Qadın siyasətçi ailəsi ilə birlikdə yandırıldı

Kolumbiyanın Suarez şəhərinin merliyinə namizəd (ölkənin qərbindəki Kauka departamenti) Karina Garcia silahlı hücum nəticəsində öldürülüb.

TASS xəbər verir ki, hadisə zamanı namizədin anası da daxil olmaqla, siyasətçini müşayiət edən daha 5 nəfər dünyasını dəyişib.

Öldürülən altı nəfərin cəsədi Garcianın yanmış avtomobilində tapılıb.

Kolumbiya hüquq-mühafizə orqanları hadisə ilə əlaqədar istintaq başladıb. İlkin məlumatlara görə, siyasətçiyə iki silahlı şəxs tərəfindən hücum edilib.

Məlumata görə, daha əvvəl Garcia siyasi fəaliyyəti ilə əlaqədar təhdid olunub. Naməlum şəxslər ondan küçələrdən təbliğat afişalarının yığışdırılmasını tələb ediblər.