Nazir Bakıda rəis də daxil olmaqla 3 nəfəri vəzifədən azad etdi – Ciddi nöqsanlara görə

Bakıda polis bölməsinin rəisi, müavini və sahə müvəkkili vəzifədən azad edilib.
Sozcu.az “Report”a istinadən xəbər verir ki, bununla bağlı Daxili İşlər naziri, general-polkovnik Vilayət Eyvazov müvafiq əmr imzalayıb.

Məlumata görə, Sabunçu Rayon Polis İdarəsinin (RPİ) 14-cü Polis Bölməsinin rəisi, polis polkovnik-leytenantı Zaur Məmmədov, onun müavini polis mayoru İlkin Ələkbərov və sahə müvəkkili (adı açıqlanmayıb) işlərində yol verdikləri ciddi nöqsanlara görə, tutduqları vəzifədən azad olunaraq sərəncama götürülüblər.