iki şəxs suda boğularaq həyatını itirib. Fakt araşdırılır.

ABŞ-ın Azərbaycandakı yeni müvəqqəti işlər vəkili təyin olunub. Sozcu.az səfirliyə istinadən xəbər verir ki, bu vəzifəyə Emi Karlon təyin edilib.

Bakıda özünü Ədliyyə Nazirliyinin Baş Tibb İdarəsinin həkim-cərrahı və tibb elmləri doktoru kimi təqdim edən şəxs vətəndaşın QİÇS-ə yoluxma təhlükəsi qarşısında qoyub. Sozcu.az Qaynarinfo-ya istinadən xəbər verir ki, vətəndaşlardan birinin (müəyyən səbəbdən adını açıqlamırıq) xanım tanışında HİV aşkarlanıb. Telman Allahverdiyev adlı şəxs isə həmin vətəndaşa sözügedən xanımı müalicə edəcəyini bildirib. O, özünü Ədliyyə Nazirliyinin Baş Tibb İdarəsinin həkim-cərrahı və tibb elmləri doktoru kimi təqdim etməklə vətəndaşı buna inandıra bilib. Telman Allahverdiyev müalicə üçün vətəndaşdan hissə-hissə 5700 dollar alıb. Daha sonra vətəndaşa xəstəni sağaltdığı barədə yalan məlumat verib və beləliklə, zərərçəkmişi HİV-ə yoluxma təhlükəsi qarşısında qoyub. Vətəndaş sonradan aldadıldığını anlayıb və hüquq-mühafizə orqanlarına müraciət edib. Telman Allahverdiyev şübhəli şəxs qismində saxlanılıb. Daha sonra ona Cinayət Məcəlləsinin 140.1 (Bilə-bilə başqa şəxsi insan immunçatışmazlığı virusu ilə yoluxma təhlükəsi qarşısında qoyma), 310 (Vəzifəli şəxsin səlahiyyətlərini mənimsəmə) və 178.2.4-cü (Dələduzluq - xeyli miqdarda ziyan vurmaqla törədildikd) maddələri ilə ittiham elan edilib. Həmçinin məhkəmənin qərarı ilə barəsində həbs qətimkan tədbiri seçilib. Cinayət işinin məhkəmə istintaqı Nizami Rayon Məhkəməsində aparılıb. Məhkəmənin hökmü ilə Telman Allahverdiyevə 178.2.4-cü maddə ilə 2 il, 140.1-ci maddə ilə 6 ay, 310-cu maddə ilə isə 1 il müddətinə azadlıqdan məhrumetmə cəzası təyin edilib. Təyin olunmuş cəzalar qismən toplanıb və Telman Allahverdiyev 2 il 6 ay müddətinə azadlıqdan məhrum edilib.

Ermənistanın hakim "Vətəndaş Müqaviləsi" Partiyasının parlament fraksiyası iyulun 3-də parlamentin növbədənkənar iclasında “Dövlət hakimiyyətinin zorakılıq yolu ilə ələ keçirilməsinin yolverilməzliyi və demokratiyanın qorunması haqqında” bəyanat layihəsini təqdim edib. Sozcu.az erməni KİV-ə istinadən xəbər verir ki, “Mülki Müqavilə" parlamentin “Ermənistan Respublikasına qarşı planlaşdırılan terror faktına qiymət verməsini" vacib hesab edir. “Parlament 2025-ci ilin iyununda Ermənistan Respublikasının hüquq-mühafizə orqanları tərəfindən aşkar edilmiş və ölkənin suverenliyinə, konstitusiya quruluşuna , qanuni hakimiyyətinə qarşı yönəlmiş terror cəhdini qətiyyətlə pisləyir. Ermənistan Respublikasının Konstitusiyasına və mövcud qanunvericiliyinə uyğun olaraq konstitusiya quruluşunu devirmək və ya terror törətmək məqsədi ilə həyata keçirilən istənilən hərəkət ən ağır cəzaya məruz qalacaq. Terror və zorakılıq yolu ilə hakimiyyəti ələ keçirmək cəhdləri Ermənistan Respublikasının və onun xalqının suverenliyinə birbaşa zərbədir”, - bəyanatda deyilir. Qeyd edək ki, Ermənistan hakimiyyəti ölkədəki rusiyayönlü qüvvələri dövlət çevrilişində günahlandırır. Bununla əlaqədar bəzi dindarlar və müxalifət təmsilçiləri saxlanılıb.

2025-ci ilin yanvar-iyun ayları ərzində 46 437 nəfərə uşağın anadan olmasına görə proaktiv qaydada birdəfəlik müavinət təyin olunub və ödəniş edilib. Sozcu.az xəbər verir ki, bu barədə Dövlət Sosial Müdafiə Fondu (DSMF) məlumat yayıb. Müavinət ödənişləri 21 765 nəfər qız, 24 672 nəfər oğlan uşağına görə aparılıb.

Yekaterinburqda 2001, 2010 və 2011-ci illərdə baş vermiş cinayət işləri üzrə təqsirləndirilən Ayaz Səfərov və Şahid Lalayev onların barəsində həbs qətimkan tədbiri seçilməsi qərarından apellyasiya şikayəti veriblər. Sozcu.az Rusiya mətbuatına istinadən xəbər verir ki, həmyerlilərimiz onlar barəsində birinci instansiya məhkəməsinin çıxardığı 22 günlük həbs qətiimkan tədbirinin ləğv olunması üçün apelyasiya şikayəti ediblər. Qeyd edək ki, Yekaterinburqun Leninski Rayon Məhkəməsi Ayaz, Akif, Məzahir, Kamal və Ba kir Səfərovlar, Əhliman Gənciyev, Şahid Lalayev və Əziz Abasovun barəsində həbs qətimkan tədbiri seçib. Akif Səfərov da həbs qərarından apellyasiya şikayəti verib. Səfərov və Lalayevlə bağlı vəkillərdən müraciətlər daxil olub. Xatırladaq ki, iyunun 27-də səhər saatlarında Rusiya FSB-si Yekaterinburqda azərbaycanlıların evlərinə basqın edib. Reyd zamanı iki nəfər ölüb, bir neçə nəfər yaralanıb.

Yüksək terror riski, iğtişaşlar, qaçırılma və həbs olunma təhlükələri ilə əlaqədar olaraq ABŞ vətəndaşlarını İrana səfər etməməyə çağırır. Sozcu.az xəbər verir ki, bu barədə ABŞ-ın İrandakı virtual səfirliyinin saytında bildirilib. Qeyd edilib ki, ABŞ vətəndaşları yeniliklərlə bağlı yerli medianı yaxından izləməli və İrandan təşkil olunan kommersiya uçuşları ilə bağlı məsləhətləşmə aparmalıdır. "İyul 2-dən etibarən İranın hava sahəsi qismən açılıb. Buna baxmayaraq, Tehran və digər şəhərlərdən kommersiya uçuşlarının fəaliyyətində fasilələr ola bilər. ABŞ vətəndaşları quru yolu ilə Azərbaycan, Ermənistan, Türkiyə və ya Türkmənistana keçə bilərlər”, - məlumatda deyilir.

İyulun 3-ü saat 11:00-a olan faktiki hava açıqlanıb. Bu barədə Sozcu.az-a Milli Hidrometeorologiya Xidmətindən məlumat verilib. Bildirilib ki, iyulun 3-ü saat 11:00-a olan məlumatına əsasən ölkə ərazisinin bəzi yerlərində yağıntılı və küləkli hava şəraiti müşahidə olunur. Düşən yağıntının miqdarı Balakəndə 33, Sarıbaşda (Qax) 14, Zaqatalada 11, Tovuzda 5, Ağstafa və Şəkidə 3, Ceyrançöl, Gədəbəy və Şahbuzda 2, Daşkəsən, Göygöl, Şəmkir, Kəlbəcər, Laçın, Qubadlı, Laza (Qusar) və Lerikdə 1 mm-dir. Hazırda bir sıra ərazilərdə şimal-qərb küləyi əsir, küləyin maksimal sürəti Culfada 20, Bakıda və Abşeron yarımadasında, eyni zamanda Gəncədə 19 m/s-dək güclənir. Dənizdə dalğanın hündürlüyü 3.4 metrə çatır. Havanın maksimal temperaturu iyulun 2-də Bakıda və Abşeron yarımadasında 28, Naxçıvan MR-da, o cümlədən Aran rayonlarında 34, dağlıq rayonlarda isə 20 dərəcəyədək isti qeydə alınıb.