“Erkin Qədirli mandatdan imtina edib-etməməsiylə bağlı qərarı özü verəcək”

REAL Partiyasının sədri İlqar Məmmədov Erkin Qədirlinin 16 saylı Yasamal seçki dairəsində qələbə qazanmasına münasibət bildirib.

Sozcu.az-ın xəbərinə görə, o, partiya üzvünün halal qələbə qazandığını qeyd edib:

“Real Cümhuriyyətçilər İttifaqında Erkin Qədirli də, başqaları da halal qələbə qazanıblar. Erkin Qədirlidən başqa, digər halal qələbə qazananların haqqı tapdalanıb. Bu vəziyyətə ayrıca qiymət verəcəyik. Erkin Qədirli seçkini düzgün udub. Belə şəraitdə Erkin Qədirlinin haqqının tanınması, digərlərinin tapdalanması məqbul deyil”.

İ.Məmmədov bildirib ki, Erkin Qədirli mandatdan imtina edib-etməməsiylə bağlı qərarı özü verəcək: “Mən onun qərarını deyə bilmərəm. Biz Real Cümhuriyyətçilər İttifaqı olaraq müzakirə aparacağıq. Bizim onunla fikirlərimiz üst-üstə düşə də bilər, düşməyə də”.(Qafqazinfo)

Facebook Comments