Rusiya 50 il öncə istehsalı dayandırılan tankların ümidinə qalıb…

Rusiya Ukraynaya Çexoslovakiyada “Dunay” əməliyyatında və Yaxın Şəqdə “Qiyamət günü” müharibəsində istifadə edilən tanklar göndərir.

Rusiya Ukraynada itirdiyi hərbi texnikanın yerini doldurmaq üçün ötən əsrin 50-60-cı illərində buraxılan tankları üzə çıxarmağa məcbur olub.

Sozcu.az xəbər verir ki, bu barədə Ukrayna KİV- ləri Ukrayna DİN rəhbərinin müşaviri Anton Geraşşenkoya istinadən məlumat yayıb.

O, məlumat verib ki, T- 62 tanklarının bütöv bir tərkibi Melitopol vağzalına gətirilib.

Müşavir qeyd edib ki, təxminən yarım əsr bundan öncə istehsalı dayandırılan bu maşınların nəinki döyüş imkanları, həm də işlək qabiliyyəti böyük sual altındadır.

Bu tanklar nə müasir hədəflərə, nə atəşin idarə edilməsi sistemlərinə, hətta minimal aktiv müdafiəyə belə malik deyil, ona görə də müasir tankəleyhinə silahlar üçün son dərəcə həssasdır.

T- 62 tankları SSRİ- də 1975- ci ildən istehsal edilməyib, Rusiyada isə qoşunlardan tamamilə çıxarılıb və 2011- ci ilədək utilə edilib.

Buna qədər bu maşınlar bir çox beynəlxalq münaqişələrdə, o cümlədən Sovet İttifaqı tərəfindən “Dunay” əməliyyatında (1968- ci ildə Çexoslovakiyaya hərbi müdaxilə zamanı) və Misir ilə Suriyanın 1973- cü ildə “Qiyamət günü” müharibəsində tətbiq edilib.

Hələ may ayının əvvəlində məlum olub ki, Rusiya müasir silahlarını itirdiyindən köhnə silahlarını modernləşdirməyə məcburdur.

Bu arada isə Qərbdə Ukraynaya ərazilərinə iddia edən Rusiyaya güzəştə getmək, beləliklə də Rusiya prezidentinin “simasını saxlamaq və müharibəyə dərhal son qoymaq” barədə mülahizələr yürüdülür.

Məsələn, ABŞ siyasətinin patriarxı 91 yaşlı Henri Kissincer Davos iqtisadi forumunda Ukrayna ərazilərini Rusiya Federasiyasına güzəştə getməyə çağırış edib.

Ukrayna prezidenti Vladimir Zelenski ona kəskin cavab verərək, yəhudi köklərini xatırladıb.

Facebook Comments