Hadisə

Lənkəranda intihar hadisəsi baş verib. Sozcu.az APA-ya istinadən xəbər verir ki, Lerik rayon Hamarmeşə kənd sakini Rəşad Ramiz oğlu Kərimov Lənkəran rayonunun Rvo kəndində şadlıq sarayının arxasındakı meşə massivində özünü asaraq intihar edib. R.Kərimovun intihar etməsinin səbəbləri hələki məlum deyil. Qeyd edək ki, özünə qəsd edən Rəşad Kərimov banklardan birinin Lənkəran filialının işçisi olub.

Azərbaycan Texniki Universitetinin (AzTU) tələbəsi Bəxtiyar Paşayev dünyasını dəyişib. Sozcu.az xəbər verir ki, o, universitetə gedərkən ürəktutmasından vəfat edib. Qeyd edək ki, 2005-ci il təvəllüdlü B.Paşayev AzTU-nun 1-ci kursunda təhsil alırmış. O, bu gün sakini olduğu Biləsuvar rayonununda dəfn olunub. 

Bakıda əri tərəfindən qətlə yetirilməsinə əsaslı şübhələr müəyyən edilən müğənni Yaqut Nərimanla bağlı daha bir detal üzə çıxıb. Sozcu.az referans.az-a istinadən xəbər verir ki, jurnalist Könül Aypara müğənninin bir neçə il əvvəl ağır əməliyyat keçirdiyini deyib. Onun sözlərinə görə, Y.Həşimova illər öncə beynindən əməliyyat olunub və çətinliklə sağlamlığına qovuşub. "Allah lənət eləsin! O ailə Yaqutun sağ qalması üçün varından-yoxundan keçmişdi. Hər şeylərini satmışdılar ki, təki Yaqut sağ qalsın", - deyə o bildirib.

BMT-nin Livandakı mənzil-qərargahına raket düşüb. Bu barədə təşkilatın saytı xəbər verib. Məlumata görə, hadisə nəticəsində ölən və yaralananlar olmayıb.

İsrailin Müdafiə Ordusu Qəzzada HƏMAS qruplaşmasının rəhbərlərindən biri olan Murad Əbu Muradı məhv edib. “Report” xəbər verir ki, bu barədə xarici KİV məlumat yayıb. O, HƏMAS-ın Hərbi Hava Qüvvələrinin rəhbəri idi. Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Son məlumatlara görə, 1 300 nəfər ölüb, 3 300 nəfər yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını açıqlayıb.

İsrail ordusunun Qəzza sektoruna endirdiyi zərbələr nəticəsində ölən fələstinlilərin sayı 1990 nəfərə çatıb. Sozcu.az xəbər verir ki, bu barədə Fələstin Səhiyyə Nazirliyi açıqlama yayıb. Məlumata görə, İsrailin zərbələri nəticəsində 7696 fələstinli də yaralanıb. Ölənlər arasında 614 uşaq, 370 qadın var.

Kürdəmirdə yaş yarımlıq körpə su maşınının altında qalaraq ölüb. Sozcu.az “Report”a istinadən xəbər verir ki, hadisə rayonun Yenikənd kəndində qeydə alınıb. Belə ki, həyətyanı sahəyə içməli su gətirən “QAZ-53” markalı su maşınının sürücüsü İsgəndərov Sahib Sabir oğlu avtomobili geriyə verərkən ehtiyyatsızllq edib və 2022-ci il təvəllüdlü Bəkirov Uğur Semral oğlunun üzərindən keçib. Azyaşlı elə hadisə yerindəcə dünyasını dəyişib. Onun meyiti müayinə olunması üçün aidiyyəti üzrə təhvil verilib. Faktla bağlı araşdırma aparılır.

HƏMAS-ın hücumu nəticəsində ölən İsrail vətəndaşlarının sayı 1008 nəfərə çatıb. Sozcu.az xəbər verir ki, bu barədə İsrailin ABŞ-dakı səfirliyi məlumat yayıb. Hücum nəticəsində yaralananların sayının isə 3418 nəfərə çatdığı qeyd olunub. *** HƏMAS-ın hücumu nəticəsində ölənlərin sayı 1200 nəfərə qalxıb. Bu barədə ABŞ Prezidenti Co Bayden çıxışında bildirib. Onun sözlərinə görə, ölənlərdən 14 nəfəri ABŞ vətəndaşıdır. Qeyd edək ki, İsrail 7 oktyabrda HƏMAS-ın kütləvi hücumu ilə başlayan müharibədə ordunun indiyə qədər 123 hərbçi itirdiyini açıqlayıb.

Ermənistanın Gəncədə törətdiyi terrordan 3 il keçir. Sozcu.az xəbər verir ki, 11 oktyabr 2020-ci il tarixində saat 02:00 radələrində Ermənistan Silahlı Qüvvələri Gəncədə daha bir terror törədiblər. Belə ki, hərbi əməliyyatlar zonasından xeyli kənarda yerləşən Gəncə, Ermənistan ərazisindən "Skad-B" Taktiki Əməliyyat Raket Kompleksindən atılan taktiki ballistik raketlərlə yenidən atəşə tutulub. Nəticədə "Qələbə parkı"nın ətrafında yerləşən yaşayış binaları dağılıb, 5-i qadın olmaqla 10 nəfər həlak olub, 6-sı uşaq, 16-sı qadın olmaqla 35 nəfər yaralanıb. Vətən müharibəsi dövründə Ermənistan Silahlı Qüvvələri tərəfindən Gəncə şəhərinə ümumilikdə 5 dəfə raket və ağır artilleriya ilə hücum edilib. Nəticədə 26 nəfər şəhid olub, 175 nəfər yaralanıb.

HƏMAS Suriya və Livanı İsrailə qarşı müharibəyə sürükləmək istəyir. Sozcu.az xəbər verir ki, bu barədə İsrail Müdafiə Qüvvələrinin sözçüsü Maşa Mixelson bildirib. Mixelson qeyd edib ki, silahlılar İsraili bir dövlət kimi məhv etmək və mümkün qədər çox yəhudini öldürmək istəyirlər. Onun sözlərinə görə, silahlılar 24 saat ərzində İkinci Dünya müharibəsi dövründə hər gün olduğundan daha çox yəhudini öldürməklə öz məqsədlərinə qismən nail olublar.

Ermənistan ordusunun əsgəri Narek Nazaryan aldığı güllə yarasından ölüb. Sozcu.az xəbər verir ki, bu barədə Ermənistan Müdafiə Nazirliyi məlumat yayıb. Onun hansı şəraitdə öldüyü açıqlanmır, faktla bağlı araşdırma aparılır.

Oktyabrın 7-də HƏMAS-ın hücumuna məruz qalan İsrailin cənubundakı musiqi festivalının keçirildiyi ərazidə 260 nəfərin cəsədi tapılıb. Sozcu.az xəbər verir ki, bu barədə İsrail mətbuatı məlumat yayıb. Məlumata görə, festival 6-7 oktyabr tarixlərində Qəzza zolağı ilə sərhəddə yerləşən Reim kommunasında baş tutub. Oktyabrın 7-də səhər saatlarında HƏMAS silahlıları İsrailə soxularaq festival iştirakçılarına hücum edib. Hücum nəticəsində festival iştirakçıları ölüb və yaralanıb, bir neçə nəfər isə silahlılar tərəfindən girov götürülüb. Qeyd edək ki, HƏMAS və “İslami-Cihad” Hərəkatının 7 oktyabrda İsrailə hücumu nəticəsində 700-dən çox insan ölüb, 2,2 min insan yaralanıb. İsrail ordusu müharibə elan edib və cavab tədbirləri görür.