Ermənilər Laçın yolu ilə gedib-gəlməyə qorxur – “Azərbaycan ordusu 2-2,5 km-likdədir…”

“Biz Xankəndində belə, özümüzü təhlükəsiz hiss etmirik…”- Erməni jurnalist
“Ermənilər öz nankor, ikiüzlü, işğalçı, terrorçu xislətlərinin qurbanıdırlar. Bunu bütün dünyaya anlatmaq gərəkdir…”

Xəbər verildiyi kimi, bu gün- noyabrın 25-dən Kəlbəcər rayonu erməni işğalçı qüvvələri tərəfindən tamamilə boşaldılaraq Azərbaycana təhvil verildiyi üçün həmin rayondan qəsbkar Ermənistan ərazisinə keçən yollar bağlanır.

Moderator.az xəbər verir ki, Rusiya mediasına açıqlama verən ermənilər Rusiya sülhməramlılarının da nəzarət etməsinə rəğmən İrəvandan Qarabağa gələn hazırda yeganə Gorus-Laçın-Şuşa-Xankəndi yoluyla gəlib-getməyə ehtiyat etdiklərini bildiriblər.

Laçında rus dili müəllimi işləmiş Armen Movsesyan deyir ki, Azərbaycan Silahlı Qüvvələrinin bölmələri şəhərin hər iki tərəfində cəmi 2-2,5 kilometr məsafədədir. Demarkasiya(ayrılma) xəttində rus sülhməramlılarının olmasına baxmayaraq Movsesyan qorxduqlarını bildirir.

“İndi Laçın şəhərində 200-dən az erməni qalıb, əksəriyyəti kişilərdir. Müharibədən əvvəl burada, ən azı, 2 min erməni yaşayırdı. Bu gün orada yaşamaq qeyri-realdır, hər zaman qorxu içində yaşamaq qeyri-realdır. Və bir çoxları belə düşünür”- Laçında on illərlə qeyri-qanuni məskunlaşmış erməni belə deyir.

“CivilNet” nəşrinin jurnalisti Lika Zaxaryan Xankəndinə Kəlbəcər vasitəsilə qayıdıb.

“Hələ Laçın yolu ilə getməmişəm, çünki həmin yolla getməkdən qorxuram. Kəlbəcər yolu bağlanandan sonra yalnız bu yola sahib olacağıq. Ancaq heç kim 100% təhlükəsizliyə zəmanət verə bilməz. İstənilən vaxt, gecə-gündüz bir təxribat gözləmək olar, xüsusən də nəzarət postları arasındakı yolda. Daimi qorxu içində yaşamağa məhkumuq. Biz Xankəndində belə, özümüzü təhlükəsiz hiss etmirik…”-deyə erməni jurnalist vurğulayıb.

Xatırladaq ki, üçtərəfli razılaşmaya əsasən Laçın rayonu dekabrın 1-də tamamilə erməni işğalçılarından boşaldılaraq Azərbaycana təhvil verilməlidir…

P.S. Mülki erməniləri Laçında, Kəlbəcərdə və s. yaşamağa biz dəvət etməmişdik… Xankəndində, Ağdərədə, Xocavənddə, eləcə də Şuşanın Laçınla qonşu bəzi kəndlərində isə sovet dövründə, 1990-cı illərədək biz azərbaycanlılardan da yaxşı yaşayırdılar. Onlar öz nankor, ikiüzlü, işğalçı, terrorçu xislətlərinin qurbanıdırlar. Bunu bütün dünyaya anlatmaq gərəkdir…

Facebook Comments