Braziliyada uşaq nevroloqu yeni doğulmuş körpəni anası ilə yatdığı palatadan qaçırıb.
Braziliyanın Qoyas əyalətində 42 yaşlı tibb işçisi uşağı qaçırdığı üçün həbs edilib. Məlumata görə, həkim Klaudiya Alves ana və uşağın yatdığı otağa daxil olaraq qızı bel çantasına qoyub və xəstəxanadan çıxarıb.
Qızlarının itdiyini görən valideynlər polisə müraciət ediblər. Kamera görüntülərinə baxdıqdan sonra hüquq-mühafizə orqanları oğrunun yerini müəyyənləşdirib.
Uşaq Alvesin evində tapılıb.
Yeni doğulmuş körpə ailəsinə qaytarılıb, onu oğurlayan həkim həbs olunub və onu 8 ilə qədər həbs cəzası gözləyə bilər.
