Rusiyanın Belqorod vilayətində baş verən hadisələr Ukraynanın əks-hücumdan əvvəl formalaşdırılan əməliyyatlarının davamı ola bilər. Yaxın gələcəkdə bir sıra aldadıcı manevrlər müşahidə olunacaq.
Sozcu.az xəbər verir ki, bunu ABŞ-ın Avropadakı quru qoşunlarının keçmiş komandanı Mark Gertlink deyib.
“Reydlər düşmənin planlarını pozan və çaşqınlıq yaradan qəfil hücumlardır. Bütün bunlar əsas hücumun harada olacağı ilə bağlı düşməni çaşdırmaq üçün adətən iri hücum əməliyyatlarından əvvəl həyata keçirilən hərbi plan və hərəkətlərdir”, - Gertlinq bildirib.
Qeyd edək ki, ötən gün Rusiya Könüllülər Korpusunun döyüşçüləri və zirehli texnikası Azad Rusiya Legionu ilə birlikdə Belqoroda daxil olub. Nəticədə diversantlar Qrayvoron şəhərini ələ keçiriblər.
