Daş olan qəlblər, kor olan gözlər, lal olan dillər, kar olan qulaqlar

Vurğun Bəyalıyev

İnsanların yaşayış tərzi çox dəyişib. Bir zamanlar insanların qəlbi bugünkündən fərqli olaraq çox yumşaq, mərhəmətli və təmiz idi. Vətəndə, eldə – obada çətinlik olanda hamı bu çətinliyə görə narahat olar və əlindən gələni edərdilər .bugün isə nə baş verirsə versin, insanlar buna biganə qalırlar. Bax bu üzdən də qəlblərin daş olduğunu qeyd etdim. Çox əvvəllər vətənimizdə bir hadisə, narahatçılıq baş verərkən, bunu hərkəs görərdi, narahat olardı. Bugün isə bunu görürük, sanki gözlərimiz kor olub, görməzdən gəlirik. “Kor olan gözlər” cümləsi də bunu ifadə edir. Yaşadığımız bu vətəndə kiçik bir hadisə olanda hərkəs bunu eşidərdi, hadisədən hali olardı VƏ həmən hadisə nə olursa olsun, hərkəs bir ailə kimi narahat olardı. indi isə nə olursa olsun, kar olan insan kimi eşitməzdən gəlirik, baş verənlərdən heçdə narahat olmuruq.

Gəldik “lal olan dillərə”. haqqımız – hüququmuz tapdalanır, danışmırıq. Vətənimizin bir hissəsini işğal etmiş düşmənlərimiz bizim olan torpaqlarımızda kef edirlər, vətənimizin bir parçası olan torpaqlarımızda öz bildiklərini edirlər, danışmırıq. Düşmənlərimiz tərəfindən vətənimizin keşiyini çəkən, bizi qoruyan övladlarımız şəhid edilir, danışmırıq. Sanki lal olmuşuq, dilimiz açılmır. Ancaq lal deyilik, özümüzü lal yerinə qoymuşuq. Mən düşünürəm ki, biz haqqımızı desək də, bir gün bu dünyadan köçüb gedəcəyik, deməsək də. Ancaq susub lal kimi ölməkdənsə, danışıb insan kimi ölmək daha gözəl olar. Hər kəs bunu anlamalıdır ki, bu dünyada müvəqqətiyi, odur ki, hərşeyi görüb -eşidib susmamalıyıq. Allahın bizə verdiyi ürəyin çırpıntısına görə danışmalıyıq, lal olmadığımız halda lal kimi görsənməməliyik. Biz doğuşdan lal deyiliksə, kar deyiliksə, kor deyiliksə, elədə görsənməliyik. Vətən, torpaq, millət, dövlət, qeyrət bunlar şərəfli sözlərdir. Bu şərəfli sözləri ürək istər, dillər söylər, qulaqlar eşidər və gözlər görər. Odur ki, Allahın bizə bəxş etdiyi bu vücudda olan adını sadaladığım orqanlarımızı dəyərləndirək. Dəyərləndirmək deyərkən nəzərdə tutduğum budur: Kor olmayaq, kar olmayaq, lal olmayaq. məncə doğrusu da budur, insanlıq halı da budur, Uca Allah da bunu dəyərləndirir.

Facebook Comments