İmmun sisteminin koronaya kəskin reaksiyası öldürə bilər? – Onkoloq açıqladı

Koronavirusa yoluxan insanın immun sistemi bəzi hallarda kəskin reaksiya verə bilər ki, bu da fəsadlara səbəb ola bilər.

Sozcu.az xəbər verir ki, bu barədə Rusiya Prezident Administrasiyası xəstəxanasının onkoloq-cərrahı Andrey Atroşenko məlumat verib. Onun sözlərinə görə, immun sisteminin “sitokin fırtınası” adlanan reaksiyası “fəsadlar, o cümlədən reanimasiya” ilə nəticələnə bilər.

“Bu xəstəliyin hücumu immunitet reaksiyasındadır. Özünü yaxşı hiss edən bir insanı qəbul edirəm. Ağciyərlərində KT müayinəsi də nisbətən normaldır. Üç-dörd gündən sonra xəstə reanimasiya vəziyyətinə düşəcək qədər pisləşir “, – deyə Atroşenko qeyd edib.

Xatırladaq ki, bənzər açıqlamanı Təl-Əviv Universitetinin professoru Yehuda Şenfeld də Sankt-Peterburq Dövlət Universitetinin təşkil etdiyi “Virusologiyanın beşiyi” adlı onlayn konfransda açıqlamışdı./Publika.az

Facebook Comments