Ərdogan Baxçalı ilə əməkdaşlığı davam etdirəcək

Qarşımızda bələdiyyələrdə 5 illik, prezident və parlamentdə 4 illik seçkisiz bir dövr durur. Bu 4-5 illik dönəmin partiyamız və ölkəmiz üçün mühüm əhəmiyyətini başa düşürük.

Teleqraf.com xəbər verir ki, bu sözləri Türkiyə Prezidenti Rəcəb Tayyib Ərdoğan hakim Ədalət və İnkişaf Partiyasının (AKP) Bursadakı vilayət toplantısında deyib.

Prezident qarşıdakı dövrdə AKP-ni yenilənmə və birləşmə halına gətirmək niyyətini ifadə edib: “Atacağımız addımlarla AKP-nin gələcəyini formalaşdıracağıq, eyni zamanda sələflərimizdən aldığımız bu müqəddəs işi 2053 və 2071-ci ilə qədər davam etdirmək üçün insani və institusional dayaq quracağıq”.

Ərdoğan əldə olunan naliyyətlərə görə MHP-yə və onun lideri Dövlət Baxçalıya təşəkkür edib, bu partiya ilə əməkdaşlığın davam etdiriləcəyini vurğulayıb.

Facebook Comments