Güney Azərbaycan təşkilatı BMT “Milli dil və etnik azlıqlar” mövzusunda keçirilən toplantısına qatılıb

“Ərk”-Azərbaycan İnsan Haqları Cəmiyyətinin nümayəndə heyəti BMT-nin Cenevrədəki qərargahında “Milli dil və etnik azlıqlar” mövzusunda keçirilən 14-cü forumunda iştirak edib.

Dekabrın 2-də işə başlayan və dörd gün davam edəcəyi planlaşdırılan forumda dil, milli və etnik azınlıqlara qarşı zorakılıq müzakirə olunacaq.

Təşkilatdan verilən məlumata görə, forumda 650 nəfər iştirak edir və koronovirus məhdudiyyətləri səbəbindən yalnız 10 nəfər foruma qatılıb.

Qalan iştirakçılar isə onlayn şəkildə müzakirələrdə iştirak edirlər.

“”Ərk”-Azərbaycan İnsan Haqları Cəmiyyətinin üç nəfərlik nümayəndə heyəti Cenevrədə keçirilən foruma gediblər və onlar öz çıxışlarında azərbaycanlıların milli hüquqlarından müdafiə edəcəklər”-deyə, təşkilatın başçısı Jalə Təbrizi bildirib.

Facebook Comments