“Bakıya gələn təxribatçılar otellərə girib xariciləri qırmalı idilər” — Çingiz Abdullayevdən SENSASİON AÇIQLAMA

“Futbola baxmağa gələnlərin hamısı təbii ki, azarkeş deyildi, onların arasında təxribatçılar da ola bilərdi”.

Sozcu.az xəbər verir ki, bunu Xalq yazıçısı Çingiz Abdullayev AZTV-də Avropa Liqasının finalına həsr olunmuş debatda deyib.

Çingiz Abdullayev Azərbaycanda keçirilən “Avroviziya” mahnı müsabiqəsində ölkəmizdə hazırlanan təxribatın qarşısının necə alındığını da ilk dəfə açıqlayıb.

“Avroviziya ərəfəsində iki böyük dəstə vardı. Onlar otellərə girib xariciləri qırmalı idilər. Bu uydurma deyil, realllıq idi. Amma Daxili İşlər Nazirliyi və Milli Təhlükəsizlik Nazirliyi bunun qarşısını aldı”, – deyə Xalq yazıçısı əlavə edib.(BAKU.WS)