“Bavariya”da yeni müqavilə

“Bavariya”nın yarımmüdafiəçisi Serj Qnabri komandasını dəyişməyəcək.

Qol.az-ın klubun rəsmi saytına istinadən yaydığı xəbərə görə, 23 yaşlı futbolçu ilə yeni müqavilə imzalanıb. Anlaşmaya əsasən, alman futbolçu 2023-cü ilin yayına qədər Münhen təmsilçisinin formasını geyinəcək.

Qeyd edək ki, Qnabri bundan əvvəlki iki mövsümü icarə əsasında “Verder” və “Hoffenhaym”da keçirib. Bu mövsüm “Bavariya”nın heyətində debüt edən yarımmüdafiəçi Bundesliqada keçirdiyi 21 oyunda 6 qol vurub və 4 məhsuldar ötürmə edib.