“Bunu ancaq psixikası pozulmuş insanlar edə bilər” – Rəsul Quliyev

“Azərbaycan höküməti bütün Avropanın baxdığı futbol yarışının səhərisi günü 28 may müstəqillik günündə yürüş keçirmiş müxalifət nümayəndələrini polisə çağırıb hədə qorxu gəlməsi ilə qazandığı sivil ölkə statusunun üzərindən yenidən xətt çəkdi”.

Sozcu.az əbər verir ki, bunu Azərbaycanın Milli Məclisinin sabiq sədri Rəsul Quliyev deyib. “Respublika Günü” bayramından sonra yürüşdə iştırak edən müxalifətçilərin polis bölmələrinə çağırılmağını sərt şəkildə tənqid edən R. Quliyev hakimiyyətin müxalifləri həbs etməsini Azərbaycanın sivil ölkə olmadığının sübutu kimi qiymətləndirib:

“Hakimiyyətin başında oturanların elementar düşünmək qabiliyyəti olduğu yenidən böyük şübhə altındadır. Bu adamların bütün qanunları pozaraq polisə çağrılması qərarı ancaq psixikası pozulmuş insanlar tərəfindən qəbul edilə bilər. Heç bir məntiqlə izah edilməsi mümkün olmayan hərəkətləri ancaq dəlilər edə bilər.”

E. Quliyev bu həbslərin Azərbaycan hakimiyyətinin yeni həbsetmə mexanizmi olduğunu düşünür:

“Azərbaycan höküməti əhv fərmanından sonra yenidən izolyasiya edilməsi üçün addımlar atmağa başladı. Bu dəfəki izolyasiya daha kəskin və daha təsirli olacaq.”