“Real”dan 3 transfer bombası: 320 milyon avro…

“Real” növbəti mövsüm üçün tranfser çalışmalarını sürətləndirib.

Sozcu.az xəbər verir ki, Zinəddin Zidanı yenidən komandaya qaytaran Florentino Peres transferlərə 500 milyon avro ayırıb.

Gələn mövsüm Çempionlar Liqası, La Liqa və “Kral Kuboku”nda çempionluğu hədəfləyən Zidanın transfer büdcəsinin böyük hissəsini 3 futboçunun alınmasına sərf etmək istəyir.

Alıncaq futbolçulardan biri Eden Hazarddır. Məlumata görə, “Real” artıq belçikalı ulduzun transferini “Çelsi” ilə razılaşdırıb və yaxın günlərdə açıqlayacaq. “Kral klubu”nun Hazard üçün 100 milyon avro ödəyəcəyi deyilir.

Zidanın israrla istədiyi digər futbolçu Paul Poqbadır. “Real” fransalı ulduzun keçidi üçün “Mançester Yunayted”lə danışıqları davam etdirir. İspanlar bu transferi də 100 milyon avroya həll etmək istəyir.

Zidanın son “bombası” “Liverpul”dan Sadio Manedir. Fransalı mütəxəssis bu futbolçunun alınmasını çox istəyir. “Real”ın afrikalı ulduz üçün 120 milyon avro ödəməyə hazır olduğu bildirilir.

Facebook Comments