Paşinyan İsrail yardımından imtina etdi və bu dövlətə böhtanlar yağdırdı…

İsraillilərin yalnız 25 faizi Azərbaycana silah satılmasına mənfi münasibət bildirib…

İşğalçı və terrorçu Ermənistanın baş naziri Nikol Paşinyan İsrailin Qarabağdakı silahlı qarşıdurmada Azərbaycana dəstək olaraq Türkiyə ilə, “terrorçular və Suriyalı muzdlularla birləşdiyini” bildirib.

Moderator.az İsrail mediasına istinadla xəbər verir ki, təcavüzkar ölkənin üzdəniraq lideri bu barədə “The Jerusalem Post” qəzetinə müsahibəsində danışıb.

Paşinyan həyasızcasına deyir ki, Azərbaycan “Dağlıq Qarabağda ermənilərə qarşı soyqırım həyata keçirmək” niyyətindədir.

İsrailin bu münaqişədəki rolundan danışan Paşinyan vurğulayıb: “İsrailin PUA-ları müharibədə aktiv şəkildə istifadə olunur”.

“Düşünürəm ki, İsrail aşağıdakıları düşünməlidir: muzdlular, islami terrorçular və İsrail hazırda eyni tərəfdədirlər. Buna görə İsrail düşünməlidir: bu onun üçün həqiqətən əlverişli bir vəziyyətdirmi?” – deyə qəsbkar ölkənin başını itirmiş hökumət başçısı böhtan dolu fikirlərini ifadə edib.

İsrailin Ermənistana humanitar yardım təklifi ilə bağlı suala isə Paşinyan son dərəcə sərt reaksiya verib: “Mülki insanları vurmaq üçün istifadə etdikləri silahları muzdlulara satan bir ölkədən humanitar yardım? Mən İsrailin həmin yardımı bu fəaliyyətin məntiqi davamı olaraq muzdlulara və terrorçulara göndərməsini təklif edirəm”…

İsrailin NEWSru.co.il portalı bu günlərdə Qarabağda – Ermənistan-Azərbaycan savaşı zonasında vəziyyətin gərginləşməsi barədə fikirlərini bildirmələri üçün oxucular arasında bir sorğu keçirdiyini də xatırladıb. Materialda “İsrailin Azərbaycana silah tədarük etməsinə münasibətiniz necədir?” sualına cavablar təhlil edilib. Sorğuda iştirak edən yəhudilərin 41% -i bu barədə bitərəf, 29% -i müsbət, yalnız 25% -i mənfi münasibət ifadə edib.

Facebook Comments