Poladəritmə sexindəki partlayışda yaralananlardan biri ölüb

Partlayışda yaralananlar Bakıdakı xəstəxanalara yerləşdirilib

Sumqayıtın İnşaatçılar qəsəbəsində, keçmiş TES 1-in ərazisində fəaliyyət göstərən polad əritmə sexindəki partlayışda yaralananlardan biri martın 27-də ölüb.

Hadisə martın 22-də baş verib. Partlayış nəticəsində 4 nəfər yaralanıb.

Məlumatı “report.az” yayıb.

Bildirilib ki, sexdə çalışan 4 nəfər, 1967-ci il təvəllüdlü Mehrəliyev Əlibaba Kamil oğlu, 1992-ci il təvəllüdlü Ceyhun Nazim oğlu Qaraçayev, 1974-cü il təvəllüdlü Vüqar Məzahir oğlu Cəlilov və 1960-cı il təvəllüdlü Minyaz Şükür oğlu Seyidəliyev ağır yanıq xəsarətləri alaraq xəstəxanaya çatdırılıb. Onların vəziyyətinin ağırlığı səbəbindən sonra Bakıya aparılıblar.

Yaralılardan biri 1960-cı il təvəllüdlü Minyaz Şükür oğlu Seyidəliyev aldığı yanıq xəsarətlərindən ölüb.

Faktla bağlı araşdırma aparılır.(Meydan tv)

Sozcu.az