Abbas Lisani aclıq aksiyasına başladı

Ərdəbil həbsxanasında saxlanılan tanınmış siyasi məhbus Abbas Lisani aclıq aksiyasına başlayıb.

Abbas bəy bu aksiyanı təhlükəli cinayətkarların siyasi məhbusların kameralarına köçürülməsinə, Güney azərbaycanlı məhkumlara qarşı məqsədli şəkildə mənəvi, psixoloji təzyiqlərin artmasına etiraz olaraq keçirir.

Aksiya bu gün, iyunun 12-i səhər saatlarından başlayıb.

Abbas Lisani iyunun 10-da ailəsi ilə telefon əlaqəsi zamanı bildirib ki, ona qarşı müxtəlif təzyiqlər göstərilir, ağır cinayətlərdə ittiham olunan məhkumlar onun saxlanıldığı kameraya köçürülür və həkimlərin təkidinə baxmayaraq, həbsxanadan qıraq tibb ocağında bel fəqərələrinin ekokardioqrafiyası və ürək MRT müayinəsinə icazə verilmir.

Qeyd edək ki, Ərdəbildə milli-mədəni fəallar Abbas Lisani və başqa siyasi məhbuslara dəstək aksiyasına başlayıb.

İyunun 11-də Ərdəbil şəhərinin küçələrində divarlara müxtəlif şüarlar yazılıb.

Abbas Lisani 2019-cu ilin yanvar ayının 15-də Təbrizdə saxlanılaraq Ərdəbil həbsxanasına köçürülüb.

Sifarişli və ədalətsiz məhkəmədə qondarma ittihamlarla 15 il azadlıqdan məhrum edilib.

Facebook Comments