Məhəmməd Mursinin oğlu da eyni səbəbdən vəfat edib

Misirdə hərbi çevriliş ilə taxtından endirilən seçki ilə vəzifəyə gəlmiş yeganə prezident Məhəmməd Mursinin oğlu vəfat edib.

Abdullah Mursi atası kimi ürək infarktı nəticəsində dünyasını dəyişib.

Bu barədə prezidentin böyük oğlu Əhməd Mursi danışıb. Mursi ailəsinin vəkili Əbdülmunim Əbdülmaqsud da ölüm xəbərini təsdiq edib.

Qeyd edək ki, Məhəmməd Mursi iyun ayında məhkəmə salonunda infarkt keçirmiş və oradaca ölmüşdü. Onun 5 övladı vardı.

Abdullah Mursi atasının ölümündə Misir prezidenti Əbdülfəttah Sisini günahlandırırdı./publika