Ucar sakini tanınmış həkimdən şikayətçidir: “Səhv əməliyyat apararaq, məni şikəst edib”

Ucar şəhəri S.Vurğun küçəsi ev 21 sakini Əhmədov Hüseyn Canpolad oğlu tərəfindən Sozcu.az vasitəsi ilə dövlət başçısı İlham Əliyevə Elmi-Tədqiqat Travmatologiya və Ortopediya İnstitutunun Travmatologiya Bölməsinin rəhbəri Qələndər Canbaxışov haqqında şikayət məktubu ünvanlayıb.

Canpolad Əhmədov şikayət məktubunda iddia edir ki, Tədqiqat Travmatologiya və Ortopediya İnstitutunun Travmatologiya Bölməsinin rəhbəri Qələndər Canbaxışov onu üzərində səhv cərrahiyyə əməliyatı apararq, şikəst edib.

Həmin şikayət məktubunu olduğu kimi təqdim edirik:

“Bu şikayətimdə yazıb bildirirəm ki, Elmi-Tədqiqat Travmatologiya və Ortopediya İnstitutunun Travmatologiya Bölməsinin rəhbəri Qələndər Canbaxışov pulumu alıb səhv cərrahiyyə əməliyatı aparıb məni ömürlük şikəst edib ziyanlar vurmuşdur.

Belə ki, ayağımda topuğun qamış sümüyü sınmasına görə Elmi-Tədqiqat Travmatologiya və Ortopediya İnstitutunun Travmatologiya Bölməsinin rəhbəri Qələndər Canbaxışova müraciət etdim.Qələndər həkim məndən 800 manat pul alıb cərrahiyyə əməliyatı etdi.Əməliyyatdan bir neçə gün sonra yeriyən zaman məlum oldu ki, sağ ayağım 5 sm yerə çatmır.Bunun isə Qələndər Canbaxışovun səhv cərrahiyyə əməliyyatı nəticəsində baş verməsi müəyyən olundu.Qələndər həkim mənə məsləhət gördüki sən intensiv masaj terapeyası keməlisən ki, ayağındakı şikəstlik düzəlsin.Bundan sonra mən inanıb həmin xəstəxanada günü 20 manata 1 ay masaj olundum, ancaq heç bir faydası oladı.Bu xəstəxanada Qələndər həkimin rəhbərliyi ilə məni soydular.Cərrahiyyə əməliyyatına 800 manat, ayağımdan şurub çıxarılması üçün 200 manat, sarğı açıb bağlamaq üçün hər gün 20 manat və sairə xərclərlə məni borca salsalarda sağalmamağım mənə iki qat ziyan vurdu.

Həmin pulu borc alıb Qələndər həkimə vermişəm.Atam və anam xəstəliyə görə 1-ci qrup əlildirlər, himayəmdə 4 azyaşlı uşaqlarım var.İndi ayağımda həkim səhlənkarlığına səriştəsizliyinə görə yaranmış şikəstlik məni çox narahat edir.

 Korrupsiyaya qurşanmış savadsız, səhlənkar və səriştəsiz həkimlərin yeri əslində zindan olmalıdır. Çünki onlar öz maddi maraqlarına görə insanları məhv və şikəst edirlər.

Qələndər Canbaxışovun mənə vurduğu ziyanın məbləği küllü miqdardadır.Çünki ayağımdakı şikəstliyin düzəlməsi üçün Türkiyədə cərrahiyyə əməliyyatı olunmalıyam ki, buna mənim maddi imkanım yoxdur.Mən çəkdiyim xərci həkim Qələndər Canbaxışovdan qaytarmasını istəsəm də mənə rədd cavabı verərək dedi ki, xoşun gəlmir get şikayət et

Qələndər Canbaxışov titullarına görə çox arxayındır deyə vətəndaşı şikəst etdiyi azmış hələ ona minnətdə qoyur.

Mən mətbuat vasitəsi ilə prezident cənab İlham Əliyevə müraciət edib xahiş edirəm səriştəsizliyinə, savadsızlığına görə məni şikəst etdiyi üçün Elmi-Tədqiqat Travmatologiya və Ortopediya İnstitutunun Travmatologiya Bölməsinin rəhbəri Qələndər Canbaxışovun barəsində ciddi tədbirlər görəsiniz, məndən aldığı pulun özümə qaytarılmasına köməklik göstərəsiniz.

Qarşı də tərəfin mövqeini dərc etməyə hazırıq