Rüstəm Behrudi türklərin dini dünyagörüşü ilə bağlı kitab yazır

“Hazırda türklərin inanclar sistemi, dini dünya görüşü, şamanizmlə bağlı dini motivli kitab yazıram. Yazıb bitirdikdən dərhal sonra bu kitabı çap etdirməyi düşünürəm”.

Sozcu.az xəbər verir ki, bunu Modern.az-a açıqlamasında Türk dünyasının tanınmış şairlərindən olan Rüstəm Behrudi deyib. O bildirib ki, yaxın vaxtlarda ingilis dilində yeni kitabı da nəşr ediləcək:

“Payız aylarına doğru kitabın işıq üzü görməsi gözlənilir. Bundan başqa “Ötükən” nəşriyyatı ilə müqavilə bağlamışam. Təklif onlardan gəlib. Türkiyə türkcəsində seçilmiş əsərlərim çap olunacaq. Bir də balaca bir şeirlər kitabı buraxdırmaq istəyirəm. Özüm özümə öz kitabımı hədiyyə etməyi düşünürəm”.

Facebook Comments