Qarabağ qazisi Ədliyyə naziri və Ombudsmana müraciət etdi — ŞİKAYƏT

Abşeron rayon sakini üzləşdiyi problemlə bağlı rəsmi dairələrə müraciət ünvanlayıb.

Sozcu.az Məhkəmə Hüquq Şurasının sədri Fikrət Məmmədov, Bakı Apellyasiya Məhkəməsinin sədri İman Nağıyev və Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevaya ünvanlanan həmin müraciətin mətnini təqdim edir:

“​22 dekabr 2018-ci il tarixində Səmədova Səadət Yusif qızından alqı-satqı müqaviləsi əsasında Abşeron rayonu, Fatmayı kəndində yerləşən 0,10 ha torpaq sahəsini 79 000 manata almışam.

Bu yaxınlarda aldığım məlumata görə iddiaçı Hüseynov Rizvan Əli oğlu cavabdeh Səmədova Səadət Yusif qızına və eləcə də 3-cü şəxs olaraq mənə qarşı “birgə yaşayış dövründə əldə edilmiş mənzilə və qeyri-yaşayış sahəsinə istifadə hüququnun tanınması, əldə edilən gəlirin yarısının ona verilməsi, alqı-satqı müqaviləsinin etibarsız hesab edilməsi və torpaq sahəsinin bərabər şəkildə bölünməsi” tələbinə dair iddia ərizəsi ilə Nərimanov Rayon Məhkəməsinə müraciət etmişdir. Lakin Nərimanov Rayon Məhkəməsi tərəfindən tərəflər arasında bağlanmış nikah Bakı şəhəri Nərimanov rayon Məhkəməsinin 27 yanvar 2011-ci il tarixli, 2(005)-561/2011 nömrəli qətnaməsi ilə pozulduğundan, bununlada 8 il müddət keçdiyindən, nikah pozulduqda ər-arvadın ümumi əmlakının bölünməsi haqqında onların tələbinə 3 illik iddia müddəti tətbiq olunduğundan iddia rədd olunmuşdur. İddiaçı Hüseynov Rizvan Əli oğlu qətnamədən apellyasiya şikayəti vermişdir və hal-hazırda iş Bakı Apellyasiya Məhkəməsinin hakimi Aidə Hüseynin icraatındadır və məndə məhkəmədə 3-cü şəxs olaraq hüquqlarımın müdafiəsi məqsədi ilə çıxış edirəm.

Hüseynov Rizvan Əli oğlu tərəfindən qaldırılmış iddia səhv atılmış addımdır və həm mənim maraqlarıma toxunur, həmdə hüquqlarımı pozur. Belə ki, 22 dekabr 2018-ci il tarixində Səmədova Səadət Yusif qızından Abşeron rayon 1 saylı notariat ofisinində qeydə alınmış 4Ə-4138 reyestr nömrəsi ilə qeydə alınmış alqı-satqı müqaviləsi əsasında Abşeron rayonu, Fatmayı kəndində 0,10 ha torpaq sahəsini “vicdanlı alıcı” kimi öz hüquqlarımdan istifadə edərək almışam. Üzərindən xeyli müddət keçdikdən sonra kimlərinsə şəxsi ədavəti hesabına nəyə görə aldığım əmlak həm əlimnən alınmalı, həmdə hüquqlarım pozulmalıdır? İndi həmin bu aldığım əmlaka görə məhkəmənin yollarında qalmışam. Ümidvaramki bu haqsızlığa məhkəmə və aidiyyatı qurumlar tərəfindən dur deyiləcəkdir.

Xahiş edirəm bu məsələni nəzarətə götürəsiniz.

İMZA: Cəfərov Gülbala İlyas oğlu”

Facebook Comments