Son xəbərlər

Qarabağda aparılan yenidənqurma işlərində bir çox insan iştirak etmək istəyir. Lakin bunun üçün hara müraciət etməli olduğunu bilmirlər. Sozcu.az xəbər verir ki, işğaldan azad edilmiş ərazilərdə mövcud vakansiyalarla tanış olmaq istəyən vətəndaşlar Dövlət Məşğulluq Agentliyinin saytına daxil ola bilərlər. Agentliyin şöbə müdiri Fərid Məcidli itv-yə bildirib ki, Qarabağda işləmək istəyən şəxslər həm DOST mərkəzləri, həm də regional məşğulluq filiallarına müraciət etməklə vakansiyalarla bağlı niyyətlərini bildirmiş olacaqlar.

Qaxda 56 yaşlı qadın pomidor turşusundan zəhərlənib. Hadisə rayon ərazisində qeydə alınıb. Belə ki, Qax rayon sakini, 56 yaşlı Nailə Saliyeva zəhərlənmə diaqnozu ilə xəstəxanaya daxil olub. İlkin müayinənin nəticəsinə əsasən onun evdə hazırladığı pomidor turşusundan zəhərləndiyi bildirilir. Hazırda vəziyyəti qənaətbəxşdir. Faktla bağlı araşdırma aparılır.

Priqojin Ukrayna kəşfiyyatı ilə əməkdaşlıq etmək niyyətindədir. Sozcu.az xəbər verir ki, bu barədə Ukrayna Baş Kəşfiyyat İdarəsinin rəisi Budanov məlumat verib. “Priqojinin sözlərinin 80%-i doğrudur. Vaqner maksimum effektivlik nümayiş etdirdi. Rusiya ordusu isə maksimum səmərəsizlik göstərdi ki, bu da Rusiya Federasiyasının hərbi rəhbərliyində münaqişəni daha da gərginləşdirdi”, – Budanov deyib. Yevgeni Priqojin bildirib ki, o, Ukrayna hərbi kəşfiyyatının rəhbəri Kirill Budanov vasitəsilə Ukrayna Silahlı Qüvvələrinin sıralarında döyüşmüş, Baxmut uğrunda döyüşlərdə həlak olan amerikalı könüllü Nikolas Duyen Meymerin cəsədini təhvil verəcək. “Mən bir amerikalının cəsədini təhvil edəcəyəm. Bunu xüsusi olaraq “The Washington Post” üçün edəcəm. Sorğuma cavab verdilər. Bu gün şəxsi mesajda bütün adları, parolları, bildirişləri aldım. İndi onlarla işləyəcəyik. Və əlbəttə, mən bunu Kirill Budanov vasitəsilə edəcəyəm”, – deyə Priqojin bildirib.

“Azərbaycan tərəfinin hesablamalarına görə, ərazimizdə 10 minə qədər erməni hərbçisi var, bu isə Üçtərəfli Bəyanatın müddəalarının kobud şəkildə pozulmasıdır”. Bu barədə “Caliber”in “YouTube” kanalında yayımlanan süjetdə məlumat verilir. Bildirilir ki, Azərbaycan tərəfi Ermənistan silahlı qüvvələrinin şəxsi heyətinin, tərkibində Ermənistan vətəndaşlarının da olduğu hərbiləşdirilmiş dəstələrlə birlikdə Azərbaycanın Qarabağ iqtisadi rayonunun ərazisində qeyri-qanuni qalmaqda davam etməsi ilə bağlı dəfələrlə bəyanat verib. “Redaksiyamıza daxil olan və Ermənistan hərbçilərinin Xocalıda hərbi poliqonda döyüş atışları həyata keçirdiyini təsdiqləyən yeni görüntüləri abunəçilərin diqqətinə təqdim edirik”, - deyə kanaldan bildirilib. Ətraflı süjetdə:

Ukrayna Müdafiə Nazirliyinin Baş Kəşfiyyat İdarəsindəki (GUR) mənbələr bildiriblər ki, Fransa Ermənistanı öldürücü silahlarla təchiz etmək qərarına gəlib. Sozcu.az xəbər verir ki, bu barədə İsrailin "İ24NEWS" nəşri məlumat yayıb. İddiaya görə Fransa yaxın vaxtlarda Ermənistana 50 zirehli transportyor təhvil verəcək. Həmçinin, gələcəkdə Fransa istehsalı olan "Minstrel" hava hücumundan müdafiə raketlərinin İrəvana tədarükü nəzərdən keçirilir. Nəşr qeyd edir ki, Paris Ermənistana silah ixracı üçün sistem qurmağa hazırlaşmağa başlayıb. Fransa-Ermənistan Dostluq Qrupunun rəhbəri Gilbert-Luc Devinaz qarşıdan gələn silah tədarükü barədə açıqlama verib. “Biz Ermənistana imkan verməliyik ki, öz sərhədlərinin təhlükəsizliyini təmin etsin, yəni onun silahlanmasına kömək etməliyik", - o bildirib.

Binəqədi sakini Şamxal Rüstəmov ona aidiyyəti olmadığı halda Dövlət Yol Polisi tərəfindən 1400 manat məbləğində ümumilikdə 25 cərimə yazıldığını iddia edir. “Qafqazinfo”ya müraciət edən vətəndaş bildirib ki, ona aid olmayan və ümumiyyətlə, heç bir əlaqəsinin olmadığı “Çinar Trans” MMC-yə məxsus 99-JP-462 markalı nəqliyyat vasitəsinin inzibati cərimələri onun sürücülük vəsiqəsinə yazılır: “Məsələni ilk dəfə 2022-ci ilin noyabrında elektron hökumət portalındakı şəxsi kabinetimə daxil olarkən gördüm. Bu haqda DYP-yə məktubla müraciət etdim və mənə 12.01.2023 tarixində gələn cavabda “Çinar Trans” MMC tərəfindən 99-JP-462 qeydiyyat nömrəli nəqliyyat vasitəsinə yol vərəqəsi və ya etibarnamənin DYP-yə göndərilməsi səbəbindən cərimələrin mənə gəlməsi bildirildi. “Çinar Trans” MMC-nin əməkdaşı ilə telefonda danışığımız zamanı onlar tərəfindən DYP-yə mənimlə bağlı heç bir etibarnamə və ya yol vərəqəsinin verilmədiyini bildirdi. Üstəlik qeyd edim ki, mənim sürücülük vəsiqəm B kateqoriyadır, yəni yalnız minik avtomobillərini idarə etməyə imkan verir. Amma 99-JP-462 nömrəli nəqliyyat vasitəsi avtobusdur. Yəni mən istəsəm belə, avtobus idarə edə bilmərəm. Həyatım boyu avtobus sürməmişəm, amma hazırda adımda avtobusa görə yazılmış 1400 manatlıq 25 cərimə var”. Məsələ ilə bağlı Baş Dövlət Yol Polisi İdarəsinin İctimai Qurumlarla Əlaqə Şöbəsindən “Qafqazinfo”nun sorğusuna cavab olaraq bildirildi ki, 99-JP-462 dövlət qeydiyyat nişanlı nəqliyyat vasitəsi “Çinar-Trans” MMC-yə məxsus olduğundan avtomobili idarə edən sürücüyə aid məlumatlar, yəni yol vərəqəsi və ya etibarnamə Baş DYPİ-nin Mərkəzi İnformasiya Sistemində yerləşdirilməsi üçün müəssisə tərəfindən göndərilib: "Müəssisənin verdiyi məlumata əsasən qeyd edilmiş nəqliyyat vasitəsini idarəetmə hüququ 06.11.2022-ci il tarixdən 03.04.2023-cü il tarixədək müraciət edən şəxsin adına verilib. Bu səbəbdən də tərtib edilən elektron qərarlar vətəndaşın sürücülük vəsiqəsinə yönləndirilib. Cərimələrin digər şəxsə yönləndirilməsi üçün aidiyyəti üzrə “Çinar-Trans” MMC-yə müraciət etməyini tövsiyə edirik". Məsələ ilə bağlı “Çinar Trans” MMC ilə əlaqə saxladıq. Şirkətin direktoru “Qafqazinfo”ya bildirdi ki, məsələ texniki xəta səbəbindən baş verib və gün ərzində vətəndaşa yazılmış yanlış cərimələr ödəniləcək. Qeyd edək ki, “Çinar Trans” MMC Bakıda bir sıra marşrut xətləri üzrə fəaliyyət göstərən şirkətdir.

Bakıda sürücü sükan arxasında ölüb. Sozcu.az xəbər verir ki, hadisə Ziya Bünyadov prospektində qeydə alınıb. Sürücü avtomobili idarə edərkən ölüb, bu zaman avtomobil səkiyə çırpılıb. Hazırda hüquq-mühafizə orqanları tərəfindən araşdırma aparılır. İlkin məlumata görə, sürücü ürək tutmasından ölüb.//APA

Ukrayna Prezidenti Volodimir Zelenski Londonda səfərdədir. Burada o, Böyük Britaniyanın Baş naziri Rişi Sunak ilə danışıqlar aparacaq. Xatırladaq ki, Ukrayna Prezidenti mayın 13-də Romaya səfər edib, burada İtaliya Prezidenti və Baş naziri ilə görüşüb, həmçinin Roma Papasının qəbulunda olub. Daha sonra Almaniyaya səfər edən Zelenski Prezident Frank-Valter Ştaynmayer və kansler Olaf Şolts ilə danışıqlar aparıb.

Rusiya ordusu Ukraynaya qarşı genişmiqyaslı müharibədə ağır itkilərinə baxmayaraq ciddi hərbi qüvvə olaraq qalır. Sozcu.az xəbər verir ki, bunu NATO-nun Avropadakı Birləşmiş Silahlı Qüvvələrinin baş komandanı, general Kristofer Kavoli deyib. "Quru Qoşunlarının həqiqətən böyük problemləri var: çoxluq əsgər, silah və texnika itirdilər. Ancaq bunun müqabilində onların yeri dolduruldu və indi Rusiyanın quru qüvvələri əvvəlkindən daha böyükdür”, - Kavoli bildirib. Generalın sözlərinə görə, Rusiya Hava Qüvvələri yüzdən az qırıcı və bombardmançı təyyarəsini itirib, lakin onların minə yaxın təyyarəsi hələ də var: "Donanma, kibernetik qoşunlar, kosmik qüvvələr demək olar ki, zərər görməyib”. Kavolinin fikrincə, Rusiya ordusunun döyüş qabiliyyətinin qiymətləndirilməsi zamanı bütün qoşun növlərində imkanları nəzərə alınmalıdır.

Millət İttifaqının prezidentliyə namizədi, CHP sədri Kamal Kılıçdaroğlu seçkilərlə bağlı media önündə açıqlama verib. Sozcu.az xəbər verir ki, K.Kılıçdaroğlu vərəqdən oxuduğu və dərhal da kürsünü tərk etdiyi açıqlamasında bunları deyib: "Əziz xalqım, səsimizin çox olduğu qutularda dəfələrlə etiraz edərək sistemi bloklayırlar. Məsələn, Ankarada 300, İstanbulda 783 seçki qutusuna qarşı davamlı etirazlar var. 6 dəfə seçki qutularına etiraz edildi, 11 dəfə seçki qutularına etiraz edildi. Sizin blok etdiyiniz Türkiyənin iradəsidir. Etirazlarla bunun qarşısını ala bilməzsiniz. Biz heç vaxt imkan verməyəcəyik ki, bu işin yerinə yetirilməsinə çevrilsin. Qavrayış idarəçiliyi ilə məşğul olmağı dayandırın. Bu məsələ ciddidir. Səslər gəlsin, nəticə tezliklə bilinəcək. Ölkə artıq qeyri-müəyyənliyə dözə bilmir. Xalqın iradəsindən qorxmayın. YSK-nı məsuliyyətə dəvət edirəm. Yaş imzalanmış protokollarımız var. İctimaiyyətin diqqətini yayındırmayın. Yenə deyirəm, bu millətin iradəsinə mane olmayın. Mən meydanda demokratiya işçilərimizə səslənirəm. Heç vaxt seçki qutularını və seçki lövhələrini tərk etməyin. Hər bir səs hesablanana qədər buradayıq."

Ukrayna ordusu Baxmut istiqamətində həyata keçirilən əks-hücum nəticəsində xeyli irəliləyiş əldə ediblər. Sozcu.az xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb. Məlumata görə, Ukrayna ordusu Baxmutdan 14 km cənub-şərq istiqamətində yerləşən Kurdyumovka kəndində uğurlar əldə edərək rusları Severski Donets – Donbas kanalının şərq sahilinə qovub. Bundan başqa ukraynalılar Baxmutdan 7 km cənub qərbdə yerləşən Klişeyevka kəndi istiqamətində də irəliləyiblər. “Mayın 13-nə olan vəziyyətə görə, əks-hücumlar nəticəsində Ukrayna ordusu Baxmut rayonunda 16.85 kv.km ərazi azad edib”, - hesabatda qeyd olunub.

"Rusiyanın strateji məqsədi Ukrayna dövlətçiliyini məhv etməkdir..." "Ukraynalılar son damla qanlarınadək döyüşməlidir, çünki başqa çıxış yolları yoxdur..." Rusiya tammiqyaslı hərbi müdaxiləyə kompleks şəkildə hazırlaşıb Rusiyalılar əhəmiyyətli dərəcədə itkilərə rəğmən, ukraynalıları şüurlu istəklə öldürmək üçün cəbhəyə yollanır. Sozcu.az xəbər verir ki, bu barədə Ukrayna Silahlı Qüvvələrinin Baş komandanı, general Valeri Zalujnı "vikna.tv" nəşrinin müxbiri, ukraynalı aparıcı və jurnalisti Dmitri Komarova geniş müsahibəsində bəyan edib. O, növbəti dəfə qeyd edib ki, ukraynalılar "son damla qanınadək" döyüşməlidir, çünki bu gün düşməni məhv etməsələr, özləri məhv ediləcək. Zalujnı vurğulayıb ki, onun üçün və peşəkar ukraynalı hərbçilər üçün Rusiya ilə müharibə hələ 2014-cü ildə başlayıb, 2022-ci ilin fevralında isə, sadəcə, öz miqyasını dəyişib. Onun sözlərinə görə, fevral ayından işin həcmi, məsuliyyət və gərginlik dərəcəsi xeyli artıb. "Biz bunu 8 ildir etmişik, biz mənəvi cəhətdən buna hazır olmuşuq ki, düşməni öldürək və onun sakitləşməsini və bizi rahat buraxacağını gözləməyək. Bu 8 il bizi bərkidib və bizə döyüşməyi öyrədib, bu isə rusiyalılar üçün gözlənilməz olub", - general deyib. O, vurğulayıb ki, ukraynalı hərbçilər 8 il ərzində həm mənəvi, həm fiziki cəhətdən hazırlaşıb və "çoxsaylı insanlarını" itirib. Baş komandanın fikrincə, Rusiya tammiqyaslı hərbi müdaxiləyə kompleks şəkildə hazırlaşıb, öz silahlı qüvvələrinin bütün fəaliyyət sahələrində hazırlığı həyata keçirib. O, əmindir ki, bu əməliyyat kifayət qədər detallı planlaşdırılıb. "Fikrimcə, Rusiyanın strateji məqsədi Ukrayna dövlətçiliyini məhv etmək olub. Görünür, onlar zənn edib ki, mütəşəkkil kolonlarla ölkəmizə daxil olacaq, insanlar onları duz-çörəklə qarşılaycaq və bununla da Ukrayna dövlətçiliyinə son qoyulacaq", - Zalujnı güman edir. Baş komandan növbəti dəfə qeyd edib ki, ruslar müqaviməti gözləməyib. "Ona görə də onlar Rusiyadan buraya şüurlu olaraq ukraynalıları öldürmək üçün gəlir. Və bu müharibənin mahiyyəti ondan ibarətdir ki, əgər biz indi bu düşməni öldürməsək, özümüz məhv ediləcəyik. Çünki onlar şüurlu olaraq buraya gəlib və indi, o cümlədən Donetsk əməliyyat istiqamətində, Baxmut rayonunda çox böyük itkilər verir, amma yenə də ukraynalıları öldürməkdə davam edir", - o, vurğulayıb. Zalujnı həmçinin özünün sözlərini təkrarlayaraq deyib ki, Ukrayna "son damla qanadək" döyüşəcək, çünki ukraynalıların başqa çıxış yolu yoxdur.