Oktyabrın 1-i gecə saatlarında İranın İsrailə raket hucumuna etiraz edən onlarla vətəndaş həbs edilib. Bu barədə insan haqları fəalları məlumat yayıb. Ən çox həbslərin Tehran, Kirmanşah, Sənəndəc və İsfahanda həyata keçirildiyi bildirilib  Bununla eyni vaxtda SEPAH-ın kəşfiyyat bölməsi məsələ ilə bağlı bəyanat yayıb. Bəyanatda vətəndaşlardan İranın raket hucumuna etiraz edənlərin kimliyinin mueyyənləşdirlərək dövlət qurumlarına bildirilməsi istənilib. Qeyd edək ki, ötən gecə İranın İsrailə raket hucumu zamanı adı çəkilən şəhərlərdə vətəndaşlar balkonlara çıxaraq "Xaməneiyə ölüm", "diktatora lənət" şüarları səsləndiriblər. Bundan sonra hökumət bir neçə şəhərdə özünə bağlı qruplardan təşkil tapan hökumətə dəstək aksiyaları təşkil edib.

Oktyabrın 2-si saat 10:00-a olan məlumata əsasən ölkə ərazisində oktyabrın 1-i gündüz saatlarından başlayaraq hava şəraiti dəyişib. Milli Hidrometeorologiya Xidmətindən Sozcu.az-a verilən məlumata görə, bəzi yerlərdə şimşək çaxır, arabir leysan xarakterli yağış yağır. Qeyd olunub ki, Şahdağın 3 000 metrdən yüksək dağlıq ərazilərinə qar yağıb. Düşən yağıntının miqdarı Göygöldə 10 mm, Daşkəsəndə 8 mm, Şahbuzda 7 mm, Tərtər, Şəki, Yevlax, Goranboy, Gədəbəydə 2 mm, Naxçıvan, Quba, Xaltan, Xınalıq, Altıağac, Naftalan, Bərdə, Ağdam, Ağcabədi, Kürdəmir, Sabirabad, İsmayıllı, Qəbələ, Şamaxı, Beyləqan, Daşkəsən, Ağsu, Gəncə, Göyçay, Mingəçevir, Oğuz, Qusar, Balakən, Xaçmaz, Qaxda 1 mm-dək olub. Sarı xəbərdarlığa uyğun olaraq qərb küləyi Şahdağda arabir 20 m/s-dək güclənib. Göygöl, Daşkəsən, Şəmkir, Lerikdə duman müşahidə olunub. Havanın maksimal temperaturu Bakıda və Abşeron yarımadasında 26, Naxçıvan MR-da 29, Aran rayonlarında 27, dağlıq rayonlarda 18 dərəcəyədək isti qeydə alınıb.

Bakıda avtovağzalda sürücülər arasında münaqişə bıçaqlanma ilə bitib. Sozcu.az APA-ya istinadən xəbər verir ki, hadisə Bakı Beynəlxalq Avtovağzal kompleksinin yaxınlığında qeydə alınıb. Avtobus sürücüsü Elnur İsrafil oğlu Bayramov yol hərəkəti qaydaları ilə bağlı aralarında yaranmış mübahisə zamanı əlindəki kəsici alətlə “Mersedes-Benz” markalı avtomobilin sürücüsü Qorxmaz Zəki oğlu Məmmədovun bədəninin müxtəlif nahiyyələrinə xəsarətlər yetirib. Elnur Bayramov şübhəli şəxs qismində saxlanılıb. Fakt araşdırılır.

Fransa Yaxın Şərqdəki hərbi qüvvələrini İran təhlükəsinə qarşı səfərbər edib. Sozcu.az xəbər verir ki, bu barədə Yelisey Sarayından məlumat verilib. Qeyd olunub ki, Fransa Prezidenti Emmanuel Makron İsrail hakimiyyətindən Livana hücumları dayandırmağı tələb edib. Makron eyni zamanda yaxın vaxtlarda Livan xalqına dəstək konfransı təşkil etmək niyyətində olduğu elan edib.

Azərbaycan Prezidenti İlham Əliyevin “İtkin düşmüş şəxslər probleminin həlli: ailələrin həqiqəti bilmək hüququnun müdafiəsi” mövzusunda beynəlxalq konfransın iştirakçılarına müraciət edib. Sozcu.az xəbər verir ki, müraciətdə deyilir: Hörmətli konfrans iştirakçıları! Sizi itkin düşmüş şəxslər probleminə həsr olunmuş beynəlxalq konfransda salamlayıram. Azərbaycanın təşəbbüsü ilə silahlı münaqişələr zamanı itkin düşmüş şəxslər məsələsinə dair ölkəmizdə ikinci beynəlxalq konfransın keçirilməsi bu mövzunun aktuallığını və problemin həllində qlobal səylərin artırılmasının vacibliyini bir daha təsdiq edir. İtkin düşmüş şəxslər faciəsi Ermənistanın Azərbaycana qarşı təcavüzünün ağır fəsadlarından biridir. Birinci Qarabağ müharibəsi nəticəsində 30 ildən artıqdır ki, 4000-dək azərbaycanlı itkin düşmüş şəxs hesab olunur. Onların arasında mülki şəxslər, o cümlədən uşaqlar və qadınlar da vardır. 2020-ci il Vətən müharibəsində isə 6 Azərbaycan vətəndaşı itkin düşmüşdür. Torpaqlarımızın işğaldan azad edilməsindən sonra meydana çıxmış yeni faktlar itkin düşmüş azərbaycanlılara qarşı törədilən vəhşiliklərlə bağlı şahidlərin ifadələrini bir daha təsdiq etmişdir. Həmin ərazilərimizdə aşkar olunmuş kütləvi məzarlıqlarda ekshumasiya işlərinin aparılması nəticəsində Ermənistan tərəfindən əsir və girov götürülmüş şəxslərin işgəncələrə, zorakılığa və qeyri-insani rəftara məruz qalaraq qətlə yetirildiyi barədə təkzibedilməz sübutlar toplanmışdır. Siz sabah Azərbaycanda akkreditə olunmuş diplomatik korpusla birgə Ağdərə rayonunun Sırxavənd kəndində kütləvi məzarlıqların birinə baş çəkəcəksiniz. Ermənistanın işğalı altında olan zaman Şuşa həbsxanası azərbaycanlı əsir və girovların saxlanıldığı və işğəncələrlə öldürüldüyü konsentrasiya düşərgəsi kimi fəaliyyət göstərmişdir. Açıq mənbələrdə və internet resurslarında Birinci Qarabağ müharibəsində Ermənistan tərəfindən azərbaycanlılara qarşı törədilmiş insanlığa sığmayan əməlləri sübut edən kifayət qədər foto və videolar mövcuddur. Müharibə cinayətləri və bəşəriyyətə qarşı cinayətlər törətmiş bəzi şəxslər bu gün Azərbaycanın ədalət mühakiməsi qarşısında cavab versə də, Ermənistanda buna görə hələ bir nəfər belə məsuliyyətə cəlb olunmamış, əksinə onlar qəhrəmanlaşdırılmışdır. Eyni zamanda, müxtəlif vaxtlarda Ermənistanda olan hərbi canilər, komandirlər kütləvi məzarlıqlar barədə məlumatlara sahib olduqlarını bildirmişdir. Buna baxmayaraq, Ermənistan hələ də bu məzarlıqların, o cümlədən Azərbaycanın Milli Qəhrəmanı Natiq Qasımovun qalıqlarının yeri barədə məlumatları verməkdən imtina edir. Ermənistan öz destruktiv mövqeyindən əl çəkməli və beynəlxalq humanitar hüquqdan irəli gələn öhdəliklərini yerinə yetirməlidir. Əgər Ermənistan həqiqətən də Azərbaycanla sülhə nail olmaq istəyirsə, onda əsir və girov götürülmüş azərbaycanlılara münasibətdə törədilmiş vəhşilikləri qətiyyətlə pisləməli və günahkarları cəzalandırmalıdır. Bu, həmçinin, iki ölkə arasında təsirli etimad quruculuğu tədbirlərindən biri ola bilər. Azərbaycan dövləti itkin düşmüş şəxslərin taleyinin müəyyənləşdirilməsi üçün bütün zəruri addımları atır. 1993-cü ildən etibarən Əsir və itkin düşmüş, girov götürülmüş vətəndaşlarla əlaqədar Dövlət Komissiyası bu humanitar missiyanı layiqincə yerinə yetirir. Vətən müharibəsindən sonra Komissiyanın fəaliyyəti daha da genişləndirilmiş və yaxşı nəticələr əldə edilmişdir. Birinci Qarabağ müharibəsində itkin düşmüş şəxslərdən 155 nəfərin şəxsiyyəti eyniləşdirilmiş və onlar hərbi ehtiram göstərilməklə dəfn edilmişdir. Bugünədək dövlət qurumlarımız, itkin düşmüş şəxslərin doğmaları, vətəndaş cəmiyyəti nümayəndələri tərəfindən müxtəlif beynəlxalq təşkilatlara dəfələrlə müraciətlər edilsə də, əfsuslar olsun ki, bu məsələdə də ikili standartlarla üzləşirik. Aidiyyəti beynəlxalq qurumlar bu müraciətlərə səssiz qalmamalı və qətiyyətli addımlar atmalıdır. Azərbaycan beynəlxalq ictimaiyyətin məsuliyyətli üzvü kimi silahlı münaqişələr zamanı itkin düşmüş şəxslər məsələsinə yalnız öz problemi kimi deyil, dünyanın bir sıra ölkələrinin üzləşdiyi qlobal problem kimi yanaşır. Ölkəmizin təşəbbüsü ilə BMT Baş Assambleyasında hər iki ildən bir itkin düşmüş şəxslər mövzusunda qətnamənin irəli sürülməsi və konsensusla qəbul olunması bu məsələyə beynəlxalq səviyyədə diqqətin artırılması istiqamətində fəaliyyətimizin tərkib hissəsidir. Bu xüsusda, məsələyə beynəlxalq müstəvidə lazımi diqqətin ayrılmasını təmin etmək üçün BMT çərçivəsində itkin düşmüş şəxslərlə bağlı xüsusi mexanizmin yaradılmasına ehtiyacın olduğu qənaətindəyik. Sonda konfransın işinə uğurlar diləyir və onun itkin düşmüş şəxslərin taleyinin aydınlaşdırılması istiqamətində qlobal fəaliyyətə dəyərli töhfə verəcəyinə dair əminliyimi ifadə edirəm.

Cari il ərzində Dövlət Komissiyası tərəfindən mütəxəssislərin iştirakı ilə işğaldan azad edilmiş ərazilərdə aparılmış qazıntıların və monitorinqlərin nəticəsində məlum olmuşdur ki, üçtərəfli Bəyanatın imzalanmasından 2023-cü il sentyabr ayında həyata keçirilmiş antiterror əməliyyatına qədər olan müddətdə separatçı rejim tərəfindən Dövlət Komissiyasına və BQXK-ya məlum olan bir neçə kütləvi məzarlıq məqsədyönlü şəkildə məhv edilib. Bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri Əli Nağıyev “İtkin düşmüş şəxslər probleminin həlli: ailələrin həqiqəti bilmək hüququnun dəstəklənməsi” mövzusunda beynəlxalq konfransda çıxışında deyib. O bildirib ki, buna misal kimi Xocavənd rayonu, Qaradağlı kəndi, Xocalı rayonu, Dəhraz kəndi və Ağdərə rayonu, Sırxavənd kəndində Dövlət Komissiyasına məlum olan məzar yerlərini göstərmək olar: “Məlumdur ki, bu və digər kütləvi məzarlıqlar ermənilər tərəfindən törətdikləri müharibə cinayətlərinin izlərinin itirilməsi üçün məqsədyönlü şəkildə məhv edilmişdir. Bu faktlar beynəlxalq hüquqa, həmçinin uzun illərdir yaxınlarını gözləyən itkin ailələrinə və insanlığa qarşı hörmətsizliyin bariz nümunəsidir”.

Şəmkir şəhər sakini dərmandan şoka düşərək ölüb.  Sozcu.az Report-a istinadla xəbər verir ki, Şəmkir şəhər sakini, 1984-cü il təvəllüdlü Qoşqar Əliyev sentyabrn 30-u saat 21:00 radələrində xəstəxanaya müraciət edib və ona verilən dərmanın şokundan ölüb.  Rayon prokurorluğu faktla bağlı araşdırma aparır. 

Oktyabrın 2-si saat 10:00-a olan məlumata əsasən ölkə ərazisində oktyabrın 1-i gündüz saatlarından başlayaraq hava şəraiti dəyişib.  Milli Hidrometeorologiya Xidmətindən Sozcu.az-a verilən məlumata görə, bəzi yerlərdə şimşək çaxır, arabir leysan xarakterli yağış yağır.  Qeyd olunub ki, Şahdağın 3 000 metrdən yüksək dağlıq ərazilərinə qar yağıb.  vakansiya 2023 Düşən yağıntının miqdarı Göygöldə 10 mm, Daşkəsəndə 8 mm, Şahbuzda 7 mm, Tərtər, Şəki, Yevlax, Goranboy, Gədəbəydə 2 mm, Naxçıvan, Quba, Xaltan, Xınalıq, Altıağac, Naftalan, Bərdə, Ağdam, Ağcabədi, Kürdəmir, Sabirabad, İsmayıllı, Qəbələ, Şamaxı, Beyləqan, Daşkəsən, Ağsu, Gəncə, Göyçay, Mingəçevir, Oğuz, Qusar, Balakən, Xaçmaz, Qaxda 1 mm-dək olub.  Sarı xəbərdarlığa uyğun olaraq qərb küləyi Şahdağda arabir 20 m/s-dək güclənib. Göygöl, Daşkəsən, Şəmkir, Lerikdə duman müşahidə olunub.  Havanın maksimal temperaturu Bakıda və Abşeron yarımadasında 26, Naxçıvan MR-da 29, Aran rayonlarında 27, dağlıq rayonlarda 18 dərəcəyədək isti qeydə alınıb. 

İranın hücumuna cavab bu gecə olacaq və nəticəni bütün Yaxın Şərq görəcək. Sozcu.az İsrail Teleqram kanallarına istinadla xəbər verir ki, bu barədə İsrail ordusundan bildirilib. Qeyd edək ki, İran ordusu bu gün axşam saatlarında İsrilə kütləvi raket zərbələri endirib.

İranın raket zərbəsi nəticəsində MOSSAD-ın qərargahı tamamilə məhv edilib. Sozcu.az xəbər verir ki, bu barədə İraqın “Əl-Nəcbə” telekanalı məlumat yayıb. Qeyd edək ki, İran bu gün axşam saatlarında ölkə ərazisindən İsrailə kütləvi raket zərbələri endirib.

İsrailin müdafiə naziri Yoav Qallantla əlaqə saxlamaq mümkün deyil. Sozcu.az xəbər verir ki, bu barədə “Haaretz”in jurnalisti məlumat yayıb. Qeyd edək ki, İran bu gün axşam saatlarında İsrailə kütləvi raket hücumu həyata keçirib.

İsfahan və Kirmanşah şəhərlərində hərbi baza və əhəmiyyətli dövlət obyektlərinə yaxın ərazilərdə yaşayan vətəndaşlar evlərini tərk edirlər. Sozcu.az xəbər verir ki, bu barədə yerli sosial media istifadəçiləri məlumat yayıblar. Bildirilir ki, həmin şəhərlərdə yerləşən hərbi bazarlardan İsrailə raket hücumları edilib. “Sakinlər İsrailin cavab hücumlarından qorxduqları üçün daha təhlükəsiz bölgələrə getməyə çalışırlar”, - məlumatlarda deyilir. Qeyd olunur ki, hökumət məmurları sakinlərin evlərini tərk etmələrinə mane olduqları üçün bəzi yerlərdə qarşıdurmalar yaranıb. Xatırladaq ki, İran öz ərazisindən İsrailə kütləvi raket zərbələri endirib. İsrail bunu cavabsız qoymayacağını elan edib.

İsrail mediası İrana ediləcək cavab zərbələri barədə məlumatlar paylaşmaqdadır. Sozcu.az xəbər verir ki, məlumatda İranın ən böyük elektrik stansiyasının hədəf alınacağı bildirilir. “Bu elektrik stansiyası ümumilikdə təxminən 2880 meqavat elektrik enerjisi istehsal edir”, - deyə vurğulanıb.

İordaniya Hərbi Hava Qüvvələri bu gecə İran raketlərinin zərərsizləşdirilməsində aktiv iştirak edib. Sozcu.az xəbər verir ki, bu barədə İordaniya rəsmisi CNN-ə bildirib.

İranın İsrailə qarşı kütləvi raket hücumu artıq başa çatıb. Sozcu.az xəbər verir ki, bu barədə İsrail ordusunun sözçüsü Daniel Haqari deyib. Məlumata görə, İsrail hərbçiləri ölkə əhalisinə sığınacaqları tərk etməyə icazə verib. "İndiki mərhələdə İrandan əlavə təhlükələr müşahidə etmirik. Mühafizə olunan əraziləri tərk etmək mümkündür", - o bildirib.

İranın raket hücumu nəticəsində İsrailə məxsus 20-dən çox F-35 təyyarəsi məhv edilib. Sozcu.az xəbər verir ki, bu barədə İran KİV-ləri məlumat yayıb.

İranın İsrailə hücuma hazırlaşmasına dair hər hansı əlamət görmürük. Sozcu.az xəbər verir ki, bu barədə İsrail ordusunun (ÇAXAL) məlumatında deyilir. Bildirilib ki, ÇAXAL istənilən potensial təhlükənin öhdəsindən gəlməyə hazırdır.

Oktyabrın 1-i saat 18:00-a olan faktiki hava açıqlanıb. Milli Hidrometeorologiya Xidmətindən Sozcu.az-a bildirilib ki, əvvəlcədən xəbər verildiyi kimi Daşkəsən, Gədəbəy, Naftalan, Goranboy, Şəki, Ağdam, Göygöl, Bərdə, Tərtər, Qazax, Ağstafa, Tovuz, Gəncə, Şəmkirdə şimşək çaxır, arabir leysan xarakterli intensiv yağış yağır. Havanın temperaturu Bakıda və Abşeron yarımadasında 24, Naxçıvan MR-da 29, Aran rayonlarında 26, dağlıq rayonlarda 16 dərəcəyədək isti qeydə alınıb.

İsrail və Hizbullah arasında gərginliyin artması fonunda ABŞ Yaxın Şərqə əlavə hava qüvvələri göndərəcək. Sozcu.az xəbər verir ki, bu barədə “Air & Space Forces Magazine” nəşri məlumat yayıb. Məlumata görə, ABŞ F-16, F-15E və A-10 “Thunderbolt II” təyyarələrindən ibarət üç qırıcı və hücum təyyarəsi eskadronu göndərəcək.

Türkiyə də Yaxın Şərqdəki müharibəyə sürüklənə bilər. Sozcu.az xəbər verir ki, bunu Türkiyə Prezidenti Rəcəb Tayyib Ərdoğan Türkiyə Böyük Millət Məclisində (TBMM) çıxışı zamanı deyib. Onun sözlərinə görə, Livandan sonra İsrailin növbəti hədəfi Türkiyə olacaq. Ərdoğan Yaxın Şərqdəki müharibənin daha da genişlənə biləcəyi barədə xəbərdarlıq edib: “Bunun qarşısını almaq lazımdır”. Türkiyə lideri həmçinin söyləyib ki, İsrailin Livana hücumlarının ağır nəticələri ola bilər: “Bu barədə çox açıq xəbərdarlıq edirəm”.

Hər il 19 milyona yaxın insan ürək-damar xəstəliklərindən dünyasını dəyişir.  Yenisabah.az xəbər verir ki, həkimlər diabet xəstələrində infarktın fərqli şəkildə irəlilədiyini qeyd edirlər.  Ürək-damar xəstəlikləri arasında infarktın ən ölümcül olduğuna diqqət çəkən kardioloqlar vətəndaşları ürək böhranına qarşı diqqətli olmağa səsləyir.  azal vakansiya Şəkər xəstələrinin 30 faizi gizli infarkt keçirir. Ən qorxulu və ümumi ürək-damar xəstəliyi infarktdır. Ürək böhranı döş qəfəsinin ortasında ağrı, ürək döyüntüsü, nəfəs darlığı və qəfil huşun itirilməsidir. Xüsusilə gənclərdə  infarkt əlamətləri olaraq mədə ağrıları, ürəkbulanma və ürək yanması daha çox müşahidə olunur. İnfarktın ən əhəmiyyətli əlamətlərindən birinin ağrı olduğunu bildirən həkimlər deyir ki, ürək damarları ilə bağlı ağrılar daha spesifik xarakterlidir və bu ağrının müəyyən bir xarakteri var. Ürək arteriyası 100 faiz tıxanmayan xəstə hərəkət edərkən ağrı hiss edir. Ürəyin oksigenə ehtiyacı artır deyə bu tip ağrılar ortaya çıxır. Ağrı sinənin ortasındadır. Nə sağda, nə də solda. Bu ağrı yanma şəklindədirsə, çənə və sol qola doğru, sol çiyinə doğru yayılır. Beləliklə, yayılmağın bir yolu var. Əgər ağrı güclə, yəni 100 faiz tıxanmayan vena ağrıları ilə əlaqədardırsa, xəstə istirahətə getdikdən və ya dilaltı dərmanlarla aradan qaldırıldıqdan 3-5 dəqiqə sonra ağrı yox olur. Amma onun daha inkişaf etmiş forması ürək damarının 100 faiz tıxanmasıdır. Bu vəziyyətdə ağrı yenidən sinə ortasında olur; Sol qola, sol çiyinə və alt çənəyə yayılır. Bu, ürəkbulanma və qusma ilə müşayiət olunur. Ağrı yarım saatdan çox davam edir.  Ağrı arxa bölgəni də əhatə edir. Belə ağrı tipik infarkt ağrısıdır. Ürək-damar xəstəlikləri həm ölkəmizdə, həm də bütün dünyada ən çox yayılmış ölüm səbəbidir. Hər il dünyada 19 milyona yaxın insan ürək-damar xəstəliklərindən dünyasını dəyişir. Diabet xəstələrinin 30 faizi ürək böhranlarının heç bir ağrısız meydana gəldiyinə diqqət çəkən. həkimlər "Səssiz infarkt” 'gizli infarkt' kimi özünü göstərə bilər.  Siqaret çəkmək əsas risk faktorlarından biridir. Hərəkət etmək belə xəstələr üçün xüsusilə vacibdir, çünki hərəkətsizlik çəki artımı ilə yanaşı ürək-damar xəstəliklərinə səbəb olan metabolik sindroma səbəb olur. Yenə də diabeti nəzarət altına almalıyıq. Hipertoniya ürək-damar xəstəliklərinə yol açır. Xüsusilə hazır, emal olunmuş, qatqılı qidalar və şəkərli qidalardan istifadə etməməliyik. Genetik faktorlar olsa belə, dəyişdirilə bilən risk faktorlarını aradan qaldırdıqda ürək-damar xəstəliklərini 50 faizə qədər azalda bilərik. Bu, kişilərə, qadınlara, qocalara və gənclərə də aiddir. Daha çox hərəkət etmək, az yemək və risk faktorlarını müalicə etmək ürək-damar xəstəliklərinə qalib gəlməyin yollarıdır. “Xüsusən ağır idman növləri olmasa da, yüngül idmanla məşğul olmaq, yürüyüş etmək məqsədəuyğun hesab edilir.

Fransada mühacirətdə yaşayan Vidadi İsgəndərli vəfat edib. Sozcu.az xəbər verir ki, bu barədə Fransada yaşayan jurnalist Qənimət Zahid məlumat verib. O bildirib ki, 2 gün əvvəl yaşadığı evdə bıçaqlı hücuma məruz qalan V.İsgəndərli xəstəxanada dünyasını dəyişib. Qeyd edək ki, sentyabrın 29-u Vidadi İsgəndərli Mülyuz (Mulhouse) şəhərində yaşadığı evdə naməlum şəxslərin hücumuna məruz qalıb. Ona çoxsaylı bıçaq zərbələri vurulub.

Bakıda orta məktəbdə qazanxanada partlayış olub.  Sozcu.az APA -ya istinadla xəbər verir ki, hadisə Nəsimi rayonu 42 saylı tam orta məktəbdə qeydə alınıb.  İlkin məlumata görə, qazanxanada baş verən partlayış nəticəsində bir nəfər xəsarət alıb.  vakansiya TƏBİB-dən bildirilib ki, Respublika Təcili və Təxirəsalınmaz Tibbi Yardım Mərkəzinə saat 10:30 radələrində Nəsimi rayonu ərazisindən çağırış daxil olub. Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən xəsarət alan 27 yaşlı (kişi cinsli) şəxs hər iki qolun, kürəyin 1-ci dərəcəli yanığı diaqnozu ilə Yanıq Mərkəzinə təxliyə olunub. Bakı şəhəri üzrə Təhsil İdarəsindən verilən məlumatda bildirilib ki, payız-qış mövsümünə hazırlıq çərçivəsində podratçı şirkətin əməkdaşları 42 nömrəli tam orta məktəbin qazanxanasına ilkin baxış keçirərkən kiçik həcmli partlayış olub. Dərhal müvafiq dövlət qurumlarına məlumat verilib. Aidiyyəti mütəxəssislər tərəfindən qazanxanaya baxış keçirilib, zəruri təhlükəsizlik tədbirləri görülüb. Hadisənin səbəbləri müvafiq mütəxəssislər tərəfindən müəyyən ediləcək. Qeyd edək ki, qazanxanaya ciddi ziyan dəyməyib. Hazırda məktəbdə dərslər normal qaydada davam edir.

Ölkə başçısı parlamentin ilk iclasında gələn il pensiya və minimum əməkhaqqlarının artırılacağını bəyan etdi. Bu, olduqca mühüm qərardır. Dövlət büdcəsi ilə bağlı məsələlər müzakirə edilən zaman minimum əməkhaqqı da diqqətdə olur. Çünki minimum əməkhaqqının artırılması müəyyən sahələrə müsbət təsir göstərir. Sozcu.az xəbər verir ki, bunu Teleqraf.com-a iqtisadçı alim Vahid Əhmədov deyib. O qeyd edib ki, hazırda ölkədə minimum əməkhaqqı 345 manatdır: azal vakansiya “Gələn ildən isə bu sahədə hansı səviyyədə artımın olacağını dəqiq söyləmək çətindir. Bu, Maliyyə Nazirliyinin hesablamalarından asılı olan məsələdir. Ona görə də, dövlət büdcəsi müzakirəyə çıxarılan zaman bu məsələyə mütləq baxılmalıdır”. İqtisadçı hesab edir ki, digər sosial məsələlərin də həlli vacibdir: “Şəhid ailələri və qazilərin sosial durumuna diqqət yetirilməlidir. Yeni formalaşmış Milli Məclisin deputatlarının bununla bağlı təklifləri var. Hesablamalar aparıldıqdan, dövlət büdcəsinin gəlir və xərcləri müəyyən edildikdən sonra artımın nə qədər olacağı dəqiq bilinəcək”. Vahid Əhmədova görə, qazilərə verilən 80 manatın artırılması əsas məsələlərdən biridir: “Burada say kifayət qədər çoxdur. Bu sözsüz ki, böyük vəsait tələb edir. Heç olmasa 80 manatı bir qədər artırıb 150 manat səviyyəsində saxlamaq lazımdır. Gözləntilər odur ki, büdcə layihəsi çərçivəsində bu məsələ də müzakirə ediləcək”.