“Ağsu Siti” dən möhtəşəm gün: Yeni müqavilə, uğurlu layihə… – FOTOLAR

“Ağsu Siti” futbol klubu U-10, U11, 1-12 inkişafı üçün iki tanınmış katoqoriyalı mütəxəsislər,  Elfariz İsayev və Sönməz Quliyevlə müqavilə imzalayıb.

“Ağsu Siti” nin baş məşqçisi Samir İsayevin Sozcu.az -a verdiyi məlumata görə, tanınmış katoqoruyalı məşqçilər, Elfariz İsayev və Sönməz Quliyevlə “Ağsu Siti” arasında müqavilə imzalanıb. Müqavilənin məqsədi Ağsu rayonunda azyaşlı uşaqların futbolun inkişafına nail olmaqdır.

Samir İsayev qeyd edib ki, Elfariz İsayev və Sönməz Quliyev 6 ildir ki, Ağsu FK-da fəaliyyət göstəriblər. Fəaliyyətləri dövründə kifayət qədər gənc futbolçu yetişdirib, onların ölkənin tanınmış klublarında oynamalarına dəstək olmuşlar.

Elfariz İsayev və Sönməz Quliyevlə imzalanan müqavilə Ağsu futboluna ciddi töhvələr verəcəyini deyən Samir İsayev qeyd edib ki, bu gün “Ağsu Siti” futbol klubu özünün növbəti layihəsi olan “Sağlam gənclik” layihəsinin davamı olaraq, Aslan Nadirov adına Ağsu şəhər 1 saylı məktəb-liseyin və Ağsu şəhər Soltan Umbayev adına 2 saylı tam orta məktəbin şagirdləri ilə görüşmüş, onlara komandanın idman geyimlərini hədiyyə ediblər.

Facebook Comments