“İnsanlar komputerini harasına taxıb işlətsin ki, sayğacı az yazsın?!” – İqtisadçıdan deputata CAVAB

İqtisadçı Natiq Cəfərli Milli Məclisin deputatı Aydın Hüseynova cavab verib.

 

Sozcu.az-ın xəbərinə görə, N.Cəfərli deyib ki, A.Hüseynov savadsız açıqlama verib.

“Aydın müəllim, Siz elə bilirsiz ki, dükan-bazarlara daşınan ərzağın maya dəyərinə benzinin, dizelin təsiri yoxdur? Bu qədərini də bilmirsiz?! Aqrar sektorda isə yanacaq xərcləri maya dəyərinin 30-40%-ni təşkil edir – əgər benzinin, dizelin qiyməti düşsə aqrar sektorun xərcləri azalacaq, bu isə qiymətlərin ucuzlaşmasına səbəb olacaq. Evdə qalan, evdən işləyən insan daha çox elektrik işlədir, öz kompyuterini harasına taxıb işlətsin ki, sayğacı az yazsın?! Bu qədər də insanların hissi ilə oynamaq olmaz axı… Təbii qaz isti havalarda o zaman az işələdilir ki, evdə hamı işdə-gücdə olur, gündə 1 dəfə yemək bişir, indi gündə 3 dəfə yemək bişirmək, tez-tez isti su ilə yuyunmaq lazımdı. Yoxsa siz dietadasız, ya ayda bir dəfə çimir, 3 gündə bir əlinizi yuyursuz?! Nə deyim daha beləsinə, guya, öz aləmində bizə – iqtisadçılara cavab verib…” – N.Cəfərli bildirib.

Qeyd: A.Hüseynov mətbuata açıqlamasında deyib: “Koronavirus infeksiyasının yayıldığı bu günlərdə bəzi ekspertlər təbii qazın, benzinin qiymətlərinin aşağı salınmasını təklif edir. Lakin əksər ekspertlər hesab edir ki, havaların isinməsi ilə qaz sərfiyyatı azalır və tarifin aşağı salınması əhalinin büdcəsinə böyük təsir göstərməyəcək. Bundan başqa, xüsusi karantin rejimi dövründə bəzi işlərin evdən görüldüyü, əksər insanların evdə olduğu nəzərə alınsa, ölkədə benzin sərfiyyatının da kəskin azaldığı müşahidə olunar. Benzinin tarifində də hər hansı endirim tətbiq olunması əhalinin xərclərinə təsir etməyəcək. Yəni koronavirus infeksiyasının yayıldığı bir vaxtda bu məsələlərin iqtisadi əsası yoxdur”.pravda.az

Facebook Comments