3 aylıq körpə ölümdən döndü

Bakıda 3 aylıq körpə ölümdən xilas edilib.

Klinik Tibbi Mərkəzdən (KTM) Modern.az-a verilən məlumata görə, 2 saylı Uşaq Klinik Xəstəxanasına olduqca ağır vəziyyətdə gətirilən 18 fevral 2022-ci il təvəllüdlü körpəyə ikitərəfli bronxopnevmoniya, ikitərəfli atalektaz, sağ tərəfə ağciyərin dislokasiyası diaqnozu qoyulub.

Eyni zamanda, qıcolma sindromundan əziyyət çəkən körpə xəstəxananın Reanimasiya şöbəsinə yerləşdirilib və ciddi nəzarətə alınıb.

Həyat əlamətləri yetərincə aşağı olan körpə may ayının 9-da süni tənəffüs aparatına bağlanıb və 6-7 gün boyunca zondla qidalandırılıb.

Ümidlərini itirməyən həkimlərin davamlı və düzgün müalicəsi nəticəsində ötən gün körpə həyata qaytarılıb.

Hazırda körpənin vəziyyəti tam stabildir və reanimasiyadan çıxarılaraq müalicəsinin davam etdirilməsi üçün xəstəxananın Patologiya şöbəsinə köçürülüb.

Qeyd edək ki, körpənin bütün müayinə və müalicə xərcləri icbari tibbi sığorta tərəfindən qarşılanıb.

Facebook Comments