“Ərdoğanın gobud siyasi üslubuna görə, Türkiyə təklənir” – Eldar Sabiroğlu

“NATO TÜRKİYƏYƏ DƏSTƏKDƏN İMTİNA ETDİ”

“Bu dəfə ki, NATO sammiti Türkiyə üçün arzuolunan nəticəni vermədi. Müttəfiq ölkələr Suriyanın şimalında, Türkiyənin qapısının ağzında yerləşdirilən YPK kürd silahlı qüvvələrinə qarşı birgə hərbi əməliyyatlar təklifindən imtina etmişlər. Bu haqda məlumat şəxsən Türkiyənin müdafiə naziri Hulisi Akarın özü tərəfindən yayılmışdır. Akar yalnız buraxıldıqlarını acı təəssüflə bildirir.

Məyusedici xəbərdir. Bəli, olduqca məyusedicidir!!! Gəlin bütün günahları NATO-nun belinə yükləməyək. Ərdoğanla bağlı yazılarımda onu müdafiə edəcək çıxışlarım az olmayıb. Buna görə sərt tənqidi qeydlərin sancmalarına çəkilmişəm də. Növbəti kərə palçığa bulaşmaq fikrim yoxdur”.

Sozcu.az xəbər verir ki, bunu Müdafiə Nazirliyinin mətbuat xidmətinin sabiq rəisi Eldar Sabiroğlu deyib. Eldar Sabiroğlu baş verənləri Ərdoğanın kobud siyasi üslubu və Türkiyənin Rusiya ilə yaxınlaşmasının səbəb olduğunu qeyd edib:

“Münasibətlərin gərgin həddə çatmasında son illər Türkiyə cümhurbaşqanı Ərdoğanın NATO üzv ölkələri və demək olar ki, bütünlüklə Avropa ilə kobud siyasi üsluba, ölkəsinin təhlükəsizliyi üçün perspektiv hədəflərdən onu uzaqlaşdırıb Rusiyaya yaxınlaşdırmaq təşəbbüsünə imza atması siyasi tarixi ənənələrə uyğun gəlməyən yeni və təhlükəli vəziyyətləri yaradıb. Türkiyə getdikcə təklənir. Ona da inanmıram ki, günün birində Rusiya Türkiyəni satmasın…

Məntiq deyir ki, NATO bu imtina ilə terrorçu qüvvələrə bundan sonra da dəstəyini əsirgəməyəcəyini ortaya qoydu.Türkiyənin qərb ölkələrilə əlaqələrdə heç bir cümhurbaşqanın Ərdoğan sayaq rəftarını xatırlamıram. Əlbəttə, burada Türkiyəyə qarşı bir sıra aparıcı ölkələrin ədalətsiz mövqeyini də istisna etmirəm. Dövlət rəhbərinin digər dövlət rəhbərini publika önündə aşağılayıcı sözlərlə təhqir etməsi tamamilə yolverilməzdir. Türkiyənin təklənməsində bu faktor da öz əhəmiyyətli təsirini göstərmişdir”

Facebook Comments