Sulduzda toy mərasiminə qatılan 13 nəfər koronavirusa yoluxub

Güney Azərbaycanın Qərbi Azərbaycan əyalətinin Sulduz (Nəğədə) şəhərində toy mərasiminə qatılan 13 nəfər koronavirusa yoluxub.

Bu barədə, Qərbi Azərbaycanın səhiyyə xidmətinin rəhbəri və Urmiya Tibb Universitetinin rəisi Cavad Ağazadə öz İnstagram səhifəsində məlumat verib.

Qərbi Azərbaycanda koronavirusa yoluxanların və bu xəstəlikdən ölənlərin sayı sürətlə artmaqdadır.

Əyalətdə ötən 24 saatda 259 yeni koronavirusa yoluxma faktı qeydə alınıb. Qərbi Azərbaycanda koronavirus xəstəliyinə yoluxanların ümumi sayı 8 min 222 nəfərə, infeksiyadan ölənlərin sayı isə 270 nəfərə çatıb.

Facebook Comments