“Mübariz Mənsimovun həbsi Türkiyə-Azərbaycan qardaşlığına zərər vuracaq” -Elşən Əlisoy

“Diktatura rejimlərinin ən çox qorxduğu təbəqə milli düşüncəli iş adamlarıdır. Mlli burjuaziyanın formalaşması monopolistlərin ən ciddi düşmənidir. Azərbaycanlı iş adamı Mübariz Mənsimovun göz altına alınması Əliyev rejimi ilə Ərdoğan rejiminin işbirliyinin nəticəsidir. Uzun zamandır Mübariz bəyin Azərbaycanda olan bəzu korrupsioner qruplarla, əsasən SOCAR-ın başında duran talançılarla ciddi problemləri olduğunu bilirik. Türkiyə hakimiyyətinin Azərbaycan xalqının etibarsız müttəfiqi olduğunu bildiyimiz üçün çoxumuz Mübariz Mənsimovun həbs ediləcəyini gözləyirdik”

Bunu Azərbaycanlı iş adamı Mübariz Mənsimovun Türkiyədə göz altına alınmasına münasibət bildirərkən, Sozcu.az saytının rəhbəri Elşən Əlisoy deyib:

“Mən 100 faiz əminəm ki, Mübariz Mənsimovun saxlanılması bir başa Azərbaycan hakimiyyətinin sifarişidir. Türkiyə bizim qardaşımızdır, Türkiyə xalqı dərk etməlidir ki, Azərbaycan-Türkiyə qardaşlığı İlham Əiyev-Ərdoğan münasibətlərinin girovuna çevrilməklə çox ciddi zərər görür. Qardaşlığımız 1993-ci ildə Heydər Əliyev və Süleyman Dəmirəlin cılız münasibətləri zamanı tarixə necə qara ləkə ilə yazıldısa, bu gün də qan qardaşlığımız İlham-Ərdoğan şəxsi, iqtisadi, maddi münasibətlər səviyyəsinə düşməklə Türk tarixinə qara hərflərlə həkk ediləcək”.

“Qardaşlığımıza ləkə salmayaq” -deyən Elşən Əlisoy, Türkiyə və Azərbaycan xalqını Mübariz Mənsimovun müdafiəsinə səsləyib:

“Bizim qardaş itirən vaxtımız deyil. Ümid edirəm ki, Azərbaycan və Türkiyə xalqı Türk Dünyasının dəyərli Oğlu Mübariz Mənsimovun həbsinə imkan verməyəcək.
Minlərlə soydaşımızın ümid qapısı olan Mübariz Mənsimovun həbsi şəxsən mənim üçün 1993-cü ildə Türkiyənin Kəlbəcər sakinlərini mühasirədən çıxartmaq üçün Azərbaycana vermədiyi helekopter qədər önəmli məsələdir. Qardaşlığımıza bu dəfə də ləkə salınmasına imkan verməyək

Mübariz Mənsimova azadlıq!!!”

Facebook Comments