“Mən də arzulayardım ki, Azərbaycanla Ermənistan arasında sülh müqaviləsi ən yaxın zamanda və ən qısa müddətdə imzalansın və bununla da münaqişə bitsin...” "Son vaxtlar Azərbaycanla Ermənistan arasında sülh müqaviləsindən söz düşəndə bəzi siyasi şərhçilər iddia edir ki, həmin saziş Azərbaycandakı növbədənkənar prezident seçkilərinədək  imzalana bilər. Görəsən, bu nə dərəcədə reallığa uyğun proqnozdur..." Təhlükəsizlik məsələləri üzrə ekspert Ərəstun Oruclu Moderator.az-a açıqlamasında mövzu ilə bağlı fikirlərini belə ifadə edib: “Azərbaycanla Ermənistan arasında sülh müqaviləsinin növbədənkənar prezident seçkilərinədək imzalanacağı fikrinə mən bir az skeptik yanaşıram. Ona görə ki, sülh müqaviləsi yetərincə ciddi sənəddir və onun hazırlanması üçün kifayət qədər işlər görülməlidir. Sülh sazişinin bir sənəd olaraq bütün müddəaları hər iki tərəfdən razılaşdırılmalıdır. Və bu sənəd bütövlükdə onun icraatının bütün təminat mexanizmləri yaradılmadan belə, qəbul edilə bilməz. Yəni qısa müddətdə hansısa çərçivə sazişi və ya niyyət protokolu imzalana bilər ki, bu da sülh müqaviləsi demək deyil. Sülh müqaviləsi odur ki, Azərbaycanla Ermənistan arasında olmuş münaqişə, mübahisəli məsələlər, bir-birinin ərazi bütövlüyünün tanınması, təhlükəsizlik təminatı və digər bir çox məsələlər öz əksini tapan ciddi bir yekun sənəd ortalığa qoyulmalıdır... Onu da diqqətə çatdırım ki, sülh sazişini ehtiva edən sənəd yalnız dövlət başçılarının imzalamasıyla deyil, ölkələrin parlamentlər tərəfindən də ratifikasiya olunduqdan sonra əsil mənada “sülh müqaviləsi” adlandırıla bilər. Həmin prosedurun isə bütövlükdə Azərbaycanda növbəti il fevralın 7-ə nəzərdə tutulan prezident seçkilərinədək həyata keçirilməsi mümkün deyil. Ən azı, ona görə mümkün deyil ki, bu, dediyim kimi, genişmiqyaslı prosedurun qarşıda olan müddətdə fiziki baxımdan yekunlaşdırılması qeyri-mümkündür. Ona görə də sülh sazişi haqda deyilən proqnoza bir qədər skeptik yanaşıram. Baxmayaraq ki, mən də arzulayardım ki, Azərbaycanla Ermənistan arasında sülh müqaviləsi ən yaxın zamanda və ən qısa müddətdə imzalansın və bununla da münaqişə bitsin...”

Müxtəlif xəstəliklərdə, o cümlədən, virusa yoluxma zamanı ilk ağla gələn dərman preparatlarından biri antibiotiklərdir. İnsanlar bəzən həkimə getmədən belə dərmanlardan istifadə edirlər. Bu, əksər hallarda xəstələrin həyatı üçün təhlükə yaradır. Mövzu barədə tibb elmləri doktoru, professor Adil Qeybulla “Yeni Sabah”a açıqlamasında antibiotik qəbulunu yalnız həkimin müəyyən etdiyini bildirib. Onun sölərinə görə, istənilən dərman preparatından insan şoka düşə, allergik funksiyalara məruz qala bilər: “Bunun daha ağır forması anafilaktik şokdur. Antibiotiklər müxtəlif təsirlərə malikdir. Bu dərman vasitələrinə qarşı mikrobların davamlılığı günü-gündən artdıqca antibiotiklərin də daha güclü təsirə malik olan növləri istehsal olunur. Təbii ki, onların hər biri müxtəlif yan təsirlərə malikdir. Bir qrup antibiotiklər allergik reaksiya verə bilir, digər bir qrupu qanın göstəricilərini dəyişir, bəzi növləri başqa fəsadlar törədir. Sadəcə olaraq, burada diqqət edilməli məqam var. Antibiotik qəbulunun həddi həkim tərəfindən təyin olunur. Bu, beynəlxalq protokol və meyarlara əsasən həyata keçirilir. Məsələn, C reaktiv zülalın qanda təyini, müxtəlif iltihab göstəriciləri, mediatorların miqdarının müəyyən edilməsi ilə antibiotikin təyin olunma miqdarı öyrənilir”. A.Qeybulla yalnız ciddi bir səbəb olduqda antibiotikdən istifadəyə ehtiyac yarandığını vurğulayıb: “Antibiotikin xəstəyə təyin olunması üçün ciddi əsaslar lazımdır. Həmçinin, onların təyin olunma müddəti konkret meyarlarla ölçülməlidir. Təəssüf ki, adi virus xəstəlikləri zamanı belə insanlarımız özbaşına antibiotiklərdən istifadə edir. Bu həm sözügedən preparata qarşı həssaslığı azaldır, həm də digər fəsadlara səbəb ola bilir. Həkim təyin etmədən evdə antibiotik qəbulundan şoka düşən və dünyasını dəyişən insanların sayı yetəri qədər çoxdur. Bunların hamısı xəstələrin heç bir həkim məsləhəti olmadan özbaşına hərəkət etdiyini göstərir. Xəstəxanalarda da bəzən həmin məsələ ilə bağlı problemlər yaşana bilir”.

“İsrailin baş naziri Benyamin Netanyahu hazırkı hökumətinin tərkibini dəyişdirməlidir. Əks təqdirdə, mövcud durum beynəlxalq ictimaiyyətin Həmas ilə münaqişədə İsraili dəstəkləməsini çətinləşdirir”. Sozcu.az xəbər verir ki, bu barədə “The Times” nəşri məlumat yayıb. “Bu, İsrail tarixindəki ən mühafizəkar hökumətdir. Netanyahu mənim yaxın dostumdur, amma onun getməsi lazımdır”, – deyə Bayden əlavə edib. ABŞ prezidenti həmçinin İsrailin beynəlxalq dəstəyi itirməyə başlamasından narahatlığını ifadə edib.

Bakınln Yasamal rayonunda yol ötürücüsündə çuxur yaranıb. Sozcu.az xəbər verir ki, hadisə Əbdülvahab Salamzadə küçəsindən Ziya Bünyadov prospektinə keçid hissəsində qeydə alınıb. Yol ötürücüsündə uzunmüddətli yağıntılardan sonra çuxur yaranıb. Həmin hissədən yüksək sürətlə keçən avtomobillərin təkərlərinə ciddi ziyan dəyib. Ümumilikdə 4 avtomobilə ciddi ziyan dəydiyindən həmin sürücülər polisə məlumat verib. Digər maşınlara zərər dəyməsin deyə onlar yüksək sürətli şosedə dayanaraq sürücüləri digər zolağa yönləndiriblər. Hazırda sözügedən şosedə sıxlıq yaranıb. Qələbə dairəsindən Koroğlu istiqamətinə hərəkət edən sürücülərin diqqətli olması tövsiyə edilir.apa

"Putinin özü Ukrayna vətəndaşlarına qarşı soyqırıma başçılıq edir, amma riyakarcasına Qəzzada humanitar fəlakətdən dəm vurur..." "İsrail və Ukrayna hazırda azad dünyanın Rusiya və İranın başçılıq etdiyi şər oxuna qarşı mübarizənin ön sırasındadır..." Rusiya və İsrail liderləri arasında baş tutan telefon söhbəti "demokratik ölkə başçısı ilə bütün dünya üçün açıq-aydın və hissediləcək dərəcədə təhlükə törədən ilanın başı ilə söhbətidir". Sozcu.az xəbər verir ki, bu barədə Ukraynanın İsraildəki səfirliyi bəyan edib. Məlumatı "detaly.co.il" nəşri yayıb. Bəyanatda İsrailə Moskvaya qarşı müharibədə Kiyevin müttəfiqi olmağa çağırış edilib "İsrail və Ukrayna hazırda azad dünyanın Rusiya və İranın başçılıq etdiyi şər oxuna qarşı mübarizəsinim ön sırasındadır", - bəyanatda deyilir. Qeyd edilir ki, Putinin Qəzza bölgəsində humanitar fəlakət haqqında sözləri riyalarlıqdır, çünki "Putinin özü Ukrayna vətəndaşlarına qarşı soyqırıma başçılıq edir". Bəyanatda İsrail hökumətinə bu terrorçu ittifaqla birlikdə mübarizə aparmaq üçün Ukrayna ilə daha fəal əməkdaşlığa çağırış edilir. Xəbər verildiyi kimi, bu günlər İsrailin baş naziri Binyamin Netanyahu Rusiya prezidenti Vladimir Putinlə telefonla danışıb. Telefon söhbəti Rusiya tərəfinin təşəbbüsü ilə baş tutub. Netanyahu Rusiya rəsmi şəxslərinin BMT və digər beynəlxalq forumlarda İsrail əleyhinə mövqeləri ilə bağlı narazılığını ifadə edib. Baş nazir həmçinin "Rusiya ilə İran arasında təhlükəli əməkdaşlığı" sərt şəkildə tənqid edib. Söhbət zamanı Netanyahu vurğulayıb ki, oxşar terror hücumuna məruz qalan istənilən ölkə İsraildən də güclü cavab verərdi. Öz növbəsində Vladimir Putin terrorçuluğun bütün təzahürlərinin yolverilməz olduğu və pislənilməsi barədə prinsipial mövqeyini təsdiq edib.  Bununla yanaşı, o, vurğulayıb ki, terror təhlükələrinə müqavimətin mülki əhali üçün bu qədər ağır nəticələrə gətirib çıxarmaması son dərəcə vacibdir. Rusiya tərəfi dinc sakinlərin əzablarının yumşaldılması və münaqişənin deeskalasiyası məqsədilə bütün mümkün dəstəyi göstərməyə hazır olduğunu bəyan edib.

"Pəncə-Kilid" əməliyyatı bölgəsində (İraqda) Türkiyə hərbçisi şəhid olub. Sozcu.az xəbər verir ki, bu barədə ölkənin Milli Müdafiə Nazirliyi məlumat yayıb. Bildirilib ki, PKK terror təşkilatı üzvlərinin həyata keçirdiyi hücumda Türkiyə ordusunun hərbçisi, leytenant Alpərən Əmir şəhid olub.

ABŞ Prezidenti Co Bayden Ukraynaya 200 milyon dollar məbləğində hərbi yardımın ayrılmasını təsdiq edib. Sozcu.az xəbər verir ki, bu barədə Bayden ukraynalı həmkarı Vladimir Zelenski ilə görüşdə bildirib. Bayden qeyd edib ki, ABŞ Konqresi Ukraynaya 60 milyard dollardan çox yardımı təsdiq etməlidir. Qeyd edək ki, Zelenski ABŞ-da səfərdədir.

Ukrayna Müdafiə Nazirliyinin Baş Kəşfiyyat İdarəsinin kiber bölmələri Rusiya ərazisində növbəti uğurlu xüsusi əməliyyat keçiriblər. Sozcu.az UNİAN-a istinadla xəbər verir ki,- bu dəfə onlar təcavüzkar dövlətin vergi sisteminə hücum ediblər. Baş Kəşfiyyat İdarəsinin mətbuat xidmətinin verdiyi məlumata görə, xüsusi əməliyyat zamanı hərbi kəşfiyyatçılar Federal Vergi Xidmətinin yaxşı qorunan əsas mərkəzi serverlərindən birinə, daha sonra isə onun regional bölmələrinin 2300-dən çoxuna nüfuz etməyə nail olublar. Serverlər bütün Rusiyada, eləcə də müvəqqəti işğal olunmuş Krım ərazisindədir. Qeyd olunur ki, kiberhücum nəticəsində bütün serverlər zərərli proqram təminatı alıb. Eyni zamanda, Rusiya Federasiyasının Federal Vergi Xidmətinə xidmət edən “Office.ed-it.ru” İT şirkəti də eyni şəkildə hücuma məruz qalıb. “İki kiberhücum nəticəsində illər boyu Rusiya Federasiyasının geniş vergi sisteminin işləməsini təmin edən konfiqurasiya faylları tamamilə ləğv edildi. Bütün məlumat bazası və onun ehtiyat nüsxələri məhv edildi. Moskvadakı mərkəzi ofis ilə 2300 regional ofis, ərazi idarələri, eləcə də Rusiya Federasiyasının Federal Vergi Xidməti ilə vergi məlumat mərkəzi (məlumat bankı) olan Office.ed-it.ru arasında əlaqə iflic vəziyyətinə düşüb. Söhbət faktiki olaraq, terrorçu Rusiyanın əsas dövlət orqanlarından birinin infrastrukturu və uzun müddət ərzində onu müşayiət edən çoxsaylı vergi məlumatlarının məhvində\n gedir”, - məlumatda deyilir. Xüsusi əməliyyat nəticəsində Rusiyanın bütün ərazisində vergi məlumatlarının internet trafikinin Ukrayna hərbi kəşfiyyatının əlinə keçdiyi vurğulanır.

Yaşıl meydanların iki əfsanəvi futbolçusu, “İnter Mayami”də çıxış edən argentinalı Lionel Messi və “Əl Nəsr”də çıxış edən portuqaliyalı Kriştianu Ronaldonun komandaları fevralın 1-də qarşılaşacaq. Sozcu,az xarici KİV-ə istinadla xəbər verir ki, bu barədə ABŞ-nin “İnter Mayami” klubu məlumat verib. Məlumata görə, komanda mövsüm ərəfəsindəki hazırlıqlar çərçivəsində Səudiyyə Ərəbistanı təmsilçilərindən “Əl Hilal” və “Əl Nəsr” komandaları ilə yoldaşlıq oyunu keçirəcək. Səudiyyə Ərəbistanının paytaxtı Ər-Riyadda keçiriləcək oyunda “İnter Mayami” yanvarın 29-da “Əl Hilal”, fevralın 1-də isə “Əl Nəsr”lə qarşılaşacaq. Qeyd edək ki, Ronaldonun formasını geydiyi “Əl Nəsr” komandası əsas liqada ikinci yerdə qərarlaşıb. Messinin zədə ilə əlaqədar meydana çıxa bilmədiyi “İnter Mayami” komandası isə matçlarda zəif nəticə göstərdiyi üçün liqada pley-off mərhələsinə vəsiqə qazana bilməyib. Qeyd edək ki, yaşıl meydanların iki ulduzu Messi və Ronaldo öz komandaları ilə 38 dəfə qarşılaşıblar. Bu görüşlərin 17-də Messinin komandası, 11-də isə Ronaldonun komandası qalib gəlib.

Rusiyanın İrandakı keçmiş baş konsulu Konstantin Alekseyev Moskvadakı mənzilində ölü tapılıb. Sozcu.az xəbər verir ki, məlumatı Rusiya mediası yayıb. Bildirilib ki, diplomatın meyitini həyat yoldaşı aşkarlayıb. Hazırda ekspertlər keçmiş baş konsulun ölüm səbəbini araşdırırlar. Qeyd edək ki, Konstantin Alekseyev 2015-2019-cu illərdə Rusiyanın İrandakı baş konsulu vəzifəsində çalışıb.

Dünyaca məşhur müğənnilər Selena Qomez və Teylor Svift gəlirləri Qəzzaya göndərilmək üçün təşkil olunan komediya şousunu izləməyə qatılıblar. Sozcu.az xəbər verir ki, humanitar yardım üçün toplanacaq pullar üçün keçirilən şou Bruklində baş tutub. Qomez və Sviftlə yanaşı Kara Delevin, Anna Taylor Coy və Zoe Kravits də izləyicilər arasında olub. Qeyd edək ki, Qəzzada 7 oktyabrdan baş verən hücumlardan bu yana ölənlərin sayı 18 min 205 nəfərə çatıb. Yaralananların sayı isə 49 min 645-ə yüksəlib.

Yenidən Polşa Baş naziri seçilmiş Donald Tusk inaqurasiya nitqində Qərbi Ukrayna dəstəyi artırmağa təhrik edəcəyini deyib. Sozcu.az xəbər verir ki, Tusk bundan sonra Ukraynadakı vəziyyətdən yorulduğunu deyən siyasətçilərə qulaq asmayacağını vurğulayıb. “Biz Qərbin Ukraynaya yardım üçün tam səfərbərliyini tələb edəcəyik. Mən bundan sonra Ukraynadakı vəziyyətdən yorulduğunu bildirən siyasətçilərə qulaq asmayacağam. Ukraynaya hücum bizim hamımıza hücumdur. Biz Ukrayna ilə bağlı vahid mövqedən çıxış etməliyik. Bu bizi birləşdirməlidir… Biz müharibənin nə üçün olduğunu xatırlamalıyıq. Ukraynalılar son dərəcə vacib bir məsələ uğrunda mübarizə aparırlar, onların mübarizəsi Maydanda başladı, onlar Qərb ictimaiyyətinə qoşulmaq uğrunda döyüşürlər”, - Baş nazir deyib. Tusk Polşanın Ukraynaya dəstəyinin vacib olduğunu, bununla belə fermerlərin qorunması kim öz milli maraqları ilə bağlı məsələlərdə mühafizəkar mövqe sərgiləməli olduğunu əlavə edib.apa

Sumqayıt şəhər məhkəməsində vəzifə səlahiyyətlərindən sui-istifadədə təqsirləndirilən Sumqayıt 2 saylı şəhər xəstəxanasının sabiq baş həkimi Ramiz Həmzəyevin cinayət işi üzrə məhkəmə prosesi başa çatıb. Sozcu.az xəbər verir ki, Sumqayıt şəhər məhkəməsinin hakimi Rövşən Xəlilovun sədrliyi ilə keçirilən iclasda təqsirləndirilən şəxsə hökm oxunub. Məhkəmənin hökmü ilə təqsirləndirilən şəxs cinayət məcəlləsinin 308.1-ci maddəsi ilə təqsirli bilinərək qazancından 15 faiz dövlət nəfinə pul tutulmaqla, 2 il müddətə islah işləri cəzasına məhkum edilib. Ramiz Həmzəyev Cinayıt Məcəlləsinin 313-cü maddəsinə əsasən təqsirli bilinsə də, bu maddə üzrə barəsində başlanmış cinayət işinə cinayət məsuliyyətinə cəlb etmə müddəti bitdiyinə görə xitam verilib. İttihama görə, Azərbaycan Respublikası İcbari Tibbi Sığorta üzrə Dövlət Agentliyi TƏBİB Publik Hüquqi şəxsin Sumqayıt 2 nömrəli şəhər xəstəxanasının baş həkimi işləmiş Həmzəyev Ramiz Şahverdi oğlu vəzifəli şəxs qismində xidməti vəzifələrinin icrası ilə əlaqədar özü və üçüncü şəxslər üçün qanunsuz üstünlük əldə etmək məqsədilə dövlətin qanunla qorunan mənafelərinə vahid niyyətlə mühüm zərər vurmaqla səlahiyyətlərindən su istifadə edib, rəsmi sənədlərə bilə-bilə yalan məlumatları daxil edib. Belə ki, o əlillik dərəcəsi almaq üçün müraciət etmiş şəxslərin adına xəstəxanada stasionar müalicə almaları barədə müxtəlif diaqnozlar qeyd edilməklə saxta sənədlər verib. Bununla da Cinayət Məcəlləsinin 308.1-cü maddəsində nəzərdə tutulan cinayət əməllərini törətməkdə təqsirli bilinib.

Fövqəladə Hallar Nazirliyinin “112” qaynar telefon xəttinə paytaxtın Suraxanı rayonu Zığ şosesində yol-nəqliyyat qəzasının baş verməsi və vətəndaşın avtomobildə sıxılı vəziyyətdə qalması barədə məlumat daxil olub. Sozcu.az xəbər verir ki, bu barədə FHN məlumat yayıb. Məlumatla əlaqədar hadisə yerinə dərhal FHN-in Xüsusi Riskli Xilasetmə Xidmətinin xilasediciləri cəlb edilib. Hadisə yerində əməliyyat şəraiti qiymətləndirilərkən müəyyən olunub ki, “Toyota” markalı minik avtomobilinin “Mersedes” markalı evakuatorla toqquşması nəticəsində yol-qəza hadisəsi baş verib və minik avtomobilinin sərnişini deformasiyaya uğramış avtomobildə sıxılı vəziyyətdə qalıb. Xilasedicilər xüsusi vasitələrin köməyi ilə avtomobildə sıxılı vəziyyətdə qalan sərnişin, 2001-ci il təvəllüdlü R.Əlizadəni xilas edərək təcili tibbi yardım briqadasına təhvil veriblər. Hadisə ilə əlaqədar müvafiq qurumlar tərəfindən təhqiqat aparılır.

Rusiya Federasiyasından uranın idxalına qadağa ABŞ Konqresinin Nümayəndələr Palatası tərəfindən təsdiqlənib. Sozcu.az xəbər verir ki, qanun layihəsi 2040-cı il dekabrın 31-dək Rusiyada və ya Rusiya şirkətləri tərəfindən istehsal olunan tükənmiş uranın ABŞ-a idxalını qadağan edir. "The Hill" yazır ki, təşəbbüs həm Respublikaçı, həm də Demokratlar Partiyalarının nümayəndələri tərəfindən bəyənilib. Qanun layihəsi Senat tərəfindən təsdiqlənərsə və ABŞ prezidenti Co Bayden tərəfindən imzalansa, məhdudiyyətlər qüvvəyə minəcək.

Dekabrın 12-si saat 16:00-a olan məlumatına əsasən Gəncə, Şəmkir, Balakən, Oğuz, Zaqatala, Şamaxı, Qobustan, Altıağac, Quba, Qusar, Yevlax, Göyçay, Zərdab, İmişli, Kürdəmir, Sabirabad, Hacıqabul, Neftçala, Biləsuvar, Yardımlı, Bakıda və Abşeron yarımadasında arabir yağış, Şahdağ, Qaxda (Sarıbaş) qar yağıb. Sozcu.az xəbər verir ki, bu barədə Milli Hidrometeorologiya Xidməti məlumat yayıb. Sumqayıt, Daşkəsən, Göygöl, Gəncə, Şəmkir, Balakən, Oğuz, Qəbələ, Şəki, Şamaxı, Göyçay, Lerikdə duman müşahidə olunub. Havanın temperaturu Bakıda və Abşeron yarımadasında 8 dərəcəyədək isti, Naxçıvan MR-da 10-14 dərəcə isti, Aran rayonlarında 6-8 dərəcə isti, dağlıq rayonlarda 2-4 dərəcə isti olub.

Qarabağın itirilməsiylə barışa bilməyən ermənilər müxtəlif platformalarda Azərbaycanı ittiham edir və ölkəmizi etnik təmizləmədə günahlandırırlar. Qondarma rejimin ləğvindən sonra özlərini hələ də “Dağlıq Qarabağ Respublikası parlamentinin deputatı” kimi təqdim edən bəzi separatçılar yenə revanşist bəyanatlar verirlər. Erməni xalqını yeni müharibəyə səsləyən bir qrup adam Qarabağ məsələsinin gündəmdən çıxmasının tərəfdarı deyillər. Sozcu.az xəbər verir ki, separatçı Metakse Akopyan bilririb ki, Qarabağ olmadan Ermənistanın mövcudluğu sual altındadır: “Biz mübarizə aparmalıyıq və Bakı ilə eyni gündəliyə malik olan Ermənistan hökumətinin Qarabağ məsələsini unutdurmasına imkan verməməliyik. Ermənistan və Qarabağ erməniləri, dünyadakı soydaşlarımız bir həqiqəti dərk etməlidirlər. Qarabağ məsələsini heç kimin bağlamağa ixtiyarı yoxdur”. Beləliklə, xəstə erməni təxəyyülünə görə Qarabağ məsələsi hələ qapanmayıb. Erməniləri yeni qarşıdurmaya çağıran revanşist qüvvələr uğradıqları məğlubiyyətdən nəticə çıxartmayıblar.

"Ukrayna həm ABŞ, həm də bütövlükdə XXI ərsdə qlobal təhlükəsizlik üçün böyük əhəmiyyət kəsb edir..." "ABŞ Ukraynaya gələcəkdə Rusiyanı çəkindirməyə qadir olan Silahlı Qüvvələr yaratmağa kömək edəcək..." Ukrayna prezidenti Vladimir Zelenski ABŞ-a səfərə gəlib Ukrayna prezidenti Vladimir Zelenski dekabrın 12-də ABŞ prezidenti Co Bayden və konqresmenlərlə görüşəcək. Sozcu.az xəbər verir ki, bu barədə "golosameriki.com" nəşri məlumat yayıb. Səfər müdafiə naziri Lloyd Ostin və Qərargah rəisləri Birləşmiş Komitəsinin sədri general Carlz Braunla Milli Müdafiə Universitetində görüşlə başlayıb. O cümlədən söhbət zamanı qlobal təhlükəsizlik üçün təhdidlər, cəbhədə vəziyyətin inkişafı və müdafiə sahəsində Ukrayna-Amerika əməkdaşlığının bundan sonrakı inkişafı məsələləri müzakirə edilib. "Mən bizim xüsusilə hava hücumundan müdafiəmizin gücləndirilməsi üzrə razılaşmalarımızın icrasına, habelə nazir Ostinə və general Brauna şəxsi liderliklərinə görə minnətdaram", - Zelenski qeyd edib. Ukrayna prezidenti həmçinin Vaşinqtonda ABŞ Milli Müdafiə Universitetində çıxış edib. "Hazırda şiddətli döyüşlərin getdiyi şətaitdə bizim əsgərlərimiz cəbhədə mövqelərini qoruyub saxlayır və sonrakı fəaliyyətə hazırlaşır. Biz Rusiyaya bu il hər-hansı qələbələr qazanmağa imkan verçədik. Bəli, Putin yeni problemlər yaratmağa cəhd edir.  Lakin bizim taktikamız, sadəcə, Rusiyanın nə edəcəyini gözləmək, Rusiyanın yaratdığı problemlərə uyğunlaşmaq deyil. Söhbət bu problemlərin effektiv həllindən gedir. Problemlərin həlli qələbənin açarıdır", - Zelenski vurğulayıb. Bununla əlaqədar olaraq Zelenski vurğulayıb ki, prezident Co Bayden və Konqresdə görüşlər zamanı bu ilin nailiyyətləri əsasında hansı nəticələrə nail ola biləcəyimiz barəsində söhbət aparılacaq. "Putini geri oturtmaqla, biz onun təcavüzünü mənasız edəcəyik. Sonra o, Rusiya xalqına, guya, şəxsən özünün və müharibəsinin gələcəyi olduğu barədə yalanlar danışa bilməyəcək", - Zelenski vurğulayıb. O, qeyd edib ki, Ukraynanın hava məkanında, xüsusilə  cəbhədə hava hücumundan müdafiə üçün imkanlarının genişləndirilməsi ilə Rusiyanın havada üstünlüyünü aradan qaldırmaq mümkün olacaq. O, əmindir ki, bu, Ukraynanın başlıca problemlərindən birinin həlli olacaqdır. "Demək olar ki, bizim dənizdə udacağımıza heç kim inanmayıb, amma bu, indi faktdır. Biz həmçinin havada da udmalıyıq", - dövlət başçısı qeyd edib. Onun sözlərinə görə, "Patriot" hava hücumundan müdafiə sistemləri, radio-elektron mübarizə vasitələri, dronlar və qırıcılar Ukrayna Müdafiə Qüvvələrinə quruda da lazımınca irəliləməyə kömək edəcək. "Biz qətiyyətlə Rusiyanı çəkindirməyə hədəflənmişik..." ABŞ müdafiə naziri ilə görüş zamanı Pentaqon rəhbəri Ukraynaya gələcəkdə Rusiya təcavüzünün qarşısını almağa qadir olan ordu yaratmağa kömək edəcəyini vəd edib. "Birləşmiş Ştatlar öz müttəfiqləri ilə birgə Ukraynaya gələcəkdə Rusiyanı çəkindirməyə qadir olan Silahlı Qüvvələr yaratmağa kömək edəcəyini vəd edib", - Pentaqon rəhbəri bəyan edib. O, vurğulayıb ki, Vaşinqtonun Kiyevə dəstəyi "sarsılmaz olaraq qalmaqdadır". "Biz Ukraynaya öz ərazisini və öz vətəndaşlarını müdafiə etmək mübarizəsində yardım etməkdə qərarlıyıq, - Ostin əlavə edib. - Biz qətiyyətlə Rusiyanı gələcəkdə istənilən, o cümlədən bizim NATO üzrə müttəfiqlərimizə qarşı təcavüzdən çəkindirməyə hədəflənmişik". Lloyd Ostin vurğulayıb ki, Ukrayna həm ABŞ, həm də bütövlükdə XXI əsrdə qlobal təhlükəsizlik üçün böyük əhəmiyyət kəsb edir.

Vətən müharibəsi şəhidi Balaqardaş Vəliyevin atası vəfat edib. Sozcu.az qafqazinfo-ya istinadən xəbər verir ki, şəhidin atası Fərhad Vəliyev Masallı rayonunda dünyasını dəyişib. Onun xəstəlik səbəbindən vəfat etdiyi bildirilib. Qeyd edək ki, 2002-ci il təvəllüdlü Balaqardaş Vəliyev 1 oktyabr 2020-ci il tarixdə şəhid olub. Şəhidin nəşi 15 dekabr 2020-ci il tarixində doğulduğu Viləş kənd qəbiristanlığında torpağa tapşırılıb. O, ölümündən sonra "Cəsur döyüşçü", "Vətən uğrunda" və "Suqovuşanın azad olunmasına görə" medalları ilə təltif edilib.

Ötən gün Azərbaycanda 47 yeraltı təkan qeydə alınıb. Sozcu.az xəbər verir ki, bunu AMEA nəzdində Respublika Seysmoloji Xidmət Mərkəzinin baş direktoru Qurban Yetirmişli jurnalistlərə açıqlamasında deyib. O, hansısa bir zonada güclü zəlzələnin baş verməsi ehtimalının olmadığını vurğulayıb. "Narahatlığa heç bir əsas yoxdur", - Qurban Yetirmişli qeyd edib. Baş direktor bildirib ki, bu cür yeraltı təkanların olması enerji boşalması üçün əhəmiyyətlidir.

Qarabağ separatçılarının Ermənistandakı "nümayəndəliyinin" hədəfində həm Ermənistan hökuməti, həm də Azərbaycan var. Sozcu.az xəbər verir ki, bu barədə politoloq Elxan Şahinoğlu bildirib. O qeyd edib ki, İrəvandakı Qarabağ separatçılarının “nümayəndəliyinin” fəaliyyətini davam etdirməsi vacib məsələlərdəndir.   "Həmin “nümayənədlikdə” təxribaçı açıqlamalar verilir, toplantılar keçirilir. “Nümayəndəlikdə” toplaşanların hədəflərindən biri Ermənistan hökuməti, digəri Azərbaycandır. Ermənistan hökuməti həmin “nümayəndəliyi” yanvarın ayının əvvəlində qapatmağı planlaşdırır. Radikal müxalifət Qarabağ klanı ilə birgə buna mane olmağa çalışacaq. Gələn ay İrəvanda ciddi qarşıdurma gözlənilir. Baş nazir Nikol Paşinyan anlayır ki, separatçıların “nümayəndəliyinin” fəaliyyətini qadağan etməsə, bu, Azərbaycanla danışıqlara mənfi təsir edəcək, sülh sazişinin imzalanması yolunda əsas maneələrdən birinə çevriləcək",- politoloq vurğulayıb.

Rusiya hava hücumundan müdafiə sistemləri Belqorod vilayətində Ukraynaya məxsus “Toçka-U” raketini vurub. Sozcu.az xəbər verir ki, bu barədə Rusiya Müdafiə Nazirliyi məlumat yayıb. Bildirilib ki, bu, noyabrdan bəri Ukraynanın Belqoroda “Toçka-U” raketi ilə ikinci hücumudur. İlk hücum zamanı Rovenki qəsəbəsində 7 ev dağılmışdı.

İsrail HƏMAS-dan tamamilə xilas olana qədər ABŞ bu ölkəyə silah tədarükünü davam etdirəcək. Sozcu.az xəbər verir ki, bu sözləri ABŞ Prezidenti Co Bayden deyib. “İsrail HƏMAS-dan xilas olana qədər biz hərbi dəstək verməyə davam edəcəyik, lakin çox diqqətli olmalıyıq. Dünyanın fikri bir gecədə dəyişə bilər. Bunun baş verməsinə icazə verə bilmərik”, - Bayden bildirib.

Ukrayna müharibənin 657-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 340 650 hərbçi, 5 664 ədəd tank, 10 579 ədəd zirehli döyüş maşını, 8073 ədəd artilleriya sistemi, 919 ədəd RYAS (reaktiv yaylım atəş sistemi), 605 hava hücumundan müdafiə sistemi, 324 ədəd hərbi təyyarə, 324 ədəd helikopter, 10 650 ədəd avtomobil texnikası, 6163 ədəd PUA, 1 596 qanadlı raket, 22 gəmi/kater, 1 sualtı qayıq, 1 170 xüsusi avadanlıq itirib.