Şəmkirdə “nadzor” başından güllələnərək öldürüldü

Şəmkirdə güllələnmə olub.

Sozcu.az xəbər verir ki, Şəmkirin Bayramlı kəndində yaşayan  Məmmədli Kəramət Şükür oğlu yaşadığı evdə başından odlu silahla açılan atəş nəticəsində qətlə yetirilib. Onu öldürən şəxsin kimliyi hələ ki, məlum deyil.

Məlumata görə K. Məmmədli Gəncə şəhərində yerləşən 2 saylı istintaq təcridxanasında nəzarətçi işləyir. Ailəsindən boşanan Məmmədli evdə tək yaşayırmış.

Faktla bağlı Şəmkir rayon Prokurorluğunda cinayət işi açılıb, istintaq gedir.

***

Ədliyyə Nazirliyinin Penitensiar Xidmətinin mətbuat katibi Mehman Sadıqov “Qafqazinfo”ya açıqlamasında bildirib ki, bu faktla bağlı onlarda məlumat var: “Hazırda araşdırma aparılır, yekunda mətbuata açıqlama veriləcək”.