“Bu tör-töküntülərin nazıyla çox oynadıq, sonra baş ağrısına çevriləcəklər” – Polkovnik

“Son vaxtlar diqqətimizi cəlb edən məqamlardan biri separatçıların Qarabağ ətrafında müzakirələrdə akitvləşməsidir. 44 günlük savaşdan sonra görünməyən Ermənistan siyasi rəhbərliyi yavaş-yavaş bu və ya digər şəkildə özlərini biruzə verirlər. Şahmat dili ilə desək, Ermənistan çoxgedişli hərəkətlər edir və Brüsseldə görüşlər keçirir, Moskvaya çağrılır, sonra başqa bəyanatlar verir”.

Sozcu.az xəbər verir ki, bu sözləri Sitat.info-ya açıqlamasında hərbi ekspert Üzeyir Cəfərov deyib.

Onun sözlərinə görə, indi də status məsələsi gündəmə gəlir: “Azərbaycan prezidenti status məsələsi bağlı heç bir müzakirə aparılmayacağını demişdi. Amma bu mövzu yenə də Ermənistan və ona havadarlıq edən Rusiya, eləcə də digər maraqlı qüvvələr tərəfindən gündəmə gətirlir. Əlbəttə ki, bu bizi narahat etməlidir. Bu söhbətin kökü kəsilməlidir. Azərbaycan müharibənin qalibi kimi şərt qoymalıdır ki, əgər Ermənistan və ona bitişik olan tör-töküntülər, separatçılar bir daha dillərinə “status” sözünü gətirəcəklərsə, Azərbaycan bütün danışıqlardan çıxır və məsələni 44 günə necə həll etmişdisə, o güc müstəvisində həll etməyə qərar verir. Bunun üçün də bizə qısa bir müddət bizə bəs edəcək”.

Ü.Cəfərov vurğuladı ki, biz diplomatiya xatirinə yumşaq mövqe sərgilədikcə, ermənilərin də ayağı yer alır, separatçılar da əski parçası altında müxtəlif hoqqalardan çıxırlar: “Bu çox təhlükəlidir. Ola bilsin ki, kiməsə problemli görünmür. Amma bu problem bizim üçün dərinləşəcək və sonra çox çətin olacaq. Hesab edirəm ki, Azərbaycan siyasi- hərbi rəhbərliyi sərt addımlar atmalıdır. Bir neçə gündən sonra Silahlı Qüvvələr Günüdür. Yəqin ki, ölkə başçısı işğaldan azad olunmuş ərazilərlə, ordu ilə bağlı müəyyən fikirlərini səsləndirəcək. Bu çıxışlar arasında mən çox istərdim ki, Ermənistana, ona havadarlıq edənlərə öz konkret mesajını versinlər”.

Polkovnik onu da qeyd etdi ki, biz uzun müddət gözləyə bilmərik, bu bizim özümüzə problemə çevriləcək: “Biz məsələnin sona çatdırılması üçün yenə şəhidlər verəcəyik, itkilərimiz olacaq, yaralılarımız olacaq. Bunları yaşamamaq üçün indidən konkret istiqamət göstərmək lazımdır. Məşhur filmdə deyildiyi kimi, bunların nazıyla çox oynadıq, bunlar artıq dirçəlirlər. Bu isə Azərbaycan üçün çox böyük baş ağrısına çevrilə bilər”.

Facebook Comments