Azərbaycan, Rusiya və İran prezidentlərinin növbəti görüşünün tarixi açıqlandı

Azərbaycan, Rusiya və İran prezidentləri – İlham Əliyev, Vladimir Putin və Həsən Ruhaninin görüşü bu ilin avqustunda Soçidə planlaşdırılır.

Publika.az “RİA-Novosti” agentliyinə istinadən xəbər verir ki, bu haqda Şimali Qafqazın işləri üzrə nazir Sergey Çebotarev bildirib.

“Bu ilin avqustunda üç ölkə – Azərbaycan, Rusiya və İran prezidentləri arasında Soçidə yüksək səviyyədə görüş planlaşdırılır”, – o, Tehranda keçirilən “İran və Şimali Qafqaz: tarix və əməkdaşlığın perspektivləri” konfransının gedişatında deyib.