“Polisləri pulunu almaqda ittiham edən aksiya iştirakçısının iddiaları böhtan xarakterlidir” -DİN RƏSMİSİ

Milli Şuranın 19 oktyabrda keçirdiyi mitinqdə saxlanılan, Saatlının Dəllər kənd sakini Münasib Əmiraslanov Meydan tv-yə açıqlama verərək bildirib ki, oktyabrın 19-da günorta saat 14.30 radələrində həmkəndlisi Əzizağa Cahangirovla “Nizami” metrosundan “Qış parkı” istiqamətində hərəkət edərkən polis işçiləri onları saxlayıb. Onu və həmkəndlisini maşından düşürərək döyə-döyə avtobusa mindiriblər və Nəsimi Rayon Polis İdarəsinə aparıblar. Sakin deyir, o və həmkəndlisi kənddən Bakıya mitinqə görə yox, Dəmiryol vağzalına biletlə bağlı maraqlanmağa gəlibmiş.

Münasib Əmiraslanovun sözlərinə görə, polis idarəsində hamı kimi onun da ciblərini axtarıblar, sənədləri ilə bərabər ciblərindəki şəxsi əşyalarını, pullarını götürüblər. Sakinin sözlərinə görə, idarəyə gətirilən vətəndaşları gecə saatlarında avtobuslara dolduraraq naməlum istiqamətlərə aparıb, çöllük bir əraziyə buraxıblar.

Örüş yerlərinin məmurlar tərəfindən zəbt edildiyini deyən Saatlı sakini, dolanışıq üçün Rusiyaya getmək istədiyini deyərək, polislərin ona mane olduğunu qeyd edib.

Məsələ ilə bağlı Sozcu.az saytına açıqlama verən Daxili İşlər Nazirliyinin mətbuat xidmətinin rəis müavini, polkovnik-leytenant Orxan Mansurzadə deyilənləri şər və cəfəngiyat adlandırıb:

Saatlının Dəllər kənd sakini Münasib Əmiraslanovun açıqlaması böhtan və şantaj xarakterilidir. Əslində bu adam 19 yanvarda keçirilən qanunsuz aksiyanın iştirakçısıdır. Qanunsuz aksiya zamanı Münasib Əmraslanov ərazidə əsayişi bərpa edən polislər tərəfindən saxlanılaraq, Nəsimi Rayon Polis idarəsinə aparılıb və orda müfaviq qaydada sənədləşdirildikdən sonra, xəbərdarlıq edilərək sərbəs buraxılıb. Onun güya polis bölməsində pulunun alınması cəfəngiyatdır və yenə təkrar edirəm, şantaj xarakterlidir.

DİN rəsmisi Münasib Əmraslanov haqqında araşdırma aparıldığını da qeyd edib:

Qanunsuz aksiyda saxlanılan Münasib Əmraslanovun dedyi:”Torpaqlarımızda əkin işləri apara bilmirik, örüş sahələrimiz məmurlar tərəfindən “işğal olunub”, özləri üçün taxıl əkiblər, dolanışıq yoxdur, məcburuq ki, gedək Rusiyada işləyək” – kimi sözlərin özü belə doğru deyil. Mənim əlimdə sənədlər var. Bunlar həqiqətə uyğun sözlər deyil. Araşdırma zamanı məlum Bu adam özü şikayətçi olduğu adamın torpağınız zəbt edib. Buna baxmayaraq, bu adam hələ də əsassız şikayətlər etməkdə davam edir.

Elvin Turan

Facebook Comments