“Salah nə istəsə danışa bilər, çox arxayındırlar” – Benzema

“Real”ın futbolçusu Kərim Benzema “Liverpul”un hücumçusu Məhəmməd Salahın 2017/2018 mövsümünün Çempionlar Liqasının finalındakı məğlubiyyətin qisasını almaq istədikləri barədə fikirlərinə münasibət bildirib.

Sozcu.az xəbər verir ki, fransalı forvard “Daily Express”ə açıqlamasında bu barədə bildirib:

“Liverpul” çox arxayındır. Ola bilsin ki, onlar artıq matçı qazandıqlarını və ya “Real”ın əvvəlki gücdə olmadığını, favorit olduqlarını düşünürlər. Salah nə istəsə deyə bilər”.

Xatırladaq ki, “Liverpul” Çempionlar Liqasının 2017/2018 mövsümünün final oyununda “Real”la qarşılaşıb. Görüşdə “Real”ın kapitanı Serxio Ramos Salahı zədələyib və o, ilk hissədə meydanı tərk etməli olub. Matç Madrid klubunun 3:1 hesablı qələbəsi ilə başa çatıb. Bu mövsümün final oyunu isə mayın 28-də keçiriləcək.

Facebook Comments