Şərqi Azərbaycanda iki əsər ölkənin qeyri-maddi mədəni irs siyahısına daxil edilib

İranda siyahıya alınmış Azərbaycanın qeyri-maddi mədəni irs nümunələrinin sayı getdikcə artır.

Şərqi Azərbaycan Turizm, Əl İşləri və Mədəni İrs İdarəsinin rəisi əyalətdə iki əsərin ölkənin qeyri-maddi mədəni irs siyahısına daxil edildiyini bildirib.

Murtaza Abdar qeyd edib ki, Xosrovşahın “Palıt qığanağı” və İsfəncan kəndinin ənənəvi “Zirişli kükə” çörəyinin bişirilməsinin siyahıya alınması barədə qeyri-maddi mədəni irs əsərlərini qeydiyyata alan milli şuranın iclasında qərar verilib.

Şərqi Azərbaycan Turizm, Əl İşləri və Mədəni İrs İdarəsinin ictimaiyyətlə əlaqələr şöbəsinin yaydığı məlumata əsasən Murtaza Abdar vurğulayıb ki, əyalətin dəyərli əsərlərinin ölkənin milli siyahısına daxil edilməsi istiqamətindəki cəhdlər davam edəcək.

Sozcu.az

Facebook Comments