Azərbaycan Dövlət Pedaqoji Universitetində (ADPU) növbəti tədris ili üçün illik təhsil haqqı artırılıb. Modern.az-ın məlumatına görə, artım həm bakalavriat və magistratura səviyyələrində müşahidə edilib. "Burada bakalavriat və magistratura səviyyələrində bütün ixtisaslar üzrə təhsil haqqı 2300 manatdan 2400 manata, MBA proqramlarında isə 2500 manatdan 2700 manata qalxıb", - universitetdən "Azərbaycan müəllimi"nə verilən məlumatda deyilir. Bakı Dövlət Universiteti (BDU), Azərbaycan Dövlət Neft və Sənaye Universiteti (ADNSU) və Azərbaycan Texniki Universitetində (AzTU) isə artım olmayacağı bildirilib.

Türkiyənin Çanaqqala vilayətinin Ayvacık və Təkirdağ vilayətinin Şarköy ilçələrində meşə yanğınları başlayıb. Sozcu.az Türkiyə mediasına xəbər verir ki, hər iki bölgədə yanğının söndürülməsi üçün intensiv tədbirlər davam etdirilir. Şarköydə təhlükəsizliyin qorunması məqsədilər bir məhəllənin sakinləri təxliyə edilib.

14:10 Fövqəladə Hallar Nazirliyinin “112” qaynar telefon xəttinə Cəlilabad rayonunun Zopun kəndi istiqamətində dağlıq ərazidə yanğın baş verməsi barədə məlumat daxil olub. Sozcu.az FHN-ə istinadən xəbər verir ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub. Hazırda yanğının yayılmasının qarşısının alınması və söndürülməsi istiqamətində zəruri və təxirəsalınmaz tədbirlər davam etdirilir. Hava şəraitinin küləkli olması yanğınsöndürmə işlərində çətinliklər yaradır. *** Cəlilabadda meşədəki yanğın nəticəsində bir nəfər tüstüdən zəhərlənib. Məlumata görə, o, 1976-ci il təvəllüdlü, meşə təsərrüfatının əməkdaşı Qəni Nəzirovdur. Əraziyə təcili tibbi yardım briqadası cəlb olunub. Hazırda yanğın davam edir.

Azərbaycanda iyulun 15-i saat 16:00-a olan məlumata əsasən hazırda bəzi dağlıq ərazilərdə - Daşkəsən, Gədəbəy, Qusarda qısamüddətli yağış yağır. Bu barədə Sozcu.az-a Milli Hidrometeorologiya Xidmətindən bildirilib. Havanın temperaturu Bakıda və Abşeron yarımadasında 39, Naxçıvan MR-da eyni zamanda Aran rayonlarında 40, dağlıq rayonlarda isə 30 dərəcəyədək isti qeydə alınıb.

Ukraynanın Baş naziri Denis Şmıqal vəzifəsindən istefa verib. Sozcu.az xəbər verir ki, bu barədə TASS məlumat yayıb.

Prezident Vladimir Zelenski Ukrayna üçün piyada əleyhinə minalar haqqında Ottava Konvensiyasının qüvvəsini dayandıran qanunu imzalayıb. Sozcu.az xəbər verir ki, bu barədə dövlət başçısı Teleqram kanalında yazıb. "Mən dərhal Ukrayna üçün piyada əleyhinə minalar haqqında Ottava Konvensiyasının dayandırılması ilə bağlı Ali Radadan verilən sənədi imzaladım", - deyə bildirilib.

"Barselona" "Bavariya"nın və İspaniya millisinin hücumçusu Brayan Saraqosanı yay transfer pəncərəsində əsas hədəflərindən biri kimi görür. Sozcu.az xəbər verir ki, bu barədə İspaniyanın "El Chiringuito" nəşri məlumat yayıb. Kataloniya klubunun rəhbərliyi 23 yaşlı futbolçunun La Liqada oynamağa tam hazır olduğunu və hazırda maliyyə baxımından ən sərfəli variantlardan biri olduğunu düşünür. Qeyd olunur ki, Saraqosa "Barselona"nın ona olan marağı ilə bağlı xəbərlərə sosial şəbəkələrdə bəyənərək reaksiya verib. Klubun yaxın günlərdə futbolçunun transferi üçün rəsmi təklif göndərəcəyi də bildirilir. Qeyd ki, Brayan Saraqosa ötən mövsümü icarə əsasında "Osasuna"da keçirib və 28 oyunda 1 qol, 6 məhsuldar ötürmə ilə yadda qalıb. İspaniyalı vingerin "Bavariya" ilə müqaviləsi 2029-cu ilin yayına qədər qüvvədədir. 

İyulun 17-dək ölkə ərazisində müşahidə olunan isti hava şəraitinin davam edəcəyi gözlənilir. Sozcu.az xəbər verir ki, bu barədə Milli Hidrometeorologiya Xidmətinin yaydığı məlumatda qeyd edilib. Bildirilib ki, yaxın iki gündə Bakı və Abşeron yarımadasında havanın maksimal temperaturu 35-38, bəzi yerlərdə isə 40°C-yə qədər yüksələcək. Aran rayonlarında və Naxçıvan Muxtar Respublikasında da istilik 36°C-yə çatacaq. Dağlıq ərazilərdə isə temperatur 28-33°C arasında dəyişəcək. Qeyd edək ki, 17 və 18 iyulda hava temperaturunun 2 dərəcə aşağı düşəcəyi gözlənilir. 19 iyulda isə temperaturun yenidən qalxacağı proqnozlaşdırılır.

ABŞ Prezidenti Donald Tramp Ukraynaya uzaqmənzilli “Tomahavk” qanadlı raketləri göndərməyi nəzərdən keçirib. Sozcu.az xəbər verir ki, bu barədə “Vaşinqton Post” qəzetinin köşə yazarı Devid İqnatius mənbələrə istinadən bildirib. Onun sözlərinə görə, Rusiya ərazisinin dərinliklərində hədəflərə çata bilən “Tomahavk” raketlərinin Kiyevə ötürülməsi məsələsi iyulun 11-də müzakirə edilib, lakin hazırda bu sursatlar tədarük siyahısına daxil edilməyib: “Lakin Tramp daha çox təsir rıçaqları əldə etmək istəsə, onlar sonradan Ukraynaya ötürülə bilər”.

Ötən həftə ABŞ prezidenti Donald Tramp Ukrayna prezidenti Volodimir Zelenskidən Ukrayna Silahlı Qüvvələrinin Moskvaya niyə zərbə endirmədiyini soruşub. Zelenski cavab verib ki, əgər Vaşinqton Kiyevi silahla təmin etsəydi, bunu edə bilərdi.  Sozcu.az xəbər verir ki, "Vashinqton Post" qəzetinin köşə yazarı David İqnatius mənbələrə istinadən söhbətin təfərrüatlarını açıqlayıb.  Jurnalistin sözlərinə görə, Tramp “təkcə Moskvaya deyil, Sankt-Peterburqa da” təzyiqlərin artırılmasının zəruriliyindən danışıb. Qeyd olunur ki, ABŞ prezidenti üç səbəbə görə Rusiya ilə bağlı mövqeyini sərtləşdirib. Birincisi, o hesab edir ki, Vladimir Putin “atəşkəs çağırışına məhəl qoymayaraq” hörmətsizlik edir. İkincisi, Donald Tramp B-2 bombardmançıları və "Tomahawk" raketlərindən istifadə etməklə İrana zərbələrin effektivliyini görüb. Bundan əlavə, Tramp əmindir ki, Rusiya prezidenti “yalnız daha çox güc tətbiq etmək təhlükəsi altında” danışıqlar aparacaq, ona görə də Amerika lideri “eskalasiya naminə eskalasiyaya” gedib. Xatırladaq ki, Donald Tramp avropalı müttəfiqlərin pullarından istifadə edərək Kiyevə silah tədarük etməyə başlayacağını vəd edib və Ukraynada 50 gün ərzində sülh əldə olunmasa, Rusiya və onun ticarət tərəfdaşlarına “çox sərt” - 100% tariflər tətbiq edəcəyi ilə hədələyib. Dövlət Departamenti əmin edib ki, ABŞ prezidentinin prioriteti danışıqlar yolu ilə davamlı sülhə nail olmaqdır.

Mənim oğlum Nihat 2019-cu il təvəllüdlüdür. Tək anayam ancaq işləyib güclə balalarıma baxıram. Oğlum əziyyət çəkir uzunmüddətli müalicə almalıdır. Bir kurs müalicəsi 300 manatdır. Yaşıdlarından geri qalır, heç nəyə reaksiya vermir. Kimin imkanı nəyə çatır kömək etsin. Kapital Bank 5239.1517.3928.6964 Kart anaya aiddir: Orucova Samirə Əlaqə nömrəsi: 070-525-62-03

"Dövlət İmtahan Mərkəzinin rəhbəri səviyyəsində səsləndirilən qeyri-peşəkar və cinsiyyətçi bənzətmələr təəssüf ki, Azərbaycanda dövlət idarəçiliyinin və xüsusən təhsil sahəsində ictimai məsuliyyətin hansı vəziyyətdə olduğunu açıq şəkildə göstərir. Məleykə Abbaszadənin "inəyin taleyi" ilə bağlı ifadəsi təkcə uğursuz metafora deyil, həm də təhsili idarə edən şəxslərin cəmiyyətə verdiyi simvolik mesajın necə qəbuledilməz ola biləcəyini göstərən nümunədir". Bunu Qaynarinfo-ya açıqlamasında təhsil eksperti Kamran Əsədov Dövlət İmtahan Mərkəzinin rəhbəri Məleykə Abbaszadənin ictimai qınağa səbəb olan fikirlərinə münasibətində deyib.  Onun sözlərinə görə, cəmiyyətin müxtəlif təbəqələrinin etirazla qarşıladığı bu fikir illərlə qadın hüquqları uğrunda mübarizə aparan şəxslər və maarifləndirmə işini bir anda kölgə altına salır: Marqarita pizza "Çünki bu cür açıqlamalar ictimai şüura, gender bərabərliyinə və qadın əməyinə dəyər baxımından zərərli nümunə yaradır. Azərbaycan Respublikasının "Gender bərabərliyinin təminatları haqqında" Qanununun 3.0.2-ci maddəsinə görə, dövlət qadın və kişilər arasında sosial, iqtisadi və mədəni sahələrdə bərabər hüquqların təmin olunması üçün məsuliyyət daşıyır. Amma yüksək vəzifəli bir qadın çıxışında qadın obrazını məzmunsuz, bioloji təhqirə yaxın şəkildə təqdim edirsə, bu həm qanunun ruhuna, həm də təhsil idarəçiliyində etik dəyərlərə ziddir. Ən acınacaqlısı isə odur ki, bu fikirlər rəsmi mətbuat konfransında, media qarşısında, ictimaiyyətə yönəlik bir platformada səsləndirilir və bu çıxış təhsili idarə edən qurumun imicini kökündən sarsıdır". Kamran Əsədov Dövlət İmtahan Mərkəzinin son illərdə şəffaflıq, hesabatlılıq və ictimai etimad baxımından ciddi tənqid olunduğunu vurğulayıb: "2023-cü ilin apelyasiya statistikalarına əsasən, buraxılış və qəbul imtahanlarında ümumi şikayətlərin sayı 48 mindən çox olub. Bu şikayətlərin əhəmiyyətli hissəsi qiymətləndirmə zamanı obyektivliyin pozulması, test suallarının mübahisəli olması və texniki qüsurlarla bağlıdır. Belə bir vəziyyətdə qurumun rəhbərinin əsas gündəmi sarkazm və uğursuz zarafatlarla müşayiət olunursa, bu, həm ictimai narazılığı artırır, həm də idarəetmənin ciddiliyini və peşəkarlığını sual altına salır". Kamran Əsədov əlavə edib ki, dünya təcrübəsində belə hallarda dövlət rəsmiləri ictimai tənqiddən dərs çıxarır, açıq üzrxahlıq edir, hətta bəzi hallarda vəzifədən geri çəkilirlər: "Məsələn, Kanadada və Skandinav ölkələrində oxşar hallar yaşandıqda həmin şəxslərin ya ictimai şəkildə üzr istəməsi, ya da istefa verməsi presedent olub. Çünki bu, təkcə şəxsi mövqenin yox, həm də dövlətin təmsil olunma mədəniyyətinin göstəricisidir. Azərbaycanda isə bu məsələlər ya "şəxsi fikir” adı ilə pərdələnir, ya da ironiyaya çevrilərək cəmiyyətin reaksiyası görməzlikdən gəlir”. Ekspertin fikirincə, Elm və Təhsil Nazirliyi və DİM arasında koordinasiya zəifdir, ictimaiyyətlə münasibət formal xarakter daşıyır: "Nə rəsmi şəxslərin etik davranışlarına nəzarət edən qurumlar aktivdir, nə də bu cür açıqlamaların nəticələrini dəyərləndirən ictimai şuralar yaradılıb. Təhsil sahəsində idarəetmə yalnız texniki məsələlərlə deyil, həm də simvolik və ideoloji çərçivələrlə ölçülməlidir. Bu cür açıqlamalar isə o çərçivələri dağıdır, təhsilin və dövlətçiliyin hörmətini zəiflədir. Nəticə etibarilə, yalnız təhsilin məzmununa deyil, onun necə və kim tərəfindən təmsil olunmasına da diqqət yetirilməlidir. Dövlət İmtahan Mərkəzinin rəhbəri tərəfindən səsləndirilmiş bu cür ifadələr sistemdə dərinləşmiş qeyri-ciddilik, kobud kommunikasiya və ictimai məsuliyyətsizlik problemini bir daha ortaya çıxarır. Rəsmi mövqe sərgiləməli və ictimaiyyətin təhsilə inamını qorumaq üçün ciddi tədbirlər görməlidir. Əks halda, bu tip çıxışlar təhsilin mahiyyətini və dövlətin nüfuzunu gözdən salmaqda davam edəcək". Qeyd edək ki, Dövlət İmtahan Mərkəzinin (DİM) İdarə Heyətinin sədri Məleykə Abbaszadə dünən mətbuat konfransı zamanı çıxışında bir açıqlaması ilə diqqət çəkib. Baytarlıq ixtisasının vacibliyindən danışarkən ona ünvanlanan suala sədrin cavabı belə olub: "İnəyin taleyi elədir ki, onu gec-tez öldürəcəklər. Bəlkə də, sağılan inəyin taleyi daha ağırdır, nəinki ölmüş inəyin. Hər gün sağılmaq ondan ağırdır. Qadınlar bu mövzuda məni başa düşərlər".

Məcburən Vətənimi tərk etmək istəyirəm... Bu məmləkətdə əsl ziyalıya dəyər verilmir... Ali təhsilliyəm, şair-publisistəm, jurnalistəm, ziyalıyam, istedadlı insanam... Həm işsizəm, həm evim-mənzilim yoxdur.  İşlə də təmin edilmirəm, dövlət tərəfindən mənə mənzil də verilmir. Müstəqil jurnalis kimi fəaliyyət göstərirəm.  Qeyd edim ki, jurnalist olaraq 25 ildir ki, mətbuat sahəsində çalışıram. Azərbaycan Yazıçılar Birliyinin, eləcə də Jurnalistlər Biriyinin üzvüyəm. 2020- ci idə Milli Məclisə keçirilən növbədənkənar seçkilərdə 87 saylı Ağsu-İsmayıllı seçki dairəsindən deputatlığa namizəd olmuşam.  Şair-jurnalist kimi düşünürəm ki, nə vaxta kimi kirayə "ev"lərdə ömrüm çürüməlidir? Nəvaxtadək işləmək üçün iş axtarmalıyam?  Ömrüm-günüm kirayələrdə və iş axtarmaqla ötüb keçir. Bu qədər də ədalətsizlik olarmı? Öz ana Vətənimizdə vətəndaşlara yaşamağa şərait yaradılmır, imkan verilmir. Ancaq vəzifəli şəxslərin, məmurların ailə üzvləri və onlara doğma olanlar yaxşı gün görürlər, bəzəkli, möhtəşəm villalarda, təmtəraqlı saraylarda lüks və komfortlu həyat yaşayırlar.  Vəzifəli şəxslərin çoxusunun övladları və doğmaları vəzifə sahibidir, dövlətin hansısa qurumlarına rəhbərlik edirlər, hətta yüksək vəzifələrə təyin olunurlar. Nə edək, belədir. Yaşadığım gün-güzarana baxanda məlum olur ki, doğma yurdum Azərbaycan adlı milyonlar səltənəti, saysız-hesabsız sərvəti olan bu məmləkət bir qrup adamlara, vəzifəli şəxslərə, məmurlara, onların ailə üzvlərinə, doğmalarına, əzizlərinə və yaxınlarına aiddir. Neçə illərdi ki, ölkədə belə bir xoşagəlməz hal açıq-aydın görünür... Bir vacib məsələyə də toxunmaq istəyirəm. Çox böyük fəxr hissilə deyirəm ki, ömrümün çox hissəsini təhsil müəssisələrinin, elm ocaqlarının auditoriyasında keçirmişəm. Ayrı-ayrı ixtisaslar üzrə təhsilim var. Bir neçə diplom sahibiyəm. Əsasən humanitar sahə üzrə təhsil almışam. Alimlərdən, akademik və professorlardan, gökəmli, tanınmış müəllimlərdən, dərs almışam, onların mühazirələrinə qulaq asmışam, elmin sirlərinə yiyələnmişəm. Onu da qeyd edim ki, yenə də tələbəyəm, universitetdə distant təhsil alıram.  "Sinema, radio, televiziya" proqramçılığı fakültəsində oxuyuram. Təhsilim ödənişlidi. Xeyli müddətdir ki, təhsil haqqımı ödəyirəm. Vurğulayım ki, yaxın günlərdə imtahanlarım olacaq. Amma işsiz olduğum üçün təhsil haqqımı hələ də ödəyə bilməmişəm.  Universitetin hesabına təhsil haqqımı keçirə bilmədiyim üçün yəqin ki, bir neçə günə olacaq imtahanlara buraxılmayacam.  Əlbəttə, bu, birmənalı olaraq belədir. İş tapa bilsəydim, işləsəydim maaşımdan təhsil haqqımı özüm təbii ki, ödəyəcəkdim.  Baxın görün ki, bir neçə diplom sahibi olan ali təhsilli mütəxəssis öz doğma Vətənində, öz ana yurdunda neçə illərdir ki, işsizdir, işləmək üçün iş tapa bilmir. Təəssüflər ki, ölkəmizdə çox ədalətsizlik, haqsızlıq var.  Ölkədə beyin mərkəzləri sıradan çıxır. Ölkənin ziyalıları küsdürülür, bezdirilir, öz Vətənindən didərgin düşərək doğmalarını tərk edib Avropa ölkələrinə gedir.  Şair-jurnalist kimi fikirləşirəm ki, qalan ömrümü ac-yalavac, iş atara-axtara kirayə daxmalarda, zülüm içində keçirməliyəmmi? Deməli, bircə çıxış yolu qalıb, çox sevdiyim Vətənimdən köçüb getmək. Neyləyim axı, öz Vətənimdə üzüm gülmür, ürəyim sevinmir. Çünki bu ölkədə qismətim ancaq çəkdiyim qəm-qüssədi, kədərdi, dərddi.  P. S. Heyif, bu ölkədə ziyalının dəyəri yoxdur.  P. S. S. Məni çox bezdirdilər öz Vətənimdən.  Göz yaşımla Vətəni tərk etməyə məcburam. XATİRƏ ƏZİZ Rəhimli Şair-publisist, jurnalist

Akademik Zərifə adına liseyin IX sinif şagirdi Mehdi Səmədli dünyasını dəyişib. Sozcu.az xəbər verir ki, bir neçə gün öncə xəstəxanaya yerləşdirilən Mehdinin həyatını təəssüf ki, xilas etmək mümkün olmayıb.

ABŞ iki Qafqaz ölkəsi arasında uzun müddətdir dalana dirənmiş diplomatik danışıqların irəliləyişinə nail olmaq üçün Ermənistan və Azərbaycan arasında planlaşdırılan nəqliyyat dəhlizini öz üzərinə götürməyi təklif edib. Bunu ABŞ-nin Türkiyədəki səfiri Tom Barak bildirib. Sozcu.az middle east eye-a istinadla xəbər verir ki, mart ayında Ermənistan və Azərbaycan sülh sazişi layihəsi üzrə konsensus əldə etsə də, rəsmi Bakı sazişi imzalamazdan əvvəl bir neçə əlavə şərtdə israr edir. “Azərbaycan İrəvandan tələb edir ki, digər şərtlərlə yanaşı, konstitusiyaya dəyişiklik edilsin. Əsas problemlərdən biri Azərbaycanı öz eksklavı olan Naxçıvanla Ermənistan ərazisi ilə vasitəsilə birləşdirəcək Zəngəzur dəhlizi adlanan layihədir”, - deyə Britaniya nəşri yazıb. pizza sifarişi Təhlilin davamında qeyd edilib ki, Azərbaycan dəhlizin Ermənistanın tam nəzarətinə verilməməsinə təkid edir. Ermənistan isə marşruta nəzarətin hər hansı üçüncü tərəfə verilməsinin qəti əleyhinədir. Uzunluğu 32 km olan dəhliz Ermənistanla Azərbaycan arasında davamlı sülhün əldə olunmasında ciddi maneəyə çevrilib. "Onlar 32 kilometr yol üzərində mübahisə edirlər, lakin bu, əhəmiyyətsiz məsələ deyil, - Barak Nyu-Yorkda keçirilən brifinq zamanı jurnalistlərə bildirib. - Amerika məsələyə müdaxilə edir və deyir: "Yaxşı, bu işin qulpundan biz yapışırıq. 32 kilometr yolu bizə 100 illik icarəyə verin". Barakın şərhləri Tramp administrasiyasının neytral qarant rolunu oynayacaq özəl ABŞ kommersiya operatoru vasitəsilə dəhlizi idarə etmək təklifinin ilk rəsmi təsdiqidir. “Carnegie Endowment”-in son hesabatında bu plan izah olunub: o, Avropa Birliyinin daha əvvəlki təklifi əsasında modelləşdirilib, ABŞ logistika firmasının marşrut boyunca yük tranzitinin idarə edilməsinə və monitorinqinə cavabdeh olacaq. Türkiyə sakitcə Bakını sülh sazişini imzalamağa çağırıb və Azərbaycan rəsmilərinə İranın təsirinin azalması kimi regional dinamikanın dəyişməsini xatırladıb. Danışıqlarla tanış olan regional mənbə Middle East Eye-a bildirib ki, dəhlizi idarə edən həm Ermənistan, həm də Azərbaycan tərəfindən bəyənilən özəl şirkət ideyasını əvvəlcə Türkiyə təklif edib. “Lakin Ermənistan tərəfi şirkətdən dəhlizin Naxçıvan tərəfində də işləməyi tələb edib ki, bu da Bakı üçün qəbuledilməzdir”, - mənbə bildirib. Türkiyə rəsmiləri Ermənistanı Türkiyəni birbaşa Orta Asiya ilə birləşdirəcək Orta Dəhlizdə mühüm halqa kimi görürlər. Türkiyə şirkətləri də Ermənistan daxilində potensial infrastruktur layihələrində iştirak etməyə can atırlar.

Abşeron yarımadasında iyulun 15-də durğun və qızmar diskomfort hava şəraiti gözlənilir. Milli Hidrometeorologiya Xidmətindən Sozcu.az-a verilən məlumata görə sabahkı hava əhali üçün əlverişsizdir. "Günorta saatlarında uzun müddət açıq havada qalmaq məsləhət deyil", - məlumatda bildirilib.

Ehtimal etmək olar ki, Azərbaycan və Ermənistan arasında aparılan danışıqlar uğurla nəticələnəcək. Sozcu.az xəbər verir ki, bunu ABŞ Prezidenti Donald Tramp Ağ Evdə NATO Baş katibi Mark Rutte ilə görüşdə deyib. O, problemin tezliklə həll olunacağını bildirib.

Məsuliyyətsiz sürücülər, ölüm saçan sürət... Yüksək sürətlə vətəndaşları təhlükəyə atan sürücülərə nəvaxtsa "dur"deyən olacaqmı? Çox ciddi və aktual mövzuya toxunacağam. Öncə onu deyim ki, xəbər saytlarında belə bir ürək ağrıdan məlumat oxudum.  "Ümumdünya Səhiyyə Təşkilatının (ÜST) məlumatına görə, hər il dünyada orta hesabla 1,3 milyon insan yol-nəqliyyat hadisələri nəticəsində dünyasını dəyişir. Bu statistika hər 30 saniyədə bir, hər gün təxminən 3600 insanın yollarda öldüyünü göstərir." Bu xoşagəlməz hal əsl dəhşətdir.  Yol qəzalarının əsas səbəbləri isə sürət həddini aşmaq, sərxoş halda avtomobili  sürmək, diqqətsizlik və texniki nasazlıqlardı. Deməli, hər il çoxlu sayda insan yol qəzalarında həyatını itirir. Təəssüf olsun. Eləcə də hər il piyadaların vurulması ilə nəticələnən neçə-neçə yol-nəqliyyat hadisələri baş verir. Baş vermiş hadisələrdə ağır xəsarət alan piyadalar isə həyatını itirir. Yeri gəlmişkən, başıma gələn bir hadisə haqda fikirlərimi bölüşmək istəyirəm. Bu gün-iyulun 13-də dünyaya ikinci dəfə gəldim. Demək olar ki, saniyələr məni böyük qəzadan qorudu. Allahın rəhminə şükürlər olsun. Allah həqiqətən çox mərhəmətlidir. Çox sevdiyim Allah, SƏN məni çox sevirsən! Mənə qıymadın, minik maşını həyatıma son qoya bilmədi. Demək olar ki, saniyələr məni həyata qaytardı. Şükürlər olsun Sahiblər Sahibinə, Allahın böyüklüyünə, varlığına... Həmişə evdən çıxıb harasa gedəndə sevgi dolu Allaha şükranlıq duaları edirəm! Heç demə saniyələr insanı ölümdən ayıra bilirmiş. Yerin-Göyün Sahibi çox sevdyim Allaha şükürlər olsun! Çünki üzləşdiyim yol-nəqliyyat qəzasından rəhmli Allah məni qorudu. Bir daha şükürlər olsun Allaha! Günün ikinci yarısında, Bakının "Varovski dairəsi" deyilən ərazidə, (səhv etmirəmsə Azadlıq Prospekti) yerüstü piyada keçidindən keçərkən təxminən saat 5-də  sürətlə hərəkətdə olan "Jeep" markalı qara rəngli avtomobilin xanım sürücüsü çox az qalmışdı ki, sevdiyim bu gözəl həyatda  həyatımı əlimdən alsın.  Qeyd edim ki, həmin vaxtda işıqforda qırmızı işıq yanırdı hətta. Bu qədər də məsuliyyətsiz sürücü olarmı? Piyada keçidindən qaydalara uyğun olaraq istifadə edən vətəndaşlara qarşı hər hansı sürücü niyə təhlükəli anlar yaşatmalıdır?  Sürücülər vətəndaşların həyatı ilə nə üçün oyun oynamalıdır? Bu, heç də yaxşı hal deyil. Avtomobilin sükanı arxasında əyləşən bütün sürücülər çox diqqətli və çox məsuliyyətli olsun gərək. Vurğulayım ki, əks halda həm sürücüyə və həm də yolu keçən vətəndaşların həyatına təhlükə yaranır.  Belə xoşagəlməz halların birində saniyələr məni böyük təhlükədən qurtardı. Məsuliyyət hiss etməyən xanım sürücünün mənə yaratdığı təhlükə baxımından elə gərgin anlar yaşadım ki... Sarsıntı keçirtdiyim üçün avtomobilin nömrəsini də untdum. Çünki həyatımı təhlükəyə atan xanım sürücü minik maşınını elə böyük sürətlə idarə edirdi ki... Çox-çox təəssüflər olsun. Həyat doğrudan da çox qəribədir. Şahid oldum ki, heç demə hətta bir neçə saniyə insan həyatında çox-çox böyük rol oynaya bilirmiş. Məsuliyyətdən uzaq olan sürücülər, yol-hərəkəti qaydalarına ciddi əməl edin ki, insanların həyatına son qoymayın, onların ömrünü-gününü əllərindən almayın. Xüsusilə də piyada keçidləri olan ərazilərdə sürücülər avtomobili mütləq aşağı sürətlə idarə etməlidirlər. Sürət həvəskarı olan sürücülər, avtomobili yüksək sürətlə idarə edib özünüzə də, piyadalara da çətin anlar yaşatmayın, təhlükə yaratmayın. XATİRƏ ƏZİZ Rəhimli Şair-jurnalist

“Dənizkənarı Bulvar İdarəsi” Publik Hüquqi Şəxsin İdarə Heyətinin sabiq sədri, həmçinin bayraq meydanının rəisi olmuş İlqar Mustafayev, köməkçisi Rəşad Bədəlov və “GİRASOL” MMC-nin direktoru Fuad Babayevin cinayət işi üzrə məhkəmə prosesi başlayıb. Sozcu.az xəbər verir ki, bu gün Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib. Dövlət ittihamçısı Eldar Məmmədov bildirib ki, cinayət işi üzrə ibtidai istintaq zamanı qanun pozuntusuna yol verilməyib, Cinayət Prosessual Məcəllənin müvafiq maddələrinə uyğun olaraq araşdırma aparılıb. Dövlət ittihamçısı cinayət işinin Bakı Ağır Cinayətlər Məhkəməsinə aid olduğunu deyib. O, cinayət işinin məhkəmə istintaqı qaydasında araşdırılmasını istəyib. Təqsirləndirilən şəxslərin barəsində seçilmiş qətimkan tədbirinin qüvvədə saxlanılmasını təklif edib. Daha sonra İlqar Mustafayevin vəkilləri vəsatətlə çıxış edib. Vəkil həbs qətimkan tədbirinin ev dustaqlığı ilə əvəz olunmasını istəyib. Vəkil bildirib ki, şahidlərə təsir göstərmək mümkün deyil: "Çünki bu cinayət işi audit yoxlaması nəticəsində başlanılıb. İşin araşdırılması zamanı ifadə verən şahidlərin heç biri İlqar Mustafayevin əleyhinə ifadə verməyiblər. Cinayət işi müstəntiqin mülahizələrinidən ibarətdir". Vəkil əlavə edib ki, müvəkkilinin səhhətində də ciddi problemlər var, onun uzunmüddətli həbsdə qalması düzgün olmazdı. Vəkil onun barəsində ev dustaqlığı qətimkan tədbirinin seçilməsini istəyib. Müdafiəçi həmçinin İlqar Mustafayevin dəmir barmaqlıqlar arasında deyil, müdafiəçiləri ilə yanaşı əyləşməsini istəyib. Təqsirləndirilən şəxsin vəkilləri onun dövlət təltifləri olduğunu vurğulayıblar. Daha sonra Fuad Babayevin vəkili çıxış edib. Deyib ki, müvəkkili 11 milyon manatlıq mənimsəmədə ittiham olunur. Vəkil bildirib ki, təqsirləndirilən şəxsin yaşadığı ev, bir torpaq sahəsi və avtomobili var: "Fuad Babayevin əmlakları bundan ibarətdir. Biz bu əmlakların sənədlərini məhkəməyə təqdim edirik ki, 11 milyon manatlıq mənimsəməkdə ittiham olunan şəxsin əmlakları bundan ibarətdir. Əgər belə böyük mənimsəmə də ittiham olunan şəxsin əmlakı daha çox olardı. Biz bu sənədlərin sübutlar siyahısına əlavə olunmasını təklif edirik". Digər təqsirləndirilən Rəşad Bədəlovun vəkili isə cinayət işinin əsassız olduğunu, cinayət işinə xitam verilməsini istəyib. İlqar Mustafayev deyib ki, 18 aydır təzyiqlər altındadır: "Hesablama Palatası 2023-cü ilin dekabrında yoxlamaya başladı. 2024-cü ilin yanvarında yoxlama başa çatdı, mən vəzifəmdən azad olundum. 8 aya yaxın Nazirlər Kabineti yoxlama aparıldı. Avqust ayında məni dəvət etdilər. Orada 4 nəfər var idi. Bunların arasında Vergilər, Bulvar İdarəsinin yeni rəisi var idi. Mənə dedilər ki, 5 milyon manat vəsait əldə etmisiniz, onu verməlisən. Mən də dedim ki, bunu sözlər demək olmaz bunu təsdiqləyən akt hanı? Dedilər ki, ya dediyinizi etməlisən, ya da sənədləri prokurorluğa göndərəcəyik. Elə də etdilər, avqust ayında işimi prokurorluğa göndərdilər. Mən dövlətə, dövlətçiliyə sadiq olmuşam. Məhkəmənin ədalətinə inanıram. Ədalət bərpa olunacaq". Məhkəmə müdafiəçilərin vəsatətlərini təmin etməyib. Dövlət ittihamçısınin işin məhkəmə baxışına verilməsi barədə təklifini qəbul edib. İş məhkəmə baxışına verilib. Məhkəmə baxışı iyulun 28-ə təyin olunub. Qeyd edək ki, “Dənizkənarı Bulvar İdarəsi” Publik Hüquqi Şəxsin fəaliyyətinin yoxlanılması ilə bağlı Azərbaycan Respublikasının Hesablama Palatasından daxil olmuş materiallar əsasında Baş prokuror yanında Korrupsiyaya qarşı Mübarizə Baş İdarəsində araşdırma aparılıb. İbtidai istintaqla İlqar Mustafayevin “Dənizkənarı Bulvar İdarəsi” Publik Hüquqi Şəxsin İdarə Heyətinin sədri vəzifəsində işlədiyi dövrdə köməkçisi Rəşad Bədəlov, “GİRASOL” MMC-nin direktoru Fuad Babayev və qeyriləri ilə cinayət əlaqəsinə girib rəsmi sənədlərə bilə-bilə yalan məlumatlar daxil etməklə qurumun ərazisində yerləşən qeyri-yaşayış sahələrinin icarəyə verilməsi, ərazidə kommersiya obyektlərinin fəaliyyətinin təşkil edilməsi, gəmi gəzintiləri və digər bu kimi fəaliyyət sahələrindən əldə edilmiş ümumilikdə 12 milyon manatdan artıq pul vəsaitini vəzifə səlahiyyətlərindən sui-istifadə etməklə mənimsəmələrinə əsaslı şübhələr müəyyən edilib. Bundan başqa İlqar Mustafayevin 1 milyon 800 min manatdan artıq məbləğdə vergiləri dövlət büdcəsinə ödəməkdən yayınmasına və cinayət yolu ilə əldə edilmiş pul vəsaitinin 10 milyon manatdan artıq hissəsini özü və qohumlarının adına əqdlər bağlamaq yolu ilə müvafiq əmlaklar alaraq leqallaşdırmasına əsaslı şübhələr müəyyən olunub. Toplanmış sübutlar əsasında İlqar Mustafayevə Cinayət Məcəlləsinin 179.4 (xüsusilə külli miqdarda törədilməklə mənimsəmə), 193-1.3.2 (xeyli miqdarda törədilməklə cinayət yolu ilə əldə edilmiş əmlakı leqallaşdırma), 213.3 (xüsusilə külli miqdarda vergiləri ödəməkdən yayınma), 308.2 (ağır nəticələrə səbəb olmaqla vəzifə səlahiyyətlərindən sui-istifadə etmə) və 313-cü (vəzifə saxtakarlığı), Fuad Babayev və Rəşad Bədəlova isə həmin Məcəllənin 179.4, 308.2 və 313-cü maddələri ilə ittiham elan edilib. İllqar Mustafayev barəsində istintaq orqanının vəsatəti, ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmə qərarı ilə həbs, digərləri barəsində isə istintaq orqanının qərarı ilə polisin nəzarəti altına vermə növündə qətimkan tədbiri seçilib. İş üzrə müəyyən edilmiş maddi ziyanın ödənilməsini təmin etmək məqsədilə ümumilikdə 11 milyon manatdan artıq dəyərdə əmlak üzərinə həbs qoyulub.

Biz Ermənistanın Cənubi Qafqazda sabitliyi təmin etmək səylərini, xüsusən də Azərbaycanla sülh danışıqlarında iştirakını və Türkiyə ilə münasibətlərin normallaşması istiqamətində atdığı addımları yüksək qiymətləndiririk. Sozcu.az xəbər verir ki, bunu Avropa İttifaqı Şurasının prezidenti Antonio Kosta deyib. Onun sözlərinə görə, Avropa İttifaqı Ermənistanla daha dərin və geniş tərəfdaşlıq və İrəvanla münasibətləri inkişaf etdirməyə çalışır. Antonio Kosta Brüsseldə Ermənistanın baş naziri Nikol Paşinyan və Avropa Komissiyasının sədri Ursula fon der Leyenlə görüşündə deyib: "Brüssel Ermənistanla daha dərin və geniş tərəfdaşlıq üzərində işləyir və Avropa İttifaqının İrəvanla münasibətləri inkişaf etdirmək istədiyini vurğulayır. Ümid edirəm ki, bu görüş işimizi irəli aparacaq", - Kosta qeyd edib. O, həmçinin Aİ-nin ali nümayəndəsi Kaja Kallasın 29-30 iyun tarixlərində Ermənistana səfərinə toxunaraq, bunun Aİ-Ermənistan münasibətlərində aydın irəliləyiş olduğunu vurğulayıb. "Bu görüş həm də bizə sülh və digər hadisələr haqqında danışmaq imkanı verəcək", - Kosta bildirib.

Ukrayna prezidenti Vladimir Zelenski baş nazirin birinci müavini, iqtisadiyyat naziri Yuliya Sviridenkoya hökumətin başına keçmək təklifi edib. Sozcu.az xəbər verir ki, bu barədə dövlət başçısı Telegram-da bildirib. "Biz həmçinin Ukraynanın iqtisadi potensialını gücləndirə, ukraynalılara dəstək proqramlarını genişləndirə və öz silah istehsalımızı artıra biləcək konkret tədbirləri müzakirə etdik. Bu məqsədlə biz Ukraynada icra hakimiyyəti sisteminin transformasiyasına başlayırıq. Mən Yuliya Sviridenkonun Ukrayna hökumətinə başçılıq etməsini və onun işini əhəmiyyətli dərəcədə yeniləməyi təklif etmişəm", - Zelenski vurğulayıb. Prezident yaxın vaxtlarda yeni hökumətin fəaliyyət proqramının təqdim olunmasını gözləyir.

AB Ermənistanla Azərbaycan arasında sülh müqaviləsinin tezliklə imzalanağına ümid edir. Sozcu.az xəbər verir ki, bunu Avropa Komissiyasının Prezidenti Ursula von der Leyen Ermənistanın Baş naziri Nikol Paşinyan və Avropa Birliyi Şurasının Prezidenti Antonio Koşta ilə görüşündə bildirib. Leyen AB-nin Ermənistanla əlaqələrinin həmişəkindən daha yaxın olduğunu vurğulayıb. O, Ermənistanın Avropanın gələcəyində rol oynaya biləcəyini qeyd edib.

Mən Zelenskinin xarici siyasət üzrə müşaviri olsaydım ona bir riskli siyasi addım təklif edərdim. Trampın son günlərdə ritorikasında dəyişikliklər müsbət siyasi impuls hesab etmək, amma bu əsla o demək deyil ki, oturub Trampın yuxudan yaxşı əhvalda oyanmasını gözləmək lazımdır.  Trampa təsir məsələsində bəlkə də indiki məqam qədər daha əlverişli məqam olmayıb. Məsələ Trampın xarici siyasəti deyil, daxili siyasətidir. MAGA ciddi problemlər yaşayır və problemlər ümumi olaraq Trampa səs verənlər arasında yox, onun öz nüvə elektoratının daxilində baş verir. Daxili intriqalar xarici təsir üçün ən münbit şəraitdir. Daxili siyasi gündəm baxımından Trampın ətrafında "neokonların"(Qrem, Rubio, Kelloq və s) mövqeləri güclənir(fikir verin ki, Ukrayna keysində Uitkoffun rolu azalıb, Kit Kelloq önə çəkilir) və bu prosesi izləmək yox, iştirak etmək lazımdır. "Neokonlara" dəstək vermək, onlara "stavka" etmək lazımdır. Zelenskiyə məsləhət görmək lazımdır ki, ictimai çıxışlarında onların mətbuat orqanlarına(New York Post və s) istinadları çoxaltsın, açıq təşəkkür etməkdən çəkinməsin. Digər məsələ isə, Zelenski öz çıxışlarında dindar ritorikaya daha çox müraciət etməlidir, bu, elə həmin "neokonlar"a da elektoratları qarşısında Zelenskinin müsbət imicinin formalaşdırılmasına kömək edəcək. ABŞ daxili siyasətinə qarışmaq və təsir etməyə çalışmaq olduqca riskli addımdır, misal üçün respublikaçılar indiyənə qədər seçkilər kampaniyası zamanı Zelenskinin Pensilvaniya ştatına("bənövşəyi" ştat) səfərini bağışlaya bilmirlər, amma Ukraynanın dip. korpusu riskli addımlar atmağa məcburdur, ona görə ki, izolyasionistlərin güclənməsi və Trampa təsirlərinin çoxalması təqdirdə ABŞ-ın Ukraynaya dəstəyi 0-a qədər enəcək. Zelenskiyə daha bir kiçik məsləhətim odur ki, Kit Kelloqun qızı, keçmiş dəniz piyadası, Ukraynanın açıq dəstəkçisi Megan Mobbsla da gözəl təntənəli bir görüş təşkil etmək yaxşı olardı. Kamran Cəfəov, politoloq

Azərbaycan Jurnalistlər Birliyinin və Yazıçılar Birliyinin üzvü, Prezident təqaüdçüsü, iki çağırış parlament seçkilərinə namizəd, ixtisasca müəllim və şair – Səxavət Süleymanov (Səxavət Kəlbəcərli) tərəfindən ölkə başçısına açıq müraciət Cənab Prezident! Kəlbəcər rayonunun yenidən qurulan Zar kəndində aparılan tikinti işləri ilə bağlı dərin narahatlığımı bildirmək istəyirəm. Minlərlə insanın ümid yeri olan bu kənddə dövlət tərəfindən böyük məbləğdə vəsait xərclənsə də, ən vacib məsələ – insan sağlamlığı və tibbi təminat demək olar ki, nəzərə alınmır. Bu qədər iri tikinti aparılan ərazidə nə təcili yardım maşını var, nə tibbi məntəqə, nə də adi ilk yardım vasitələri mövcuddur. İşçilər arasında əl-qolu kəsilən, başı yarılan şəxslər olur. Lakin qanı dayandırmaq üçün parça yandırılıb hisi ilə bağlamaq kimi ibtidai üsullara əl atılır. Bu nə dövrə, nə də dövlətimizin humanist siyasətinə yaraşan bir mənzərədir. Bu vəziyyətə Anar Məmmədov adlı şəxs cavabdehdir. O, Zar kəndinə ayrılmış milyonlarla vəsaitə nəzarət etməlidir. Amma bu vəsaitlərin taleyini şirkətin rəhbəri kimi Laçın rayonundan olan Əbülfət adlı bir şəxsin öhdəsinə buraxıb. Həmin şəxsin nə ixtisası, nə tikinti təcrübəsi, nə də insan həyatı və təhlükəsizliyi ilə bağlı məsuliyyət hissi görünür. Nəticədə dövlət vəsaiti gözdən itir, insan həyatı təhlükə qarşısında qalır. Bu hal vəzifədən sui-istifadə və nəzarətsizlik nümunəsidir. Hörmətli Prezidentimiz, xahiş edirəm bu məsələni şəxsi nəzarətinizə götürəsiniz. Əgər vaxtında müdaxilə olunmasa, bu cür məsuliyyətsizliklər həm dövlətimizin nüfuzuna, həm də vətəndaşların həyatına ciddi zərbə vuracaq. Sizdən xahiş edirəm ki, bu məsələ ilə bağlı hüquqi qiymət verilməsi təmin olunsun, məsul şəxslər cavabdehlik daşısınlar. Hörmətlə, Səxavət Süleymanov (Səxavət Kəlbəcərli) Azərbaycan Jurnalistlər Birliyinin və Yazıçılar Birliyinin üzvü, Prezident təqaüdçüsü Qarşı tərəfin də mövqeyini işıqlandırmağa hazırıq